Morgunblaðið - 14.07.2003, Blaðsíða 2
ÍÞRÓTTIR
2 B MÁNUDAGUR 14. JÚLÍ 2003 MORGUNBLAÐIÐ
ÞÓREY Edda Elísdóttir úr FH stökk 4,20
metra og vann stangarstökkskeppni á al-
þjóðlegu móti í Lapinlahti í Finnlandi í gær.
Hún gat ekki notað sínar eigin stangir í
keppninni þar sem þær urðu af einhverjum
óskiljanlegum ástæðum eftir á flugvellinum í
Düsseldorf og skiluðu sér aldrei til Finn-
lands. „Ég fékk staðfestingu á því að stang-
irnar myndu fylgja mér til Finnlands en þær
komu aldrei og eftir nokkra eftirgrennslan
kom í ljós að þær fóru aldrei um borð í flug-
vélina og eru því enn í Düsseldorf,“ sagði
Þórey í samtali við Morgunblaðið í gær og
viðurkenndi að það væri gremjulegt að lenda
í uppákomum af þessu tagi, en því miður
fylgi þær stangarstökkvrum því þetta komi á
tíðum fyrir.
„Ég fékk lánaðar stangir hjá finnskri
stúlku og því miður voru hennar stangir
nokkuð styttri en mínar, þar af leiddi að ég
gat aðeins notað tíu skrefa atrennu í stað
fimmtán skrefa. Það var því sennilega nokk-
uð skondið að sjá mig stökkva að þessu
sinni,“ sagði Þórey ennfremur.
Þórey lyfti sér yfir 4 metra í fyrstu tilraun
og einnig 4,20 en hafði ekki erindi sem erfiði
við 4,30 metra. Hún keppir næst í Cuxhaven í
Þýskalandi á laugardaginn kemur.
Magnús Aron yfir 60 metra
Magnús Aron Hallgrímsson, Breiðabliki,
er enn að berjast við að ná lágmarki fyrir
heimsmeistaramótið sem fram fer í París í
lok næsta mánaðar. Magnús kastaði kringl-
unni í gær 60,31 metra á móti í Svíþjóð. Það
er rúmum þremur metrum frá lágmarkinu.
Óðinn Björn Þorsteinsson, FH, keppti á sama
móti og kastaði kringlunni 49,66 metra.
Þriðji lærisveinn Vésteins Hafsteinssonar
kringlukastsþjálfara, Gerd Kanter frá Eist-
landi, kastaði kringlunni 65,11 metra. Hann
hefur tryggt sér farseðil á HM.
Þórey Edda Elísdóttir stökk
4,20 metra á lánsstöngum
Morgunblaðið/Billi
Þórey Edda Elísdóttir vann öruggan sigur í Lapinlathi í gær, stökk 20 sentímetr-
um hærra en næsti keppandi, þrátt fyrir að nota stuttar og mjúkar stangir.
FJÖLMENNASTA golfmót ársins er án efa Meistaramót Golfklúbbs
Reykjavíkur en þar eru 434 skráðir til leiks en keppni hófst í gær og
þar á meðal í meistarflokki karla og kvenna.
Haraldur H. Heimisson lék best allra í meistarflokki karla í gær á
tveimur höggum undir pari eða 69 höggum en parið á Korpúlfs-
staðavelli er 71 högg. Vallarmetið á Heiðar Davíð Bragason GKj., 66
högg. Næstir á eftir Haraldi koma þeir Björn Þór Hilmarsson á 70
höggum og Sigurjón Arnarsson og Guðmundur Ingvi Einarsson á 73
höggum. Anna Lísa Jóhannsdóttir lék á 76 höggum í gær í Meist-
araflokki kvenna, Ragnhildur Sigurðardóttir er á 77 höggum og
Sólveig Ágústsdóttir á 80 höggum.
