Morgunblaðið - 10.07.2003, Blaðsíða 41

ÍÞRÓTTIR
MORGUNBLAÐIÐ FIMMTUDAGUR 10. JÚLÍ 2003 41
SAMKVÆMT heimildum Morgun-
blaðsins eru allar líkur á því að ís-
lenski landsliðsmaðurinn í körfu-
knattleik, Damon Johnson, leiki í
spænsku deildinni á næstu leiktíð.
Nokkur lið úr efstu deild þar í
landi hafa sett sig í samband við
leikmanninn og eru flest þeirra í
efstu deild en einnig hefur Aracena
sem Damon lék með í vor í 3.
deildinni gert honum tilboð en liðið
leikur í 2. deild á næstu leiktíð.
Damon lék um tveggja ára skeið á
Spáni með liðunum Los Barrios og
Badajoz Caja Rural en möguleikar
hans á að komast að hjá liðum í
efstu deild eru mun meiri í dag eftir
að hann fékk íslenskt ríkisfang.
Damon
Johnson til
Spánar á ný?
Morgunblaðið/Brynjar Gauti
Damon Johnson
BRYNJAR Björn Gunnarsson mun
æfa með Barnsley í dag en Guðjón
Þórðarson, knattspyrnustjóri liðs-
ins, hefur áhuga á að fá hann til liðs
við félagið eins og Brynjar staðfesti
í samtali við Morgunblaðið í fyrra-
dag.
Brynjar hefur verið hjá Stoke
City síðustu fjögur ár en samningur
hans við liðið rann út í lok síðasta
tímabils. Stoke hefur boðið Brynj-
ari nýjan samning en hann hefur
ekki ákveðið hvort hann leiki áfram
með félaginu eða gangi til liðs við
Barnsley sem einnig hefur borið ví-
urnar í hann. Brynjar gerði Stoke
gagntilboð sem hann segist ekki
hafa fengið svar við ennþá. Æfing-
ar hófust hjá Stoke í síðustu viku og
segist Tony Pulis, knattspyrnu-
stjóri félagsins, sakna Brynjars.
Brynjar æfir
með Barnsley
Morgunblaðið/Kristinn
Brynjar Björn Gunnarsson
AUSTURRÍSKIR fjölmiðlar
greindu frá því í vikunni að lands-
liðsmarkvörðurinn Árni Gautur
Arason væri í sigtinu hjá forráða-
mönnum austurríska úrvalsdeildar-
liðsins Sturm Graz og þá hefur
Morgunblaðið heimildir fyrir því að
skoska úrvalsdeildarliðið Hearts
hafi sýnt áhuga á að fá Árna Gaut
til liðs við sig. Árni Gautur ákvað
sem kunnugt er að hafna nýjum
samningi við norska meistaraliðið
Rosenborg í vor en samningur hans
við félagið rennur út um áramótin.
Í kjölfarið var Árni settur út í kuld-
ann og hefur mátt sætta sig við að
verma varamannabekkinn og fylgj-
ast með Espen Johnsen, landsliðs-
markverði Norðmanna, á milli
stanganna hjá Rosenborg.
Ekki þykir líklegt að Sturm Graz
eða Hearts séu tilbúin að greiða
upp samning Árna Gauts, en sú
upphæð yrði í kringum 55 milljónir
króna, heldur koma þau til með að
bíða til áramóta þegar samningur
hans rennur út.
Morgunblaðið/Kristinn
Árni Gautur Arason landsliðsmarkvörður er undir smásjá félaga í Skotlandi og Austurríki.
Sturm Graz og Hearts hafa
sýnt Árna Gauti áhuga
ÞREFALDIR meistarar sl. leiktíðar
í körfuknattleik karla, Keflvíkingar,
verða með í Evrópubikarkeppni sem
sett verður á laggirnar í haust þar
sem 64 lið verða með. Keflavík land-
aði sem kunnugt er Íslandsmeistara-
titlinum í vor en áður hafði liðið unn-
