Morgunblaðið - 12.07.2003, Blaðsíða 10

FRÉTTIR
10 LAUGARDAGUR 12. JÚLÍ 2003 MORGUNBLAÐIÐ
INGIBJÖRG Sólrún
Gísladóttir hefur þegið
boð um að taka þátt í
ráðstefnu stjórnmála-
manna og stjórnmála-
leiðtoga jafnaðarmanna-
flokka. Það er Tony
Blair, forsætisráðherra
Bretlands, sem býður til
ráðstefnunnar.
Ráðstefnan ber heitið
Framsæknir stjórnar-
hættir, en undir þeirri
yfirskrift hafa forystu-
menn jafnaðarmanna-
flokka beggja vegna Atl-
antsála komið reglulega
saman frá árinu 1999 til
að ræða brýnustu verkefni samtím-
ans, að því er fram kemur í frétta-
tilkynningu frá Samfylkingunni.
Ráðstefnan er haldin í London um
helgina og mun m.a. taka til umræðu
endurnýjun velferðarríkisins, örygg-
ismál og samskipti þjóða, siðbót í við-
skiptalífi, hagstjórn á tímum hnatt-
væðingar, flóttamannavandann,
áhættu í vísinda- og
tækniþróun, lýðræði og
mannréttindi. Meðal
þátttakenda á ráðstefn-
unni verða ráðherrar
og forystumenn breska
Verkamannaflokksins
og systurflokka á Norð-
urlöndum, í Evrópu,
Bandaríkjunum, Suð-
ur-Ameríku og víðar.
„Með ferð Ingibjarg-
ar Sólrúnar verður
Samfylkingin virkur
þátttakandi í þessu al-
þjóðlega samstarfi for-
ystumanna jafnaðar-
manna en hún markar
einnig upphafið að vinnu Framtíðar-
hóps Samfylkingarinnar sem skipað-
ur var á flokksstjórnarfundi 19. júní
og Ingibjörg Sólrún er formaður fyr-
ir,“ segir í fréttatilkynningu.
Auk Ingibjargar sækir Kristrún
Heimisdóttir lögfræðingur ráðstefn-
una, en hún á einnig sæti í Framtíð-
arhópi Samfylkingarinnar.
Sækir ráðstefnu
jafnaðar-
mannaflokka
Ingibjörg Sólrún
Gísladóttir
SÓLHEIMAR í Grímsnesi eru
eitt elsta sjálfbæra bæjarfélagið
í heimi og eitt af sex viður-
kenndum sjálfbærum bæjar-
félögum í Evrópu. Eru þeir
einnig taldir eitt besta dæmið
um sjálfbært samfélag í heim-
inum í dag.
Þetta kemur fram í grein um
Sólheima í bandaríska tímaritinu
Communities eftir Albert Bates,
lögfræðing á sviði mannréttinda-
og umhverfismála, og formann
ENA, samtaka um sjálfbæra
þróun í Bandaríkjunum. Einkum
er Bates hrifinn af nýtingu jarð-
hita, en jarðhitinn var einmitt
ein af ástæðunum fyrir því að
stofnandi Sólheima, Sesselja
Hreindís Sigmundsdóttir, valdi
þennan stað fyrir 73 árum síðan.
Vistvæn menning gengur út á
að umgangast jörðina eins og við
séum með hana í láni frá börn-
unum okkar, segir Agnar Guð-
laugsson á Sólheimum. Frá upp-
hafi hefur stefnan hjá
Sólheimum verið að vera í takt
við umhverfið. „Við erum með
blandað samfélag, við vinnum
með fötluðum. Svo vinnum við
að því að vera með allt lífrænt
sem er hérna á svæðinu. Við
reynum að nýta jörðina og skila
henni aftur eins og við tókum við
henni,“ segir Agnar. Hann segir
umtalið í grein Bates og víðar af
hinu góða: „Þetta styrkir okkur í
því að við séum að gera rétt og
vinna á réttum sviðum.“
Umfjöllun um Sólheima í virtu
bandarísku umhverfistímariti
Eitt besta dæmið
um sjálfbært bæj-
arfélag í heiminum
SAMTALS hafa 5,8 milljónir öku-
tæki farið í gegnum Hvalfjarð-
argöngin á þeim fimm árum sem
þau hafa verið starfandi. Það jafn-
gildir að meðaltali um 3.200 öku-
tækjum á dag, eða rúmlega tveim-
ur bílum á hverri mínútu sem
göngin hafa verið opin, samkvæmt
upplýsingum frá Speli, eigands og
rekstraraðila ganganna.
