Morgunblaðið - 15.07.2003, Blaðsíða 35

FRÉTTIR
MORGUNBLAÐIÐ ÞRIÐJUDAGUR 15. JÚLÍ 2003 35
Göngugarpaferð í Viðey. Í kvöld
verður boðið upp á óhefðbundna
gönguferð í Viðey. Ætlunin er að
ganga hringinn í kringum eyjuna en
það er um 7 km gangur og mun ör-
nefnum og sögu verða gefinn gaum-
ur undir leiðsögn Örvars B. Eiríks-
sonar sagnfræðings. Einkanlega er
gangan þó hugsuð sem hressandi
útivist. Gangan er nokkuð háð veðri
og verður hún hugsanlega stytt ef
illa viðrar.
Í DAG
Landsmót línudansara. Dagana 1.
til 4. ágúst verður haldið Landsmót
línudansara á Borg í Grímsnesi.
Mótið verður sett föstudaginn 1.
ágúst kl. 18 og því verður slitið
mánudaginn 4. ágúst kl. 15.
Kvöldganga UMSB og Veiði-
málastofnunar. Fimmtudaginn 17.
júlí kl 20 verður farið með Flóka-
dalsá í Borgarfirði. Upphafsstaður
göngu verður við Flókubrúna á þjóð-
vegi 50/516. Þar kynnir Björn Theó-
dórsson frá Veiðimálastofnun lífríki
árinnar m.a. með rafveiðum á fisk-
seiðum. Síðan verður gengið upp
með Flóku þar sem áin hefur sorfið
sig niður í þröngt gljúfur og skoðaðir
tveir fallegir fossar, Pokafoss og
Hjálmsfoss. Fossarnir voru
sprengdir árið 1948 til að auðvelda
fiskum að fara fram ána. Fulltrúar
frá Veiðifélagi Flókadalsár mun
einnig kynna svæðið. Allir eru hjart-
anlega velkomnir.
Á NÆSTUNNI
Rangt föðurnafn
Eiginkona Alfreðs Steinþórssonar
á Akureyri sem varð 100 ára síðast-
liðinn föstudag hét Fjóla Katrín
Jónsdóttir. Í grein í Morgunblaðinu
á laugardag var rangt farið með föð-
urnafn hennar. Alfreð og Fjóla eign-
uðust þrjú börn, tvær dætur og son,
en missagt var að þau hefðu eignast
þrjár dætur. Beðist er velvirðingar á
þessum mistökum.
LEIÐRÉTT
FYRSTA flugs félagið, hefur í sam-
vinnu við Flugmálafélag Íslands,
skipulagt hópferð á 100 ára afmæli
flugsins í heiminum er haldið verður
hátíðlegt í Kitty Hawk í Bandaríkj-
unum 17. desember í ár. „Það liggur
beinast við að Fyrsta flugs félagið
standi fyrir svona pílagrímaferð því
við erum einu félagasamtökin á Ís-
landi sem kenna sig við fyrsta flugið
í heiminum og skörtum í félags-
merki okkar fyrstu flugvélinni og
þeim Wright-bræðrum sem unnu
þetta sögufræga afrek,“ segir Gunn-
ar Þorsteinsson, formaður Fyrsta
flugs félagins. Félagið var stofnað
fyrir tíum árum beinlínis í því skyni
að fara með fjölmennan hóp á 90 ára
flugafmælið í Kitty Hawk og fleiri
flugtengda viðburði.
Að sögn Gunnars er m.a. verið að
ræða við Atlanta um leiguþotu í
þessa aldarafmælisferð. Fyrirhugað
er að ferðin standi í 6 daga með
brottför seint föstudaginn 12. des-
ember og komið til baka að morgni
fimmtudagsins 18. desember. Fyrst
verður haldið til höfuðborgarinnar,
Washington, þar sem boðið verður
upp á heimsókn á flugminjasafn
Smithsonian og safnadeild sem
nýbúið verður að opna á Dulles-
flugvelli.
