Morgunblaðið - 07.07.2003, Blaðsíða 22
22 MÁNUDAGUR 7. JÚLÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
NÚ HEFUR Berlusconi hinn ítalski
rutt sér leið til öndvegis hjá Evrópu-
sambandinu. Margir hafa lýst yfir
óánægju sinni með það að slíkur
maður skuli geta orðið forsvarsmað-
ur sambandsins, en þeir hinir sömu
átta sig greinilega ekki á því að Berl-
usconi er einmitt rétta andlitið fyrir
Evrópusambandið. Það voru auð-
hringar Vestur-Evrópu sem samein-
uðust um Rómarsáttmálann á sínum
tíma og þá sagði Walter Hallstein,
einn af helstu arkitektunum að þeim
gjörningi: „EBE á að þjóna sem
grundvöllur fyrir evrópskan iðnað og
sem æfingavöllur fyrir alþjóðlegan
samkeppnismátt hans.“ Rómar-
samningurinn veitti sem sagt auð-
hringum Evrópu frjálsar hendur
innan EBE. Þeir voru jafnframt
varðir gegn ytri auðvaldsöflum með
háum tollamúrum. Evrópusamband-
ið var byggt upp af þeim stóru, fyrir
þá stóru, og það hefur ekkert breyst
enn í dag hvað það varðar. Því er
Berlusconi á allan hátt hinn sannasti
fulltrúi fyrir það sem Evrópusam-
bandið í raun stendur fyrir. Sam-
bandið er og hefur frá upphafi verið
heimsvaldasinnað fyrirbæri og það
verður aldrei að neinu lifandi gang-
verki fyrir almenning. Það er ein-
faldlega ekki til þess hannað. Eig-
endur Evrópusambandsins eru
skuggaherrar og tjaldabaka-tau-
hálsar álfunnar, auðfjölskyldurnar
sem ná því ekki einu sinni að vera
0,01 prómill af heildaríbúatölu
hverrar þjóðar í Múraveldinu mikla.
Hjarta Evrópusambandsins mun
því aldrei slá í þágu fjöldans, sama
hvaða blekkingar eru hafðar uppi,
ekki síst nú um stundir, hvað snertir
lýðræði og frelsi. Sambandið mun
aldrei koma til með að styðja neitt
sem gengur í berhögg við hagsmuni
hinna ráðandi auðhringa. Það skiptir
því engu máli hversu fagurlega talað
verður til fjöldans af hálfu þeirra
sem fengnir eru til þess hverju sinni
að skapa rétt og slétt andlit fyrir
sambandið út á við.
Berlusconarnir ráða alls staðar á
bak við tjöldin og kannski má segja
að sá ítalski sé skömminni skárri en
hinir, að því leyti að hann hefur þó
kastað grímunni. Hann þykist ekki
lengur þurfa að fara í felur með sjálf-
an sig og sín umsvif, þar sem hann er
nánast orðinn eigandi að öllu í
heimalandi sínu og friðhelgur mað-
ur, ofar lögum og rétti, í þokkabót.
Forsætisráðherratignin er þó líklega
ein af minnstu fjöðrunum í valda-
hatti hans, en þó sennilega nauðsyn-
leg til að komast í sæti eins og það
sem hann hefur nú öðlast hjá Evr-
ópusambandinu. En af hverju skyldi
ýmsum Evrópusambandssinnum
vera órótt út af því að Berlusconi
verði nú um tíma opinber Ágústus í
Brussell, þegar á það er litið að menn
af hans tagi hafa ráðið Rómarsam-
bandinu frá fyrstu tíð? Það var sem
fyrr segir myndað af þeim, fyrir þá
og þeirra hagsmuni. Jú, svarið liggur
í augum uppi. Viðkomandi mönnum
er órótt af því að Berlusconi brýtur
viðteknar reglur. Samkvæmt for-
skriftinni á maður með raunveruleg
völd ekki að vera í sviðsljósinu sem
forustumaður í ESB. Slíkur maður á
að vera að tjaldabaki, eins og hinir
skuggaherrarnir, og toga þar í leik-
brúðu-strengina. Evrópusambands-
sinnar sumir hverjir óttast að fram-
ganga Berlusconis, sem er
nokkurskonar gangandi auðhringur,
geti skemmt fyrir stöðugum áróðri
þeirra fyrir því að láta Evrópusam-
bandið líta út sem almenningsvænt
fyrirtæki. En sú staðreynd, að Berl-
usconi kemur fram með þessum
hætti, þrátt fyrir andúð margra inn-
an ESB, sýnir ef til vill betur en flest
annað, hvað þetta auðvaldssamband
er í raun galopið fyrir hverjum þeim
manni sem hefur næga peninga til að
kaupa sér völd og áhrif.
Þegar stór-Göbbelsar fara að
valsa um í Brussell-kastalanum
verður vafalaust minna svigrúm fyr-
ir huggulega hjólreiðamenn þar. En
hinn nýi talsmaður Evrópusam-
bandsins er samt holdgervingur alls
þess sem sambandið táknar í raun og
veru. Það skulu menn hafa hugfast.
Við getum séð á þessu dæmi við
hverju má búast í framtíðinni. Hinn
ókunni afburðamaður, sem kemur til
með að verða samviskulausasti
stjórnandi sem heimurinn hefur
þekkt, bíður ef til vill nú þegar við
dyrnar og samanborið við þann vald-
hafa getur Berlusconi ekki talist stór
bógur. Í þeim samanburði hefur
hann sennilega litlu meiri vigt en
samlandi hans einn, maður að nafni
Romano Prodi.
RÚNAR KRISTJÁNSSON,
Bogabraut 21, Skagaströnd.
Forustumaður
við hæfi ESB
Frá Rúnari Kristjánssyni:
Bogense nuddkrem
þegar þú vilt
líkamann stinnari
og grennri
20%
afsláttur í næsta apóteki
Veglegur kaupauki Laugavegi 63 • sími 5512040
Vönduðu silkiblómin
fást í
Útitré - útiker