Morgunblaðið - 16.07.2003, Blaðsíða 20
VEL VAR mætt á kaffifund á Ránni í
Keflavík á mánudagskvöldið þar sem
stofnun miðbæjarsamtaka Reykja-
nesbæjar var til umræðu auk fleiri
mikilvægra málefna sem varða
miðbæinn.
Að sögn Rúnars Hannah, í undir-
búningsnefnd um stofnun Miðbæjar-
samtaka, var mæting afar góð og
þátttaka fundargesta til fyrirmyndar.
Hann segir menn hafa spurt um
margt og fjöldi góðra hugmynda hafi
komið fram. „Hugmyndin er að fá
búðirnar í miðbænum til að taka þátt í
mannlífinu með því að standa fyrir
ýmiss konar uppákomum og sam-
vinnu. Fyrsta slíka uppákoman verð-
ur bíla- og farartækjadagur hinn 26.
júlí þar sem alls kyns farartæki verða
til sýnis í miðbænum og jafnvel alveg
út á Fitjar þar sem verður körtubíla-
akstur. Það stefnir í mjög góða þátt-
töku í þeim gjörningi og allir eru mjög
spenntir fyrir því að gera eitthvað til
að lyfta upp stemningunni.“
Góður vettvangur til samstarfs
Rúnar segir samtökin verða kjörin
til þess að samrýma hluti eins og af-
greiðslutíma og skreytingar í bænum
og útgáfu sameiginlegra gjafakorta
fyrir verslanir og þjónustufyrirtæki á
svæðinu. „Auk þess geta samtökin
reynst góður vettvangur til samstarfs
við bæjaryfirvöld. Þau eru enn í mót-
un og verða vonandi fullmótuð á
stofnfundinum 18. ágúst, þar sem við
munum fullvinna hugmyndirnar og
setja niður það grundvallarsamkomu-
lag sem við munum vinna eftir.“
Rúnar segir fólk mjög spennt fyrir
þeirri samvinnu sem framundan er,
þannig séu menn jafnvel farnir að
ræða jólaundirbúninginn. „Reykja-
nesbær er svo mikill jólabær að það
er strax byrjaður jólaundirbúningur
hjá okkur og nú verður hann ennþá
meiri jólabær en verið hefur vegna
þess að við höfum svo góð samskipti
innan þessarar grasrótar.“
Ljósmynd/Hilmar Bragi Bárðarson
Árni Sigfússon, bæjarstjóri Reykjanesbæjar, kynnir hugmyndir um skipu-
lag og ræðir fyrirhuguð miðbæjarsamtök í kjölfar breytinga á Hafnargötu.
Góð þátttaka
á kaffifundi
Reykjanesbær
Miðbæjarsamtök í Reykjanesbæ
Áhugasamir gestir spurðu margs.
SUÐURNES
20 MIÐVIKUDAGUR 16. JÚLÍ 2003 MORGUNBLAÐIÐ
GUÐMUNDUR Jónsson, forstöðu-
maður Byrgisins, segist afar óhress
með framkomu Hjálmars Árnasonar
hvað varðar Rockville, en Hjálmar
hefur lýst yfir áhuga á því að koma
þar á fót flug- og herminjasafni. „Á
meðan ekki er búið að ganga frá mál-
efnum Byrgisins með götufólkið svo
viðunandi sé finnst mér þetta afar
siðlaus framkoma hjá honum. Þarna
er Hjálmar að sýna fólkinu, sem hef-
ur verið að lagfæra og byggja upp í
Rockville, eitt mesta siðleysi sem
stjórnmálamaður getur sýnt þegnum
þessa lands og þeim sem kjósa hann.
Það hefur enginn byggt Rockville
undanfarin ár annar en götufólkið í
sinni endurhæfingarvinnu hjá Byrg-
inu.
Hjálmar var aðalhvatamaður þess
að við færum í Rockville en varð síðan
einn af aðalhvatamönnum þess að við
færum þaðan út. Undirbúningur þess
starfs hófst í maí í fyrra, en ef þú
skoðar sögu Rockville sérðu að sex
mánuðum áður en Hjálmar hafði
samband við okkur til að beina okkur
inn í Rockville höfðu menn verið að
tala um stríðsminjasafn þar. Þeir láta
okkur gera svæðið upp og byggja
þarna upp og losa sig síðan við okk-
ur.“
Segir götufólkið
hafa verið notað
Guðmundur segist efast um heild-
indi Hjálmars í málinu. „Við upplifum
þetta sem eitt stykki líknarfélag sem
hefur verið notað til að hafa peninga
út úr ríkinu og götufólkið notað til
þess að endurreisa staðinn, sem síðan
stóð aldrei til þess að nýta fyrir
þeirra hagsmuni. Þarna er um að
ræða siðleysi gagnvart fólkinu sem
hefur verið að byggja þarna upp, sið-
leysi gagnvart kjósendum. Þegar við
fórum frá Rockville höfðum við engin
ráð til þess að hjálpa fólki með afeitr-
un og fjörutíu af áttatíu skjólstæð-
ingum okkar lentu á götunni.“
Hjálmar hafnar ásökunum
Hjálmar Árnason, þingmaður og
áhugamaður um flugminjasafn, segir
þessar ásakanir Guðmundar fráleitar
og að hann viti betur. „Þetta er bara
hugmynd sem er skotið fram og er á
algjöru byrjunarstigi. Það á eftir að
ræða við alla aðila. Þó að hugmyndin
sé ekki ný í sjálfu sér er hún enn mjög
ómótuð. Það er alrangt að ég hafi ver-
ið einn af aðalhvatamönnunum að
koma þeim í burtu. Það var samið við
Byrgið um að á meðan þetta væri
varnarsvæði mættu þeir vera þarna,
en síðan ákvað Varnarliðið að skila
svæðinu og þá breyttust forsendurn-
ar og það er eitthvað sem ég ræð ekk-
ert við. Það er kannski ekki síst fyrir
minn atbeina að Byrgið er komið í þá
góðu stöðu sem það er í núna. Ég
harma það að afeitrunardeildin er
ekki orðin að veruleika enn, en það er
eitthvað sem við verðum að vinna í
eins og stöðugt hefur verið gert fyrir
Byrgið síðustu árin. Ég legg áherslu
á það að mér finnst það starf sem
unnið er hjá Byrginu ómetanlegt og
vona að það þrífist áfram.“
Guðmundur Jónsson, forstöðumaður Byrgisins
Óhress með áform
um flugminjasafn
Ljósmynd/Hilmar Bragi Bárðarson
Hugmyndir um flugminjasafn falla í grýttan jarðveg hjá Byrgismönnum.