Fimm ár voru í gær liðin frá því
göngin voru tekin í notkun, en þau
voru opnuð formlega 11. júlí 1998.
Gert var ráð fyrir um 1.500 bílum
á sólarhring í fyrstu áætlunum svo
umferðin hefur verið meira en
tvöfalt meiri en áætlað var.
Sturla Böðvarsson samgöngu-
málaráðherra tók í gær í notkun
nýtt fjarskiptakerfi ganganna,
svokallað TETRA-kerfi. Kerfið er
það sama og notað er af lögreglu,
slökkviliði og sjúkraliði á suðvest-
urhorni landsins. Kerfið á að
tryggja traust og skilvirkt fjar-
skiptasamband lögreglu, slökkvi-
liðs, sjúkraliðs og starfsmanna
Spalar ef hættuástand skapast í
göngunum. Kerfið kostar hátt í 20
milljónir króna.
Ný viðbragðsáætlun í haust
Um þessar mundir er unnið að
lokayfirferð og frágangi nýrrar
viðbragðsáætlunar fyrir göngin.
Fjölmargir koma að áætluninni,
meðal annars fulltrúar lögreglu,
slökkviliðs, Almannavarna, Bruna-
málastofnunar, Vegagerðarinnar,
björgunarsveita og Spalar. Stefnt
er að því að láta reyna á nýja áætl-
un, sem og viðbúnaðarkerfið allt,
með almannavarnaæfingu í göng-
unum í haust.
Gert er ráð fyrir að slíkar al-
mannavarnaæfingar verði haldnar
fimmta hvert ár í göngunum. Aðr-
ar æfingar, svo sem fjarskipta-, út-
kalls- og slökkviæfingar verða
haldnar á eins til tveggja ára
fresti.
Morgunblaðið/Jim Smart
Sturla Böðvarsson samgönguráðherra og Gísli Gíslason, stjórnarformaður Spalar, afhentu Jóhannesi Karli Eng-
ilbertssyni, slökkviliðsstjóra á Akranesi, talstöðvar að gjöf í tilefni fimm ára afmælisins.
3.200 ökutæki á dag um göngin
Fimm ár liðin frá opnun Hvalfjarðarganga
Húsasafn Þjóð-
minjasafns kynnt
ÍSLENSKI safnadagurinn er á
morgun, sunnudaginn 13. júlí. Í til-
efni hans verða sérstaklega kynnt
hús í vörslu Þjóðminjasafnsins. Í
Húsasafni Þjóðminjasafns Íslands
eru á fimmta tug húsa víðs vegar
um land; torfhús, timburhús og
steinhús.
Á safnadaginn verður afhjúpað
upplýsingaskilti við Nýjabæ á Hól-
um í Hjaltadal.
Klukkan 14.00–16.00 flytur Þór
Hjaltalín minjavörður erindi um
Nýjabæ á Hólum og veitir leiðsögn
um bæjarhúsin. Fornleifauppgröft-
ur stendur yfir á Hólastað. Forn-
leifafræðingur veitir gestum leið-
sögn um rannsóknasvæðið.
og hefja fráhvarfsflug og biðfljúga
meðan él sem var að nálgast flugvöll-
inn gengi yfir.“ Ísing og krapi hafi
verið á flugbrautinni en flugmenn-
irnir ekki verið á varðbergi gagnvart
þeim áhrifum sem aukning krapa
myndi hafa á lendingarbrun vélar-
innar.
