Morgunblaðið - 16.07.2003, Blaðsíða 33

MINNINGAR
MORGUNBLAÐIÐ MIÐVIKUDAGUR 16. JÚLÍ 2003 33
„Og fylkingin þynnist
nú ferlega greitt,
uns farin er gjörvöll, –
og er það svo leitt?“
Þannig komst ég meðal annars
að orði, er við, sem útskrifuðumst
úr Kennaraskóla Íslands 1949, hitt-
umst síðast, en það var fyrir tveim-
ur árum. Þá mætti sá, sem nú var
að kveðja okkur, hann Bergþór frá
Hítardal. Hann var einn úr stórum
hópi systkina, sem öll hafa nú
kvatt, að honum gengnum. Nú eru
tíu horfin úr hópnum, sem Frey-
steinn skólastjóri rétti í hendur
skírteini um almennt kennarapróf
forðum, og þar með rétt til barna-
kennarastöðu. Þetta var stór dagur
fyrir okkur þá, eftir fjögurra vetra
nám, að minnsta kosti sumra, sem
þurftum að vinna fyrir okkur með
hörðum höndum. Bergþór var næst
elstur af þeim, sem útskifuðust
þetta vor, kominn fast að þrítugu,
en hann hafði þá kynnst nokkuð
kennslu barna á nokkrum stöðum.
Frá þessum árum, svo og ævistarfi
sínu og hugðarefnum, skýrði hann í
Morgunblaðinu fyrir nokkru í við-
tali við Pjetur Hafstein Lárusson,
rithöfund. Það viðtal varðveiti ég,
enda er það hreinskilið og gefur
greinargóða mynd af kennaranum
og félagsmálamanninum frá Hítar-
dal.
Bergþór var róttækur í skoð-
unum og fór ekki dult með það. Oft
ræddum við um þjóðmál, og vorum
nokkuð á öndverðum meiði þar.
Hann var ekki til með að slá af
kröfum sinum. Eitt sinn vorum við
samferða í flugvél frá Kaupmanna-
höfn, og barst í tal eftirlaunaréttur
okkar, sem þá vorum að hætta
störfum sökum aldurs. Ég var
sæmilega ánægður með þau eft-
irlaun, sem mér mundu hlotnast að
starfslokum. Það var Bergþór hins
vegar ekki. Hann sagði, að við ætt-
um að fá óskert laun til æviloka.
Mér ofbauð nokkuð, en þetta var
honum líkt. Bergþór sat á Alþingi
um hálfs mánaðar tíma 1962, fyrir
Alþýðubandalagið, í forföllum
Karls Guðjónssonar. Ég er þeirrar
skoðunar, að Bergþór hefði sómt
sér vel sem málsvari launþega á
löggjafarþingi þjóðarinnar. Hann
hefði hvergi gefið eftir í kröfum,
þekkti ég hann rétt.
Tæplega síðustu hálfa öldina bjó
Bergþór á Selfossi, ásamt fjöl-
skyldu sinni. Þar byggði hann
myndarlegt einbýlishús, við götuna
Sólvelli. Þar heimsótti ég þau hjón
síðast, er hann varð 80 ára.
Við bekkjarfélagarnir frá 1949
þökkum Bergþóri samfylgdina. Og
ég lýk þessum minningarorðum
með erindi, sem ég flutti 1984, er
við hittumst við 35 ára afmæli út-
skriftar, og Bergþórs er getið með-
al annarra:
Og Bergþór kennir ötull enn,
og ei af hólmi flýr.
Það vita allir vinstri menn,
hvar vinur okkar býr.
Bergþór þekktu margir. Hann
kom víða við á lífsskeiði sínu, var
formaður kennarafélaga og sat í
bæjarstjórn á Selfossi. Alltaf
stefnu sinni trúr. Minningin lifir
um mætan dreng. Og aðstandend-
um eru færðar samúðarkveðjur við
brottför hans af þessum heimi.
Auðunn Bragi Sveinsson.
Það var lærdómsríkt að kynnast
Bergþóri Finnbogasyni kennara
frá Hítardal. Fyrir hartnær þrjátíu
árum bar fundum okkar fyrst sam-
BERGÞÓR
FINNBOGASON
✝ Bergþór Finn-bogason fæddist
í Hítardal í Hraun-
hreppi í Mýrasýslu
hinn 10. apríl 1920.
