Morgunblaðið - 16.07.2003, Blaðsíða 45

ÍÞRÓTTIR
MORGUNBLAÐIÐ MIÐVIKUDAGUR 16. JÚLÍ 2003 45
Íslandsmótið 1.deild karla
Mikilvægur leikur
í Víkinni í kvöld kl. 20:00
Víkingur-Afturelding
Mætum öll og áfram Víkingur!
Golfklúbbur Selfoss, GOS,
Svarfhólsvelli við Selfoss, sími 482 3335
Er meistaramót á þínum velli?
Komdu þá og spilaðu hjá okkur
35-40 mínútna akstur á Selfoss
Flatargjald 2.000 á 18 holur
GOLFARAR

SÍÐUSTU daga hefur 24 ára gam-
all Tyrki æft með KR-ingum. Að
sögn forráðamanna félagsins kom
hann og bað um að fá að æfa og hef-
ur æft með öðrum flokki félagsins
þar sem meistaraflokkurinn er er-
lendis þessa dagana.

ESPEN Baardsen, fyrrverandi
landsliðsmarkvörður Noregs í
knattspyrnu, sagði við Sky-sjón-
varpsstöðina að hann hefði ekki
lengur áhuga á að vera atvinnu-
markvörður þrátt fyrir að vera að-
eins 25 ára. Baardsen hefur átt erf-
itt uppdráttar undanfarin misseri og
nú er svo komið að ekkert lið hefur
áhuga á að gera samning við hann
en hann hefur verið á mála hjá Tott-
enham, Watford og Everton.

JUAN Sebastian Verón vill vera
áfram í herbúðum Manchester
United. Verón ætlar að ræða við Sir
Alex Ferguson knattspyrnustjóra í
vikunni. Verón er staðráðinn í að
endurgjalda Ferguson það traust
sem hann hefur sýnt honum. Arg-
entínumaðurinn hefur verið gagn-
rýndur fyrir leik sinn í ensku úr-
valsdeildinni en hefur hins vegar
leikið við hvern sinn fingur í Meist-
aradeildinni.

BLACKBURN Rovers hafnaði í
gær tilboði Chelsea í útherjann
Damien Duff. Tilboðið hljómaði upp
á 17 milljónir punda.

WEST HAM sammþykkti hins
vegar sex milljóna punda tilboð
Chelsea í varnarmanninn unga Glen
Johnson, en hann er talinn einn
efnilegasti varnarmaður Englend-
inga. Hann gerði í gær fimm ára
samning við Chelsea.

GERARD Houllier, knattspyrnu-
stjóri Liverpool, mun tefla Harry
Kewell, sem hann keypti frá Leeds
á dögunum, fram í leik gegn Köln í
dag. Liverpool hefur verið í æfinga-
búðum í Sviss. „Harry er tilbúinn í
slaginn,“ sagði Houllier. Nýi bak-
vörðurinn Steve Finnan mun ekki
leika með liðinu.

