Morgunblaðið - 07.07.2003, Blaðsíða 23

FRÉTTIR
MORGUNBLAÐIÐ MÁNUDAGUR 7. JÚLÍ 2003 23
RAÐAUGLÝSINGAR
TIL SÖLU
Ljósritunarvélar
Til sölu notaðar og yfirfarnar ljósritunarvélar
af ýmsum stærðum.
Kjaran-tæknibúnaður,
Síðumúla 12,
sími 510 5520.
BÁTAR SKIP
Gullborg SH-338 (0490)
Til sölu er ofangreint neta- og línuveiðiskip.
Skipið er 94 brl., 103 brt. Mesta lengd 25,4 m.
Aðalvél er M.W.M. sem er 390 hestöfl.
Selst án aflahlutdeilda — tilboð óskast.
Óskum eftir öllum gerðum skipa með kvóta
á söluskrá. Skipasala sem þú getur treyst fyrir
þínum hagsmunum — bindum ekki seljendur
okkar með einkasöluumboðum.
Skipamiðlunin Bátar og kvóti,
http://www.skipasala.com,
sími 568 3330, fax 568 3331.
ATVINNU-
AUGLÝSINGAR
I
I
Ritari
Ritari óskast í hálft starf. Starfið felst í móttöku,
símsvörun, bókhaldsfærslum (HANSA-kerfið),
reikningsgerð, innheimtu o.fl. Þekking og
hæfni nauðsynleg á framangreindum sviðum.
Meðmæli óskast. Framtíðarvinna.
Umsóknareyðublöð afhent á staðnum. Upplýs-
ingar ekki gefnar í síma.
Síðumúla 1,
Reykjavík.
SLÁTURFÉLAG Suðurlands afhenti á laugardag
Styrktarfélagi krabbameinssjúka barna styrk að
upphæð rúmlega 1,6 milljónir króna. Slát-
urfélagið hefur áður stutt við bakið á félaginu en
Styrktarfélag krabbameinssjúkra barna styður
börn að 18 ára aldri sem greinast með krabba-
mein og aðstandendur þeirra en árlega greinast
10–12 börn á landinu öllu með krabbamein.
Í tilefni af veitingu styrksins bauð SS börnum
og fjölskyldum sem tengjast styrktarfélaginu til
grillhátíðar sem haldin var við Ylströndina í
Nauthólsvík.
Styrkurinn er afrakstur söfnunar sem staðið
hefur undanfarna þrjá mánuði en Sláturfélagið
lét 10 krónur af hverjum vínarpylsupakka í
styrktarsjóðinn. Alls seldust yfir 160.000 pakkar
og styrksupphæðin í samræmi við það.
Á grillhátíðinni kenndi margra grasa og komu
meðal annars fram töframaðurinn Jón Víðir og
Selma Björnsdóttir tók nokkur lög auk þess að
börnin fengu óvæntan glaðning. Að sjálfsögðu
voru grillaðar pylsur.
Morgunblaðið/Golli
Það var Páll Lýðsson, stjórnarformaður Sláturfélags Suðurlands, sem afhenti Rósu Guðbjartsdóttur,
framkvæmdastjóra Styrktarfélags krabbameinssjúkra barna, styrkinn. Til hægri við þau stendur
Hallgrímur Hólmsteinsson, markaðs- og sölustjóri SS. Athöfnin fór fram í Nauthólsvík.
SS styður
krabba-
meinssjúk
börn
NÝ útgáfa af ÍST 30-staðlinum tek-
ur gildi 1. september nk. Þetta er
jafnframt 5. útgáfa staðalsins. Í
fréttatilkynningu frá Byggingar-
staðlaráði segir að miklu skipti að
einhlítur skilningur ríki á samning-
um sem gerðir eru á milli verk-
kaupa og verktaka. Líta megi á
staðalinn ÍST 30 sem „verkfæri“ til
þess að tryggja sameiginlegan
skilning. Staðallinn ÍST 30 sé því
nauðsynlegur fyrir alla sem standa
að verklegum framkvæmdum. Fram
kemur að staðallinn var endurskoð-
aður til þess að auka enn frekar
notagildi hans fyrir hagsmunaaðila,
jafnt verkkaupa sem verktaka.
