Morgunblaðið - 16.07.2003, Blaðsíða 16

ERLENT
16 MIÐVIKUDAGUR 16. JÚLÍ 2003 MORGUNBLAÐIÐ
EMBÆTTISMENN í Bangla-
desh greindu í gær frá því að
farþegaferjan sem sökk í síð-
ustu viku nærri bænum
Chandpur, suðaustur af höfuð-
borginni Dhaka, væri fundin.
Hundruð manna voru um borð í
ferjunni þegar hún sökk en að-
eins tókst að bjarga um 200.
Búið er að finna 156 lík en talið
er að mun fleiri hafi farist. Ekki
er talið líklegt að hægt verði að
lyfta ferjunni af árbotninum.
Nýr ritstjóri
New York
Times
BILL Keller hefur verið ráðinn
aðalritstjóri bandaríka dag-
blaðsins The New York Times
en tveir helstu ritstjórar blaðs-
ins sögðu af
sér fyrir mán-
uði í kjölfar
þess að upp
komst að
blaðamaður-
inn Jayson
Blair hefði
framið stór-
felldan rit-
stuld og
skáldað ýms-
ar fréttir sem birtust í blaðinu.
Keller, sem er 54 ára gamall,
var áður fréttamaður og rit-
stjóri hjá NYT. Hann var talinn
líklegur til að leysa Joseph
Lelyveld af hólmi sem aðalrit-
stjóri árið 2001 en þess í stað
var Howell Raines ráðinn. Kell-
er gerðist þá dálkahöfundur
hjá blaðinu. Raines og Gerald
Boyd sögðu báðir af sér sem
ritstjórar 5. júní og Lelyveld
tók við blaðinu tímabundið.
Harmar
morð á Sadat
LEIÐTOGI samtaka íslamista
í Egyptalandi sem fyrir 22 ár-
um stóðu fyrir morðinu á Anw-
ar Sadat, forseta Egyptalands,
kvaðst í gær harma mjög morð-
ið og kallaði hann Sadat „písl-
arvott“ í samtali við arabískt
dagblað. Karam Zohdi, sem sit-
ur í fangelsi í Kaíró, sagði að ef
hann gæti breytt gjörðum for-
tíðar þá myndi hann hafna öll-
um hugmyndum um að myrða
forsetann. Sadat var skotinn til
bana af Khaled al-Islambuli,
einum liðsmanna samtakanna
sem Zohdi veitti forystu, þann
6. október 1981.
Fleischer
hættir
ARI Fleischer lauk ferli sínum
sem talsmaður George W.
Bush Bandaríkjaforseta á
mánudag. Var það þrjú hundr-
uðasti frétta-
mannafund-
urinn sem
hann hélt síð-
an Bush varð
forseti í jan-
úar 2001.
Fleischer
fékk tertu
frá frétta-
mönnum sem
starfa í Hvíta húsinu en jafn-
framt þjörmuðu þeir að honum
vegna misvísindi yfirlýsinga
ráðamanna um aðdraganda
Íraksstríðsins. Fleischer segist
nú ætla að skrifa bók en við
starfi hans tekur Scott McClell-
an.
STUTT
Ferjan
fundin
Ari Fleischer
Bill Keller
SUMARIÐ er komið í Evrópu og
það svo um munar. Í Róm velta
ráðamenn því nú t.a.m. fyrir sér að
skammta vatnsnotkun. Í Lundúnum
hefur hins vegar hverjum þeim ver-
ið heitið verðlaunum sem hannað
getur loftræstingarkerfi fyrir neð-
anjaðarlestarkerfi borgarinnar.
