Morgunblaðið - 16.07.2003, Blaðsíða 5

FRÉTTIR
MORGUNBLAÐIÐ MIÐVIKUDAGUR 16. JÚLÍ 2003 5
ÖKUMAÐUR fólksbíls slasaðist í
hörðum árekstri á Siglufirði í gær.
Slysið átti sér stað rétt fyrir hádegið
í gær, en tveir bílar rákust saman á
gatnamótum Langeyrarvegar og
Norðurtúns á Siglufirði. Fólksbíll
sem kom eftir Langeyrarvegi úr suð-
urátt, skall á jeppa sem var kyrr-
stæður við gatnamótin, með þeim af-
leiðingum að jeppinn kastaðist
nokkra metra og endaði á hliðinni.
Ökumaður jeppans var að vinna á
vegum Siglufjarðarbæjar og hafði
stöðvað hjá hópi barna og unglinga
sem voru að störfum hjá vinnuskóla
bæjarins. Farþegi í jeppanum var
rétt nýstiginn útúr bílnum þegar
slysið varð og það virðist hafa verð
hin mesta mildi að ekki fór verr því
hópurinn frá vinnuskólanum var að-
eins nokkra metra frá slysinu. Fólks-
bíllinn var að sögn sjónarvotta á mik-
illi ferð og svo virðist sem ökumaður
hans hafi misst vald á bílnum með
þessum afleiðingum. Ökumaður
jeppans slapp ómeiddur, en ökumað-
ur fólksbílsins var fluttur með
sjúkraflugi til Akureyrar. Hann mun
hafa hlotið nokkur beinbrot og önnur
meiðsli, en er ekki í neinni hættu.
Morgunblaðið/Halldór Þ. Halldórs
Báðir bílarnir eru gjörónýtir eftir áreksturinn sem var mjög harður.
Harður árekstur
á Siglufirði í gær
Siglufirði. Morgunblaðið.
UNG kona var flutt með þyrlu Land-
helgisgæslunnar á Landspítalann í
Fossvogi eftir að hafa ekið bíl sínum
út af á Hvítársíðuvegi, við Bjarna-
staði, rétt fyrir klukkan fjögur að-
faranótt þriðjudags. Konan gat sjálf
tilkynnt slysið með því að hringja í
neyðarlínuna, en vissi ekki nákvæma
staðsetningu. Lögreglan í Borgar-
nesi þurfti því að leita konuna uppi,
en fann hana um hálftíma eftir að til-
kynningin barst. Þyrlan lenti með
konuna í Reykjavík um klukkan sex í
gærmorgun. Var hún lögð inn á gjör-
gæslu vegna mögulegra bakmeiðsla
eða höfuðáverka.
Læknir á gjörgæslu sagði í sam-
tali við Morgunblaðið í gær að konan
væri á batavegi, og ekki hefði verið
um alvarleg meiðsl að ræða.
Að sögn lögreglunnar í Borgar-
nesi virðist sem konan hafi misst
stjórn á bifreiðinni í krappri beygju
og endað ofan í skurði utan vegar.
Konan komst ekki út úr bílnum og
var orðin nokkuð köld þegar lög-
regla og sjúkraflutningamenn komu
að. Bifreiðin er mikið skemmd.
Slösuð
kona flutt
með þyrlu
SETT HEFUR verið upp sér-
stök vefsíða á mbl.is í tilefni af
Reykjavíkurmaraþoninu sem
fram fer 16. ágúst næstkom-
andi. Á henni er hægt að skrá
sig til þátttöku í maraþoninu og
hlaupum sem fram fara í
tengslum við það og ganga frá
greiðslu. Þannig má skrá sig í
maraþonið sjálft, en einnig í
hálfmaraþon, 10 kílómetra
hlaup, 10 kílómetra línuskauta-
hlaup, 7 kílómetra skemmti-
skokk, 3 kílómetra skemmti-
skokk og 3 km skemmtiskokk
12 ára og yngri.
Á vefsíðu Reykjavíkurmara-
þons á mbl.is er einnig hægt að
nálgast nánari upplýsingar um
hlaupið, sjá kort af leiðinni og
lesa sér til um sjálfvirku tíma-
tökuna sem notuð verður í
Reykjavíkurmaraþoninu í
fyrsta sinn. Þar eru einnig upp-
lýsingar á ensku fyrir erlenda
þátttakendur.
Skráning
í maraþon
á mbl.is
SÉST hefur til refs í námunda við
Urriðavatnsgolfvöll í Heiðmörk en
völlurinn er í eigu golfklúbbs Odd-
fellow og Odds í Garðabæ.
Garðar Eyland, framkvæmdar-
stjóri golfklúbbsins, segist eitthvað
hafa heyrt af ferðum rebba í ár en
sjálfur hafi hann ekki séð til hans
við golfvöllinn. „Hins vegar vissi ég
af honum hérna í fyrra og skilst að
hann hafi þá verið hérna með sín
afkvæmi,“ segir Garðar.
Hann segir að engin leit hafi ver-
ið gerð að refnum enda hafi menn
ekki tekið nábýlið við hann nærri
sér. „Mér skilst að hann hafi verið
hér einsog hálfgert heimilisdýr.
Þetta er hins vegar hvimleitt útaf
fuglalífi þar sem fuglinn hopar und-
an honum,“ segir Garðar.
Nýlega bárust fréttir af því að
mikið væri um ref í öllum hreppum
í Flóanum. Að sögn heimamanna er
óvenjulegt að sjá svo mikið af tófu á
láglendi. Engar aðgerðir eru í gang
til að stemma stigu við þessu.
Refur á
vappi við
golfvöll
♦ ♦ ♦