Staðallinn tekur gildi 1. septem-
ber. Hins vegar verður hann fáan-
legur frá 15. júlí. Staðallinn kom
fyrst út árið 1969, 2. útgáfa kom
1979, 3. útgáfa 1988 og síðast var
hann gefinn út 1997. Endurskoðun
staðalsins var unnin af vinnuhópi á
vegum Byggingarstaðlaráðs. Vinnu-
hópinn skipuðu: Jónas Frímanns-
son, formaður, Eyjólfur Bjarnason,
Guðmundur Pálmi Kristinsson,
Gunnar S. Björnsson, Jakob R.
Möller, Kristrún Heimisdóttir,
Rögnvaldur Gunnarsson og Stanley
Pálsson.
Ný útgáfa af
ÍST 30-staðli
Á ALÞJÓÐLEGRI ráðstefnu um
plasma rannsóknir „16th Internat-
ional Symposium on Plasma Chem-
istry“ fékk verkefnið um samspil ljós-
boga og rafskauts, alþjóðlega
viðurkenningu þegar greinin „A nov-
el approach to cathode/anode modell-
ing for high current AC-arcs“ var val-
in ein af bestu fræðigreinum
ráðstefnunnar.
Verkefnið sem er unnið við Verk-
fræðistofnun Háskóla Íslands, í sam-
starfi við háskólann í Þrándheimi,
fjallar um hlutlíkan af katóðu og
anóðuhluta háafls riðstraums ljós-
boga. Dr. Guðrún Sævarsdóttir, sem
er verkefnisstjóri, ritaði greinina í
samstarfi við Jon Arne Bakken pró-
fessor við NTNU og Magnús Þór
Jónsson prófessor við HÍ. Verkefnið
er styrkt af Rannís, Elkem og norsku
rannsóknastofnunum, FFF og NFR.
Það er kallað ljósbogi þegar raf-
straumur fer um loft, jónar það og
losar um leið mikla orku. Til dæmis
er slíkur ljósbogi aðalorkugjafi í ofn-
um Járnblendiverksmiðjunnar á
Grundartanga, en hitinn í slíkum ljós-
boga er um 20.000 gráður. Unnið hef-
ur verið að reiknilíkani fyrir rið-
straumsljósboga og jaðarskilyrðin
sem lýsa hegðun hans við skaut og
ofnsbotn hafa mikil áhrif á hegðun
hans. Hlutlíkanið er leið til að lýsa
þessum jaðarskilyrðum. Slík líkön
hafa áður verið þróuð fyrir lágs-
traumsljósboga, en þetta líkan gildir
fyrir ljósboga sem ber háan straum,
eða um 100kA, og sýna má fram á að
þá gilda aðrar nálganir.
Á ráðstefnunni kynntu um 680 al-
þjóðlegir sérfræðingar verkefni sín í
plasmafræðum. Þetta voru verkfræð-
ingar, efna- og eðlisfræðingar sem
komu frá háskólum, rannsóknar-
stofnunum og fyrirtækjum, ekki síst
orkuveitum, víðs vegar frá. Á ráð-
stefnunni voru síðan þrjú framúr-
skarandi verkefni valin sem bestu
rannsóknir sem kynntar voru á ráð-
stefnunni.
Íslenskar rannsóknir á ljósboga
fá alþjóðlega viðurkenningu
Í DRÖGUM að náttúruverndar-
áætlun, sem finna má á www.ust.is
og lögð verða fyrir Alþingi í haust,
eru tillögur um að friða eða vernda
alls 77 svæði á næstu árum. Um-
hverfisráðherra hefur ákveðið að
heimsækja sem flest svæði í áætl-
uninni.