Afar heitt hefur verið í helstu
borgum Evrópu undanfarna daga
og í gær var hitinn t.d. 33 gráður í
París. Svipaða sögu var að segja frá
London en þar gripu stúlkurnar á
myndinni til þess ráðs að kæla sig í
gosbrunni við Trafalgar-torg. Sam-
kvæmt veðurspám er þó sums stað-
ar von á rigningu er á líður vikuna,
jafnvel er spáð þrumuveðri í Frakk-
landi. Því er ekki víst að fólk þurfi
áfram að grípa til slíkra ör-
þrifaráða, vilji menn á annað borð
væta sig.Reuters
Afar hlýtt
í Evrópu
MIKLIR vatnavextir ógna landi og
híbýlum milljóna manna í Kína. Þór-
ir Guðmundsson er staddur í Anhui–
héraði í Kína sem fulltrúi alþjóða
Rauða krossins til að fylgjast með
björgunarstörfum á svæðinu. Hann
sagði ástandið alvarlegt á svæðinu í
samtali við Morgunblaðið í gær.
„Á mánudag var ég í Jiangsu-hér-
aði og þar var ástandið alvarlegt.
Flóðvarnargarðar halda aftur af gíf-
urlegu vatnsmagni. Ef kerfið gefur
sig er hætta á að vatnselgurinn æði
niður í áttina að Yangtze-fljóti, en á
því svæði búa um 20 milljónir
manna. Hermenn og verkamenn
hafa unnið við að styrkja flóðvarn-
argarðana. Vestan við einn garðinn
hefur myndast stórt stöðuvatn en
austan megin eru akrar og híbýli 60
þúsunda manna,“ sagði Þórir. Um
300 manns hafa látist í flóðum und-
anfarna daga. „Nú er unnið að því að
flytja fólk í burtu af hættusvæðinu.
Varnargarðurinn er aðeins um 50
sentímetrum hærri en vatnsborðið,
svo að litlu munar að yfir flæði.“
Dreifa matvælum á svæðinu
Meginhlutverk kínverska Rauða
krossins er að tryggja að farsóttir
breiðist ekki út á svæðinu. „Við erum
hér fulltrúar alþjóða Rauða krossins
til þess að fylgjast með hvernig
ástandið er, hverjar þarfirnar séu,
hvernig gangi að sinna sjúkum og
særðum, og stöðva farsóttir. Mikil-
vægt er að gæta hreinlætis, þrátt
fyrir erfiðar aðstæður. Innan nokk-
urra daga munum við úrskurða um
hvort þörf sé á alþjóðlegri aðstoð.“
Ekki er hætta á hungursneyð í
kjölfar flóðanna, að sögn Þóris. „Kín-
verska stjórnin og Rauði krossinn
dreifa hér matvælum en ljóst er að
hrísgrjónauppskeran er ónýt og ekki
von á uppskeru fyrr en í maí á næsta
ári,“ sagði hann. Samfara flóðunum
hafa aurskriður runnið niður í byggð
og valdið mannskaða. Stjórnvöld
hafa varið um tveimur milljörðum
króna í aðstoð við flóðasvæðin.
Flóðvarnar-
garðar við
það að bresta
AP
Hópur lögreglumanna hleður upp sandpokum við stíflu í Huaihe-ánni í
Austur-Kína. Það tók hundruð manna fjóra tíma að styrkja vegginn til að
varna því að stíflan brysti og áin flæddi yfir híbýli 15.000 íbúa svæðisins.
Alvarlegt ástand hefur skapast vegna mikilla flóða sem orðið hafa í Kína
ÚTLIT er fyrir að helstu menning-
arhátíðir sumarsins í Frakklandi
falli niður vegna verkfalla listafólks
og sviðsmanna sem vinna einungis
tímabundið í kringum slíkar hátíð-
ir. Þrátt fyrir það hyggst franska
ríkisstjórnin hvergi hvika frá áætl-
unum sínum um að minnka styrki
til þessara listamanna sem vinna
samtals þrjá mánuði á ári en fá at-
vinnuleysisbætur þess á milli.
