Morgunblaðið - 12.07.2003, Blaðsíða 48
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 12. JÚLÍ 2003 VERÐ Í LAUSASÖLU 190 KR. MEÐ VSK.
– leiðandi í lausnum
Skeifunni 17AcoTæknival Sími 550 4000 Fax 550 4001
Áskriftarsími 881 2060
Í FORMI
Stærsta útsalan
Opið kl. 10.00 - 18.00
AÐ MESTU leyti er búið að fjár-
magna gerð Óvinafagnaðar sem er
langdýrasta kvikmyndaverkefni Ís-
landssögunnar. Áætlaður fram-
leiðslukostnaður er um einn og
hálfur milljarður króna.
Friðrik Þór Friðriksson leikstjóri
myndarinnar staðfestir þetta en í
gær fékk hún vilyrði fyrir styrk að
upphæð 75 milljónir króna úr Kvik-
myndasjóði. Er það hæsta styrkvil-
yrði sem kvikmynd hefur fengið
hér á landi.
Hjörtur Grétarsson, framleiðslu-
fulltrúi Kvikmyndamiðstöðvar Ís-
lands, kveðst ánægður með að geta
veitt þessa stóru fjárhæð en áætlað
er að 880 milljónir króna skili sér til
Íslands við gerð myndarinnar, að
sögn Hjartar.
Það er Íslenska kvikmynda-
samsteypan sem framleiðir Óvina-
fagnað en myndin byggist á sam-
nefndri bók Einars Kárasonar.
Fjármögn-
un myndar
upp á 1,5
milljarða
nær lokið
Óvinafagnaður/9
ÁRNI Magnússon félagsmálaráðherra útilokar
ekki breytingar á lögum um fæðingar- og for-
eldraorlof í kjölfar niðurstöðu úrskurðarnefndar
fæðingar- og foreldraorlofsmála frá í gær.
Nefndin komst að því að umrædd lög feli ekki í
sér rétt foreldra til orlofslauna, heldur einungis
réttinn til orlofstöku.
Nefndin úrskurðaði í kærumáli föður gegn
Tryggingastofnun ríkisins en maðurinn hafði
kært ákvörðun TR um að reikna ekki orlofslaun
vegna áunnins réttar í fæðingarorlofi. Í úrskurði
sínum staðfesti úrskurðarnefndin ákvörðun TR
um greiðslu til föðurins.
Niðurstaðan þvert á álit
félagsmálaráðuneytisins
Úrskurðurinn er þvert á álit það sem félags-
málaráðuneytið hafði áður sett fram þess efnis
að Fæðingarorlofssjóði bæri að greiða foreldrum
orlofslaun. Kom það álit fram hjá Páli Péturs-
syni, fyrrverandi félagsmálaráðherra, í mars sl. í
svari sínu vegna fyrirspurnar Jóhönnu Sigurð-
ardóttur, þingmanns Samfylkingar.
Árni Magnússon félagsmálaráðherra sagði úr-
skurðinn hafa komið sér „svolítið á óvart“ en að
hann hefði búist við að málið færi á hvorn veginn
sem væri. „Ég deili ekki við nefndina, enda er
það hennar að kveða upp úrskurði,“ segir Árni.
„Það er því ekki um önnur úrræði að ræða fyrir
kærandann en að vísa málinu til dómstóla ef
hann unir ekki niðurstöðunni.“
Ráðherra útilokar ekki breytingar
á lögum um fæðingar- og foreldraorlof
„Félagsmálaráðuneytið komst í vor að annarri
niðurstöðu en nefndin nú og taldi rétt foreldra til
orlofslauna vera fyrir hendi, en menn hefur
reyndar löngum greint á um túlkun laga. Hér
hefur hins vegar nefndin komist að niðurstöðu
og ráðuneytið unir henni.“
Aðspurður hvort hann sem félagsmálaráð-
herra muni beita sér fyrir breytingum á lögum
um fæðingar- og foreldraorlof, sem myndu fela í
sér skýlausan rétt foreldra til orlofslauna, minn-
ir Árni á að Fæðingarorlofssjóður sé fjármagn-
aður af tryggingagjaldi sem lagt er á atvinnu-
lífið. „Ef aðilar vinnumarkaðarins óska
sameiginlega eftir því við mig að lögunum verði
breytt, mun ég að sjálfsögðu taka það til skoð-
unar í samráði við þá. Ríkið sem vinnuveitandi
hefur viðurkennt rétt langflestra opinberra
starfsmanna í fæðingarorlofi til orlofslauna,
þannig að aðilar vinnumarkaðarins verða að
komast að niðurstöðu hvað þá snertir,“ segir
Árni
Lögin einungis talin fela
í sér rétt til orlofstöku
Faðir fær ekki/6
Úrskurðað í máli föður í fæðingarorlofi gegn Tryggingastofnun ríkisins
SAMKVÆMT skýrslu Efna-
hags- og framfarastofnunar-
innar, OECD, eru hvergi meiri
hömlur á beina erlenda fjár-
festingu innan OECD en hér á
landi. Samkvæmt skýrslunni
hafa hömlur á slíka fjárfestingu
farið minnkandi í öllum ríkjum
OECD frá árinu 1980 til 2000,
en bæði árin voru hömlurnar
þó mestar hér á landi.