Haraldur byrjaði vel
Hápunktur mótsins var sá aðKristín Rós Hákonardóttir
bætti eigið heimsmet í 50 metra bak-
sundi þar sem hún synti á 42,44 sek-
úndum sem er tæplega einni sek-
úndu betri tími en þegar hún setti
heimsmetið í greininni. Þá vakti at-
hygli sigur Eðvars Þórs Eðvarðs-
sonar í 50 metra baksundinu en þessi
36 ára gamli sundþjálfari, sem á ár-
um áður var besti sundmaður þjóð-
arinnar, stóðst ekki freistinguna og
skráði sig til leiks í greininni og gerði
sér lítið fyrir og sigraði og skaut
yngri sundmönnum sem eru í fullri
þjálfun ref fyrir rass. Tólf eru liðin
síðan Eðvarð Þór vann síðast til gull-
verðlauna á sundmeistaramóti en
hann setti sér það markmið í vetur
að keppa á mótinu en rúmur áratug-
ur er síðan Eðvarð hætti keppni og
sneri sér að sundþjálfun.
Reyknesingar voru
mjög sigursælir
Eins og áður sagði voru sundmenn
úr Reykjanesbæ sigursælir en alls
unnu þeir til 23 gullverðlauna á
mótinu. Sundfólk úr Sundfélagi
Hafnarfjarðar kom næst með 6 gull
og fjórum sinnum áttu Óðinsmenn
sigurvegara á mótinu.
„Þetta mót var með rólegra móti
og árangurinn ekkert til að hrópa
húrra fyrir. Við reiknuðum ekki með
neinum stórafrekum enda margt af
okkar besta sundfólki á leið til út-
landa til að keppa á mótum.
Heimsmet Kristínar Rós stóð upp
úr og þá kom sigur Eðvarðs flestum
á óvart og var svolítið kjaftshögg
fyrir strákana sem öttu kappi við
hann,“ sagði Magnús Tryggvason,
sundþjálfari, við Morgunblaðið í
gær.
Jakob Jóhann og
Ragnheiður stigahæst
Jakob Jóhann Sveinsson úr Ægi
hlaut Guðmundarbikarinn svo-
nefnda sem veittur er þeim sund-
manni sem nær besta afrekinu á
mótinu. Jakob Jóhann hlaut 780 stig
fyrir 50 metra bringusund sem hann
synti á 29,98 sekúndum. Jakob Jó-
hann hlaut einnig Pálsbikarinn sem
veittur er stigahæsta sundmanni
mótsins.
Hjá konunum var Ragnheiður
Ragnarsdóttir stigahæsti keppand-
inn og hlaut hún Kolbúnarbikarinn
svonefnda en hún hlaut 719 stig fyrir
100 metra skriðsund sem hún synti á
1.00,02 mínútum.
Í dag halda utan átta sundmenn
sem taka þátt á heimsmeistara-
mótinu sem fram fer í Barcelona.
Þetta eru: Örn Arnarson, ÍRB, Jak-
ob Jóhann Sveinsson, Ægi, Heiðar
Örn Marinósson, SH, Jón Oddur
Sigurðsson, ÍRB, Íris Edda Heim-
isdóttir, ÍRB, Lára Hrund Bjargar-
dóttir, SH, Anja Ríkey Jakobsdóttir,
SH og Kolbrún Ýr Kristjánsdóttir,
ÍA.
Sundfólkið hafði hægt um sig á sundmeistaramótinu í Hveragerði um helgina
Heimsmet Kristínar Rósar og
óvæntur sigur Eðvarðs Þórs
SUNDFÓLK úr Íþróttabandalagi
Reykjanesbæjar var sigursælt á
sundmeistaramóti Íslands sem
lauk í Hveragerði í gær. Mótið
var með rólegra móti og ein-
kenndist af því að helsta afreks-
fólkið er í miðjum undirbúningi
fyrir heimsmeistaramót og fleiri
alþjóðleg mót sem fram fara á
næstunni.
Morgunblaðið/Sigurður Jökull
Kristín Rós Hákonardóttir heldur áfram að taka framförum. Nú
bætti hún eigið heimsmet í 50 m baksundi um nærri eina sek-
úndu á Sundmeistaramóti Íslands í Hvergerði á laugardag.
■ Úrslit / B6