Morgunblaðið - 10.07.2003, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 10. JÚLÍ 2003 VERÐ Í LAUSASÖLU 190 KR. MEÐ VSK.
Sími 588 1200
Lágmúla og Smáratorgi
opið kl. 8-24
alla daga
ARNALDUR Indriðason átti sex af
sjö söluhæstu skáldverkunum á
landinu í júnímánuði, íslenskum sem
þýddum, samkvæmt bóksölulista
sem birtur er í Morgunblaðinu í dag.
Hlýtur það að teljast dágóður árang-
ur, ekki síst í ljósi þess að Arnaldur
hefur ekki gefið út fleiri bækur en
þessar sex.
Fjórar af bókum Arnalds eru á
meðal hinna tíu söluhæstu sé mið
tekið af öllum seldum bókum á land-
inu en tvær þeirra tróna efst á sölu-
listanum, Röddin í fyrsta sæti og
Synir duftsins í öðru.
Allar bæk-
ur Arnalds
á sölulista
Bóksala/21
AUKINN áhugi er á að skoða þann
möguleika að koma á fót birgðastöð
eða umskipunarhöfn hér á landi, í
tengslum við væntanlega opnun svo-
nefndrar norðaustursiglingaleiðar
milli Atlantshafs og Kyrrahafs. Þeir
einstaklingar sem sýnt hafa þessu
máli mestan áhuga hér á landi telja
að nýlegar upplýsingar um hlýnun
andrúmsloftsins ýti undir að þessar
hugmyndir geti orðið að veruleika.
Vísindamenn hafa komist að þeirri
niðurstöðu að innan fimm ára verði
norðaustursiglingaleiðin opin skip-
um sem ekki eru sérstaklega styrkt
til siglinga í ís a.m.k. tvo mánuði á
sumrin. Þessi siglingaleið milli Evr-
ópu og Asíu er mun styttri en sú leið
sem nú er oftast farin um Miðjarð-
arhaf, Súezskurðinn og Indlandshaf.
Getur munað allt að 40–50% hvað
vegalengdirnar styttast við þetta.
Þeir Gestur Ólafsson, arkitekt og
skipulagsfræðingur, Þór Jakobsson
veðurfræðingur og Ólafur Egilsson
sendiherra hafa sýnt norðaustursigl-
ingaleiðinni og þeim möguleikum
sem hún býður upp á fyrir Ísland
mikinn áhuga. Telja þeir ávinninginn
af opnun þessarar siglingaleiðar
geta orðið töluverðan.
Tækifæri/B4
Norðaustursiglingaleiðin
Áhugi á
umskip-
unarhöfn
á Íslandi
BEINAR veiðar á skötusel í net eru
nú að aukast á ný, en þær lögðust
að mestu niður þegar skötuselurinn
var settur í kvóta árið 2001. Skötu-
selsstofninn er nú í góðum vexti og
hefur gengd hans við landið aukizt í
kjölfar hækkandi sjávarhita. Hér er
hann við nyrztu mörk útbreiðslu-
svæðis síns, en hann veiðist allt suð-
ur í Miðjarðarhaf.
Hafrannsóknastofnun telur að
stofninn sé á uppleið, enda kom stór
árgangur inn í veiðina 1999, en
slíkt hafði ekki gerzt frá upphafi
stofnmælinga árið 1985. Þá hefur
orðið vart við annan stóran árgang
frá árinu 2000, en hann byrjaði að
koma inn í veiðina á þessu ári og
því síðasta.
Minnkandi sókn
vegna aflamarks
Árið 2000 hófst bein sókn í skötu-
sel með stórriðnum netum, en áður
veiddist hann nær eingöngu sem
meðafli í troll, einkum humartroll.
Netaaflinn, sem fram til þess hafði
verið óverulegur, varð 764 tonn og
heildaraflinn varð meiri en nokkru
sinni fyrr eða 1.503 tonn. Á árinu
2001 minnkaði heildaraflinn hins
vegar og varð 1.350 tonn sem nær
eingöngu má rekja til minni neta-
afla. Sama var uppi á teningnum
árið 2002 er heildarafli minnkaði
niður í 966 tonn og netaafli varð að-
eins um 240 tonn.
Athuganir Hafrannsóknastofn-
unar benda til þess að landaður afli
skötusels árið 2002 endurspegli
ekki aflabrögð heldur minnkandi
sókn í tegundina. Frá því aflamark
var sett á skötusel í upphafi fisk-
veiðiárs 2001/2 hefur bein sókn í
þessa tegund að miklu leyti horfið
þar til nú.
2.000 tonna kvóti
„Hafrannsóknastofnunin telur að
ekki hafi reynt að neinu ráði á
veiðiþol stofnsins og leggur því til
að aflinn fari ekki yfir 1.500 tonn á
fiskveiðiárinu 2003/2004,“ segir
meðal annars í mati stofnunarinnar
á vexti og viðgangi stofnsins.
Sjávarútvegsráðherra hefur
ákveðið leyfilegan skötuselsafla á
næsta fiskveiðiári 2.000 tonn. Nú
eru óveidd um 500 tonn af leyfileg-
um afla þessa fiskveiðiárs eða um
þriðjungur kvótans, en tæpir tveir
mánuðir eru eftir af fiskveiðiárinu.
Meðal þeirra sem nú eru að hefja
skötuselsveiðar í net eru feðgarnir
Kristinn og Kristinn Arnberg í
Grindavík. Þeir telja rangt að hafa
skötuselinn í kvóta. Slíkt sé al-
gjörlega ónauðsynlegt, þar sem
kvótinn hafi ekki náðst síðustu árin.
