Morgunblaðið - 14.07.2003, Blaðsíða 7

KNATTSPYRNA
MORGUNBLAÐIÐ MÁNUDAGUR 14. JÚLÍ 2003 B 7
Leikgleði, ákefð og barátta var ein-kenni á öllum leikjum mótsins
þar sem markmiðið var aðeins eitt, að
hafa gaman af því að
spila fótbolta. Og má
með sanni segja að
því markmiði hafi all-
ir náð, þrátt fyrir að
nokkrir hafi skrámast í átökunum,
hlotið byltur og fengið högg. Allt hluti
af leiknum.
Forráðamenn unglinganefndar ÍA
gerðu veigamiklar breytingar á
keppnisfyrirkomulagi Lottómótsins
að þessu sinni en þar mættu til leiks
92 lið frá 24 félögum en keppendur
eru á aldrinum 5–7 ára gamlir, bróð-
urpartur þeirra drengir en eitt lið var
skipað stúlkum frá Akranesi. Kepp-
endur voru því um 780 alls og með
foreldrum, þjálfurum og „fylgdarliði“
má ætla að rúmlega 2.000 manns hafi
verið á Akranesi í tengslum við mótið.
Engir úrslitaleikir
Breytingarnar voru þær helstar að
stefnt var að því að liðin fengju fleiri
andstæðinga við hæfi.
Engir eiginlegir úrslitaleikur voru
leiknir að þessu sinni. Ekkert lið gat
endað neðar en í 6. sæti, en liðin léku í
deildum sem nefnd voru „enska
deildin“, „spænska deildin“, „ítalska
deildin og svo framvegis. Brandur
Sigurjónsson einn af höfuðpaurum
mótsins sagði að markmið Lottó-
mótsins væri að leikmenn upplifðu
knattspyrnu á jákvæðan hátt og færu
heim frá mótinu með góðar minning-
ar um skemmtilega daga.
„Jákvæð upplifun“
„Til að ná þessu markmiði var farið
yfir þá þætti sem helst gátu dregið úr
þessari jákvæðu upplifun og voru eft-
irfarandi þættir nefndir til sögunnar.
Lið voru burstuð.
Krafan um árangur var ofar leik-
gleði. Til að bæta úr þessu var sett
upp leikjafyrirkomulag sem gat bætt
úr þessu. Við höfum aðeins fengið já-
kvæð viðbrögð eftir þessar breyting-
ar frá þjálfurum og foreldrum. Leik-
mennirnir sjálfir hafa hins vegar lítið
spáð í þessa hluti, “ sagði Brandur.
Liðin sem tóku þátt að þessu sinni
voru: Afturelding, Breiðablik, FH,
Fjölnir, Fram, Fylkir, Grindavík,
Grótta, Haukar, HK, ÍA, ÍBV, ÍR,
Keflavík, KR, Leiknir, Njarðvík, Sel-
foss, Sindri, Stjarnan, Valur, Víking-
ur, Þór Ak. og Þróttur Reykjavík.
HK úr Kópavogi var útnefnt sem
prúðasta liðið á Lottómótinu að þessu
sinni en hópurinn þótti standa sig af-
ar vel utan vallar sem og inni á vell-
inum sjálfum.
Grótta fékk hins vegar háttvísis-
verðlaun Knattspyrnusambands Ís-
lands, en liðið sýndi af sér prúð-
mennsku og íþróttaanda í leikjum
sínum á mótinu.
Tæplega 800 ungir knattspyrnumenn skemmtu sér vel á Lottómótinu á Akranesi
Heim með góð-
ar minningar
HVERNIG er staðan í leiknum?“ sagði leikmaður Fjölnis við þann
sem þetta ritar sl. föstudag á árlegu Lottómóti ÍA. Leikurinn var
langt á veg kominn og þar sem ég var í hlutverki dómarans varð ég
að hafa svarið á hreinu fyrir kappann. „Eitt núll fyrir ykkur,“ svaraði
hann um hæl: „Ég var næstum því búinn að skora á móti Keflavík í
síðasta leik. Er leikurinn að verða búinn? Við erum nefnilega að fara
í sund á eftir,“ bætti hann við og hafði greinilega ekki miklar áhyggj-
ur af gangi mála, enda aðeins fótboltaleikur í gangi þá stundina.
Morgunblaðið/Sigurður Elvar
Ólafur Adolfsson, fyrrum landsliðsmaður í knattspyrnu, tók þátt í Lottómótinu sem dómari og hér
sér hann til þess að upphafsspyrnan í leik Njarðvíkinga og Hauka sé rétt framkvæmd.
Leikgleði! Einn gegn fjórum Haukamönnum leggur framherji Grindavíkur af stað í átt að
knettinum en skömmu síðar náði markvörður Hauka að góma knöttinn.
Haukarnir voru „rauðir í gegn“ í rauðum búningum og að sjálfsögðu með félagslitinn í hárinu.
Hornspyrnurnar voru ótal margar og Þórsarinn bar sig fagmannlega við spyrnuna. Einbeittur Víkingur þrumar að marki Grindavíkur.
Leikmaður Þróttar horfir á eftir skottilraun sinni en félagar
hans fylgjast af innlifun með útkomunni.
Eftir
Sigurð Elvar
Þórólfsson