Morgunblaðið - 12.07.2003, Blaðsíða 38
ÍÞRÓTTIR
38 LAUGARDAGUR 12. JÚLÍ 2003 MORGUNBLAÐIÐ
RAÐAUGLÝSINGAR
TILKYNNINGAR
Bókaveisla
Bókaveislunni lýkur í dag.
Það gerast varla betri
kaupin á eyrinni.
Opið frá kl. 10—17.
Gvendur dúllari — alltaf góður
Fornbókaverslun, Klapparstíg 35
SMÁAUGLÝSINGAR
FÉLAGSLÍF
12. júlí. Jepparæktin. Ekið að
Skógum og þaðan upp á Fimm-
vörðuháls. Brottför frá skrifstofu
Útivistar að Laugavegi 178 kl.
10.00. Jepparæktin er opin öllu
jeppafólki og þátttaka kostar
ekkert.
13. júlí. Jórutindur - Hátind-
ur, 425 m. Fararstjóri Jósef
Hólmjárn. Brottför frá BSÍ kl.
10.30. Verð 1900/2300 kr.
16.—20. júlí. Laugavegurinn.
Uppselt.
16. júlí. Útivistarræktin. Eyr-
arfjall, 476 m. Brottför frá gömlu
Toppstöðinni (stóra brúna hús-
inu) í Elliðaárdalnum kl. 18.30.
Allir eru velkomnir í Útivistar-
ræktina - ekkert þátttökugjald.
18.—22. júlí. Hornvík.
Uppselt.
18.—23. júlí. Jeppaferð um
Fjallabak syðra og nyrðra.
Fararstjórar Guðrún Inga Bjarna-
dóttir og Ragnheiður Óskars-
dóttir. Brottför kl. 19.00 frá skrif-
stofu Útivistar. Verð á bíl 7400/
8400.
21.—25. júlí. Álftavötn -
Básar. Aukaferð, örfá sæti
laus. Gengið eftir Strútsstígun-
um, í Hvanngil og þaðan yfir í
Bása á Goðalandi. Fararstjórar
Þorbjörg Kolbeinsdóttir og Vign-
ir Jónsson. Brottför frá BSÍ kl.
8.30.
Ferðir í Bása á Goðalandi og yfir
Fimmvörðuháls um hverja helgi
í sumar. Uppselt er í ferðir um
Sveinstind - Skælinga og Strúts-
stíg fram að verslunarmanna-
helgi. Nánari upplýsingar á
www.utivist.is
ATVINNA
mbl.is
ÞEGAR sænska golfkonan Annika
Sörenstam lék á PGA-mótaröðinni
gegn karlmönnum á Colonial-
mótinu í Texas í maí sl. sagði hún
að hún myndi ekki taka þátt fleiri
slíkum mótum í framtíðinni en nú
hefur henni snúist hugur. Sören-
stam segir við sænska dagblaðið
Aftonbladet að hún hafi þegið boð
um að taka þátt í móti í Singapúr
þar sem margir af bestu kylf-
ingum heims munu taka þátt en
mótið fer fram 12.–14. nóvember
nk. Um er að ræða keppni þar
sem aðeins fjórir leikmenn taka
þátt og verður Tiger Woods á
meðal keppenda, S-Afríkumað-
urinn Retief Goosen á titil að
verja á þessu móti og verður hann
að öllum líkindum á meðal þátt-
takenda.
Forsvarsmenn golfmóts sem
fram fer í LaQuinta í Kaliforníu
hinn 29.–30. nóvember hafa einnig
augastað á Sörenstam en um er að
ræða sams konar keppnisfyr-
irkomulag og er á mótinu í Singa-
púr. Mark O’Meara á titil að verja
á mótinu í LaQuinta en Sörenstam
segir við USA Today að hún hafi
ekki áhuga á því að leika aftur á
PGA-mótaröðinni en að hún geti
vel hugsað sér að keppa gegn
karlmönnum á „sérstökum“ mót-
um líkt og í Singapúr og á La-
Quinta.
Þátttaka Sörenstam á Colonial-
mótinu í maí sl. vakti gríðarlega
athygli og hafa forsvarsmenn ann-
arra golfmóta áttað sig á því að
sjónvarpsstöðvar eru tilbúnar að
greiða himinháar fjárhæðir fyrir
beinar útsendingar frá mótum þar
sem Sörenstam leikur gegn karl-
mönnum, auk þess sem áhorf-
endur flykkjast á mót þar sem
sænska golfkonan tekur þátt.
Sörenstam er nú einn þekktasti
íþróttamaður heims og hefur
áhugi manna á mótaröð atvinnu-
kvenna aukist til muna.
Sörenstam gegn Tiger
Woods í Singapúr?
Reuters
Golfdrottningin Annika Sörenstam hefur ekki gefist upp á því
að glíma við karlkylfinga og nú mætir hún Tiger Woods.
Eins og áður segir geta íslensk fé-lagslið ráðið til sín eins marga
erlenda leikmenn og þau telja sig
hafa not fyrir að því gefnu að kostn-
aður vegna komu þeirra sé undir
launaþaki hvers mánaðar sem er 500
þúsund kr.
Skila inn milliuppgjörum
Félög skulu skila inn fjárhags-
áætlun fyrir upphaf hverrar leiktíð-
ar, eigi síðar en 1. okt. ár hvert. Sú
áætlun á að endurspegla allan rekst-
ur viðkomandi félags fyrir keppnis-
tímabilið, september til apríl.