Þá verður sérsniðin skoðunarferð
í Paul Gerber-deild Smithsonian sem
er í fjölmörgum flugskýlum í Mary-
land-fylki þar sem er smíðaverk-
stæði og aðalgeymslustaður margra
af sögufrægustu loftförum í eigu
Bandaríkjastjórnar. Washington-
dvölinni mun síðan ljúka með skoð-
unarferð með íslenskum far-
arstjórum um borgina og verða öll
helstu minnismerki og byggingar
heimsótt.
Síðari hluta ferðarinnar verður
dvalið í Norfolk og nágrenni þar
sem Atlantshafsfloti NATO hefur
aðalbækistöðvar og þar er einnig ein
stærsta verslunarmiðstöð í Banda-
ríkjunum. Síðasta deginum verður
varið í Kitty Hawk sem er lítill bær í
Norður-Karólínufylki á austur-
ströndinni.
Sjálf afmælishátíðarhöldin verða
við Djöfuldrápshóla en þar unnu
Wright-bræður sitt mikla flugafrek.
Þar eru bautasteinar til minnis um
öll fjögur flug þeirra þann daginn,
eftirlíkingar af frumstæðum húsa-
kosti þeirra og síðari tíma verk eins
og glæsilegt minnismerki sem
bandarísk stjórnvöld létu reisa á
fjórða áratug síðustu aldar. Í tilefni
af 100 ára afmælinu hefur svo ný-
lega verið opnuð gestamóttöku-
bygging með safnálmu og veitinga-
og gjafavöruverslunum.
Að sögn Gunnars má búast við
fjöldatakmörkunum inn á sjálft há-
tíðarsvæðið því mikið verður um
dýrðir og búið að vinna að undirbún-
ingi afmælisins í mörg ár. Þannig
verður bandaríski flugherinn með
viðhafnarflugsýningu og búist er við
að forseti Bandaríkjanna heiðri
minningu Wright-bræðra með nær-
veru sinni í Kitty Hawk.
Hópferð á 100 ára afmæli flugsins
Minnst verður flugafreks Wright-bræðra í Bandaríkjunum í ár þegar 100 ár verða liðin frá fyrsta flugi þeirra.
ÍSAFJARÐARBÆR og Sæ-
fari, félag sjóíþróttamanna,
standa fyrir Siglingadögum,
hátíðahöldum tengdum sjó og
sjóíþróttum dagana 18.–27. júlí,
að því er fram kemur í auglýs-
ingu frá aðstandendum hátíð-
arinnar, sem er nú haldin í
fjórða sinn.
Nóg verður um að vera á há-
tíðarhöldunum, m.a. kajaknám-
skeið og kajakkeppnir, köfun,
hraðbátarall og flotaferð í Jök-
ulfirði svo eitthvað sé nefnt.
Auk siglinga verður boðið upp á
fjölskyldudagskrá ásamt því að
settur verður upp flóamarkað-
ur, trúbadorar spila og haldnir
verða dansleikir.
Hápunktur hátíðarinnar
verður laugardaginn 26. júlí en
þá fer fram hin svokallaða
fimmtarþraut. Hún fer fram í
fimm liðum, keppendur byrja á
að róa 400 metra á kajak, velta
sér svo úr honum og synda að
bryggjukantinum, klifra svo
upp dekkjalengju þar sem við
tekur hlaup sem endar með
stökki í sjóinn og synda kepp-
endur þá stuttan spöl, koma sér
upp á sjóþotu og bruna að
endamarkinu.
Á laugardeginum verður
einnig mynduð kajakstjarna
sem um 50 kajakar taka þátt í.
Skráning fer fram á heima-
síðu Siglingadaga en þar er
jafnframt hægt að finna dag-
skrá hátíðarinnar.