Þegar hefur helstu hátíðum sum-
arsins verið aflýst, m.a. tónlistar-
og óperuhátíðinni í Aix-en-
Provence og stærstu leikhúshátíð
heims í Avignon. Hún átti að hefjast
í síðustu viku en af því gat ekki orð-
ið þegar mótmælendur mættu á
staðinn fyrsta daginn og hindruðu
að leiksýningarnar gætu farið fram
á sviðinu. Smærri hátíðum hefur
verið aflýst í kjölfarið, í La Rochelle
og Montpellier, og er nú óttast að
ekkert verði af öðrum listahátíðum
sumarsins sem eru um 600 talsins.
Gríðarlegur tekjumissir
Talið er að borgirnar og héruðin
sem eiga í hlut verði fyrir gríð-
arlegum tekjumissi vegna aflýstra
hátíða, nokkur hundruð milljónir
evra tapist vegna færri ferða-
manna. Þannig þarf til dæmis að
endurgreiða 74 þúsund að-
göngumiða að hátíðinni í Avignon
og talið er að tapið fyrir verslun og
þjónustu í borginni nemi um 40
milljónum evra eða jafngildi 3,8
milljarða króna.
Þykir of dýrt kerfi
Núverandi kerfi þar sem lista-
fólkið fær atvinnuleysisbætur á
milli þess sem það vinnur þykir hins
vegar dýrt fyrir samfélagið. Um
100 þúsund manns eru í þeim hópi
en fyrirkomulagið kostar ríkið um
74 milljarða króna á ári. Sam-
kvæmt fyrirhuguðum breytingum
ríkisstjórnarinnar verður listafólk-
ið að vinna meira og fær minni
hlunnindi.
Helstu ráðamenn landsins hafa
lýst yfir áhyggjum vegna aflýstra
hátíða en hyggjast samt sem áður
knýja breytingarnar fram. Einkum
á að reyna að koma í veg fyrir mis-
notkun á kerfinu þar sem borið hef-
ur á að starfsfólk kvikmynda- og
sjónvarpsfyrirtækja sé látið njóta
hlunninda áðurnefndra listamanna
en slíkt brýtur í bága við lög.
Franskir listamenn mótmæla breytingum á styrkjakerfi
Menning-
arhátíðum
sumarsins
aflýst
Reuters
Franskur listamaður leikur hér krossfestingu við Palais des Papes kastala
í mótmælaskyni en listafólk og sviðsmenn hafa verið í verkfalli undanfarið.
París. AFP.
FJÁRMÁLARÁÐHERRAR
evru-landanna tólf tóku fálega
hugmyndum Jacques Chiracs
Frakklandsforseta um að slaka
tímabundið á skilyrðum um aga
í ríkisfjármálum, sem kveðið er
á um í svonefndum stöðugleika-
sáttmála Efnahags- og mynt-
bandalagsins (EMU), er þeir
komu saman í Brussel í gær.
Samþykktu ráðherrarnir álykt-
un þar sem þeir segja vikmörk-
in sem gert er ráð fyrir í sátt-
málanum, vera nægjanlega víð.
Chirac skoraði í þjóðhátíðar-
viðtali í franska sjónvarpinu á
mánudag á fjármálaráðherra
evru-landanna að íhuga að gera
ákvæði stöðugleikasáttmálans
um strangar takmarkanir á
fjárlagahalla aðildarríkjanna
óvirkt um sinn. Markmiðið með
því væri að gera stjórnvöldum
evru-landa sem kljást við sam-
drátt og fjárlagahalla kleift að
auka ríkisútgjöld tímabundið, í
því skyni að stuðla að því að
hagvöxtur taki fljótar við sér en
ella. Franski fjárlagahallinn er
nú yfir þeim 3% mörkum sem
kveðið er á um í stöðugleika-
sáttmálanum.
Ráðherrarnir tóku ekki und-
ir þessi tilmæli franska forset-
ans, heldur lýstu því yfir að
engin þörf væri á að slaka á
reglum sáttmálans.
Tilmælum
Chiracs fá-
lega tekið
Brussel. AFP.