Félögunum er skylt að skila inn
milliuppgjörum, í lok janúar og í lok
maí og að endingu endurskoðað árs-
uppgjör fyrir 1. október ár hvert.
Leikmannasamninga verður að
gera við alla leikmenn sem fá
greiðslur eða hlunnindi.
Félögunum er í sjálfsvald sett
hvernig þau skipta greiðslum til
leikmanna í hverjum mánuði en
heildarupphæðin má ekki fara yfir
500 þúsund kr. í hverjum mánuði.
Ekki er heimilt að færa ónýttan
„kvóta“ á milli mánaða. Afnot af hús-
næði teljast vera 25 þúsund kr., af-
not af bíl 15.000 og frítt fæði 20.000 á
mánuði.
Hanna eigið lukkudýr
Launakostnaður við þjálfara mfl.
karla er ekki inni í launaþakinu en sé
um leikmann og þjálfara að ræða hjá
einhverjum liðanna bætast við 50
þúsund á mánuði hjá því félagi.
Ekki er heimilt að greiða hærri
laun fyrir þjálfun yngri flokka en
sem nemur 75.000 og er það gert til
þess að koma í veg fyrir „duldar“
greiðslur til leikmanna.
Á heimaleikjum liðanna er gerð
krafa um leikskrá, að leikmenn verði
kynntir, að einn aðili sjái um upplýs-
ingaflæði á meðan leikurinn stendur
yfir, félögin verða að „hanna“ sitt
eigið lukkudýr, halda úti virkri
heimasíðu, leika áhorfendavæna tón-
list ásamt ýmsum öðrum hlutum.
Allt að 100.000 kr. í sekt
Brjóti lið af sér gagnvart þessum
reglum verða liðin sektuð um allt að
100.000 kr. og geta átt á hættu að
missa allt að fjögur stig. Við gróft
eða ítrekað brot getur sektin orðið
allt að 500.000 kr. og liðum gæti ver-
ið vísað frá keppni. Gerist slíkt þá
leikur viðkomandi lið í 1. deild á
næstu leiktíð en næstneðsta lið
deildarinnar tekur sæti þess liðs
sem dæmt er úr leik.
Stjórn KKÍ mun skipa eftirlits-
nefnd sem mun fylgjast grannt með
gangi mála og er nefndin skipuð til
eins árs í senn.
Morgunblaðið/Kristinn
Leikmenn Keflvíkinga fögnuðu sjötta meistaratitli félagsins í körfuknattleik karla í vor eftir
snarpa úrslitarimmu við nágranna sína úr Grindavík.
Launaþak, sektir
og betri umgjörð
NEFND á vegum Körfuknattleikssambands Íslands, KKÍ, hefur skil-
að af sér reglugerð sem send hefur verið til allra félaga sem eiga lið
í úrvalsdeild karla en á ársþingi KKÍ í Stykkishólmi í vor var sam-
þykkt að engar takmarkanir yrðu á hlutgengi leikmanna í deildinni
vegna þjóðernis eða ríkisborgararéttar en þess í stað var sett á
launaþak sem félögunum er skylt að starfa eftir. Að auki verða
gerðar auknar kröfur um innra starf úrvalsdeildarliða, umgjörð
leikja, upplýsingaflæði ásamt fleiru.
JÓN Arnar Magnússon, Íslands-
methafi í tugþraut úr Breiðabliki,
keppir á alþjóðlegu tugþraut-
armóti í Ratingen í Þýskalandi í
dag og á morgun.
Þetta er annað tugþrautarmótið
sem Jón tekur þátt í sumar en hann
hafnaði í þriðja sæti á móti í Götzis
í Austurríki í byrjun júní. Jón Arn-
ar sagði í samtali við Morgunblaðið
að hann reiknaði með að þetta yrði
síðasta tugþrautarmótið sem hann
tekur þátt í áður en að heimsmeist-
aramótinu í París kemur í lok
ágúst. Í millitíðinni kemur Jón
hingað heim og keppir með fé-
lögum sínum í Breiðabliki á Meist-
aramóti Íslands og í Bikarkeppni
Frjálsíþróttasambands Íslands.
„Geri mitt besta“
Jón sagðist hlakka til keppn-
innar í Ratingen en þetta er í ann-
að sinn sem hann spreytir sig þar. Í
fyrra náði hann sinni bestu þraut í
fjögur ár í Ratingen, með 8.390
stigum.
„Ég er í góðri æfingu og vona
það besta.“ Hann vildi þó ekki gefa
neitt upp um markmið sín á
mótinu. „Ég er orðinn svo sjóaður í
þessu að ég ætla að láta það eiga
sig að vera með einhverjar yfirlýs-
ingar um væntanlegan árangur. Ég
stefni bara á að gera mitt besta.“
Einvígi Sebrles og Jóns?
Helstu andstæðingar Jóns í
þrautinni í Ratingen verða heims-
methafinn Roman Sebrle frá Tékk-
landi, Ungverjinn Attila Zsivoczky
og Þjóðverjarnir Sebastian Knabe
og Mike Maczey. Þrefaldur heims-
meistari í tugþraut, Tékkinn Tom-
ás Dvorák, varð að draga sig út úr
mótinu á þriðjudaginn vegna kvefs
og hálsbólgu. Það stefnir því í ein-
vígi Sebrles og Jóns Arnars í Rat-
ingen.
Jón Arnar í Ratingen