Siglinga-
dagar und-
irbúnir
á Ísafirði
TENGLAR
.............................................
www.isafjordur.is/sigl-
ingadagar
BLÁSKÓGASKOKK HSK fór
fram sunnudaginn 13. júlí sl. í
umsjá UMFL. Hlaupnir voru 5 og
16 km í fjórum flokkum karla og
kvenna. Lengri vegalengdin nær
yfir allan Gjábakkaveg og endar á
íþróttavellinum á Laugarvatni.
Nú bar svo við að Gjábakkavegi
var lokað meðan á hlaupinu stóð
og mæltist það vel fyrir hjá
hlaupurunum sem nutu veður-
blíðu og náttúrufegurðar svæð-
isins mun betur við þessar að-
stæður. Sigurvegari karla í
Bláskógaskokki varð Steinar
Friðgeirsson á 57:03,0 mín og í
kvennaflokki sigraði Helga
Björnsdóttir á tímanum 70:55,0
mín.
Oddviti Bláskógabyggðar,
Sveinn Sæland, ræsti keppendur
af stað og afhenti þeim síðan
verðlaun að afloknu hlaupi.
Íþróttamiðstöðin á Laugarvatni
gaf verðlaunagripi fyrir hvern
flokk. Keppendur voru samtals 52
að þessu sinni, 9 hlupu 5 km og
43 hlupu 16 km.
Í einstökum flokkum urðu úrslit
þessi; 5 km; 16 ára og yngri Sig-
rún Hlín Sigurðardóttir á
27:01mín. og Héðinn Harðarson á
24:20 mín. Í flokki 17–39 ára sigr-
aði Inga María Áskelsdóttir á
27:33 mín. 16 km; 16 ára og yngri
Tómas Arnar Guðmundsson á
91:06 mín. Í flokki 17–39 ára sigr-
uðu Sigrún K. Barkardóttir á
85:55 mín. og Lárus Thorlacius á
66:09 mín. Í flokki 40–49 ára sigr-
uðu Huld Konráðsdóttir á 74:01
mín. og Steinar Friðgeirsson á
57:02 mín. Í flokki 50 ára og eldri
sigruðu Helga Björnsdóttir á
70:55 mín. og Þórður G. Sigur-
vinsson á 70:22 mín.
Framkvæmdaraðili hlaupsins
var Umf. Laugdæla. Úrslit hlaups-
ins er að finna á vefsíðunni
hsk@hsk.is
Morgunblaðið/Kári Jónsson
Verðlaunahafarnir ásamt oddvita Bláskógabyggðar, Sveini Sæland.
Laugarvatni. Morgunblaðið.
Bláskóga-
skokk í
veðurblíðu
FREMUR rólegt var
um helgina hjá lög-
reglunni í Reykjavík
þótt alltaf sé talsverð-
ur erill vegna ölvaðs fólks. Mikil um-
ferð var á vegum út frá borginni en
hún gekk mjög vel eins og sést af því
að einungis 9 ökumenn voru grun-
aðir um of hraðan akstur. Sjö öku-
menn voru grunaðir um ölvun við
akstur. Þá voru 28 umferðaróhöpp
með eignatjóni tilkynnt til lögreglu.
Þriggja bíla árekstur og slys varð
á Vesturlandsvegi á móts við Nóa
Síríus á föstudag. Bifreiðunum var
öllum ekið austur Vesturlandsveg
eftir vinstri akrein. Áreksturinn
varð með þeim hætti að einni bifreið
var ekið aftan á aðra sem kastaði
henni aftan á þá þriðju. Ökumenn
fyrri bifreiðanna höfðu stöðvað fyr-
ir aftan samfellda röð kyrrstæðra
bifreiða, sem náði að gatnamótum
Suðurlandsvegar. Tveir ökumann-
anna voru fluttir á slysadeild en
meiðsli þeirra munu ekki vera al-
varleg.
Aðfaranótt sunnudags varð um-
ferðarslys á Barmahlíð/Lönguhlíð.