Hann lést á Sjúkra-
húsinu á Selfossi 3.
júlí síðastliðinn og
var útför hans gerð
frá Selfosskirkju 12.
júlí.
an sem samstarfs-
menn á Selfossi. Hann
var þá yfirkennari og
tók fagnandi á móti
ungum kennurum og
vildi greiða götu
þeirra í öllu. Leið-
beindi nýliðum sem
komnir voru til starfa
við skólann og fylgdist
af áhuga með störfum
þeirra.
Bergþór var farsæll
kennari og góður.
Hann lagði metnað
sinn í kennsluna og
náði góðum árangri og
eftirtektarverðum, t.d. í stærð-
fræði. Kennsla hans var rómuð og
hann hafði jafnan gott lag á nem-
endum sínum. Rík kímnigáfa létti
honum störf og þolinmæði hans var
við brugðið. Hann reyndist nem-
endum sínum vel og hollráð hans
urðu þeim drjúgt veganesti á lífs-
ins braut.
Þann tíma sem við vorum sam-
starfsmenn stóð heimili Bergþórs
og Maríu eiginkonu konu hans mér
ávallt opið og jafnan síðan. Margt
kvöldið sátum við saman og spjöll-
uðum um heima og geima og rúm-
lega þrjátíu ára aldursmunur skipti
ekki nokkru máli. Hann hafði
margt að segja frá sínum forn-
frægu heimahögum í Hítardal og
þá flaug örugglega hvorugum í hug
að undirritaður ætti síðar eftir að
þjóna sem prestur á æskustöðvum
hans. Þessar stundir eru þakkar-
verðar og jafnframt ljúf minning
um góðan mann og gegnan.
Hjálpfýsi og sterk réttlætis-
kennd einkenndu Bergþór. Hann
hóf snemma afskipti af félags- og
stjórnmálum og tók sér stöðu með
þeim er minna máttu sín í sam-
félaginu. Bergþór naut sín vel í
þessu vafstri og kom sér vel sjálfs-
öryggi hans og sá hæfileiki að geta
sett málefni líðandi stundar undir
sjónarhorn kímninnar án þess þó
að alvaran skolaðist í burtu. Hann
var skoðanafastur og hygginn í
allri framgöngu þar sem leiðarljós-
ið var skynsemi og hagkvæmni.
Honum féll sjaldan verk úr hendi
og þá hann var ekki að kenna
fékkst hann oft við smíðar eða stóð
í ströngu í félagsmálum. Þrátt fyrir
ýmsar annir heima fyrir eða í
starfi gaf hann sér ætíð tíma til að
spjalla og rétta þeim hjálparhönd
sem á þurftu að halda.
Guð blessi minningu Bergþórs
Finnbogasonar kennara frá Hítar-
dal.
Hreinn S. Hákonarson.
Elskulegur maðurinn minn, faðir okkar, bróðir,
tengdafaðir og afi,
JÓNAS ÞÓR GUÐMUNDSSON
stýrimaður,
frá Ísafirði,
sem lést í Búlgaríu laugardaginn 5. júlí, verður
jarðsunginn frá Grafarvogskirkju fimmtudaginn
17. júlí kl. 13.30.
Þórhalla Helga Þórhallsdóttir,
Lárus Þórarinn Blöndal, Hjördís Ström,
Óskar Gunnar Hanson,
Gísli Sæmundsson,
Bergljót Birna Blöndal, Jóhann Jónsson,
Auður S. Jónasdóttir, Viktor Manúel Santhos,
Jónas Þór Jónasson, Klara Lind Jónsdóttir,
Guðrún Sæmundsen,
Margrét Guðmundsdóttir,
Marta Bíbí Guðmundsdóttir,
Helga Guðmundsdóttir,
Rannveig Guðmundsdóttir,
Gunnbjörn Guðmundsson
og barnabörn.
Ástkær móðir okkar, tengdamóðir og amma,
SIGRÍÐUR GUÐBJÖRG
SIGURÐARDÓTTIR,
Vífilsdal,
Hörðudalshreppi,
sem andaðist fimmtudaginn 10. júlí, verður
jarðsungin frá Snóksdal föstudaginn 18. júlí
kl. 14.00.
