Morgunblaðið - 17.07.2003, Blaðsíða 8
FRÉTTIR
8 FIMMTUDAGUR 17. JÚLÍ 2003 MORGUNBLAÐIÐ
Ingvar Helgason hf. · Sími 525 8000 · Sævarhöfða 2 ih@ih.is www.ih.is · opið virka daga kl. 9-18
Það eru alltaf frábær
tilboð í gangi á Netinu
á ih.is/notadir
notaðir bílarIngvarHelgason
TILBOÐS
BÍLAR!
STOPP
Útimarkaður í Mosfellsdal
Skemmtileg mark-
aðsstemmning
ÚTIMARKAÐ meðgrænmeti, blómog ýmsan mat-
varning má finna í Mos-
skógum í Mosfellsdal
hvert sumar frá miðjum
júlímánuði. Markaðurinn,
sem er opinn frá kl. 13–17
á laugardögum, er í ná-
grenni Mosfellskirkju og
garðyrkjustöðvarinnar
Dalsgarðs. Það er Jón Jó-
hannsson í Dalsgarði sem
hefur umsjón með mark-
aðnum.
Hver er sagan að baki
útimarkaðinum?
„Þetta er fimmta sum-
arið sem við setjum upp
markaðinn, en hugmyndin
kviknaði er við bróðir
minn, Gísli Jóhannsson,
rósabóndi í Dalsgarði, og
Dísa Andriman á Skeggjastöðum
funduðum í kringum áramótin
fyrir fimm árum um hvað hægt
væri að gera til að hleypa lífi í
dalinn. Á þeim tíma vorum við
bara að rækta grænmeti til
einkaneyslu, en eftir að hug-
myndin um útimarkaðinn kvikn-
aði ákváðum við um vorið að
skella upp nokkrum borðum hér
fyrir framan gróðrarstöðina að
Mosskógum. Við byrjuðum því
einfalt en sáum fljótt að fólk tók
hugmyndinni vel og árið eftir
reisti ég markaðinn að Mosskóg-
um sem nú stendur hér.“
Eru Íslendingar til í að mæta
á útimarkað?
„Já, Íslendingar eru til í að
mæta á markaðinn. Reyndar
hafa viðtökurnar verið slíkar að í
ár voru menn að spyrja um
markaðinn áður en grænmetið
var komið upp úr jörðinni, en
okkar grænmeti er allt ræktað
úti. Fólk var byrjað að hringja í
mars-apríl, enda skilst mér að ís-
lenska vorið hafi verið alveg ein-
staklega gott og áttu menn því
von á að við færum fyrr af stað
en venjulega. Í kjölfar kulda-
kastsins í byrjun maí ákváðum
við hins vegar að halda bara okk-
ar striki og vonumst bara í stað-
inn til að geta haldið markaðnum
opnum fram í miðjan september
eins og í fyrra. “
Er einhver starfsemi í gangi
fyrir utan laugardagsmarkaðinn?
„Ef eitthvað af varningnum
gengur af getur fólk líka komið
hingað á sunnudögum, en annars
bjóðum við fólki líka að koma við
í miðri viku og ná sér í nýtt og
ferskt grænmeti beint úr garð-
inum. Í þeim tilfellum löbbum við
einfaldlega með fólki út í garð og
tínum grænmetið beint í körfuna.
Íslendingar eru reyndar fæstir
komnir inn á þetta ennþá, en viss
hópur kemur hingað samt í
göngutúr með körfuna sína.“
Er mikið um ný andlit meðal
viðskiptavinanna?
„Þótt hingað sæki náttúrulega
fastur hópur af fólki þá sjáum við
líka mikið af nýjum andlitum inn
á milli. Það fólk hefur heyrt talað
um markaðinn og kemur kannski
einu sinni – tvisvar, eða gerist
fastakúnnar ef því lík-
ar vel. Það hefur líka
myndast skemmtileg
stemmning í kringum
markaðinn og við er-
um heppin að hafa hér
gott útivistarsvæði sem fólk get-
ur notið þess að ganga um. Vin-
sældir útimarkaðarins velta þó
alltaf á veðrinu og að sjálfsögðu
er vinsælla að setjast hér niður í
góðu veðri og fá sér kaffisopa en
ef verr viðrar.“
Hvað er selt á markaðnum?