Gerðist það með þeim hætti að bif-
reið var ekið suður Lönguhlíð. Við
gatnamót Barmahlíðar var bifreið-
inni ekið austur Barmahlíð í veg fyr-
ir bifreið sem ekið var norður
Lönguhlíð. Áreksturinn var mjög
harður. Ökumenn beggja bifreiða
voru fluttir á slysadeild með sjúkra-
bifreiðum. Lögregla flutti tvo far-
þega á slysadeild. Báðar bifreiðarn-
ar voru fjarlægðar af vettvangi með
dráttarbifreið. Ökumennirnir voru
ekki í bílbelti.
Á föstudagskvöldið var tilkynnt
um þjófnað úr bíl í Seljahvefi. Þarna
höfðu tveir unglingspiltar farið inn í
bíl og stolið þaðan kortaveski sem í
var kreditkort. Þeir reyndu síðan að
taka peninga út í hraðbanka. Þeir
voru eltir uppi af vitnum og haldið
þar til lögreglu bar að.
Skömmu eftir miðnætti aðfara-
nótt laugardags var tilkynnt um
slys í Seljahverfi. Maður hafði verið
að losa niður eldhúsinnréttingu
þegar hún datt niður og hann varð
undir henni. Maðurinn var fluttur á
slysadeild en hann var með skurð á
höfði.
Ráðist inn í hasspartí
Tilkynnt var um hasspartí í skúr á
bak við hús. Þar fundust fíkniefni og
áhöld til fíkniefnaneyslu. Fólkið var
handtekið, flutt á stöð og vistað þar.
Ökumaður bifreiðar sem var
stöðvuð við eftirlit reyndist vera
með nokkra poka með hvítu efni,
ætlað kókaín og poka með bleikum
töflum, að hans sögn steratöflur.
Ökumaður var handtekinn ásamt 4
farþegum og þau færð á lögreglu-
stöðina.
Snemma á sunnudagsmorgun var
óskað aðstoðar vegna líkamsárásar
á veitingastað í miðborginni. Hinn
slasaði var með áverka við bæði
augu og var annað svo bólgið að
hann sá ekkert með því. Var hann
því fluttur á slysadeild. Kærði var
handtekinn og vistaður í fanga-
geymslu.
Á sunnudag var óskað aðstoðar að
veitingahúsi í miðborginni vegna
ölvaðs manns. Hann hafði snætt fyr-
ir tæpar 7.000 krónur og gat ekki
greitt matinn. Maðurinn var vistað-
ur í fangageymslu.
Úr dagbók lögreglunnar 11. til 14. júlí
Erill vegna ölvaðs fólks
EINS og undanfarin ár verða styrkir
veittir úr Menningarsjóði vestfirskr-
ar æsku til framhaldsnáms sem vest-
firsk ungmenni geta ekki stundað í
heimabyggð sinni. Að öðru jöfnu
njóta eftirtaldir forgangs um styrk úr
sjóðnum: Ungmenni sem misst hafa
fyrirvinnu, föður eða móður, einstæð-
ar mæður og konur, meðan fullt
launajafnrétti er ekki í raun.
Ef engar umsóknir eru frá Vest-
fjörðum koma umsóknir Vestfirðinga
búsettra annars staðar til greina.
Félagssvæði Vestfirðingafélagsins
er Ísafjarðarsýslur, Ísafjörður,
Strandasýsla og Barðastrandarsýsl-
ur. Umsóknir skal senda fyrir lok júlí
til Menningarsjóðs vestfirskrar æsku
c/o Haukur Hannibalsson, Digranes-
heiði 34, 200 Kópavogur og skulu
meðmæli fylgja frá skólastjóra og/eða
öðrum.
Síðasta skólaár voru fimm ung-
mennum frá Vestfjörðum veittir
styrkir að upphæð 420 þúsund krón-
ur. Í stjórn sjóðsins eru: Halldóra
Thoroddsen, Haukur Hannibalsson
og Sigurður H. Magnússon.
Styrkir úr
Menningar-
sjóði vest-
firskrar æsku