ið bikarkeppni KKÍ og einnig
fyrirtækjabikarkeppni KKÍ.
Sigurður Ingimundarson, þjálfari
Keflvíkinga, sagði í gær að verkefnið
væri spennandi fyrir Keflavík enda
langt um liðið frá því að íslenskt fé-
lagslið hefði tekið þátt á þessum
vettfangi. „Við lékum ásamt Njarð-
víkingum undir merkjum ÍBR árið
2000 en að þessu sinni er um að ræða
bikarkeppni á vegum FIBA þar sem
64 lið taka þátt en það verður dregið
í riðla 20. júlí nk. í München í Þýska-
landi og þá vitum við betur hver
staðan er,“ sagði Sigurður. Ekki er
vitað hvort Keflvíkingar þurfa að
fara í gegnum forkeppni áður en
kemur að riðlakeppninni en fjögur
lið verða í hverjum riðli og verður
leikin tvöföld umferð í riðlunum. „Ég
á von á því að við verðum í vesturriðli
en það þýðir að við fáum mótherja
frá Bretlandseyjum, Belgíu, Hol-
landi eða öðrum löndum frá þessum
svæðum. Það er góð lausn fyrir okk-
ur og því þurfum við ekki að fara
þvert yfir Evrópu í útileikina.“ Sig-
urður sagði ennfremur að liðið
myndi tefla fram einum bandarísk-
um leikmanni á næstu leiktíð en leit-
in að þeim leikmanni væri enn ekki á
enda. „Það er til nóg af leikmönnum
og ég hef engar áhyggjur af því að fá
ekki leikmann sem hentar okkur á
góðum kjörum.“
Keflavík tekur þátt í
bikarkeppni Evrópu
HOLLENSKI sóknarmaðurinn
Jimmy Floyd Hasselbaink er á leið í
burtu frá Chelsea samkvæmt fjöl-
miðlum á Englandi. Roman
Abramovich, eigandi Chelsea, vill
losna við Hasselbaink og er tilbúinn
til að borga Hollendingnum um 400
milljónir íslenskra króna ef hann yfir-
gefur félagið fyrir næsta tímabil.
Hasselbaink er 31 árs og er hæst
launaðasti leikmaður Chelsea. Hann
fær um 8,5 milljónir íslenskra króna á
viku en hann fékk launahækkun fyrir
þetta tímabil. Hann hefur verið í þrjú
ár hjá Chelsea en hann hafði það í
samningi sínum að launin hans
myndu hækka þegar hann hæfi þriðja
tímabilið hjá félaginu.
Eriksson fundaði
með Abramovich
Claudio Ranieri, knattspyrnustjóri
Chelsea, er uggandi um sinn hag hjá
liðinu eftir að ljósmyndir voru birtar
af fundi Abramovich og Sven-Göran
Eriksson, landsliðsþjálfara Englend-
inga, í dagblöðum í Englandi í gær.
Eriksson hefur hins vegar vísað á bug
orðrómi um að honum sé ætlað að
taka við hlutverki Ranieri hjá Chelsea
og segir fundinn ekki hafa snúist um
viðskipti.
Ranieri virðist ekki sömu skoðun-
ar, en knattspyrnustjórinn hefur lýst
yfir áhyggjum sínum vegna yfirtöku
Abramovic hjá félaginu. Hann segir í
samtali við Daily Mirror ekki hafa séð
ljósmyndirnar og viti ekki af hverju
þeir hittust, Abramovich og Eriksson.
„Hvað sem því líður þá líkar mér
ekki fréttin eða aðrar sem eru af sama
meiði. Slíkar fréttir gera stöðu mína
ótryggari en ella og það er ekki gott
fyrir félagið. Ég ætla að ræða við
Abramovich sem allra fyrst. Það eru
mörg mál sem þarf að koma á hreint,“
er haft eftir Ranieri.
Chelsea
vill losna
við Hassel-
baink

