Morgunblaðið - 07.07.2003, Blaðsíða 2

ÍÞRÓTTIR
2 B MÁNUDAGUR 7. JÚLÍ 2003 MORGUNBLAÐIÐ
ÍSLENSKA karlalandsliðið í golfi
tryggði sér þrettánda sætið á
Evrópumóti landsliða sem lauk í
Hollandi á laugardaginn. Íslenska
liðið vann þá Portúgal 3-2 í jöfnum
og spennandi leik þar sem nýliðinn
Heiðar Bragason tryggði sigurinn á
nítjándu holunni.
Örn Ævar Hjartarson og Magnús
Lárusson léku fjórmenninginn og
töpuðu 3/2. Fyrstur í tvímenningn-
um var Íslandsmeistarinn frá Ak-
ureyri, Sigurpáll Geir Sveinsson, og
hann vann mótherja sinn á síðustu
holu, 1/0, og jafnaði þar með leik-
inn.
Sigmundur Másson, annar nýliði
í liðinu, var næstur á dagskrá og
hann tapaði 3/2 þannig að Portúgal
var komið 2-1 yfir og tveir leikir í
gangi, báðir mjög jafnir.
Heiðar var næstur í röðinni og
þar á eftir kom Haraldur Heimis-
son. Haraldur vann sinn mótherja á
síðustu holu, 2/0, og því var allt
jafnt þegar Heiðar skellti sér á
nítjándu holuna. Taugarnar voru
ekkert að vefjast fyrir nýliðanum,
hann vann og tryggði sigurinn og
13. sætið.
„Við erum mjög sáttir við þetta
sæti, raunhæft markmið hjá okkur
fyrir mótið var næsta sæti fyrir of-
an, það tólfta. Það náðist ekki en
fyrir öllu var að komast í B-riðilinn
og sleppa þar með við að fara í und-
ankeppni fyrir næsta mót,“ sagði
Ragnar Ólafsson aðstoðarlandsliðs-
þjálfari í samtali við Morgunblaðið
eftir mótið. Hann sagðist sérstak-
lega ánægður með nýliðana þrjá,
þeir hefðu komið sterkir til leiks.
Spánverjar urðu Evrópu-
meistarar, lögðu Englendinga í úr-
slitum, og Svíar urðu í þriðja sæti.
Magnús Lárusson og Ragnar
héldu í gær til Tékklands þar sem
Magnús verður með unglingalands-
liðinu í Evrópumóti þess aldurs-
flokks þannig að það er nóg að gera
hjá þessum unga kylfingi.
Keppt var í sex flokkum á mótinuog sigraði Hafsteinn E. Haf-
steinsson úr Golfklúbbnum Mostra
úr Stykkishólmi í 2.
flokki karla, Axel
Þór Rúdólfsson úr
Golfklúbbi Reykja-
víkur í 3. flokki karla
og Gunnar Ásbjörn Bjarnason úr
Golfklúbbi Bakkakots varð hlut-
skarpastur í 4. flokki karla. Í 2.
flokki kvenna varð Helga Möller,
Nesklúbbnum, á besta skorinu. Mót-
ið hófst á miðvikudaginn og var blíð-
skaparveður að mestu á meðan mót-
ið stóð yfir og voru keppendur
tæplega 190 að tölu, flestir í 1. flokki
karla.
Golfklúbburinn Leynir stóð að
framkvæmd mótsins ásamt Golf-
sambandi Íslands og í lokahófi
keppninnar á laugardagskvöld var
það mál manna að „gamla“ flokka-
skipta Landsmótið væri komið til að
vera á ný og áhugi kylfinga á mótinu
bæri vott um að mótið myndi aðeins
vaxa á næstu misserum.
Þórdís Geirsdóttir hafði nokkra
yfirburði í 1. flokki kvenna en hún
sagði að þrátt fyrir það hefði hún
reynt að leika eins vel og hún gæti.
„Þess er ekki langt að bíða að það
komi kylfingar með lága forgjöf í
okkar hóp á næstu árum og þá mun
samkeppnin aukast. Ég hef leikið á
öllum þremur mótunum til þessa,
enda fékk ég keppnisrétt fyrir
þremur árum er ég varð 35 ára.
