Morgunblaðið - 15.07.2003, Blaðsíða 2
FRÉTTIR
2 ÞRIÐJUDAGUR 15. JÚLÍ 2003 MORGUNBLAÐIÐ
HAFNA BEIÐNI SHARONS
Bresk stjórnvöld ætla ekki að
verða við óskum Ariels Sharons, for-
sætisráðherra Ísraels, um að hætta
öllum samskiptum við Yasser Araf-
at, leiðtoga Palestínumanna. Þau
segjast munu halda áfram að eiga
samskipti við Arafat á meðan hann
er lýðræðislega kjörinn leiðtogi
heimastjórnar Palestínumanna.
Ráðist á Bandaríkjamenn
Einn bandarískur hermaður féll
og sex særðust þegar ráðist var á þá
í Bagdad í gærmorgun. Donald
Rumsfeld, varnarmálaráðherra
Bandaríkjanna, varar við því að
árásum gegn bandarískum her-
mönnum í Írak muni sennilega
fjölga fremur en hitt á næstu vikum.
Lögsaga staðfest
Hæstiréttur staðfesti í gær úr-
skurð héraðsdóms frá því 8. júlí sl.
um að ríkissaksóknari væri bær til
að verða ekki við beiðni bandarískra
yfirvalda um að eftirláta þeim lög-
sögu í máli varnarliðsmannsins sem
ákærður er fyrir tilraun til mann-
dráps.
Vill flytja inn hreindýrakjöt
Stefán Magnússon, hrein-
dýrabóndi á Grænlandi, stefnir að
útflutningi á kjöti af 2.000 hrein-
dýrum til Íslands, Svíþjóðar og Nor-
egs í haust. Gangi það eftir hyggst
Stefán fullvinna allt kjötið á Húsa-
vík.
Verð á jörðum fer hækkandi
Verð á jörðum hefur farið hækk-
andi að undanförnu eftir að hafa ver-
ið óeðlilega lágt. Jarðaverð hefur að
undanförnu hækkað meira en al-
mennt fasteignaverð og mest er
hækkun á jörðum með veiðihlunn-
indi, að mati Magnúsar Leópolds-
sonar fasteignasala.
Alvarleg tíðindi
Kaupfélagi Árnesinga hefur verið
veitt þriggja vikna stöðvun vegna
mikilla fjárhagsörðugleika, en félag-
ið skuldar 1.765 milljónir kr. sem er
345 milljónir umfram skipulagningu
félagsins. Hafin er vinna að fjár-
hagslegri endurskipulagningu fé-
lagsins. Einar Njálsson, bæjarstjóri
Árborgar, segir greiðslustöðvun fé-
lagsins alvarleg tíðindi fyrir sveitar-
félagið.
Yfirstjórn talin veik
Í stjórnsýsluendurskoðun Rík-
isendurskoðunar á Veðurstofu Ís-
lands kemur m.a. fram að ekki sé
kveðið nógu skýrt á um hlutverk
Veðurstofunnar. Þá skorti á að yfir-
stjórn hennar sé nægjanlega sam-
stillt. Tekið er fram að hún sé veik
og ósamstiga. Það komi niður á
starfsemi hennar. Í skýrslunni er
tekið fram að mikilvægt sé að um-
hverfisráðuneytið endurskilgreini
sem fyrst lagaramma stofnunar-
innar og hlutverk.
Y f i r l i t
Í dag
Viðskipti 12/13 Forystugrein 24
Úr verinu 13 Viðhorf 28
Erlent 14 Minningar 28/33
Höfuðborgin 15 Bréf 34
Akureyri 16 Dagbók 36/37
Suðurnes 17 Íþróttir 38/41
Landið 19 Fólk 42/45
Neytendur 20 Bíó 42/45
Listir 20/21 Ljósvakar 46
Umræðan 22/23 Veður 47
* * *
INNAN umhverfisráðuneytisins er áformað að
hefja endurskoðun á hlutverki, stefnu og lögum
um Veðurstofu Íslands. Þetta kemur m.a. fram í
nýrri skýrslu Ríkisendurskoðunar um Veðurstof-
una. Skýrslan er niðurstaða stjórnsýsluendur-
skoðunar á Veðurstofunni, sem hófst í nóvember
2002. Í skýrslunni kemur jafnframt fram að ekki
sé kveðið nógu skýrt á um hlutverk stofnunar-
innar og að það skorti á að yfirstjórn hennar sé
nægjanlega samstillt. Það komi niður á starfsemi
hennar.