Dagana 28. júní til 3. júlí var um-
hverfisráðherra, ásamt starfsmönn-
um, á ferð til þess að kynna sér
svæði á Norðurlandi, Austurlandi
og Suðurlandi. Alls voru skoðuð um
30 svæði í ferðinni sem ná frá Hörg-
árósum í norðri, suður í Meðalland
undir leiðsögn heimamanna.
Ítarleg ferðasaga og svæðislýs-
ingar úr ferð dagana 28. júní til 3.
júlí og
ferð um Reykjanes þann 11. júní
sl. eru í máli og myndum á vef ráð-
herra sem er aðgengilegur fyrir al-
menning á vefslóðinni www.siv.is.
Siv skoðar
verndar-
svæðin
LÝST er eftir vitnum að árekstri
sem varð sunnudaginn 6. júlí sl. við
Þverholt 30 í Reykjavík. Ekið var á
tvær bifreiðar þar sem þær stóðu í
bifreiðastæði og fór tjónvaldur af
vettvangi. Bifreiðarnar sem ekið var
á eru grá Mazda 6, árg. 2003 og grá
Audi A4. árg. 2003. Þeir sem upplýs-
ingar geta veitt um mál þetta eru
vinsamlega beðnir um að hafa sam-
band við lögregluna í Reykjavík í
síma 569 9014.
Lýst eftir
vitnum
ÍSLENSKIR viðskiptavinir DHL
geta nú reiknað með að sendingar
þeirra til Norður-, Suður- og Mið-
Ameríku komist enn fyrr til skila
en áður.
Í lok júní var undirritað sam-
komulag á milli DHL og Luft-
hansa Cargo, sem kveður á um að
vélar Lufthansa á leið frá Köln í
Þýskalandi til New York millilendi
á East Midlands-alþjóðaflugvellin-
um í grennd við Nottingham á
Englandi. Þar taka vélar Luft-
hansa við DHL-sendingum á leið
til Bandaríkjanna.
Lufthansa Cargo flýgur á milli
Köln og New York fimm sinnum í
viku. Áður en til samkomulagsins
kom flaug DHL á milli East Mid-
lands og New York þrisvar á dag
og nú verða ferðirnar því 26 tals-
ins.
Allar sendingar DHL til og frá
Íslandi fara til Edinborgar og það-
an í gegnum East Midlands með
leiguflugi Íslandsflugs. Þessi aukn-
ing í flugi á milli East Midlands og
New York þýðir því að sending-
artími á milli Íslands og Ameríku
styttist umtalsvert.
„Samstarf fyrirtækjanna á þess-
ari flugleið þýðir aukið hagræði
fyrir bæði Lufthansa Cargo og
DHL. Á sama tíma og DHL trygg-
ir sér pláss í vélum Lufthansa og
eykur við þjónustuna til sinna við-
skiptavina, eykur Lufthansa nýt-
ingu á plássi í sínum vélum sínum
og tryggir auknar tekjur af leið-
inni,“ segir í frétt frá DHL.
DHL fjölgar ferðum
til Bandaríkjanna
STJÓRN Einingar-Iðju hefur sent
frá sér ályktun þar sem mótmælt
er harðlega þeirri ákvörðun stjórn-
valda að fresta gerð Héðinsfjarð-
arganga til ársins 2006. Telur
stjórn félagsins að ákvörðunin
muni hafa verulega slæm áhrif á
þau byggðarlög sem hún bitnar
mest á.
„Gera verður þá kröfu til stjórn-
málamanna að þeir standi við orð
sín og byggi upp traust kjósenda
sinna, en valti ekki yfir þá eins og
gert er í þessu máli, en því miður
verður æ algengara að ekkert er að
marka málflutning stjórnmála-
manna. Engar breytingar hafa átt
sér stað í þjóðfélaginu sem ekki
voru auðséðar fyrir kosningar,“
segir í ályktun Einingar-Iðju og
einnig að stjórnin voni að þessi
ákvörðun sé ekki forsmekkurinn að
efndum stjórnarflokkanna í
byggðamálum.
Eining-Iðja um frestun Héðinsfjarðarganga
Mótmæla harðlega