Hulda Heiðdal Hjartardóttir,
Svanur Hjartarson, Edda Tryggvadóttir,
Haraldur Bjarni Hjartarson, Anna Flosadóttir,
Svava Heiðdal Hjartardóttir, Ólafur Kristinn Eggertsson,
Hugrún Heiðdal Hjartardóttir, Jörundur Hákonarson,
Hörður Hjartarson, Elín Jónsdóttir,
barnabörn og barnabarnabörn.
Elskuleg eiginkona mín, móðir okkar, tengda-
móðir, dóttir og amma,
BERGHILDUR GRÉTA
BJÖRGVINSDÓTTIR,
Gunnarsstöðum í Þistilfirði,
verður jarðsungin frá Svalbarðskirkju fimmtu-
daginn 17. júlí kl. 14.00.
Blóm og kransar vinsamlegast afþakkaðir en
þeim, sem vilja minnast hennar, er bent á að láta Krabbameinsfélag
Íslands njóta þess.
Jóhannes Sigfússon,
Axel Jóhannesson, Lilja G. Viðarsdóttir,
Sigríður Jóhannesdóttir, Júlíus Þ. Sigurbjartsson,
Katrín Jóhannesdóttir, Guðmundur Friðriksson,
Gréta Bergrún Jóhannesdóttir, Gréta Emelía Júlíusdóttir
og barnabörn.
Bróðir okkar,
RAFN SIGURJÓNSSON
frá Neskoti
í Fljótum,
lést á gjörgæsludeild Fjórðungssjúkrahúss
Akureyrar laugardaginn 12. júlí.
Jarðarförin verður auglýst síðar.
Systkini hins látna.
Innilegar þakkir til allra þeirra sem sýndu okkur
samúð, vináttu og hlýhug við andlát og útför
eiginkonu minnar, móður okkar, tengdamóður,
ömmu og langömmu,
LÁRU ÁSLAUGAR THEODÓRSDÓTTUR,
áður Sléttuvegi 13.
Sérstakar þakkir til starfsfólks á hjúkrunar-
heimilinu Holtsbúð.
Gunnar Jóhannsson,
Sigríður Hanna Gunnarsdóttir, Sverrir Gunnarsson,
Málfríður Dóra Gunnarsdóttir,
Guðmundur Helgi Gunnarsson, Hrund Hjaltadóttir,
Haukur K. Gunnarsson, Gréta Óskarsdóttir,
barnabörn og barnabarnabörn.
Elskulegur faðir okkar, tengdafaðir og afi,
KRISTINN RÖGNVALDSSON,
Hlíðarvegi 44,
Siglufirði,
verður jarðsunginn frá Siglufjarðarkirkju laug-
ardaginn 19. júlí kl. 15.
Blóm og kransar vinsamlega afþakkaðir.
Þeim, sem vilja minnast hans, er bent á banka-
reikning 0186-05-64537.
Guðrún Sonja Kristinsdóttir, Baldur Benónýsson,
Margrét Ragna Kristinsdóttir, Sigurður Már Sigmarsson,
Katrín Kristinsdóttir
og barnabörn.
Ástkær eiginmaður minn, faðir okkar, tengda-
faðir og afi,
ÞORGEIR HALLDÓRSSON,
Austurbrún 27,
Reykjavík,
lést á Landspítalanum við Hringbraut aðfara-
nótt þriðjudagsins 15. júlí.
Lára Hansdóttir,
Hrafn Þorgeirsson, Margrét Ágústsdóttir,
Halldór Þorgeirsson, Guðný Halldórsdóttir,
Arndís Þorgeirsdóttir, Helgi Sverrisson
og barnabörn.
Ástkær eiginkona mín, móðir okkar, tengda-
móðir, amma, langamma og langalangamma,
JÓNA GUÐRÚN VILHJÁLMSDÓTTIR,
lést á dvalarheimilinu Sæborg, Skagaströnd,
sunnudaginn 13. júlí.
Útförin fer fram frá Hólaneskirkju, Skaga-
strönd, laugardaginn 19. júlí kl. 11.00.
Skafti Fanndal Jónasson,
Hjalti Skaftason, Jónína Arndal,
Jónas Skaftason,
Vilhjálmur Kristinn Skaftason, Salóme Jóna Þórarinsdóttir,
Anna Eygló Skaftadóttir, Gunnþór Guðmundsson,
Þorvaldur Hreinn Skaftason, Erna Sigurbjörnsdóttir,
Valdís Edda Valdimarsdóttir, Hlíðar Sæmundsson,
barnabörn, barnabarnabörn
og barnabarnabarnabörn.