Þór Sigfússon framkvæmda-
stjóri Verslunarráðs segir að á
mörgum sviðum verði næsta
skref erlendrar útrásar ís-
lenskra fyrirtækja ekki tekið
nema opnað verði fyrir fjár-
festingar útlendinga hér á
landi.
Ástæðan sé sú að útrás fyr-
irtækja gangi ekki aðeins út á
að íslensk fyrirtæki kaupi er-
lend, heldur þurfi útlendingar
að geta orðið hluthafar í ís-
lenskum fyrirtækjum í gegnum
samruna.
Mestar
hömlur á
erlenda
fjárfestingu
Mestar/12
Bændur víðsvegar um land nýttu sér sólargeislana í
gær við heyskap en hann hefur gengið erfiðlega und-
anfarnar vikur vegna votviðris og því kærkomið að fá
gott veður. Á myndinni er Ólafur Guðbjartsson bóndi á
Sjávarhólum að plasta heybagga á túnunum á Árvöll-
um á Kjalarnesi.
Morgunblaðið/Sverrir
HEYSKAPUR hefur gengið erf-
iðlega á Suður- og Vesturlandi síð-
ustu tvær vikurnar. Gærdagurinn
var reyndar víða mjög góður og
þeir sem byrjuðu heyskap snemma
í júní náðu margir mjög góðum
heyjum. Runólfur Sigursveinsson,
ráðunautur hjá Búnaðarmiðstöð
Suðurlands, segir þetta mun erf-
iðara heyskaparsumar en und-
anfarin sumur.
„Þeim sem voru fyrstir til að
hefja slátt gekk mjög vel, en það
hefur gengið brösótt núna síðustu
tvær vikurnar. Hey hafa verið að
hrekjast, ekki síst vegna þess að
veðurspáin hefur staðist illa,“ sagði
Friðrik Jónsson, ráðunautur hjá
Búnaðarsamtökum Vesturlands.
Spáð var þurru og góðu veðri
síðustu helgina í júní, en sú spá
brást algerlega. Friðrik sagði að þá
hefðu margir bændur slegið mikið
og fengið rigningu í allt saman.
Síðan væri búin að vera vætusöm
tíð.
Friðrik sagði að allmargir kúa-
bændur hefðu verið búnir að heyja
þegar óþurrkarnir hófust, en sauð-
fjárbændur væru almennt seinna á
ferðinni. Friðrik sagði að sprettan
væri almennt góð og sumstaðar
mjög góð.
Runólfur Sigursveinsson hefur
sömu sögu að segja af Suðurlandi.
Mjög erfið heyskapartíð hafi verið
síðustu 2–3 vikurnar. Hann sagði
að þeir sem byrjuðu fyrst hefðu náð
afbragðsgóðum heyjum, en þeir
sem hefðu staðið í heyskap síðustu
vikurnar hefðu átt í erfiðleikum
vegna rigninga. Það fóður sem sett
hefði verið í rúllur hefði oftar en
ekki verið of blautt. Hann sagði að
grös væru farin að spretta úr sér,
en við það rýrnar fóðurgildi þeirra.
Runólfur tók fram að staðan
væri mismunandi milli bæja. Marg-
ir, sérstaklega kúabændur, væru
búnir með fyrri slátt. Aðrir væru
skemmra á veg komnir og hefðu
átt erfiða daga eftir að þeir hófu
slátt.
Heyskapur
hefur víða
gengið
erfiðlega
ATVINNULEYSI minnkaði úr
3,6% í 3,2% frá maí til júní. Fjöldi at-
vinnuleysisdaga í júní jafngildir því
að 5.081 hafi verið atvinnulaus í mán-
uðinum að meðaltali. Þetta er fækk-
un um 217 frá því í maí, en 43% aukn-
ing frá því í júní í fyrra.
Í frétt frá Vinnumálastofnun segir
að líklegt sé að atvinnuleysi verði
minna í júlí en í júní. Það verði lík-
lega á bilinu 2,9% til 3,2%.
Þá segir að á landsbyggðinni
minnki atvinnuleysi um 17% milli
mánaða. Atvinnuleysi er nú 2,3% af
mannafla á landsbyggðinni en var
3% í maí sl. Atvinnuleysið á lands-
byggðinni var 1,6% í júní árið 2002.
Atvinnuleysi minnkar alls staðar á
landinu nema á höfuðborgarsvæðinu
þar sem um óverulegar breytingar
er að ræða. Atvinnuleysið minnkar
hlutfallslega mest á Norðurlandi
vestra og Austurlandi. Vinnumála-
stofnun segir að sérstök verkefni á
vegum svæðisvinnumiðlana séu víða
í gangi sem hafi borið þann árangur
að margir atvinnulausir hafi fengið
vinnu.
Atvinnuleysi minnkar