Morgunblaðið - 13.07.2003, Blaðsíða 8

FRÉTTIR
8 SUNNUDAGUR 13. JÚLÍ 2003 MORGUNBLAÐIÐ
Upplýsingavefur Vegagerðarinnar
80–90 þúsund
heimsóknir
VEGAGERÐINrekur fjölbreyttanupplýsingavef um
samgöngukerfi landsins,
þar sem ferðalangar geta
sótt margvíslegar upplýs-
ingar um vegakerfið, svo
sem veður og færð, umferð
og margt fleira sem að
gagni getur komið. Slóðin
er vegagerdin.is Viktor
Arnar Ingólfsson er út-
gáfustjóri Vegagerðarinn-
ar.
– Er þessi vefur búinn
að vera lengi í smíðum?
Hann er búinn að vera
uppi í allmörg ár, en þetta
útlit sem er á vefnum nú
er um það bil þriggja ára
gamalt og við erum stöð-
ugt að bæta við upplýsing-
um. Við leggjum mjög
mikla áherslu á ferðaupplýsingar
og kortin sem þeim tengjast. Þau
eru okkar stóra tromp og flestar
heimsóknir eru inn á þann hluta
vefjarins. Á þessum árstíma er
svo sem ekki mikið að gerast, en á
veturna er þetta mjög sterkt
verkfæri sem við höfum þarna. Á
kortunum eru samtímaupplýsing-
ar um veður og færð alls staðar á
landinu. Upplýsingarnar eru sótt-
ar sjálfvirkt í flestum tilvikum
tvisvar á klukkustund til 65 veð-
urstöðva, en þar af eru 50 í eigu
Vegagerðarinnar. Til viðbótar eru
vegmyndavélar á nokkrum erfið-
ustu fjallvegum landsins og á
myndunum getur fólk séð hvernig
veður og færð er á viðkomandi
fjallvegum, en myndir eru sóttar
einu sinni á hverri klukkustund.
– Þessar upplýsingar eru auð-
vitað mest notaðar á veturna þeg-
ar veður eru válynd?
Já, þarna geta okkar menn
fylgst með ástandinu á vegunum.
Þeir eru auðvitað mjög vanir að
lesa úr veðurupplýsingum og geta
út frá þeim að verulegu leyti
ákvarðað þörf fyrir snjómokstur
og annað slíkt og eins hvort það sé
ferðaveður yfir höfuð eða ekki.
Oft er það einfaldlega veðurhæðin
sem ræður því. Sama gildir auð-
vitað um ferðalanga, enda er
raunin sú að fjöldi heimsókna á
vefinn okkar stendur í réttu hlut-
falli við vindstyrk og hefur talan
yfir sóttar síður farið í 80–90 þús-
und á dag þegar mest er.
Þá er einnig að finna á vefnum
upplýsingar um ástand fjallvega á
sumrin og hvenær þeir eru opn-
aðir. Við endurskoðum kort um
þetta vikulega og smám saman
fækkar þeim vegum sem lokaðir
eru. Þannig er nú einungis einn
fjallvegur lokaður, vegur frá Arn-
arvatnsheiði og yfir á Kjalveg.
Við erum einnig með kort þar
sem fram koma upplýsingar um
framkvæmdir á hverju ári. Inn á
kortið setjum við upplýsingar um
það hvar á landinu er verið að
vinna í vegagerð og hvar er verið
að leggja bundið slitlag. Tilgreint
er hver framkvæmdin er og nán-
ari lýsing á henni. Um Fáskrúðs-
fjarðargöng stendur til
dæmis að þau séu 5,9
km löng og nýbygging
vegar sé 8,5 km, auk
upplýsinga um fjár-
veitingar, verktaka og
áætluð verklok. Við erum einmitt
að vinna núna í kortinu fyrir
Norðurland eystra og það breyt-
ist daglega hvað maður skrifar
þar fyrir Héðinsfjarðargöngin.
– Er á vefnum einnig að finna
upplýsingar um hvað margir
leggja leið sína um þjóðvegi
landsins?