Því beri að gefa veiðarnar frjálsar.
Skötuselsstofninn í góðum vexti
Um þriðjungur af skötuselskvóta
þessa árs er enn óveiddur
,0F//
,0G//
,0H//
,0///
I//
F//
G//
H//
/
*%&"#8"28 "8#+9 +:
(! +3;<; 5665
H///,JJ/ ,JJK
Ætti að/C2
NAFNÁVÖXTUN lífeyrisreikninga banka og sparisjóða var á bilinu 8,83%–9,21% á
fyrrihluta ársins. Hæsta ávöxtunin var hjá sparisjóðunum og nb.is eða 9,21%, en við-
skiptabankarnir voru með 8,83%–8,87% ávöxtun á lífeyrisreikningum.
Mismunandi skilmálar eru á reikningum innlánsstofnana, en ef litið er framhjá
skilmálunum og horft á aðra reikninga en lífeyrisreikninga, þá var ávöxtunin hæst á
verðtryggðum markaðsreikningi nb.is, 9,15%.
Lífeyrisreikningar
Hæst ávöxtun hjá
sparisjóðunum
Mjög ólík/B2
ÁRNI M. Mathiesen sjávar-
útvegsráðherra segir um-
hugsunarefni hvort hægt sé
að halda áfram úthlutun
byggðakvóta á sama hátt og
verið hefur. Umboðsmaður
Alþingis hefur gert alvarleg-
ar athugasemdir við hvernig
sjávarútvegsráðuneytið hef-
ur staðið að úthlutun kvót-
ans.
„Mér sýnist niðurstaða
umboðsmanns hreinlega
vera að það sé mjög vafa-
samt að það sé hægt að vinna
svona matskenndar úthlut-
anir. Það verði að setja
miklu hlutlægari reglur í kringum þetta.
Þetta setur að mínu mati stórt spurning-
armerki við byggðakvótaúthlutanir eins
og þær hafa verið stundaðar,“ segir
Árni.
Tekið verður tillit til
athugasemdanna
Árni segir að tekið verði tillit til at-
hugasemda umboðsmanns. „Við tökum
ábendingum umboðsmanns vel. Það er
aldrei svo að hlutirnir geti ekki farið bet-
ur og við munum taka ábendingarnar til
greina og leiðrétta í samræmi við þær.“
Árni segir að skipta megi
athugasemdum umboðs-
manns í tvo hluta. Að hluta
snúist þær um formreglur
við úthlutun. „Annars vegar
snýr þetta að formsatriðum
sem þurfa að vera rétt. Við
munum leiðrétta þau og sjá
til þess að það verði allt sam-
an rétt og sjá til þess að
þetta komi ekki fyrir aftur.“
Hinn hluti gagnrýni um-
boðsmanns byggist á því
hvort það sé í raun forsvar-
anlegt að úthluta byggða-
kvóta samkvæmt mati ráð-
herra. „Hins vegar eru þetta
athugasemdir sem snúa að ýmsum skil-
yrðum sem sett hafa verið í kringum
þetta. Mér sýnist það vera mjög vafa-
samt að það sé yfirleitt hægt að vinna
svona úthlutanir, sem eru byggðar á
mjög miklu mati ráðherra, innan þess
ramma sem stjórnsýslu- og upplýsinga-
lögin setja okkur. Þá er ég líka að taka
mið af athugasemdum við fyrri úthlut-
anir, eins og við úthlutanir Byggðastofn-
unar,“ segir Árni M. Mathiesen sjávar-
útvegsráðherra.
Sjávarútvegsráðherra segir úthlutun
byggðakvótans umhugsunarefni
Samræmist
vart stjórn-
sýslulögum
Verulega skortir/4
Árni M. Mathiesen
MIKLAR framkvæmdir standa
yfir í anddyri Alþingishússins.
Eikarinnréttingar frá því um
1970 hafa verið rifnar út og er
nú unnið þar hörðum höndum.
Einnig er unnið að fram-
kvæmdum undir Kringlunni í
húsinu.
Að sögn Sigurðar Einars-
sonar, arkitekts og yfirhönnuð-
ar hjá Batteríinu arkitektum,
sem hannaði nýjan þjónustu-
skála við þingið og sér nú um
endurbæturnar, er allt kapp
lagt á að gera þennan inngang
sem upprunalegastan, en hann
verður framvegis eingöngu
notaður við sérstök tækifæri
eins og þingsetningar og heim-
sóknir erlendra gesta.
„Við höfum unnið nýjar
teikningar eftir upprunalegum
teikningum Ferdinands Mehl-
dals, arkitekts hússins. Á sínum
tíma var ekki mikill íburður á
jarðhæðinni og var gólfið upp-
haflega lagt brúnum gólfdúk. Í
samráði við húsafriðunarnefnd
hefur verið ákveðið að leggja
marmaragólf á forsalinn. Það
hæfir húsinu mun betur og er
hannað í anda stíls Mehldals
arkitekts,“ segir Sigurður.
„Einnig hefur komið í ljós að
bekkir voru í forsalnum í upp-
hafi og verða þeir endursmíð-
aðir eftir teikningum sem við
fundum.“
Gert er ráð fyrir að fram-
kvæmdum ljúki síðsumars og
allt verði frágengið fyrir þing-
setningu í haust.
Morgunblaðið/Golli
Steinar úr útveggjum, sem losnuðu þegar nýi þjónustuskálinn var
tengdur við húsið, eru nú notaðir við endurbygginguna.
Forsalur Alþingis færð-
ur í upprunalegt horf
♦ ♦ ♦