Morgunblaðið - 16.07.2003, Blaðsíða 6

6 B MIÐVIKUDAGUR 16. JÚLÍ 2003 MORGUNBLAÐIÐ
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
Toyota Hilux TD 03/99 ek 95.000
33" breyttur, plasthús, gullfallegur
bíll áhvíl. lán. verð 1.980.000
Nissan X-Trail sport 11/02 ek
14.000 ssk. og fl. Verð 2.950.000
Toyota Land Cruiser 100 4.7 bensín
02/99 ek. 70.000 leður, lúga TEMS, 35"
breyttur og fl. Glæsilegur bíll með öllu
verð 4.390.000
Nissan Patrol Luxury 09/00 ek.
49.000 33" 5 g, áhvílandi lán verð
3.390.000
480 8000
Kauptu næsta bílinn þinn
beint frá Kanada
www.natcars.com
MEIRA afl og meira snúningsvægi
frá sömu vélarstærð, en með
óbreyttri eyðslu – þetta er í hnot-
skurn þróunarformúlan fyrir aðra
kynslóð 911 GT3. Bílabúð Benna
hefur flutt inn einn slíkan vagn
sem reyndar staldrar stutt við á
landinu bláa því hann hefur þegar
verið seldur til kaupanda erlendis.
Tækifæri gafst þó til að prófa
bílinn lítillega og það varð sama
upplifunin og alltaf þegar Porsche-
sportbílunum er ekið. Þetta eru
bílar sem eru hannaðir fyrir þá
sem hafa gaman af akstri – hröðum
akstri – en það er samt ekkert ver-
ið að flækja málin með of miklum
tæknibúnaði eða flóknu viðfangi í
mælaborðinu. Maður sest inn í
þennan bíl og venst honum strax;
öllu nema aflinu. Það tekur tíma að
venjast því að vera með 380 ólma
hesta undir vélarhlífinni og jafn-
gott að vera mjúkur á bensíngjöf-
inni, ekki síst í beygjum. Allt aflið
fer til afturhjólanna og leikur einn
að reykspóla þessum bíl og ef óvar-
lega er farið er hægt að missa
stjórnina í einu vetfangi.
Porsche-menn náðu meira afli út
úr sömu vélinni með því að draga
úr hreyfanlegum massa í sex
strokka vélinni og hagnýta sér til
fulls óendanlega möguleika Vario-
Cam-stillingarinnar á kambásnum.
Þetta skilar nýjum 911 GT3 veru-
legri aflaukningu eða sem nemur
15 kW eða 21 hestafli: Hámarksafl
eykst frá 265 kW eða 360 hestöfl
við 7.200 snúninga á mínútu, upp í
280 kW eða 381 hestafl við 7.400
snúninga á mínútu. Hámarkssnún-
ingsvægið hefur aukist úr 370 í 385
Newton-metra við óbreyttan snún-
ingshraða vélar, 5.000 snúninga á
mínútu.
Í þessu þróunarferli hefur sex
strokka vélin einnig verið endur-
bætt hvað varðar hraðaaukningu,
vélin tekur mun betur við sér en
áður og hámarkssnúningshraði vél-
arinnar hefur aukist að sama
skapi: Vélarstýringin tekur ekki
völdin í lægri fjórum gírunum fyrr
en við 8.200 snúninga, á móti 7.800
áður. Þetta eykur viðbragðið í
venjulegum akstri, nokkuð sem
auðvelt er að finna og setja á mæli-
stiku: 911 GT3 kemst á 100 km
hraða á klukkustund úr kyrrstöðu
á 4,5 sekúndum, 0,3 sekúndum
betri tími en áður. Og með enn
meira straumlínulagi eykur þessi
nýi bíll stöðugt hraðann þar til há-
markshraða er náð, sem er 306 km/
klst.
Hemlakerfið er nú fáanlegt
með keramikdiskum
Magnþrungnum tölum 911 GT3
hvað varðar hröðun, sveigjanleika
og hámarkshraða er mætt með
svipuðum hætti hvað varðar heml-
unarhæfni og hæfni til að draga úr
hraða. Sama á við um meira vél-
arafl og aukna aksturseiginleika
sem er mætt með endurbættu
burðarvirki og fjöðrun. Þvermál
hemladiska að framan hefur verið
aukið um 20 mm í enn stærri diska,
eða sem nemur 350 millimetra. Og
í samanburði við fyrri gerð, sem
var með fastri bremsuklemmu með
fjórum stimplum, er hinn nýi 911
GT3 með enn öflugari hemlum, sex
stimpla bremsuklemmu, sem er
samkvæmt hefð rauð að lit. Þessir
stimplar auka snertiflötinn á milli
bremsuklossa og hemladiska um
það bil 40 af hundraði, sem tryggir
einstaka hæfni til að hægja á og
stöðva, jafnvel við hinar erfiðustu
aðstæður.
Sem aukabúnað er hægt að fá
hinn nýja 911 GT3 búinn keramik
hemladiskum, „Porsche Ceramic
Composite Brakes“ (PCCB). Þess-
ir keramikdiskar, sem eru kross-
boraðir og með innri kælingu, eru
350 mm í þvermál eru 50% léttari
en hemladiskar úr málmi og draga
úr heildarþyngd bílsins sem nemur
um það bil 18 kílóum. Saman með
nýjum hemlaklossum, sem einnig
voru þróaðir sérstaklega fyrir
þessa gerð bílsins, tryggja ker-
amikdiskarnir mjög aflmikla, og
stöðuga hemlun, í öllu stöðvunar-
ferlinu.
Enn straumlínulagaðri en áður
Við endurbót á loftfræðilegum
eiginleikum 911 GT3 í nánast öllu
tilliti, litu tæknimenn og loftafls-
fræðingar Porsche á hvern einasta
millímetra af yfirborði bílsins með
það í huga að ná hámarksárangri.
Sérlega einkennandi staðir eru ný
hönnun á framenda með aftur-
sveigðu nefi, nýtt form hliðarsílsa
og sérlega yfirgnæfandi vindskeið
að aftan. Þessi hönnun á rætur að
rekja til þeirrar viðleitni að draga
úr lyftikröftum á fram- og afturás,
án þess að draga úr vindstuðlinum,
sem er með mæligildið 0,30. Með
40 millímetra breiðri vör á vind-
kljúfnum sem nær yfir allan fram-
endann, tekst að draga verulega úr
loftflæði undir bílinn. Vel staðsett
loftinntök fyrir kæliloft fæða á
hinn bóginn stóran hluta af því
lofti sem kemur frá kælibúnaði vél-
arinnar beint til hemlabúnaðarins,
og þar með ekki undir bílinn, sem
á sinn þátt í að draga verulega úr
lyftkröftum á framhjólin.
Þessi nýi Porsche 911 GT3 er
búinn öllu því sem hálfrar aldar
þátttaka Porsche í mótorsporti
hefur alið af sér. Þetta er sportbíll
fyrir þann sem veit hvað hann vill.
Sportbíll búinn þeim kostum sem
bíll í þessum gæðaflokki á að hafa
– án þess að vera með þá ballest
Morgunblaðið/Jim Smart
Porsche 911 GT3, hannaður fyrir þá sem hafa gaman af hröðum akstri.
Enn meira afl í of-
ursportbílnum 911
REYNSLUAKSTUR
Porsche 911 GT3
Guðjón Guðmundsson
bílar