Í JAR-reglum er kveðið á um að
lendingarvegalengd á blautum og
spilltum flugbrautum skuli vera 15%
lengri en vegalengd á þurrum braut-
um. Þrátt fyrir þetta ákvæði séu
engir útreikningar í handbók flug-
ÞVÍ er beint til Flugmálastjórnar að
hún sjái til þess að útreikningar í
handbók Flugfélags Íslands fyrir
Metró-flugvélar séu í samræmi við
svonefndar JAR-reglur, geri áætlan-
ir um reglulegar prófanir og kvörðun
á bremsuskilyrðamælum og geri
samanburðarmælingar á mismun-
andi tækjabúnaði til bremsumælinga
og skrifi leiðbeinandi efni um tak-
markanir búnaðarins. Þetta eru til-
lögur í öryggisátt sem Rannsóknar-
nefnd flugslysa (RNF) setur fram í
skýrslu um rannsókn á því þegar
Metro-flugvél Flugfélags Íslands
hlekktist á í lendingu á Hornarfjarð-
arflugvelli í desember 2001.
Flugvélin TF-JME, sem var í
áætlunarflugi frá Reykjavík til
Hornafjarðar, rann út af flugbraut-
inni eftir lendingu. „Krapi var á flug-
brautinni og lágir snjóruðningar við
brautarjaðra. Flugvélin snerist til
hægri er hún rann í gegnum snjó-
ruðning við eystri brautarjaðarinn
og staðnæmdist á öryggissvæðinu
austan við flugbrautina. Farþega og
áhöfn sakaði ekki en loftskrúfur
flugvélarinnar skemmdust og eitt
brautarljós brotnaði,“ segir í skýrsl-
unni.
Þá kemur fram að ástand á yfir-
borði brautarinnar hafi verið verra
þegar vélin lenti en fram hafi komið í
veðurskeyti og í ástandslýsingu sem
flugmenn fengu í fjarskiptum. Að
mati nefndarinnar „hefði átt að
koma til álita að hætta við lendingu
áður en flugvélin snerti flugbrautina
félagsins sem sýndir séu á töflu svo
flugmenn geti á fljótlegan hátt metið
aðstæður. Þá hafi Flugmálastjórn
engar áætlanir gert um reglulegar
prófanir á Tapley-mælum sem mæla
bremsuskilyrði, þrátt fyrir að fram-
leiðandinn fari fram á prófanir á
tveggja ára fresti. Einnig kemur
fram að mælarnir voru á sínum tíma
prófaðir á samþjöppuðum snjó og á
ís en ekki í krapa, blautum snjó eða
vatni. Auk þess hafi litlar rannsóknir
farið fram á því hvaða búnaður henti
best við slíkar mælingar hér á landi.
Morgunblaðið/Sigurður Mar
Hefðu átt að íhuga
fráhvarfsflug
Þrjár tillögur í öryggisátt í skýrslu RNF
Skrúfurnar skemmdust og eitt flugbrautarljós brotnaði þegar Metro-vélin
rann út af flugbrautinni.
ÁSTÆÐA þess að reykur myndað-
ist í farþegarými Flugleiðaþotu á
leið frá Portúgal reyndist að hitari
við öryggisdyr ofhitnaði. Kemur
þetta fram í fréttatilkynningu frá
félaginu. Vélinni var flogið án far-
þega til Íslands á fimmtudag og
kom bilunin í ljós við skoðun flug-
virkja eftir heimkomuna. Hitarinn
hefur verið fjarlægður og þotan
komin í notkun á ný. Þá reyndist
ekkert athugavert við aðra Boeing
757-vél félagsins á leið til London,
sem snúið var til baka til Keflavíkur
í fyrradag eftir um 20 mínútna flug
af öryggisástæðum vegna gruns um
að annar hreyfill vélarinnar hefði
ekki fullt afl.
Vélin fór svo í reynsluflug og
reyndist þá allt ganga eðlilega.
Hitari ofhitnaði
Reykur um borð í Flugleiðaþotu