„Af grænmetinu má nefna að
nú þegar eru komnar í sölu ýms-
ar salattegundir á borð við
klettasalat og auk þess brokkólí,
gulrætur, spínat, svartkál og vor-
laukur svo fátt eitt sé nefnt. Þá
selur Sveinbjörn frá Heiðarbæ
bæði murtu og bleikju úr Þing-
vallasveitinni sem gjarnan er
veidd í net fyrr um morguninn
og auk þess er boðið upp á rósir
frá Dalsgarði, hanaegg úr Kjós-
inni – svonefnd af því að haninn
fær að vera með hænunum úti í
hænsnakofa, pestósósuna hennar
Diddúar og íslensk grös og jurtir
sem Hildur Rúna Hauksdóttir
hefur tínt, þurrkað og unnið. Auk
þessara föstu liða eru líka ýmsir
sem koma bara einu sinni og var
Sólveig á Grænum kosti t.d. með
kynningu síðasta laugardag.“
Eru Íslendingar opnir fyrir
nýjum grænmetistegundum?
„Íslendingar eru opnir fyrir
nýjungum á græmetismarkaðn-
um og aðalatriðið er í raun að
gefa þeim að smakka. Þannig
nýtur hnúðkál t.d. mikilla vin-
sælda hjá okkur nú og hið sama
má segja um klettasalatið sem
við kynntum með sama hætti. Í
ár erum við svo að kynna felt,
salat frá Nantes í Frakklandi, og
sjáum svo hverju það skilar. En
þar sem Íslendingar eru opnir og
óhræddir við að smakka, er líka
alltaf gaman að koma með nýj-
ungar.“
Þú starfar sem listamaður í
Frakklandi á veturna og sem
garðyrkjubóndi á Íslandi á sumr-
in. Er ekki erfitt að sameina
þetta?
„Þessi tvískiping virkar í raun
mjög vel, þótt óneitanlega væri
hún ómöguleg ef ég
væri ekki eiginn herra
í báðum löndum. Það
er gott að geta unnið
að listinni úti á vet-
urna og ég nýt góðs af
því að þau Gísli og Dísa, sem
voru með mér í því að koma
markaðnum af stað, sjá um að
koma plöntunum til á vorin. Ég
tek svo við umsjón þeirra þegar
ég kem heim og þá er garð-
yrkjan full vinna næstum allan
sólahringin. Það er hins vegar
svo gott að geta fengið að vera
úti á sumrin að þetta gerist eig-
inlega ekki betra.“
Jón Jóhannsson
Jón Jóhannsson er fæddur í
Reykjavík 23.2 1955. Hann nam
myndlist við California College
of Art and Craft í Bandaríkj-
unum árin 1984–86 og við West
Surrey College of Art and De-
sign í Bretlandi árin 1986–89.
Jón hefur verið búsettur í Frakk-
landi á veturna, þar sem hann
starfar sem myndlistamaður, og
á Íslandi á sumrin, þar sem hann
starfar sem garðyrkjubóndi, sl.
13 ár. Jón er kvæntur Pascale
Johannsson og þau eiga börnin
Esju 14 ára og Jóhann 12 ára.
Íslendingar
eru nýj-
ungagjarnir
VEGFARENDUR sem leið hafa
átt um Haukadal í Dölum, hafa
furðað sig á framkvæmdum við
Haukadalsvatn. Þar getur að líta
ýmis tól og tæki s.s. stóran
pramma, gröfur og báta.
Þarna er á ferðinni hópur frá
Raunvísindastofnun Íslands að
rannsaka stöðuvatnaset. Þetta er
samstarfsverkefni Hrafnhildar
Hannesdóttur prófessors í jarð-
fræði við Háskóla Íslands og Grif-
fords Miller frá Háskólanum í
Colorado.
Í upphafi reyndi hópurinn að
nota hljóðmælingar á vatninu en
þar sem mikil gasmyndun var í
setinu á botni vatnsins þá þurftu
þau að fá bor frá Ameríku sem
getur unnið í djúpum vötnum og
borað allt að 30 m. niður í jarð-
lögin. Hafa þau einnig verið að
störfum við Hestvatn í Grímsnesi
og Hvítárvatn við Langjökul í
sumar.
Þetta mun vera í fyrsta sinn
sem reynt er að ná í samfelld gögn
fyrir sl. 10 þúsund ár í jarðsögu
Íslands. Gögnin verða svo send til
Minneapolis til frumgreiningar og
gefa þau góða von um að hægt sé
að vinna nákvæmar upplýsingar
um loftlagsbreytingar þessa tíma-
bils, hvernig síðasta jökulskeið
hörfaði inn til landsins, dældin ein-
angraðist frá sjónum og Hauka-
dalsvatn breyttist úr fjarðarum-
hverfi í stöðuvatnsumhverfi og tók
á sig þá mynd sem það hefur í dag.
Einnig er von um að vitneskja fá-
ist um hvernig og hvort reglu-
bundnar breytingar hafa orðið í
loftslagi hér í á landi sl. 10 þúsund
ár.
Vísindamenn frá Raunvísindastofnun við Haukadalsvatn
Afla gagna úr 10
þúsund ára jarðsögu
Morgunblaðið/Helga H. Ágústsdóttir
Búðardal. Morgunblaðið.