Morgunblaðið - 14.07.2003, Blaðsíða 8

Fyrri hálfleikur fór að mestu framá vallarhelmingi Þraukara,
Eyjastúlkur gerðu hvað þær gátu til
að finna glufur á
sterkri varnarlínu
heimaliðsins en
vörnin var sterk og
það sem slapp þar í
gegn hirti Þóra í marki þeirra. Marki
varð þó ekki forðað þegar Guðrún
Inga Sívertsen braut á Margréti
Láru Viðarsdóttur innan vítateigs á
22. mínútu. Vítaspyrna var dæmd og
Margrét Lára skoraði úr henni með
öruggu skoti neðst í hægra mark-
hornið. Sjálfsagt hafa margir búist
við því að nú myndu allar gáttir opn-
ast fyrir Eyjaliðið en stelpurnar í
„Þraukum“ voru ekki á því að gefa
neitt eftir og vörðust vel til leikhlés.
Seinni hálfleikurinn var líkur þeim
fyrri, ÍBV sótti nær látlaust að marki
Þróttar/Hauka sem á móti reyndu að
koma boltanum á framherja sinn,
Fjólu Friðriksdóttur. Hún komst
nokkrum sinnum í þokkaleg færi en
enski markvörðurinn Rachel Brown
átti ekki í teljandi vandræðum með
þau skot sem rötuðu á markið. ÍBV
fékk ótal marktækifæri í hálfleikn-
um en það var þó ekki fyrr en á 85.
mínútu að Olgu Færseth tókst að
bæta við öðru marki þeirra eftir frá-
bæra fyrirgjöf frá Söndru Sigurlás-
dóttur, sem var nýkomin inn á sem
varamaður. Íris Sæmundsdóttir inn-
siglaði síðan sigur ÍBV á 88. mínútu.
Þóra Reyn var að vonum sátt við
sinn þátt í leikslok. „Það er alltaf
gaman þegar manni gengur vel en
það er svekkjandi að það skuli ekki
skila okkur neinum stigum,“ sagði
Þóra. „Ég var ekki sátt við að fá ekki
tækifæri hjá Val í upphafi sumars og
greip því fegins hendi þegar mér
bauðst að fara til Þróttar/Hauka á
lánssamningi um miðjan júní. Ég var
staðráðin í að sýna hvað í mér býr og
er mjög sátt við leik minn í dag. Við
vorum staðráðnar í að gera betur en
gegn KR í síðasta leik, en sá leikur
var algjör hörmung. Við þjöppuðum
okkur vel saman og ákváðum að við
myndum ekki eiga annan svoleiðis
leik. Það tókst í dag. Nú verðum við
að setja þennan leik til hliðar og
horfa á næsta leik sem er gegn
Stjörnunni,“ sagði Þóra.
Það dylst engum að ÍBV-liðið er
firnasterk. Liðið hefur þó lent í
vandræðum í síðustu tveimur leikj-
um sínum, gegn Stjörnunni þar sem
liðin gerðu 0:0 jafntefli og að ná ekki
að setja fleiri mörk gegn Þrótti/
Haukum. Leikurinn í gær var þó
miklu betri en gegn Stjörnunni, liðið
skapaði sér mýmörg færi en frábær
markvarsla Þóru Reyn kom í veg
fyrir stærri sigur. „Munurinn á þess-
um leik og leiknum í Garðabænum er
sá að við fengum fá tækifæri í Garða-
bæ en hér fengum við fullt af færum.
En markmaður þeirra átti stórleik í
dag og því náðum við ekki að skora
nema þrjú mörk,“ sagði Olga Færs-
eth, leikmaður ÍBV. „Okkar aðal hef-
ur verið markaskorunin en núna er
einhvern flöskuháls í leik okkar og
illa gengur að skora. Við verðum
bara að bæta úr því,“ sagði Olga sem
var í strangri gæslu frænku sinnar
og systurdóttur, Jónu M. Jónsdótt-
ur, í leiknum. Margrét Lára Viðars-
dóttir, Íris Sæmundsdóttir, Michelle
Barr og Karen Burke léku best
Eyjastúlkna.
Leikmenn Þróttar/Hauka eiga
hrós skilið fyrir mikla baráttu og
mikinn vilja í þessum leik. Varnarlín-
an steig varla feilspor og frammi
hamaðist Fjóla Friðriksdóttir á við
fjóra.
Morgunblaðið/Árni Sæberg
Olga Færseth spyrnir knettinum að marki Þróttar/Hauka þar sem Þóra Reyn Rögnvaldsdóttir markvörður og systurdóttir Olgu, Jóna
Sigríður Jónsdóttir, eru til varnar og komu í veg fyrir að Olgu tækist að skora annað mark sitt í leiknum á Ásvöllum.
Þóra fór á kostum í
marki Þróttar/Hauka
ÞÓRA Reyn Rögnvaldsdóttir átti sannkallaðan stórleik í marki sam-
eiginlegs liðs Þróttar/Hauka þegar liðið tók á móti ÍBV á Ásvöllum í
gær, en leikurinn var fyrsti leikur 9. umferðar Landsbankadeildar
kvenna í knattspyrnu. Miðað við stöðu liðanna í deildinni hefðu ÍBV-
stúlkur átt að eiga auðveldan leik fyrir höndum en barátta og vilji
leikmanna Þróttar/Hauka var til mikillar fyrirmyndar og máttu Eyja-
stúlkur hafa verulega fyrir 3:0 sigri.
Ingibjörg
Hinriksdóttir
skrifar
Annar sigur „norður-
bandalagsins“
„NORÐURBANDALAGIГ svokallaða, sameiginlegt lið Þórs/KA/
KS, vann góðan sigur á Stjörnunni, 1:0, í leik liðanna í Lands-
bankadeild kvenna í knattspyrnu í gær. Leikurinn fór fram á Siglu-
fjarðarvelli og skoraði Rakel Óla Sigmundsdóttir eina mark leiks-
ins sem jafnframt er hennar fyrsta mark á leiktíðinni. Þetta var
annar sigur „norðurbandalagsins“ í deildinni og með sigrinum
komst það upp í 6. sæti deildarinnar. Liðið er með 6 stig eins og FH,
Stjarnan hefur 7 en lið Þróttar/Hauka situr á botninum með 3 stig.
ERNIE Els sigraði af öryggi
á Opna skoska meistara-
mótinu í golfi sem lauk í
gær á Loch Lomond-
vellinum en S-Afríkumað-
urinn lék á 17 höggum undir
pari en hann lék lokahring
mótsins á 69 höggum líkt og
Phillip Price frá Wales og
Darren Clarke frá N-Írlandi
en þeir urðu í öðru og þriðja
sæti.
Þetta er fimmta mótið á
leiktíðinni sem Els ber sigur
út býtum á en hann á titil að
verja á Opna breska meist-
aramótinu sem fram fer í
næstu viku á Royal St
George’s-vellinum en Els
sigraði á Muirfield-vellinum
fyrir ári.
„Þetta er allt í áttina hjá
mér,“ sagði Els að loknu
mótinu í Skotlandi og vildi
ekki gera mikið úr mögu-
leikum sínum á Royal St
George’s- vellinum í næstu
viku. „Sjálfstraustið er
meira í dag en fyrir nokkr-
um vikum en hvort það dug-
ir mér til þess að vinna
Opna breska mótið veit ég
ekki um. En ég veit aðeins
að mér líður vel þegar ég
stend við boltann áður en ég
slæ og það er alltaf góð til-
finning,“ sagði Els sem sigr-
aði einnig á Opna skoska
mótinu fyrir ári en þess ber
að geta að hann lék á 64
höggum á fyrsta keppnis-
degi mótsins.
Els í góðum
gír á Loch
Lomond

