Morgunblaðið - 12.07.2003, Blaðsíða 20
HEILSA
20 LAUGARDAGUR 12. JÚLÍ 2003 MORGUNBLAÐIÐ
NEYTENDUR
ÁRLEGUR útimarkaður í Mos-
fellsdal með lífrænt ræktað græn-
meti og ýmsar afurðir byrjar í
dag. Verður hann síðan á hverjum
laugardegi fram í september, að
sögn aðstandenda. Á boðstólum er
meðal annars grænmeti, sem tekið
er upp jafnóðum, glænýr silungur
og murta úr Þingvallavatni, ný-
skornar rósir frá Gísla í Dalsgarði
og lífrænar olíur og smyrsl með
góðum húsráðum. „Þá verður
Diddú á staðnum með eigin pestó-
sósur og Solla á Grænum kosti
reiðir fram grænmetisrétt og sal-
at úr garðinum við harm-
onikkuundirleik. Börnin skemmta
sér úti í guðsgrænni náttúrunni og
hver veit nema hestar frá Laxnesi
kíki við,“ segja aðstandendur.
Ferskt grænmeti, blóm og silungur eru meðal þess sem fæst á sveitamark-
aðnum í Mosskógum. Markaðurinn verður á laugardögum fram í september.
Útimarkaðurinn
í Mosfellsdal opnaður
KONUR virðast eiga
erfiðara með að hætta
reykingum en karlar því
þær nota vindlinga í leit
að friðþægingu eða til-
finningalegri huggun,
að því er segir í netfrétt
thisislondon.co.uk.
Rannsakendur, hópur
atferlisfræðinga við Há-
skólann í Minnesota í
Bandaríkjunum, hafa
komist að því að konur
hefja reykingar til þess
að bæta sjálfsímynd sína
og þeim finnst sem
vindlingar hjálpi þeim
við að eiga betur við
vandamál daglegs lífs.
Konur virðast enn
fremur vera sólgnari í
nikótín en karlar, en
þeir hafa tilhneigingu
til þess að byrja að
reykja í þeim tilgangi
að falla betur í hópinn.
„Konur eru þannig
líklegri en karlar til þess að nota vindlinga til þess að eiga betur við
erfiðleika sem steðja að,“ segir Dr. Mustafa al’Absi sem er í forsvari
rannsóknarinnar.
Rannsóknin fór þannig fram að reykingamenn máttu reykja eins
mikið og þá lysti suma daga vikunnar en aðra daga voru reykingar
bannaðar. Á því tímabili voru þeir yfirheyrðir um vellíðan sína og
gerðar voru rannsóknir á geðheilsu þeirra.
Við allar kringumstæður virtust konur vera sólgnari í vindlinga
en karlar, jafnvel þá daga sem reykingar voru leyfðar.
Öllum þátttakendum rannsóknarinnar gekk verr að höndla tilfinn-
ingaleg vandamál þá daga sem þeir máttu ekki reykja.
Skapið breyttist jafnframt, meira var um reiði og kvíða meðal
fólksins þá daga sem það mátti ekki reykja.
Konur eru sólgnari í nikótín en karlar, sam-
kvæmt nýrri rannsókn.
Konur eiga
erfiðara með að
hætta reykingum
Associated Press
ÞRÖNGSÝNI er ekki talin kostur og það
þykir ekki eftirsóknarvert að staðna. Til að
koma í veg fyrir stöðnun er mikilvægt að
tileinka sér víðsýni og takast á við lífið
með jákvæðum og opnum huga. Jákvætt
og opið hugarfar eykur umburðarlyndi,
dregur úr fordómum og hjálpar okkur að
halda áfram að þroskast út lífið. Það er
ekki farsælt að halda fast í eigin skoðanir
hvað sem á dynur. Mun farsælla er að
hlusta á aðra í kringum sig með opnum
huga og vera tilbúinn að læra af þeim og
endurmeta eigin skoðanir þegar það á við.
