Morgunblaðið - 06.07.2003, Blaðsíða 10
10 B SUNNUDAGUR 6. JÚLÍ 2003 MORGUNBLAÐIÐ
ferðalög
Skurn af brandandareggi við munnann á hreið-
urholu undir rekaviðarstafla.
Þórshanahreiður á
Melrakkasléttu.
FUGLALÍF á Íslandi þykir að
vísu fremur tegundasnautt, en
samt eru allnokkrar sannkallaðar
paradísir fuglaskoðara hér á landi.
Nægir að nefna Mývatn og Breiða-
fjarðareyjar. Tvímælalaust má
bæta Melrakkasléttu í þennan eð-
alhóp og svo mikið er víst að það
þarf að sjá fuglamergðina til að
trúa staðhæfingunni, því Slétta er
jú norður í ballarhafi eins og vel
mætti orða það.
En sannleikurinn er sá að þarna
verpir eða dvelur í lengri eða
skemmri tíma ótrúlegur fjöldi
fugla, m.a. nokkrir af allra sjald-
gæfustu varpfuglum landsins;
þórshani, brandönd, fjöruspói og
e.t.v. sjálf snæuglan.
Algengar tegundir
Erlingur Thoroddsen, hótel-
stjóri á Hótel Norðurljósum á
Raufarhöfn, segir Melrakkaslétt-
una einstakt fuglasvæði og aug-
ljóst að þrátt fyrir norðlæga legu
og á stundum óblítt veðurfar þá
búi svæðið fiðruðum íbúum sínum
hið besta viðurværi. Það færist
mjög í aukana, að sögn Erlings, að
erlendir fuglaskoðarar komi gagn-
gert og gisti hjá honum, jafnvel
vikum saman. T.d. var einn velsk-
ur í vor og sumarbyrjun sem sat
vikum saman yfir sendlingum og
skráði allar hreyfingar þess ágæta
og vel þekkta varpfugls.
Þegar farið er með ströndinni
vekur mesta athygli gríðarlegt
kríuger og segja Sléttungar að
þeir gangi stundum blóðugir á
hausnum eftir kríuna. Æðarvarp
er þarna auk þess nánast óslitið.
Mófuglar og spörfuglar af algeng-
ustu tegundum eru og þarna í
stórum stíl, auk sendlinga, stelkar,
heiðlóur, sandlóur, spóar, hrossa-
gaukar, auk þess sem tildrur og
rauðbrystingar fara um í risa-
flokkum vor og haust. Stundum er
eins og þangið sé á iði. Þjóðveg-
urinn liggur þarna nærri sjó og
svo mikið er fuglagerið að aka
verður varlega til þess að bæði
ungar og fleygir fullorðnir fuglar
verði ekki fyrir bílunum.
Inni í heiðinni er annað uppi á
teningnum. Þar eru víðfeðm heiða-
lönd og fjöldi vatna sem gætu ekki
síður tekið vel á móti stangaveiði-
mönnum en fuglaskoðurum, enda
mörg hver full af silungi. Kjóar,
rjúpur, svartbakar og grágæsir
eru þarna einkennisfuglar auk
venjulegra mófugla á borð við
heiðlóu og sendling. Víða á vötnum
eru einnig himbrimar og hávellur,
svo eitthvað sé nefnt.
Sjaldgæfa herdeildin
Óvíða á Íslandi er möguleiki að
sjá jafn margar tegundir af sjald-
gæfustu varpfuglum Íslands og á
Sléttu og er umhugsunarefni hvers
vegna það er. Enginn veit hvort
snæuglan verpir enn á Íslandi, en
á hverju sumri eru snæuglur á
Sléttu, þær sjást bæði inni í heiði
og við sjóinn, en hreiður hafa ekki
fundist. Hins vegar verpa þarna
brandönd, fjöruspói og þórshani.
Skammt undan, í Kelduhverfi og
upp undir Kópasker, eru síðan þau
svæði þar sem ýmsir telja að
keldusvínið verpi, sé það enn að
reyna varp á Íslandi á annað borð.
Fuglamergðin blasir við hvar-
vetna, en það þarf nokkurn kunn-
ugleika til að finna sjaldgæfustu
tegundirnar og hugsanlegt að hót-
elstjórinn á Norðurljósum geti
greitt þar úr, en hann er mikill
fuglaáhugamaður og náttúrubarn
sem vill allt fyrir ferðamenn á
Sléttu gera.