CATHY Freeman frá Ástralíu
hefur ákveðið að hætta í frjáls-
íþróttum en fyrir aðeins nokkrum
vikum sagðist hún ekkert vera að
hugsa um að hætta. Freeman er 30
ára gömul og sigraði í 400 metra
hlaupi á síðustu Ólympíuleikum en
hún hefur tvisvar sinnum orðið
heimsmeistari í 400 metra hlaupi.
FÓLKSVISSNESK kona, Nicole Petignat,mun vera dómari á leik Fylkis og
sænska liðsins AIK Solna í und-
ankeppni Evrópukeppni félagsliða í
knattspyrnu 14. ágúst í Stokkhólmi í
Svíþjóð. Þetta verður í fyrsta sinn
sem kona dæmir leik í Evr-
ópukeppni félagsliða karla í knatt-
spyrnu.
Petignat er 36 ára gömul og hefur
verið dómari í úrvalsdeild karla í
Sviss síðastliðin fjögur ár. Hún hefur
verið dómari í landsleikjum kvenna
frá árinu 1996.
Petignat dæmdi úrslitaleikinn
milli Bandaríkjanna og Kína í heims-
meistarakeppni kvenna í knatt-
spyrnu í Bandaríkjunum árið 1999.
Kona
dæmir
Fylkisleik
BJARKI Gunnlaugsson skor-
aði á laugardaginn 1.500.
mark KR-inga á Íslands-
mótinu í knattspyrnu, efstu
deild, frá upphafi þegar hann
gerði síðara mark liðsins
gegn Þrótti. Þá eru talin
mörk frá og með fyrsta Ís-
landsmótinu árið 1912, og síð-
an í efstu deild frá því deilda-
skiptingin var tekin upp árið
1955.
KR er fyrsta félagið sem
nær að skora 1.500 mörk í
efstu deild og er jafnframt
markahæsta félagið á Íslands-
mótinu í heild með 1.548 mörk
en KR-ingar skoruðu 48 mörk
eina tímabilið sem þeir hafa
leikið utan efstu deildar, sum-
arið 1978.
Valsmenn eru næstir með
1.426 mörk í efstu deild og
1.503 mörk samtals, þá koma
Skagamenn með 1.406 í efstu
deild og 1.494 samtals, og síð-
an Framarar með 1.314 í efstu
deild og 1.425 samtals. Önnur
félög standa þessum fjórum
talsvert að baki en næst þeim
í efstu deild eru Keflavík með
859 mörk og ÍBV með 856.
Bjarki skor-
aði 1.500.
mark KR
SEX leikmenn liða úr Lands-
bankadeild karla voru í gær úr-
skurðaðir í leikbann, allir í eins
leiks bann.
KR-ingar verða án Sigurvins
Ólafssonar og Veigars Páls Gunn-
arssonar þegar þeir mæta Fram í
næsta leik félagsins.
Eyjamenn verða einnig án
tveggja leikmanna þegar þeir taka
á móti Val í næsta leik, þá verða
Ian Jeffs og Tryggvi Bjarnason í
banni.
Grindvíkingurinn Óðinn Árnason
verður fjarri góðu gamni þegar
Grindavík fær Fylki í heimsókn.
Allir þessir leikmenn voru úrskurð-
aðir í bann vegna fjögurra áminn-
inga. Skagamaðurinn Stefán Þór
Þórðarson fer aftur á móti í bann
vegna brottvísunar í síðasta leik ÍA
og missir því af leik ÍA og FH.
Sex leikmenn úr efstu
deild í eins leiks bann
Gunnar Þór Gíslason, stjórnar-formaður Stoke City, sagði í
samtali við Morgunblaðið í gær að
hann væri ekki vongóður um að
Brynjar Björn Gunnarsson leiki með
félaginu á næstu leiktíð. „Ég ræddi
við Brynjar á mánudagskvöld og eins
og staðan er nú bendir ekki margt til
þess að Brynjar leiki hjá okkur á
næstu leiktíð, þó svo að það sé ekki
útilokað. Við afhentum Brynjari
samningstilboð í maímánuði en höf-
um ekki enn fengið neitt formlegt
gagntilboð frá honum. Okkur þykir
það vissulega leiðinlegt þegar við
missum íslenskan leikmann, en við
neyðum engan til að leika fyrir
Stoke. Ef Brynjar vill ekki leika fyrir
okkur og sýnir engan vilja til þess má
hann fara. Það getur vel verið að
Barnsley geti boðið Brynjari betri
samning og ef hann ákveður að fara
þangað, er ég viss um að hann muni
standa sig vel,“ sagði Gunnar Þór.
Pétur Marteinsson hefur átt erfiða
daga hjá Stoke. Um hans stöðu sagði
Gunnar Þór: „Að öllu óbreyttu verð-
ur Pétur leikmaður Stoke á næstu
leiktíð. Hins vegar höfum við sagt
Pétri að ef önnur lið sýna honum
áhuga munum við ekki standa í vegi
hans.“
Í gær gekk Stoke frá kaupum á
Clint Hill, varnarmanni Oldham, og
vænta má frekari liðstyrks á næstu
dögum til liðsins. Vitað er að sterkur
markvörður er á óskalista liðsins og
samkvæmt heimildum Morgun-
blaðsins hefur Stoke rætt við þá Ed
de Goej, fyrrv. markvörð Chelsea, og
Thomas Myhre, fyrrv. markvörð
Sunderland og norska landsliðsins.
Stoke ætlar að bjóða nokkrum af
bestu leikmönnunum úr Lands-
bankadeildinni til æfinga hjá liðun-
um á næstunni. „Það verður að sjálf-
sögðu gert í góðu samráði við lið
leikmannanna,“ sagði Gunnar Þór.
Brynjar Björn
og Pétur á leið
frá Stoke?
Morgunblaðið/Kristinn
Grindvíkingurinn Guðmundur Andri Bjarnason etur hér kappi
við Valsmanninn Jóhann Möller í leik liðanna í gær.
ÞORLÁKUR Árnason, þjálfari
Vals, sagði sóknina hafa brugðist.
„Við vorum einfaldlega slakir og
áttum ekki skilið að sigra. Við vor-
um mjög kraftlitlir fram á við og
það réð úrslitum, við héldum bolt-
anum ekki og vorum slakir þangað
til Ármann fór fremstur,“ sagði
Þorlákur og taldi alltaf hægt að
rökræða hvenær hefði átt að senda
Ármann úr vörninni í fremstu víg-
línu. „Það er alltaf hægt að ræða
það, ég var gagnrýndur fyrir að
setja hann of snemma gegn Þrótti
en nú skoraði hann og skallaði bolt-
ann í slána. Við urðum að færa
menn aðeins til í dag því það vant-
aði Hálfdán Gíslason og við sökn-
uðum hans.“
Frábært hjá okkur
Bjarni Jóhannsson, þjálfari
Grindavíkur, fagnaði sigrinum ær-
lega enda mikil spenna í lokin. „Í
einu orði sagt var þetta frábært hjá
okkur, við spiluðum af gríðarlegu
öryggi fyrir hlé svo að Valsmenn
fengu nánast ekkert færi en við
vorum þolinmóðir og skoruðum fínt
mark. Það var síðan ekki um annað
að ræða en verja forskotið og svo
fáum við mark úr hraðaupphlaupi,
sem er hið besta mál, en svo er
pressan orðin svo mikil að það
verður bara að sætta sig við að fá á
sig eitt mark fyrst við fengum tvö,“
sagði Bjarni eftir leikinn en var
ekki ánægður með dómarann. „Það
munaði litlu að dómarinn myndi
kála þessum leik eftir hlé því það
var mjög ósanngjarnt að gefa rautt
spjald, maðurinn er á leiðinni út af
vellinum og þetta er bara venjuleg
barátta um boltann. Svo verð ég að
bæta við að hann sleppti augljósri
vítaspyrnu á okkur í síðari hálfleik.
Dómarinn missti því miður tökin á
leiknum en hann eyðilagði ekki sig-
urinn fyrir okkur því að við stóðum
þetta af okkur og drengirnir eiga
hrós skilið.“
Kraftlitlir í
sókninni