Morgunblaðið - 13.07.2003, Blaðsíða 10

10 B SUNNUDAGUR 13. JÚLÍ 2003 MORGUNBLAÐIÐ
ferðalög
Á
CORNWALL-skaganum er
gróðursælt, hvítar sand-
strendur og afskaplega ró-
legt og stórfenglegt um-
hverfi. Þar er líka stærsta gróðurhús
heims. Aðeins um 40 mínútna flug er
frá London til bæjarins Newquay í
Cornwall.
Íslendingar hafa löngum vanið
komur sínar til Englands og þá
gjarnan heimsótt heimsborgina
London. En það er líka líf fyrir utan
London. Cornwall er sannkölluð
sumarparadís og þangað sækja
Lundúnabúar ef þeir vilja komast út í
náttúruna og losna við ys og þys
borgarlífsins. Þar er að finna vinsæl-
ar og fallegar sandstrendur sem
brimbrettafólk sækir grimmt. Á
Cornwall-skaga eru um 50 golfvellir
sem eru opnir allt árið um kring. Lítil
sjávarþorp eru meðfram allri strönd-
inni sem gaman er að skoða. Þar er
stærsti endurræktaði skrautgarður
Bretlandseyja, The Lost Gardens of
Heligan, og einnig Eden sem er talið
stærsta gróðurhús heims og álíka
stórt að flatarmáli og 35 fótboltavell-
ir.
Það er einmitt gróðurhúsið Eden
sem hefur hvað mest aðdráttarafl
fyrir ferðafólk sem heimsækir Corn-
wall-skaga. Á síðasta ári komu tvær
milljónir gesta til að skoða Eden, en
þegar gróðurhúsið var reist fyrir
þremur árum var takmarkið að fá 750
þúsund gesti á ári. Gróðurhúsið er í
dalbotni þar sem áður var náma.
Eden er nánast eins og skemmtigarð-
ur eða ævintýraveröld þar sem fólk
getur dvalið í góðu yfirlæti og farið í
skoðunarferðir um svæðið í litlum
vögnum. Einnig eru veitingastaðir og
ýmis leiktæki fyrir börn. Þá er á
svæðinu stórt svið til tónleikahalds.
Risavaxnar golfkúlur
Gróðurhúsið er líkast mörgum
risavöxnum golfkúlum þar sem
hæsta kúpa er 55 metrar á hæð. Einn
skemmtilegasti hluti gróðurhússins
er svæði þar sem endursköpuð hefur
verið eins konar vasaútgáfa af regn-
skógunum, enda er þar ekta regn-
skógarloftslag, hitanum er haldið í 32
gráðum og rakinn er mikill. Plöntu-
lífið er ríkulegt, alls er þarna að finna
um 250.000 plöntur frá Afríku, Mið-
jarðarhafinu, Suður-Ameríku og
Kaliforníu. Sú tilfinning læðist að
manni þegar gengið er um svæðið að
ljón og apar leynist innan um hávaxin
tré. Þar er líka þrjátíu metra hár foss
og 180 litlir gosbrunnar sem gera það
að verkum að loftslagið er nákvæm-
lega eins og í regnskógunum.
Þess má geta að nýjasta James
Bond-myndin „Die Another Day“ var
að hluta til tekin upp í Eden-garð-
inum, og einnig á Íslandi. Ein af
„golfkúlunum“ í Eden var í myndinni
gerð að íslenskri íshöll og síðan seig
Bond ofan í regnskóginn sællar
minningar. Það má því segja að Ís-
land og Cornwall eigi það sameigin-
legt að vera þátttakendur í síðustu
Bond-mynd.
The Lost Gardens og Heligan
Skrautgarðinn The Lost Gardens
og Heligan er skemmtilegt að skoða
fyrir þá sem hafa áhuga á gróðri og
garðrækt. Þar er að finna gríðarlega
flóru af plöntum og ávöxtum. Garð-
urinn hafði verið í miklum blóma fyr-
ir hálfri öld og var þá m.a. ananas
ræktaður þar. Síðan var hætt að
hugsa um garðinn og hann nánast
gleymdur og grafinn. Núverandi eig-
endur ákváðu fyrir rúmlega tíu árum
að koma honum í sem næst uppruna-
legt horf og hefur það tekist frábær-
lega. Um hálf milljón manna heim-
sótti garðinn á síðasta ári, en fyrir
fimm árum voru þeir aðeins 30 þús-
und.