Á Melrakkasléttu er að finna paradís fuglaskoðara
Sjaldgæfir varpfuglar
meðal margra íbúa
Þórshanar á Melrakksléttu. Einn sjaldgæfasti varpfugl Íslands.
Fuglalíf á Íslandi þykir að vísu fremur tegundasnautt, en samt eru allnokkrar sann-
kallaðar paradísir fuglaskoðara hér á landi. Ein þeirra er Melrakkaslétta. Þarf að sjá
fuglamergðina til að trúa staðhæfingunni, því Slétta er jú norður í ballarhafi.
Morgunblaðið/Golli
NEMENDUR grunnskólans á Þórs-
höfn merktu í vor gönguleiðina milli
Skála og Hrollaugsstaða á Langa-
nesi. Hrollaugsstaðir standa undir
samnefndu fjalli sem aftur stendur
fast við Heiðarfjall. Gönguleiðin er
tæpir 10 kílómetrar.
Best er að hefja gönguna frá Skál-
um eða Skoruvík að sögn Sigfúsar
Ólafssonar ferðamálafulltrúa Þistil-
fjarðar og Langaness. „Þá er gengið
með norðanátt í bakið ef þannig viðr-
ar eða þá mót hlýrri sunnanáttinni.“
Á Skálum var mikil útgerð á önd-
verðri tuttugustu öld og íbúar voru
um 120 þegar best lét. Í dag má sjá
menjar byggðarlagsins við Skála, að
sögn Tryggva.
„Frá Skálum að gamla grafreitn-
um við Skálabjarg er um hálftíma
ganga. Þar á leiðinni má sjá nokkur
brot af gömlu íshúsunum þaðan sem
Langnesingar seldu Færeyingum ís.“
Stiklað yfir stysta fljótið
Á leiðinni er stiklað yfir Bjargá
sem er stysta á landsins. Fljótið er
innan við 10 metra langt og þar tekur
við 50 metra fall fram af klettunum.
Suðvestan af Bjargánni tekur Skála-
bjarg við sem er hæsta bjargið á
Langanesi.
Af Skálabjargi sést vel yfir Bakka-
flóann, segir Tryggvi og þegar vel
viðrar alla leið í Smjörfjöll og Dyr-
fjöll.
Á miðri leiðinni er komið að
Kumblavík. Þaðan liggur leiðin um
grasi gróið sléttlendi undir vinalegum
brekkunum yfir í Hrollaugstaði þar
sem útsýni er yfir Eiðisvík og að
Langanesfjöllum.
Vegur liggur niður að Hrollaugs-
stöðum, að sögn Tryggva og í sumar
hafa unglingar úr Svalbarðshreppi
varðað leiðina upp á Óttarshnjúk á
Öxarfjarðarheiði. „Fjallið er 457
metra hátt og stendur vestur af Við-
arvatni. Ekið er í átt að fjallinu af
veginum yfir Öxarfjarðarheiði og síð-
asti spölurinn genginn. Það er um
klukkustundar ganga á topp fjallsins.
Útsýni er fagurt af Óttarshnjúk yfir
Öxarfjarðarheiði, Melrakkasléttu,
Þistilfjörð og í góðu skyggni sést út í
Grímsey.“
Nýjar gönguleiðir á Langanesi og í Þistilfirði
# $
$ #### Grunnskólanemar hafa nýlega lokið við að merkja gönguleiðir á Langanesi.
Bílaleigubílar
Sumarhús
í Danmörku
og Mið-Evrópu
Ódýrari bílaleigubílar fyrir
Íslendinga.
Bílar frá dkr. 1.975 á viku.
Innifalið í verði:
Ótakmarkaður akstur, allar
tryggingar. (Afgrgjöld á
flugvöllum.)
Aðrir litlir og stórir bílar, 6-7
manna, minibus og rútur.
Sumarhús og íbúðir.
Norðurlönd og Mið-Evrópa.
Hótel. Heimagisting. Bændagisting.
Heimasíðan www.fylkir.is
með fjölbreyttar upplýsingar.
Nýjustu verðlistarnir komnir.
Hringið og fáið sendan.
Dancenter, Lalandia,
Novasol/Dansommer.
Fylkir Ágústsson,
Fylkir — Bílaleiga ehf.,
ferðaskrifstofan
sími 456 3745.
Netfang fylkirag@fylkir.is
Heimasíða www.fylkir.is
Sund - Golf - Sumartónleikar - Byggðasafn - Sjóferðir - Kajak - Einstakt umhverfi
Velkomin í Stykkishólm!
Fjölskyldan saman
í fallegum bæ!