Morgunblaðið - 13.07.2003, Blaðsíða 49
FÓLK Í FRÉTTUM
MORGUNBLAÐIÐ SUNNUDAGUR 13. JÚLÍ 2003 49
Sandey
Sundaborg 9, 104 Reykjavík,
sími 533 3931, fax 588 9833
sandey@simnet.is
MAXIM
SVITASTOPPARI
Pantaðu Fríþjónustu Morgunblaðsins
í síma 569 1122, askrift@mbl.is
eða á
Þjónustan gildir fyrir fjóra daga að lágmarki
og hana þarf að panta fyrir kl.16 daginn áður.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
2
10
21
05
/2
00
3
Fáðu Morgunblaðið sent
Við sendum blaðið innpakkað og merkt
á sumardvalarstaði innanlands.
Morgunblaðið bíður þín
Við söfnum blaðinu fyrir þig á meðan þú ert
í fríi og sendum til þín þegar þú kemur
heim aftur.
Fríþjónusta
Ertu
að fa
ra
í frí?
Viltu vinna flugmiða?
Á mbl.is geta áskrifendur Morgunblaðsins
tekið þátt í léttum spurningaleik um
Fríþjónustuna. Heppnir þátttakendur eiga
möguleika á að vinna flug fyrir tvo til Prag
eða Budapest með Heimsferðum.
Taktu þátt!
KVIKMYNDIN Ussss erfyrsta kvikmyndaverkEiríks Leifssonar í fullrilengd. Eins og undirtitill-
inn „Ekkert sérstaklega rómantísk
gamanmynd“ gefur til kynna er hér
á ferð mynd með eitursvörtum
gálgahúmor. Myndin segir sögu
tveggja ungra manna: Rebba sem er
þjófóttur iðjuleysingi sem leggur á
ráðin um að ræna kaupmanninn á
horninu og Sæla sem rekur safnara-
verslun og heldur verndarhendi yfir
Rebba. Gæska Sæma verður á end-
anum til þess að hann flækist inn í
flókna atburðarás þar sem morðóð
kærasta, spilltar löggur og forhert-
ur búðareigandi koma við sögu auk
fjölda annarra litríkra aukapersóna.
Framleiðslukostnaði við myndina
var haldið í lágmarki og meginþorri
leikara með litla sem enga reynslu í
leiklist en Eiríkur segist telja að
þetta sé fyrsta íslenska kvikmyndin
sem kemur út skuldlaus. „Þetta er
eiginlega vina- og kunningjahópur,“
segir Eiríkur, leikstjóri mynd-
arinnar, um hópinn sem að henni
stendur. „Annar aðalleikarinn hafði
lokið einu ári við LHÍ og hinn starf-
að með Leikfélaginu í Keflavík en
annars hafði enginn leikaranna
komið nálægt leiklist.“
Alltaf langað að leikstýra
Eiríkur er með myndinni að láta
draum rætast: „Mig hefur alltaf
langað til að vera kvikmyndagerð-
armaður og vissi að fyrir mig væri
rétta leiðin að gera óháða kvik-
mynd. Ég ætlaði að gera mynd á
filmu fyrir mörgum árum og gróf
hugmynd að mynd og lítið handrit
varð fyrst til árið 1996. En að taka
upp mynd var á þeim tíma alltof
dýrt ferli, jafnvel þó að tekið hefði
verið upp á 16mm filmu.“ Það var
síðan með byltingu í stafrænni upp-
töku að færi gafst til að taka mynd-
ina upp: „Fyrsta myndin í fullri
lengd sem tekin var upp stafrænt
leit dagsins ljós og ég fór að skoða
þetta betur. Ég lagði hugmyndina
fyrir vini mína og kunningja, sem
margir hverjir eru að reyna fyrir
sér í þessum bransa, og þeim leist
öllum ágætlega á að taka þátt.“
Það var á vordögum 2000 að tök-
ur við myndina hófust. Eiríkur, sem
þá var 25 ára, valdi leikarana í hlut-
verkin ekki síst eftir því hversu vel
þeirra eigin persónuleiki samræmd-
ist sögupersónunni. Hann segist
ekki hafa þurft að þjálfa leikarana
sérstaklega heldur æfðu þeir aðeins
nokkra samlestra. Að sama skapi
gaf hann leikurunum visst svigrúm í
hlutverkum sínum: „Fyrir mynda-
töku skrifaði ég niður öll atriðin og
hvernig ég vildi hafa þau. En þegar
ég sá hvernig leikararnir unnu úr
þessu og ef þeir spunnu eitthvað
nýtt við, breytti ég jafnvel uppsetn-
ingunni í samræmi við það.“ Hann
tók þó leikarana engum vett-
lingatökum: „Tökutími var mjög
misjafn en ef þurfti á því að halda til
að ná fram rétta augnablikinu, gat
hver atriðisbútur farið upp í 20 eða
30 tökur.“
Unnin að mestu um
kvöld og helgar
Þar sem myndin var unnin í sjálf-
boðavinnu fór mest af upptökum
fram um helgar og á kvöldin og var
helsti vandinn þá oft að ná hópnum
saman á einn stað. Það tókst að
ljúka meginþorra upptakna á sex
vikum: „Fyrstu sex vikurnar voru
allir þvílíkt spenntir og þótti af-
skaplega gaman. Þá var innan við
fimmtungur myndarinnar eftir en
það tók álíka langan tíma að klára
þann litla hluta sem eftir var því
dampurinn var dottinn niður og fólk
farið að setja sig í vetrarstellingar.