Stemningin er einstök á þessu móti,
við vorum níu saman í hópi á gisti-
heimili hér á Akranesi meðan á
mótinu stóð, aðrir voru í tjaldvögn-
um, fellihýsum og tjöldum við golf-
völlinn og það var því allt önnur
stemning á þessu móti en t.d. á Ís-
landsmótinu í höggleik þar sem
menn fara „heim að horfa á sjón-
varpið“ að loknum keppnisdegi. Á
þessu móti setjast menn niður og
ræða málin, og þá eingöngu um golf,
að ég held,“ sagði Þórdís.
Þórdís er ekki sátt
við landsliðsmálin
Staffan Johansson, landsliðsþjálf-
ari Íslands í golfi, hefur ekki séð
ástæðu til þess að velja Þórdísi í
landsliðið þrátt fyrir að hún hafi
sigrað á einu móti á Toyota-móta-
röðinni og sé í öðru sæti á stigalist-
anum að loknum þremur mótum.
„Það er mat Staffans að ég sé of
gömul fyrir landsliðið en ég er ekki
sammála því. Hann hefur ákveðnar
skoðanir á því hvernig standa eigi að
vali í landsliðið. Það verður ekki sent
landslið kvenna á Evrópumót lands-
liða þar sem Staffan telur að ekki
séu til nógu sterkir einstaklingar hér
á landi fyrir það mót, ég er ekki sam-
mála því. Það er gott að byggja upp
sterkara landslið en það er samt
dapurt að geta ekki sent lið út að
þessu sinni,“ sagði Þórdís.
Beið spenntur eftir
keppnisréttinum
Ólafur Hreinn Jóhannesson er
fæddur árið 1968 og því gjaldgengur
í fyrsta sinn á Landsmót 35 ára og
eldri. Sagði golfkennarinn af Set-
bergsvellinum að hann hefði í raun
beðið eftir því að komast á þetta
mót. „Ég stefndi að því að sigra og
ég er mjög ánægður með titilinn,“
sagði Ólafur sem hóf að leika golf hjá
GR árið 1980 og lék þá í þrjú ár en
síðan tók við hvíld í einn áratug. „Ég
byrjaði að leika á ný árið 1993 en þá
hafði ég verið að leika knattspyrnu
með Fylki og Haukum. Núna er ég á
kafi í golfinu sem kennari og hef
ekki getað leikið mikið golf sjálfur
en ég ætla að vera með á Íslands-
mótinu í höggleik í Vestmannaeyjum
og sjá hvar maður stendur,“ sagði
Ólafur sem telur sig vera með um 0,6
í forgjöf þessa stundina. „Það var
mikil barátta alla keppnisdagana og
menn máttu ekki gera mörg mistök
ef þeir ætluðu sér sigur, ætli ég hafi
ekki gert fæst mistökin að þessu
sinni.“
Það var mál manna á Lands-
mótinu að þetta mót ætti að vera úti
á landi þar sem keppendur dveldu á
keppnisstaðnum alla dagana. Þórdís
og Ólafur Hreinn voru einnig á þess-
ari skoðun og töldu að Hella, Ak-
ureyri, Vestmannaeyjar og fleiri
staðir væru ákjósanlegir fyrir þetta
mót.
Þórdís og
Ólafur léku
best allra
Morgunblaðið/Sigurður Elvar Þórólfsson
Þórdís Geirsdóttir, Keili, og Ólafur Hreinn Jóhannesson, úr Golfklúbbi Setbergs.
ÍSLANDSMÓTI kylfinga 35 ára og eldri lauk á Garðavelli á laugardag
þar sem Þórdís Geirsdóttir úr Golfklúbbnum Keili varði titil sinn en
hún hefur unnið mótið þau þrjú ár sem það hefur farið fram en í
karlaflokki var það Ólafur Hreinn Jóhannesson úr Golfklúbbi Set-
bergs sem stóð efstur á palli að loknum 54 holum. Þórdís lék á sam-
tals 10 höggum yfir pari, eða 226 höggum, en konurnar léku af
rauðum teigum, og Ólafur Hreinn lék á 7 höggum yfir pari, eða á
223 höggum, en leikið var af gulum teigum.
