Morgunblaðið - 16.07.2003, Blaðsíða 4

4 B MIÐVIKUDAGUR 16. JÚLÍ 2003 MORGUNBLAÐIÐ
bílar
Honda S2000,
f.skr.d.
16.03.2000, ek. 9 þús. km.,
2 dyra, 6 gíra, 2.0 vél - 241
hestafl, 16“ álfelgur o.fl.
Verð 3.190.000
HYUNDAI Sonata er vanmetinn bíll
hér á landi. Þetta er stór millistærð-
arbíll og það þarf að aka honum til
þess að trúa því að hér er á ferðinni
góður akstursbíll og vel búinn.
Nýlega kom á markað ný og
breytt Sonata og við prófuðum hana
með 2,0 lítra vélinni í GLS-útfærslu.
Miklar framfarir í gæðum
Stórstígar framfarir hafa orðið í
bílaframleiðslu í Suður-Kóreu og þar
í landi hafa menn hægt og örugglega
fikrað sig upp í gæðum og frágangi.
Bílar eins og Santa Fé, Kia Sorrento
og Kalos tala sínu máli en eitt eiga
þeir allir sameiginlegt – ennþá; kór-
eskt verð sem er lægra en menn eiga
að venjast í sambærilegum evrópsk-
um og japönskum bílum. Þeir líða
líklega ennþá fyrir illt umtal, alveg
eins og japanskir bílar gerðu þegar
þeir fóru fyrst að koma á markað á
Íslandi, en í flestum tilvikum er það
algerlega að ósekju. Þess vegna
missa líka margir sjónar af þeim
tækifærum sem bjóðast í kaupum á
suður-kóreskum bílum. Og ennþá
virðist sem erfiðara sé að selja not-
aða bíla frá Suður-Kóreu nema verð-
fallið sé þeim mun meira. Það er
vissulega ókostur sem margir velta
fyrir sér áður en þeir festa kaup á
nýjum bíl því endursöluverðið er
vissulega hluti af dæminu.
Sjálfskipting með valskiptingu
Gleymi menn þessu hins vegar um
stund og skoða sjálfa vöruna kemur
ýmislegt á óvart. Suður-Kóreumenn
hafa ekki verið þekktir fyrir frum-
leika í útlitshönnun á bílum. Þeir
leita ekki langt yfir skammt og fá að
láni stílbrögð héðan og þaðan án
þess að blikna. Sonata var lengi
fremur sviplaus bíll en nú bregður
svo við að maður þykist sjá í honum
bresk og þýsk stílbrögð. Ávalur aft-
urendinn á þessum fernra dyra stall-
baki líkist til að mynda Rover 75 og
framendinn, með sínum stællegu
framlugtum, minnir eilítið á C-Benz.
Að innan er allt með hefðbundnum
hætti og fremur látlaust ef út í það er
farið. Bíllinn var prófaður með fimm
þrepa sjálfskiptingu og nýtt við hana
er að hún er með valskiptingu. Helst
er hægt að finna að því í innanrým-
inu hve mikil plastnotkunin þar er.
Stýrið er t.a.m. ekki leðurklætt en
hirsla á milli framsætanna er hins
vegar klædd sama áklæði og sætin.
Sætin eru þægileg með stillingu fyr-
ir bak og setu en setan mætti að
ósekju vera lengri og styðja betur
undir lærin. Gott pláss er fyrir þrjá
fullorðna í aftursætum og alls staðar
eru þriggja punkta belti og hnakka-
púðar. Auk þess verja fjórir öryggis-
loftpúðar farþega ef eitthvað fer úr-
skeiðis. Á ökumannshurðinni er
opnun fyrir skottlok og bensínlok og
þar er líka útstigsljós. Allir gluggar
eru með rafstýringu sem og úti-
speglarnir. Hurðir eru með tvöföld-
um þéttilistum og lokast með sann-
færandi hljóði.
Skemmtileg vél
Sonata er framleidd með V6 vél en
að þessu sinni var prófuð 2,0 lítra,
fjögurra strokka vélin sem skilar 140
hestöflum að hámarki. Athyglisvert
er strax og tekið er af stað hversu
hljóðlátur bíllinn er. Þar skýtur hann
flestum keppinautum ref fyrir rass,
líka þýskum, nema þá helst dýrustu
lúxusbílum. Aksturinn er líka mjúk-
ur og bíllinn hefur mikið veggrip.
Stýrið er nákvæmt og hefur góða
svörun. Manni líður strax vel undir
stýri á þessum bíl og stjórntæki leika
öll í höndum ökumanns.
Með 2,0 l vélinni er Sonatan
skemmtilegur kostur, jafnt innan-
bæjar sem í þjóðvegaakstri, þótt
vissulega vanti mikið upp á að hún
skáki V6-vélinni. Undirritaður varð
hins vegar fyrir vonbrigðum með
valskiptimöguleikann því boðið er
eingöngu upp á að skipta niður eða
upp um einn gír í einu. Það reyndist
skemmtilegra að nota sjálfskipt-
inguna með því að pikka bílinn og ná
þannig upp snúning á vélina.
Bíllinn er eingöngu boðinn sjálf-
skiptur með TCS-spólvörn. Verðið
er 2.150.000 kr. sem er verulega hag-
stætt. Og vegna þess hve hagstætt
verðið er má léttilega réttlæta kaup
á aukahlutapökkum – þar myndi
fyrst koma til greina leðurinnrétting
á 160.000 kr. sem myndi létta mikið
upp á innanrýmið. Svo væri hægt að
bæta við 16 tommu álfelgum og nýj-
um dekkjum til að gera hann dálítið
„agressívari“. Þá væri verðið komið
upp í 2.450.000 kr. Keppinautar eru
t.d. Honda Accord, Ford Mondeo,
Nissan Primera, Opel Vectra, VW
Passat og Toyota Avensis. Ódýrast-
ur þessara bíla er Accord 2.0 sjálf-
skiptur sem kostar 2.240.000 kr.
Hvað sem allri merkjapólitík líður
þá er óhætt að benda bílkaupendum
á Hyundai Sonata. Það er góður
akstursbíll á fínu verði.
Morgunblaðið/Guðjón Guðmundsson
Hyundai Sonata er stór og laglega hannaður fólksbíll.
Góður aksturs-
bíll á fínu verði
REYNSLUAKSTUR
Hyundai Sonata
Guðjón Guðmundsson
gugu@mbl.is
Sonata kostar frá 2.150.000 kr. sjálfskiptur.
Plastefnanotkun er fullmikil í Sonata.
Vélin er 2,0 lítra og skilar 140 hestöflum að hámarki.
Í skottinu er 12V rafmagnsúttak.
Stórar og laglegar framlugtir.
Vél: 1.997 rúmsentimetr-
ar, fjórir strokkar,
16 ventlar.
Afl: 140 hestöfl við 6.000
snúninga á mínútu.
Tog: 178 Nm við 4.500
snúninga á mínútu.
Hröðun: 9,6 sekúndur úr
kyrrstöðu í 100 km.
Hámarkshraði: 200 km/
klst.
Lengd: 4.747 mm.
Breidd: 1.820 mm.
Hæð: 1.422 mm.
Eigin þyngd: 1.498 kg.
Gírar: Fjögurra þrepa
sjálfskipting með
valskiptingu.
Hemlar: Diskar, kældir að
framan, ABS.
Farangursrými:
430 lítrar.
Verð: 2.150.000 kr.
Umboð: B&L hf.
Hyundai Sonata GLS