Lágflugfargjaldafélagið Iceland
Express, sem flýgur daglega til
London, skipuleggur nú ferðir fyrir
Íslendinga frá Stansted-flugvelli til
Cornwall. Frá Stansted eru að
minnsta kosti tvær flugferðir daglega
með lágflugfargjaldafélaginu Ra-
yanair til Newquay á Cornwall-
skaga. Einnig er hægt að taka bíla-
leigubíl í London eða Newquay og
keyra um svæðið.
Cornwall er ákjósanlegur valkost-
ur fyrir íslenska ferðalanga sem vilja
ferðast ódýrt og heimsækja öðruvísi
staði á Bretlandi en borgarlíf Lund-
úna býður upp á.
Morgunblaðið/Valur Jónatansson
Risagróðurhúsin í Eden á Cornwall-skaga eru eins og undraveröld yfir að líta. Gróðurhúsin eru álíka stór að flatarmáli
og 35 fótboltavellir og þar er hæsta kúpa 55 metrar á hæð.
Hitanum innanhúss er haldið í 32
gráðum og rakinn er mikill.
Í skrautgarðinum The Lost Gardens og Heligan er margt forvitnilegt að sjá.
Baðstrendur, golfvellir og
stærsta gróðurhús í heimi
Cornwall-skagi á suðvestur-
odda Englands er staður sem
íslenskir ferðamenn hafa ekki
vanið komur sínar til í gegnum
árin. Eftir að hafa skoðað
sig um í Cornwall komst
Valur B. Jónatansson að
því að þessi syðsti hluti
Englands gæti verið kjörinn
staður fyrir Íslendinga.
Ferðamálaráð: www.cornwall-
touristboard.co.uk.
Eden: www.edenproject.com.
Saga og menning Cornwall:
www.cornwall.gov.uk./history
Ævintýraveröld á Cornwall-skaga
Ísland
Undraveröld Jöklu og
Kringilsárrana.
FERÐAFÉLAGIÐ Augnablik hefur
bætt við ferðum um Kára-
hnjúkasvæðið þann 18. ágúst nk.
Um er að ræða fimm daga göngu-
ferð, m.a. um Hafrahvammagljúfur
og Dimmugljúfur, en hin eiginlega
ganga hefst við leikandi létta
fossaröð Sauðár sunnan við gljúfr-
in. Gengið er vestan megin Jöklu
frá Sauðá að Kringilsárrana.
Gengið er jafnframt með Kringilsá
og ferðalangar fá að kynnast
Töfrafossi. Þá er m.a. farið um
Brúarjökul sem áður var í alfara-
leið. Ferðin hefst á Egilsstöðum
Verð kr. 25.000. Ágóði rennur í
baráttusjóð fyrir verndun hálend-
isins norðan Vatnajökuls.
Sex daga Fjallabaksferð
DAGANA 18. - 23. júlí verður farin
jeppaferð um Fjallabak með stutt-
um gönguferðum á völdum stöð-
um á vegum Útivistar. Farin verður
Öldufellsleið í Álftavötn, síðan í
Eldgjá og að Sveinstindi. Næst
liggur leiðin um Landmannalaugar
og Landmannahelli. Síðan verður
ekið yfir Pokahrygg og íshellarnir
við Hrafntinnusker skoðaðir. Keyrt
um Þverárbotna og Mælifellssand
og gengið að Strútslaug. Leiðarlok
verða síðan um Einhyrningsflatir
og að Þríhyrningi austanverðum.
Ferðin endar á Hvolsvelli á sjötta
degi. Fararstjórar verða Guðrún
Inga Bjarnadóttir og Ragnheiður
Óskarsdóttir. Verð á jeppa er kr.
8.400 og kr. 7.400 fyrir félags-
menn. Gist verður í tjöldum og
greiða verður fyrir gistingu sér-
staklega.
Nánari upplýsingar á slóðinni:
http://islandia.is/nature/
kringilsarrani.htm.
Áhugasamir geta einnig haft
samband við Ástu Arnardóttur:
astaarn@mi.is. Sími: 8626098
og Ósk Vilhjálmsdóttur:
osk@this.is. Sími: 6914212
Allar nánari upplýsingar er
hægt að fá á skrifstofu Útivist-
ar eða á heimasíðunni:
www.utivist.is
Eyjar og lífríki Breiðafjarðar - Snæfellsnesið magnað og söguríkt
- Fjölbreytt afþreying
- fjölbreytt þjónusta
- í fallegum bæ!
Velkomin í Stykkishólm!