Eftir
Sigurð Elvar
Þórólfsson
ÁSDÍS Hjálmsdóttir, frjáls-
íþróttakona úr Ármanni, setti á
föstudaginn stúlknamet í spjótkasti
þegar hún kastaði spjótinu 49,46
metra á frjálsíþróttamóti í Gauta-
borg. Sigrún Fjeldsted úr FH átti
gamla metið sem var 49,31 og bætti
Ásdís því metið um fimmtán senti-
metra og sinn eigin árangur um
2,39 metra. Árangur hennar var
einnig yfir lágmarkinu sem þarf til
að komast á Evrópumót unglinga
19 ára og yngri sem fram fer í Tam-
pera í Finnlandi í lok mánaðarins.
Fyrr í sumar hafði Ásdís náð lág-
markinu fyrir það mót í kringlu-
kasti. Ásdís kastaði kringlu á
mótinu í gær 41,41 metra og varð í
fjórða sæti. Ásdís keppir því í
tveimur greinum á EM.
Ásdís Hjálmsdóttir bætti
stúlknametið í spjótkasti
Morgunblaðið/Brynjar Gauti
Ásdís Hjálmsdóttir
Í SUNNUDAGSÚTGÁFU enska
dagblaðsins The People er ítarleg
úttekt á Íslandsævintýri knatt-
spyrnukappans Lees Sharpes sem
lék með Grindavík í upphafi tíma-
bilsins. Í viðtalinu segir Sharpe með-
al annars að hann hafi misst áhug-
ann á knattspyrnu en það hafi hins
vegar ekki gerst í Grindavík heldur
á undanförnum árum. Hann segir að
hann sé hættur knattspyrnuiðkun og
ætli að snúa sér að öðru.
Þá er einnig fjallað um agabrotið
sem leikmenn Grindvíkinga voru
staðnir að snemma á leiktíðinni. Þar
tekur Gauti Dagbjartsson, einn af
þeim sem sáu um að fá Sharpe til
landsins, sökina á sig. „Hinir strák-
arnir í liðinu þekktu reglurnar en
Sharpe ekki. Því tek ég sökina á mig
að hafa ekki sagt Sharpe frá reglum
liðsins. Grindavík er lítill bær og þar
fréttist allt slíkt.“
Ingvar Guðjónsson, fram-
kvæmdastjóri Grindavíkurliðsins,
sagði í samtali við enska dagblaðið
að meiðsli aftan í læri hefðu valdið
því að Sharpe fór frá Grindavík en
ekki agabrot. „Sharpe stóð sig vel
áður en hann meiddist en það mun
taka meiðslin fjórar til sex vikur að
gróa og þá verður það orðið of seint
fyrir okkur.“ Í lok greinarinnar er
sagt að Sharpe vonist til þess að fá
hlutverk sem stjórnandi spjallþáttar
í sjónvarpi í heimalandi sínu.
Frá því að Sharpe hélt af landi
brott hefur Grindavík sigrað í þrem-
ur leikjum í röð, tveimur í deildinni
og einum í bikarkeppninni.
Lee Sharpe hefur misst
áhugann á knattspyrnu
ÞÓREY Edda Elísdóttir, stang-
arstökkvari úr FH, hafnaði í 5. sæti
er hún stökk 4,41 metra á al-
þjóðlegu móti í Grikklandi í gær.
Hún átti síðan þrjár misheppnaðar
tilraunir við nýtt Norðurlandamet,
4,52. Rússneskir stangarstökkvarar
hrepptu þrjú efstu sætin. Svetlana
Feofanova fór hæst er hún lyfti sér
yfir 4,62 m og nöfnunarnar Jelena
Beljakova og Jelena Isinbajeva
komu þar á eftir, stukku yfir 4,52.
Tékkinn Pavla Hamackova varð í
fjórða sæti með 4,52 m eins og rúss-
nesku nöfnurnar en notaði fleiri til-
raunir og hafnaði því í fjórða sæti.
Alls voru tíu keppendur í stang-
arstökkinu.
Þórey Edda keppir næst í Lap-
inlahti í Finnlandi næsta sunnudag
Þórey varð í
fimmta sæti
Þrettánda sætið
á EM í Hollandi