Í skýrslunni segir m.a. að mikilvægt sé að um-
hverfisráðuneytið endurskilgreini sem fyrst laga-
ramma Veðurstofunnar og hlutverk. „Þegar stofn-
uninni verður mörkuð ný stefna þarf að taka skýra
afstöðu til þess að hve miklu leyti veðurþjónusta
verði skilgreind sem samkeppnisþjónusta og verð-
lögð í samræmi við það.“
Þá segir í skýrslunni að full ástæða sé að kanna
gaumgæfilega hvaða leiðir séu færar til þess að
samræma þá veðurþjónustu sem opinberar stofn-
anir sinna. „Þar má nefna veðurþjónustu við sjó-
menn sem Siglingastofnun hefur nokkurt frum-
kvæði að, svo og veðurþjónustu við vegfarendur
sem Vegagerðin hefur sinnt.“
Hefur jákvæða ímynd
Í samantekt skýrslunnar kemur fram að meg-
instyrkleikar Veðurstofunnar séu m.a. jákvæð
ímynd hennar. Greint er frá því að stofnunin njóti
almenns trausts sem fagstofnun á sviði veðurfræði
og tengdum viðfangsefnum. Þá kemur fram að
Veðurstofan hafi að jafnaði verið rekin í samræmi
við fjárheimildir að undanskildu árinu 2000.
Veikleikar Veðurstofunnar felast á hinn bóginn
í því, að mati Ríkisendurskoðunar, að ekki er
kveðið nógu skýrt á um hlutverk hennar. „Nauð-
synlegt er að endurskoða skipurit hennar og setja
fram skýrari starfslýsingar og raunhæf árangurs-
tengd markmið. Þá skortir að yfirstjórn stofnun-
arinnar sé nægjanlega samstillt.“
Skipulagi Veðurstofu Íslands var breytt árið
1994 eftir úttekt sem þá var gerð á starfsemi
hennar, að því er fram kemur í skýrslunni, og var
nýju skipuriti ætlað að einfalda verk- og vinnu-
ferla. „Í reynd má segja að enn hafi ekki tekist að
laga starfsemi Veðurstofunnar að fullu að nýju
skipuriti heldur hafi gamla skipulagið að hluta til
verið fellt inn í það nýja,“ segir í skýrslunni. „Göm-
ul verkaskipting og gamlir deildarmúrar hafa því
haldist bæði meðal yfirmanna og margra starfs-
manna. Brýnt er að skipurit stofnunarinnar verði
virkt og að það sé lýsandi fyrir uppbyggingu og
starfsemi stofnunarinnar.“
Stoðir yfirstjórnar styrktar
Í skýrslunni segir að stjórnsýsluendurskoðunin
leiði í jós að bæta þurfi verkferla og útbúa skýrari
starfslýsingar fyrir sviðsstjóra og aðra starfs-
menn. „Þá er yfirstjórn (veðurstofustjóri og sviðs-
stjórar) Veðurstofunnar veik og ósamstiga og
kemur það niður á starfsemi stofnunarinnar. Efla
verður samstöðu yfirstjórnarinnar og styrkja
stoðir hennar undir stjórn veðurstofustjóra þann-
ig að hægt verði að ráðast í þær úrbætur á starf-
seminni sem nauðsynlegar eru.“
Ríkisendurskoðun segir að skýra þurfi hlutverk Veðurstofu Íslands
Yfirstjórn veik og ósamstiga
ÞEIR fúlsuðu ekki við volgri mjólkinni heim-
alningarnir Bangsi og Boli. Þeir eru bræður
og móðurlausir og verða því að treysta á
mannfólkið á matmálstímum. Þótt þeir kunni
ekki á klukku vita þeir vel hvað tímanum líð-
ur og eru alltaf mættir á fjögurra tíma fresti
við hliðið þar sem þeim er gefið. Strandafé er
oft marglitað eins og þessi lömb en annað er
móflekkótt og hitt grátt.
