Morgunblaðið - 09.07.2003, Blaðsíða 19
SUÐURNES
MORGUNBLAÐIÐ MIÐVIKUDAGUR 9. JÚLÍ 2003 19
ÞRÁTT fyrir bræðralag og
náungakærleik sýndu menn enga
miskunn þegar Reykjanesbæjar-
liðin Keflavík og Njarðvík mættust
í fyrstu deildar leik í Keflavík á
sunnudaginn. Var stúkan í Kefla-
vík þéttsetin dyggum stuðnings-
mönnum beggja liða.
Eins og áður segir var sam-
keppnin hörð og tókust menn hart
á þrátt fyrir nágrannabrag og
kunningsskap og létu hvergi deig-
an síga. Þó fór að lokum svo að
Keflavík bar sigur úr býtum, 5:2,
enda eru þeir nú langefstir í deild-
inni með 21 stig.
Árni Sigfússon bæjarstjóri var
heiðursgestur kvöldsins og leist vel
á sína menn. „Ég fór af vellinum
með sjö mörk, þannig að ég full-
yrði að ég hafi verið ánægðastur
vallargesta. Þetta var mjög fjör-
ugur og skemmtilegur leikur.
Svona markaleikir eru auðvitað
sælgæti fyrir áhorfendur og besta
mál.“
Innanbæjar-
slagur í boltanum
Reykjanesbær
Ljósmynd/Hilmar Bragi
Árni Sigfússon heilsar leikmönnum Keflavíkur með virktum.
TILBOÐ í byggingalóðir í landi
Reykjanesbæjar voru opnuð hjá
Ríkiskaupum þann þriðja júlí síð-
astliðinn. Á svæðinu er áformað að
byggja alls 140 íbúðir og er því
skipt í þrjár spildur. Á fyrstu spild-
unni er gert ráð fyrir þrjátíu ein-
býlishúsalóðum og einni leikskóla-
lóð. Á þeirri næstu er gert ráð fyrir
tuttugu og fjórum einbýlishúsum,
sextíu og tveimur parhúsalóðum og
þrettán raðhúsalóðum, en á síðustu
spildunni er gert ráð fyrir útivistar-
svæði.
Ágreiningur um verð
Alls bárust þrjú tilboð í landið,
hæsta tilboðið kom frá Húsagerð-
inni ehf., SEES ehf. og Verkfræði-
stofu Suðurnesja ehf. að upphæð
samtals 150 milljónir króna. Að
sögn Guðmundar I. Guðmundsson-
ar hjá Ríkiskaupum var þar um
mjög viðunandi verð að ræða.
Árni Sigfússon, bæjarstjóri í
Reykjanesbæ, segir afhendingu
landsins langþráðan áfanga. Engu
að síður dregur hann verð landsins í
efa, þar sem hæsta boð hafi verið tí-
falt það sem almennt er talið virði
landsins. „Þar með er þegar kominn
verulegur kostnaður á hverja lóð
áður en hafist er handa. Ég mun
ekki mæla með að bærinn gangi inn
í slíkt boð og þar með þarf að semja
um alla þætti í frekari undirbúningi
svæðisins, sem gæti tafið uppbygg-
ingu þess verulega. Við höfum beðið
lengi eftir að þessu svæði yrði skil-
að og það er mikils virði fyrir bæinn
að fá þetta byggingarland. Ríkið
ákvað hins vegar að bjóða það
hæstbjóðanda og ef þessi tala
stenst er hér um gríðarlegan kostn-
aðarauka fyrir almenning að ræða.“
Landið hét áður Nikelssvæði, eft-
ir bandarískum herforingja, en í
nýju skipulagi er það nefnt Hlíða-
hverfi, þar sem til stendur að þar
rísi blómleg íbúðarbyggð. „Fyrir of-
an Reykjaneshöllina kemur síðan
útivistar- og íþróttasvæði og nær
byggðinni í Keflavík stendur til að
þétta íbúðarbyggð með 140 íbúð-
um.“
Tilboð í Hlíðahverfi
opnuð
Hæsta boð
samtals 150
milljónir
LITADÝRÐ og ferskleiki einkenndu
sumarhátíð sem Listaskóli barna í
Reykjanesbæ stóð fyrir síðasta
föstudag. Þar komu fram börn sem
höfðu sótt myndlistar- og leiklist-
arnámskeið í Listaskóla barnanna,
sem er nýbreytni í Reykjanesbæ í
sumar.
Fluttu börnin meðal annars þjóð-
sögur frá Reykjanesi, þar sem not-
ast var við grímur sem þau höfðu
búið til á myndlistarnámskeiðum hjá
Thelmu Björk Jóhannesdóttur.
Einnig sungu þau lög úr söngleikj-
unum Annie og Galdrakarlinum úr
Oz.
Listsköpunin opnar börn
Að sögn Jóns Marinós leikstjóra
gekk sýningin í alla staði „æðislega
vel“ og bæði börn og foreldrar voru
ánægð með frammistöðuna. „Þetta
starf er búið að vera meiri háttar,
það er lífið að vinna
svona skapandi
starf með börnum.