HELGI Kolviðsson lék allan leik-
inn fyrir Kärnten sem tapaði fyrir
Austria Vín, 2:1, í árlegum leik
meistaranna og bikarmeistaranna í
Austurríki á laugardaginn. Grind-
víkingar mæta sem kunnugt er liði
Kärnten í 1. umferð UEFA-keppn-
innar sem fram fer í ágúst.

SIGÞÓR Júlíusson, leikmaður KR
í knattspyrnu, er rifbeinsbrotinn og
verður frá keppni næstu vikur af
þeim sökum.

FYRSTA skot Íslandsmeistara
KR á mark nýliða Þróttar kom ekki
fyrr en í uppbótartíma í fyrri hálf-
leik. Þá átti Bjarki Gunnlaugsson
skalla beint á Fjalar Þorgeirsson,
markvörð Þróttar.

KA-menn unnu sinn fyrsta sigur
gegn ÍBV á heimavelli í 22 ár og
fjórða sigurinn á Eyjamönnum í 18
leikjum liðanna í efstu deild.

PÉTUR Marteinsson lék ekki með
Stoke í fyrsta undirbúningsleik liðs-
ins fyrir komandi tímabil. Stoke
mætti grönnum sínum í Newcastle
Town og sigraði, 4:1. Pétur sagði við
Morgunblaðið í gær að hann hefði
ekki getað spilað leikinn vegna smá-
vægilegra meiðsla í nára.

AUÐUNN Helgason lék allan leik-
inn fyrir Landskrona sem gerði
markalaust útivelli á móti Örebro í
sænsku úrvalsdeildinni í knatt-
spyrnu í gær. Landskrona er í ellefta
sæti af fjórtán liðum með 15 stig eftir
14 leiki.

LARRY Bird hefur verið ráðinn
forseti NBA körfuknattleiksliðsins
Indiana Pacers. Bird þjálfaði liðið
fyrir þremur árum. Isiah Thomas,
gamall andstæðingur Birds, er nú
þjálfari liðsins og sögðust þeir báðir
hlakka til samstarfsins.
FÓLK