TVÆR breskar stúlkur eru nú til
reynslu hjá KR-ingum samkvæmt
fréttabréfi félagsins. Þetta eru
miðjumaðurinn Nina Wellsman og
varnarmaðurinn Amanda Smith en
báðar leika þær með Brentford, sem
vann sig upp í úrvalsdeildina í vor.

RAGNA Lóa Stefánsdóttir æfði
með KR í vikunni en hún er skráð í
Ipswich og getur því ekki leikið með
KR-ingum, alltént ekki um sinn.

WOLVES keypti í gær portú-
galska miðjumanninn Silas frá Uniao
Leiria fyrir um 180 milljónir ís-
lenskra króna. Silas er 25 ára gamall
og hefur leikið einn landsleik fyrir
Portúgal en hann er þriðji leikmað-
urinn sem Wolves kaupir í vikunni.

PETER Handyside, fyrrverandi
fyrirliði Stoke City, er kominn til
Barnsley og mun æfa með liðinu í von
um að fá samning en Handyside er
ekki samningsbundinn neinu liði.
„Ég þekki Peter vel og hann var fyr-
irliði hjá Stoke þegar við komumst
upp í 1. deild. Ég vildi gjarnan hafa
Peter sem leikmann hjá Barnsley en
við skulum bíða og sjá hvað gerist,“
sagði Guðjón Þórðarson, knatt-
spyrnustjóri Barnsley.

REAL Madrid hefur keypt varnar-
manninn Gabriel Milito frá Indep-
endiente. Milito er 22 ára gamall
Argentínumaður og kostar Madrid
um 260 milljónir íslenskra króna.

FLORENTINO Perez, forseti Real
Madrid, sagði í gær að félagið myndi
ekki kaupa fleiri leikmenn í sumar.
Það er því ljóst að Brasilíumaðurinn
Ronaldinho fer ekki til Madrídarliðs-
ins fyrir næsta tímabil.

TREVOR Sinclair, leikmaður
West Ham, mun líklega ganga til liðs
við Middlesbrough í vikunni. Sinclair
er þrítugur enskur landsliðsmaður
og er metinn á um 250 milljónir ís-
lenskra króna.

GYLFI Þór Orrason mun dæma
leik Wolfsburg frá Þýskalandi og
búlgarska liðsins Marek í 2. umferð
Intertoto-keppninnar, en leikurinn
fer fram í Wolfsburg laugardaginn
12. júlí næstkomandi. Aðstoðardóm-
arar verða þeir Einar Guðmundsson
og Gunnar Gylfason.

VARNARMAÐURINN, Rafael
Marquez, hefur gengið til liðs við
Barcelona í spænsku knattspyrn-
unni. Marques er 24 ára gamall en
hann hefur spilað síðustu ár með
Monakó. Barcelona þarf að greiða
franska liðinu um 440 milljónir ís-
lenskra króna fyrir Marquez.

ÁSTRALINN Brett Emerton mun
að öllum líkindum skrifa undir samn-
ing við Blackburn á næstu dögum.
Emerton er 24 ára gamall miðjumað-
ur og hefur leikið með Feyenoord
síðustu leiktímabil. Talið er að Black-
burn muni þurfa að borga um 360–
400 milljónir íslenskra króna fyrir
Emerton.

CRISTIAN Chivu, sem lék með
Ajax á síðustu leiktíð, hefur ákveðið
að ganga til liðs við Roma á Ítalíu.
Roma þarf að punga út jafnvirði um
1.550 milljónum íslenskra króna fyrir
Chivu sem er 22 ára gamall rúm-
enskur varnarmaður en hann var fyr-
irliði Ajax.

LUCAS Neill, leikmaður Black-
burn, hefur framlengt saminginn
sinn við félagið um fjögur ár. Neill
lék mjög vel með Blackburn á síðasta
keppnistímabili en hann kom til liðs-
ins frá Millwall árið 2001.

FORRÁÐAMENN Portland Trail-
blazers hafa leyst Damon Stoud-
amire undan samningi hans við fé-
lagið um stundarsakir en hann var
handtekinn á dögunum á flugstöð þar
sem hann reyndist vera með fíkniefni
í fórum sínum. Eigendur Portland
hafa krafist þess að Stoudamire leiti
sér aðstoðar hjá fagmönnum en fé-
lagið hefur átt erfitt uppdráttar und-
anfarin misseri þar sem margir leik-
menn liðsins hafa verið staðnir að því
að nota fíkniefni. Stoudamire þarf að
greiða um 18 milljónir ísl. kr. í sekt til
félagsins vegna atviksins.
FÓLK
Frestað í
Eyjum
FRESTA varð viðureign
Stjörnunnar og ÍBV sem
fram átti að fara í efstu deild
kvenna í gærkvöldi á
Stjörnuvelli. Ástæðan var sú
að ófært var á milli Eyja og
lands eftir hádegi í gær en
fært var í gærmorgun. Leik-
urinn fer fram í kvöld verði
flugfært.