Mér finnst þetta
starf þess virði að
halda því áfram og
bærinn ætti að
virkja þetta til hins
ýtrasta. Hingað
koma feimin börn,
sem fara héðan op-
in og glöð, þetta er
hin besta meðferð.“
Jón Marinó segir
nýjan listaskóla
þegar hafinn og
honum ljúki 25. júlí
með annarri sýn-
ingu. „Allir eru vel-
komnir að kíkja á þá sýningu klukk-
an fjögur þann dag og kynna sér
starfið.“
Nemendur í Listaskóla barnanna settu upp leikrit
byggð á þjóðsögum frá Reykjanesi og sungu lög úr
söngleikjum við góðar undirtektir í Frumleikhúsinu.
Hátíð Listaskóla barna
Reykjanesbær
Morgunblaðið/Hilmar Bragi
FÉLAGI í gönguhópnum FERLIR
(Ferðahóp rannsóknardeildar lög-
reglunnar í Reykjavík) rakst á dög-
unum á forvitnilegar fornminjar á
göngu sinni um Fjárskjólshraun á
Suðurströnd Reykjaness, nálægt
fyrirhuguðu vegarstæði Suður-
strandarvegar. Við nánari athugun
reyndist þarna um að ræða fornar
hleðslur og helli, sem voru mjög gró-
in, en þó sást vel móta fyrir inngang-
inum. Nokkuð líklegt þykir að þarna
sé um að ræða fjárskjól það sem
hraunið dregur nafn sitt af.
Mikilvægt að gæta að minjum
Hellirinn sjálfur hefur hýst hátt í
hundrað fjár og eru fyrirhleðslur inni
í honum á þremur stöðum. Ljóst þyk-
ir að menn hafa ekki stigið fæti inn
fyrir hellismunnann í langan tíma,
sennilega einhver hundruð ára.
Ómar Smári Ármannsson, áhuga-
maður um útivist, segir fjárskjólið
sérstakt að því leyti að í fyrsta lagi sé
það mjög gamalt. „Í öðru lagi var
ekki vitað að þarna væri að finna fjár-
skjól. Síðast en ekki síst eru þarna
mjög íburðarmiklar hleðslur og
greinilega hlaðið skýli fyrir fólk til að
hafast við í. Venjulega er um að ræða
mjög einfalda fjárhella þar sem hlað-
ið er fyrir munna í hraunbólum, en
hér er meira lagt í hleðsluna. Þarna
var greinilegt að maður hafði ekki
stigið fæti í mjög langan tíma. Það er
rétt að geta þess að sú sem fyrst kom
auga á þetta fjárskjól var Sesselja
Guðmundsdóttir, sem er mikil
göngu- og útivistarkona og þátttak-
andi í gönguhópnum FERLIR.“
Suðurströndin hefur mikla
möguleika í ferðaþjónustu
Eitt af mikilvægum málefnum
verkfræðinga við hönnun vegarins og
mat á umhverfisáhrifum hans hefur
verið að sneiða hjá merkilegum nátt-
úru- og menningarminjum um leið og
gæði vegarins eru höfð að leiðarljósi.
Hafsteinn Helgason, verkefnisstjóri
við mat á umhverfisáhrifum Suður-
strandavegar, hjá Línuhönnun, segir
að miklir möguleikar felist í veginum
fyrir ferðaþjónustu vegna þeirrar
fallegu náttúru og áhugaverðu forn-
minja sem þar leynast víða. „Sam-
kvæmt samgönguáætlun til ársins
2014 má reikna með að ferðamönnum
fjölgi úr 300.000 á ári í u.þ.b. eina
milljón. Því er einnig spáð að allt að
80% þeirra eigi eftir að ferðast á eig-
in vegum, til dæmis með bílaleigubíl-
um. Það er deginum ljósara að Suð-
urstrandarvegurinn með allri sinni
nálægð við fyrirbrigði eins og Bláa
lónið og Hverasvæðið í Krísuvík, auk
þess að liggja meðfram mjög fjöl-
breytilegu og skemmtilegu landslagi,
mun toga sterkt í ferðamenn. Það má
í raun segja að Reykjanes sunnan-
vert sé mjög vannýtt auðlind í ferða-
þjónustulegu tilliti í dag. Ein ástæð-
an fyrir því að svo er, tel ég, að
aðgengi inn á svæðið er víða mjög
erfitt.
Fornleifafræðingur hefur marg-
sinnis farið um svæðið til að gæta
þess að við tökum fullt tillit til allra
minja, því þar er um að ræða mikil
verðmæti sem er afar mikilvægt að
raska ekki um leið og nauðsynlegt er
að hafa góðan aðgang að þeim fyrir
áhugafólk um menningartengda
ferðaþjónustu. En það er síðan hlut-
verk sveitarfélaganna á svæðinu að
skipuleggja þessi mál. Menningar-
tengd ferðaþjónusta er í örum vexti
og býður þetta svæði upp á mikla
möguleika á því sviði.“
Fornt fjárskjól og
hellir finnast nálægt
Suðurstrandarvegi
Í þessum hellisskúta var skjól fyrir um hundrað kindur fyrr á öldum. Vænt-
anlega ber Fjárskjólshraun nafn sitt eftir þessum vel varðveitta helli.
Suðurnes