Já, við flestar veðurstöðvar eru
einfaldir umferðarteljarar og á
vefnum sést hve margir hafa farið
um veginn síðustu tíu mínútur og
uppsafnað frá miðnætti. Við fylgj-
umst mjög náið með umferðar-
þunga á einstökum vegum og
flokkum upplýsingarnar eftir
stærð bifreiða. Þessar upplýsing-
ar eru grunnurinn í útreikningi á
hagkvæmni einstakra vegafram-
kvæmda. Það nýjasta í þessum
efnum eru upplýsingar á vefnum
um hraða bifreiða á einstökum
vegum og bil á milli bíla, en þetta
er nýjasta rósin í hnappagat þjón-
ustudeildar Vegagerðarinnar sem
hefur staðið sig mjög vel í miðlun
upplýsinga að þessu leyti. Þarna
er um að ræða rauntímaskrán-
ingu á hraða bifreiða á einstökum
vegum. Bifreiðarnar eru flokkað-
ar niður eftir hraða og þannig sést
hve margar bifreiðar hafa til
dæmis á Hellisheiðinni ekið hrað-
ar en á löglegum hámarkshraða
og hversu margar undir hámarks-
hraða og það flokkað nánar niður.
Til að mynda sést hversu margir
aka hraðar en á 120 km hámarks-
hraða á einstaka vegum.
Þá er einnig á sama stað á vefn-
um að finna upplýsingar um bil á
milli bifreiða og það flokkað niður
eftir tíma allt niður í það þegar
minna en tvær sekúndur eru á
milli bifreiða. Þessi þáttur er
mjög mikilvægur hvað umferðar-
öryggi snertir, en slysahættan
eykst eftir því sem hraðinn er
meiri og bilið á milli bifreiðanna
styttist. Þannig sést hér á vefnum
núna þegar við erum að tala sam-
an að minna en tvær
sekúndur eru á milli 25
og 30% bifreiða sem
eru að fara um Geit-
háls. Þarna hafa lög-
regla og Umferðar-
stofa mjög gott verkfæri til þess
að fylgjast með umferðinni stöð-
ugt og til að gera þær ráðstafanir
sem þurfa þykir. Það er þjónustu-
deild Vegagerðarinnar sem sér
um þessar síður og hefur útfært
tæknina til að fylgjast með þess-
um þáttum umferðarinnar og hún
hefur staðið sig sérstaklega vel í
þessum efnum með góðum stuðn-
ingi tölvudeildar.
Viktor Arnar Ingólfsson
 Viktor Arnar Ingólfsson er
fæddur 12. apríl 1955. Hann er
útskrifaður tæknifræðingur frá
Tækniskóla Íslands og hefur
unnið hjá Vegagerðinni frá
fermingu, fyrst í brúarvinnu en
síðustu árin sem yfirmaður út-
gáfumála hjá Vegagerðinni en
undir það fellur meðal annars yf-
irumsjón með vef Vegagerð-
arinnar. Viktor skrifar glæpa-
sögur í frístundum sínum og er
vel þekktur sem slíkur. Hann er
kvæntur Valgerði Geirsdóttur og
eiga þau tvær dætur.
Upplýsingar
um veður
og færð
BUNDIÐ slitlag hefur nú verið lagt
á sjö kílómetra af 11,3 af Vestfjarða-
vegi um Dalafjall og er ætlunin að
lagningu þess verði lokið fyrir versl-
unarmannahelgi og vegurinn form-
lega opnaður um miðjan ágúst. Öðr-
um frágangi verður lokið fyrsta
september og er það um mánuði
fyrr en áætlun gerði ráð fyrir. Arn-
arfell ehf. sér um verkið og hefur
því miðað vel áfram ekki síst vegna
einmuna veðurblíðu á sl. ári.
Að sögn Þórs Konráðssonar verk-
stjóra Arnarfells hefur aðeins einn
dagur fallið úr vinnu vegna veðurs.
Verkið hefur tekið þrjú ár en byrjað
var á nýja veginum Dalamegin árið
2001 en unnið Borgarfjarðarmegin á
síðasta ári og þessu. Vinnubúðir
hafa verið á fjallinu allan tímann og
mest unnu 34 starfsmenn í einu við
verkið. Úthald hefur verið í 10 daga
í senn, unnið frá kl. 7–19 og frí í þrjá
daga þess á milli, en í fyrra var unn-
ið allan sólarhringinn á vöktum.