Þeir sem hafa mikla reynslu á einhverju
sviði telja oft að þeir geti ekki lært mikið
af öðrum. Langskólagengið fólk til dæmis,
telur oft að það geti ekki lært mikið af
þeim sem eru minna menntaðir en í því er
fólgin ákveðin þröngsýni. Það er hægt að
læra margt af fólki sem hefur minni
menntun en maður sjálfur. Það er til
dæmis hægt að læra margt af börnum,
þau geta oft á tíðum hjálpað til við að koma auga á það sem mestu máli
skiptir í lífinu og kennt öðrum að meta það. Sýn barnanna á heiminum er
oft á tíðum skýrari og betri en þeirra sem eldri eru og því mikilvægt að
vera opinn fyrir því að læra af þeim.
Margir eiga einnig erfitt með að læra af þeim sem standa þeim næstir,
foreldrum, maka, systkinum og vinum. Ef við hugsum út í það, þá er
þetta fólkið sem í flestum tilfellum þekkir okkur best og því mikilvægt að
geta lært af þeim eins og öðrum. Frá þessu fólki getum við lært margt
um það hvernig við getum bætt okkur sjálf. Ef við þorum að taka við
ábendingum þeirra og líta á þær jákvætt, í stað þess að taka þeim sem
aðfinnslum, verðum við betri manneskjur fyrir vikið.
Það er mikilvægt að láta ekki stolt eða þrjósku koma í veg fyrir að við
lærum meira og höldum áfram að þroskast. Að geta tekið við ábend-
ingum frá öðrum, hverjum sem er, ber vott um hugrekki, lítillæti og
sjálfsöryggi og veitir okkur tækifæri til að þroskast áfram á einfaldan
hátt.
Dóra Guðrún Guðmundsdóttir,
verkefnastjóri Geðræktar,
dora@ged.is.
Frá Landlæknisembættinu,
Heilsan í brennidepli
3. geðorð: Haltu
áfram að læra svo
lengi sem þú lifir
Jákvætt og opið hugarfar
eykur umburðarlyndi og
dregur úr fordómum
KRÓNAN
Gildir til 16. júlí nú kr. áður kr. mælie.verð
Ali reyktur svínahnakki, sneiðar ............. 844 1.298 844 kr. kg
Bautab. nautainnralæri, kryddlegið........ 1.398 1.997 1.398 kr. kg
Bautab. nautasteik, kryddlegin.............. 1.130 1.614 1.130 kr. kg
Vilko ávaxtasúpa.................................. 139 153 139 kr. pk.
Vilko bláberjasúpa ............................... 179 215 179 kr. pk.
LB snittubrauð, 4 stk. í pakka ............... 189 229 47 kr. stk.
LB snittubrauð, 10 stk. í pakka ............. 269 319 27 kr. stk.
Marabou Daim súkkulaði, 3 pk. ............ 99 139 99 kr. pk.
Þau mistök voru gerð við vinnslu helgartilboða á neytendasíðu síð-
astliðinn fimmtudag að tilboð Krónunnar fyrir þessa viku birtust
ekki rétt. Þeirra í stað birtust eldri tilboð, sem fallin eru úr gildi.
Hlutaðeigandi eru beðnir afsökunar á þessum mistökum.
Ný vefsíða
um salat og
grænmeti
Morgunblaðið/Árni Sæberg
Frá opnun vefsíðu um salatgerð,
mataræði og heilsu. Sverrir Hall-
dórsson, Guðni Ágústsson landbún-
aðarráðherra og Jón Trausti
Snorrason.
GUÐNI Ágústsson landbúnaðarráð-
herra opnaði í vikunni hollustuvefinn
www.salat. is. Ingvar Halldórsson,
eigandi Salatbarsins í Faxafeni, er
einn aðstandenda vefjarins og segir
hann að á vefnum megi meðal annars
finna girnilegar grænmetisupp-
skriftir. Uppskriftirnar verða allar
eftir Ingvar en hann segir að salöt
geti verið ótrúlega góð máltíð, hvort
sem er ein og sér eða sem meðlæti og
yfirleitt taki stutta stund að útbúa
þau.
Á vefnum verði einnig upplýsingar
sem tengjast mataræði og heilsu og
munu næringarfræðingar reglulega
senda greinar inn á vefinn. Þeir sem
skrá sig á póstlista fá svo sendar
uppskriftir með stuttu millibili auk
þess sem ýmis tilboð verða í gangi.