Síðan fór ég að lenda í alls kyns
vandræðum þegar fólk fór að skipta
um klippingu og jafnvel snoða sig!“
Eftir upptökuævintýrið var Eirík-
ur orðinn staurblankur og urðu það
örlög myndarinnar að fara ofan í
skúffu í rúmlega ár þar til hann hitti
Vigdísi Gígju Ingimundardóttur og
Eyjólf Snædal Aðalsteinsson sem
tóku að sér klippingu myndarinnar,
grafíska vinnu og litgreiningu.
Vinnsla myndarinnar tók því
nokkuð langan tíma, og aðalleik-
arinn, sem var að hefja nám við leik-
listarskólann þegar myndin var tek-
in upp er nú að útskrifast.
Afraksturinn er þó mynd sem var að
sama skapi ákaflega ódýr í fram-
leiðslu: „Þegar maður er að gera
svona mynd þá heldur maður kostn-
aði í lágmarki meðal annars með því
að hafa fáa tökustaði og leikara.“
Án þess að láta það bitna um of á
gæðum var tækjabúnaður skorinn
við nögl og mikið af þeim blóðs-
úthellingum og líkamsmeiðslum
sem í myndinni sjást – og enginn
skortur er á – gerð með hyggjuviti
og útsjónarsemi auk þess að förð-
unarmeistarinn Stefán Jörgen bauð
fram krafta sína.
Svart háð til að skemmta
„Sagan er hönnuð til að skemmta
fólki sem fellur fyrir þessari gerð af
húmor. Þetta er nokkuð í svartari
kantinum,“ segir Eiríkur en kveðst í
sjálfu sér ekki vera með neinar vís-
anir eða djúpar listrænar meiningar
þótt honum þyki myndin að bygg-
ingu til og efnislega hugsanlega
minna á Pulp Fiction eða Lock
Stock and Two Smoking Barrels:
„Ég er ekki endilega að reyna að
sýna góðu gæjana heldur er þetta
kannski saga af fólki sem í raun er
ekkert svo gott.“
Myndin er prýdd miklu úrvali ís-
lenskrar tónlistar en margar af
fremri jaðartónlistarhljómsveitum
ljá myndinni lög sín. Þar má nefna
Kuai, Andlát, Elexír, Rúnk og fleiri.
Framleiðendur Ussss eru Eiríkur
Tryggvason og Tryggvi Þór Reyn-
isson sem einnig aðstoðaði við upp-
tökur. Vigdís Gígja Ingimund-
ardóttir og Eyjólfur Snædal
Aðalsteinsson sáu um klippingu og
tónlistarval en aðalleikarar eru
Davíð Guðbrandsson sem Rebbi, Jón
Marínó sem Sæli, Sirrý Jónsdóttir
sem kærastan Kollý, Felix Eyjólfs-
son sem búðarmaðurinn, Þorsteinn
Viðarsson sem litla löggan og Bald-
ur Bragason sem stóra löggan.
Nýjasta viðbótin við íslenska kvikmyndaflóru gerir út á kaldhæðni
Ný íslensk kvikmynd,
Ussss, í leikstjórn
Eiríks Leifssonar
verður frumsýnd um
næstu helgi. Ásgeir
Ingvarsson átti spjall
við Eirík um þessa
frumraun hans í
kvikmyndagerð.
Morgunblaðið/Jim Smart
Eiríkur Leifsson, leikstjóri Ussss:
„Saga af fólki sem er ekkert svo gott.“
Aðalleikarar Ussss: Jón Marínó sem Sæli og Davíð Guðbrandsson sem Rebbi uppgötva undarlegan hlut í skottinu.
Sýningar á Ussss hefjast í
Háskólabíói í næstu viku.
asgeiri@mbl.is
Blóði drifinn gálgahúmor