Skiptar skoðanir um nafnið
Fram hefur komið í fjölmiðlum að
menn eru ekki á eitt sáttir um nafn
á nýja veginum en Vegagerðin legg-
ur áherslu á að hann skuli heita
Vestfjarðavegur um Dalafjall. Leið-
in um þennan fjallveg vestur í Dali
hefur ávallt verið nefnd Bratta-
brekka, en gamla þjóðleiðin milli
Borgarfjarðar og Miðdala lá um
Bjarnardal og Bröttubrekku. Þegar
bílvegur var lagður í Dali á árunum
1929–1932 var farin önnur leið og
byggðar brýr yfir Bjarnardalsá og
Miðdalsgil. Nafn Bröttubrekku var
þrátt fyrir það oftast notað áfram
yfir nýju leiðina og hefur haldist
þessi rúm 70 ár. Nýi vegurinn ligg-
ur um Miðdal og Merkjahrygg á
sömu slóðum og sá eldri. Í Norður-
árdal mætir hann hringveginum við
sömu vegamót en sveigir vestan við
bæinn Dalsmynni. Hann er í svip-
aðri hæð, hæst um 403 m.y.s með
breiðari og beinni veglínu.
Lengsta steypta ræsi landsins
Ekki er um neina styttingu á
vegalengd að ræða, en gamli veg-
urinn var bæði brattur og krókóttur
malarvegur. Á honum voru þrjár
mjóar brýr með slæmri aðkomu. Á
nýju leiðinni hverfa S-beygjurnar
sem einkenndu leiðina bæði sunnan
og norðan megin og engar brýr eru
lengur, því ræsi hafa verið sett yfir
ár og gil.
Yfir Bjarnardalsá hefur verið
settur 5 m hár og 64 m langur stál-
steyptur stokkur sem fyllt hefur að
hluta til verið að, en þar innan í er
101 m steyptur hólkur sem er 5 m
þvermál. Það mun vera lengsta
steypta ræsi hérlendis. Þór verk-
stjóri segir að þetta sé nýjung í
vegagerð og sé sama tækni og notuð
var við gerð snjóflóðavarnargarðs-
ins í Neskaupstað, sem Arnarfell
hannaði. Gömlu brýrnar yfir fjallið
hafa verið eyðilagðar nema gamla
brúin yfir Miðdalsgilið og vilja sum-
ir varðveita hana til minningar um
brúargerð fyrri tíma.
Ljóst er að vegurinn er mikil
samgöngubót og verður vetrarfærð
mun auðveldari yfir fjallið. Þór seg-
ir að sér finnist hönnun vegarins
sérstaklega góð og falli vel að lands-
laginu. Arnarfell pakkar saman
vinnubúðunum í september að verki
loknu og heldur á vit nýrra verk-
efna.
Bundið slitlag komið á 7 km af 11,3 km vegi um Dalafjall
Morgunblaðið/Guðrún Vala
Nýi vegurinn yfir Bröttubrekku (Dalafjall) er mikil samgöngubót og verður tekinn í notkun á næstunni.
Framkvæmdir mán-
uði á undan áætlun
Margir vilja varðveita gömlu brúna yfir Miðdalsgilið til minningar um brú-
argerð fyrri tíma, en steypt ræsi leysir brúna af hólmi.
Þór Konráðsson, verkstjóri hjá Arnarfelli, er mjög ánægður með hvað
framkvæmdir við veginn gengu vel. Hann þakkar það ekki síst góðri tíð.
Borgarnesi. Morgunblaðið.
HAFIST verður handa við upp-
setningu á neyðartalstöðvum í
skálum Ferðafélags Íslands á
næstu dögum á vegum Slysavarna-
félagsins Landsbjargar og Ferða-
félagsins. Settar verða upp 10
neyðartalstöðvar í skálum Ferða-
félagsins á gönguleiðinni milli
Landmannalauga og Þórsmerkur,
Laugaveginum svokallaða, og á
fleiri stöðum þar sem fjöldi ferða-
manna fer um allt árið. Talstöðv-
arnar eru stilltar á rás 16, neyð-
arrás, en hlustvarsla á rásinni er á
strandstöðvum Landsímans ásamt
því að skip og bátar nota rásina í
neyðartilfellum. Á þeim stöðum
þar sem rásin nær ekki sambandi
við strandstöðvar verða stöðv-
arnar stilltar inn á fjarskiptaend-
urvarpa björgunarsveitanna þann-
ig að samband næst til byggða.
Ráðist er í verkefnið til að auka
öryggi ferðafólks en dæmi eru um
að björgunarsveitir hafi leitað að
ferðafólki sem komist hefur í skála
Ferðafélagsins en ekki haft með-
ferðis nein fjarskiptatæki til að
láta vita af sér með. Hefðu tal-
stöðvarnar verið til staðar í skál-
unum hefði verið unnt að komast
hjá umfangsmiklum leitaraðgerð-
um.
Neyðartalstöðvar settar
í skála Ferðafélagsins