Vegna litafjölbreytni hefur fé af þessu
svæði verið vinsælt í húsdýragarðinum í
Laugardal en þar eru margar kindur af
Ströndum. Það eru frænkurnar Svanlaug Guð-
jónsdóttir og Margrét Unnur Guðmundsdóttir
sem gefa lömbunum úr pelum. Þær eiga
heima í Kópavogi en voru í heimsókn á
Ströndum í kuldanum sem verið hefur undan-
farið þegar hitastigið fór allt niður í 6 gráður
þótt hásumar sé.
Bangsi og Boli
fá sopann sinn
Hólmavík. Morgunblaðið.
Morgunblaðið/Arnheiður Guðlaugsdóttir
TÚNFISKVEIÐAR eru heim-
ilar hér við land frá og með 15.
ágúst nk. Útgerðum þriggja ís-
lenskra skipa var úthlutað
veiðileyfi ásamt nokkrum jap-
önskum. Ekki er gert ráð fyrir
að tvö íslensku skipanna muni
nýta sér heimildina.
Túnfiskur, sem er einhver
verðmætasta sjávarafurð sem
til er, hefur verið veiddur hér
við land síðustu árin og hefur
verið um tilraunaveiðar að
ræða. Ísland gerðist aðili að
Atlantshafstúnfiskveiðiráðinu
á síðasta ári og hefur verið út-
hlutað 30 tonna kvóta fyrir
þetta ár. Tæplega er búist við
að tvö skipanna sem fengu leyfi
til veiðanna muni nýta sér það
þar sem annað þeirra er í Bras-
ilíu og hitt á Nýja-Sjálandi. Að
sögn útgerðarmanns þess
þriðja er málið í undirbúningi.
Óvissa um
túnfiskveið-
ar íslenskra
skipa
Óvíst um/13
SAMKEPPNISSTOFNUN gerir
ekki athugasemdir við kaup Pennans
hf. á fjórum bókaverslunum Máls og
menningar í eigu Eddu útgáfu hf.
Kaupsamningur var gerður um
miðjan apríl sl. og sendur til sam-
keppnisyfirvalda í lok apríl. Að sögn
Páls Braga Kristjónssonar, forstjóra
Eddu útgáfu, verður unnið af kappi
að því næstu daga að ganga frá sam-
runanum. Samkvæmt upplýsingum
Morgunblaðsins eru um hundrað
manns á launaskrá bókaverslananna
fjögurra og verða ekki breytingar á
högum þeirra við þessi viðskipti.
Gunnar Dungal, eigandi Pennans
hf., segir að ekki verði heldur gerðar
breytingar á rekstri bókaverslan-
anna.
Páll Bragi segir niðurstöðuna
ánægjulega en tekur fram að hann
hafi ekki átt von á að það myndi taka
svo langan tíma að komast að niður-
stöðu. Samkeppnisstofnun hafi feng-
ið samrunaáætlunina 29. apríl sl. og
því tekið hana um tvo og hálfan mán-
uð að komast að niðurstöðu. Það hafi
skapað ákveðið óvissuástand sem
hafi skaðað reksturinn. Þá hafi það
verið óþægilegt fyrir starfsfólk.
Kaup Pennans á verslunum Máls og menningar
Samkeppnisstofnun ger-
ir engar athugasemdir
VINNUSKÚR á palli flutninga-
bifreiðar skall í Höfðabakkabrúna
á Ártúnshöfða í Reykjavík upp úr
klukkan níu í gærkvöld þegar verið
var að flytja skúrinn úr Hafnar-
firði. Skúrinn féll af palli bifreið-
arinnar og stakkst niður á götuna.
Vegurinn var auður þegar óhappið
varð og urðu engin slys á fólki. Bíll-
inn var ekki í lögreglufylgd eins og
oft er þegar hús eru flutt milli staða
en hús yfir ákveðnum breiddar-
mörkum þurfa lögreglufylgd þegar
þau eru flutt. Skúrinn var hins veg-
ar undir þeim mörkum.
Morgunblaðið/Golli
Vinnuskúr skall í Höfðabakkabrúna