Rockville
NÝLEGA voru teknar í notkun
ýmsar viðbætur við heilsulindina
Bláa lónið. Felast þær í fossi, eim-
baði, gufubaði og sérhönnuðu
svæði fyrir nudd- og líkams-
meðferðir. Þessar nýjungar hafa,
að sögn Magneu Guðmundsdóttur
markaðsstjóra, mælst vel fyrir hjá
gestum heilsulindarinnar. „Fólk er
mjög hrifið af þessu og talar afar
jákvætt um breytingarnar. Rík
áhersla var lögð á tengsl við ein-
stök virk efni Bláa lónsins og nátt-
úrulegt umhverfi þess og að upp-
lifun gesta verði sem áhrifaríkust.“
Aukin fjölbreytni og þjónusta
Að bera á sig hvítan kísil er fyrir
marga ómissandi hluti af heimsókn
í Bláa lónið. Kíslinum hefur nú ver-
ið komið fyrir í sérhönnuðum tré-
kössum við lónið. Allir baðgestir fá
einnig afhent Blue Lagoon raka-
krem við komu auk þess sem þeir
hafa aðgang að sturtugeli og hár-
næringu í baðklefum.
Sigríður Sigþórsdóttir, hjá VA
Arkitektum ehf., er aðalhönnuður
aðstöðunnar, en hún er einnig að-
alhönnuður heilsulindarinnar. Hún
segir viðbótina í anda þeirrar upp-
byggingar sem áður var komin á
svæðinu, „þó farnar séu nýjar leiðir
og er spennandi hlekkur í stöðugri
þróun til að auka fjölbreytni og
gæði í þjónustu við gesti Bláa lóns-
ins.“
Magnea segir viðbótina vera
hluta af því að útvíkka þá reynslu
sem heimsókn í Bláa lónið er.
„Þetta er ætlað til þess að auka og
bæta upplifun gesta lónsins og er
kærkomin viðbót við það sem nú er
til staðar, bæði fyrir okkur og gest-
ina.“
Verðhækkanir fylgja
Hinum nýju viðbótum fylgir einn-
ig verðhækkun inn í lónið, en nú
kostar 1.200 krónur inn í stað 980
króna. Segir Magnea það orsakast
af umfangsmiklum rekstri og mik-
illi þjónustu sem gestum lónsins er
veitt. „Þetta eru dekurdagar og
miðað við verð á annarri afþrey-
ingu, t.d. bíó eða keilu er þetta alls
ekki svo hátt.“ Magnea tekur einn-
ig fram að ávallt sé frítt inn fyrir
börn, ellefu ára og yngri. „Bláa lón-
ið selur einnig afsláttarkort fyrir
þá sem vilja stunda lónið í meira
mæli. Kostar þriggja mánaða kort
sjö þúsund krónur og árskort kost-
ar einungis tólf þúsund krónur,
þannig að þó fólk fari bara einu
sinni í mánuði er þetta búið að
borga sig upp, svo við tölum nú
ekki um ef maður kýs að fara oft-
ar.“
Bláa lónið
bætir við
aðstöðu
Fossinn er nýjung í heilsulindinni í Bláa lóninu. Svo virðist sem unga fólkið
kunni vel að meta bununa.
Suðurnes
VIÐ innkomuna til Sandgerðis
hefur verið sett upp nýtt upplýs-
ingaskilti fyrir ferðamenn og
aðra. Í miðju skiltisins er loft-
mynd af Sandgerði tekin úr 1.400
metra hæð. Á hliðum skiltisins eru
svo myndir af öllum fyrirtækjum
og stofnunum sem skráð eru með
númerum inn á loftmyndina.
Bragi Einarsson, grafískur
hönnuður, sá um hönnun skiltisins
ásamt Reyni Sveinssyni sem tók
myndir þær sem prýða hliðar
skiltisins.
Morgunblaðið/Reynir Sveinsson
Nýtt upplýsingaskilti
við Sandgerði