Morgunblaðið - 17.07.2003, Blaðsíða 17
HÖFUÐBORGARSVÆÐIÐ
MORGUNBLAÐIÐ FIMMTUDAGUR 17. JÚLÍ 2003 17
LEIKSKÓLAR Reykjavíkur eiga 25
ára afmæli í ár. Barnavinafélagið
Sumargjöf sá um rekstur dagheimila
og leikskóla í Reykjavík allt frá árinu
1924, en árið 1978 tók Dagvist barna
og síðar Leikskólar Reykjavíkur yfir
stjórn þessara mála. „Þetta byrjaði á
því að vera deild hjá félagsmálastofn-
un en svo fengum við sjálfstæða stöðu
árið 1986, en það var alltaf sérstök
pólitísk nefnd sem lagði línur fyrir
okkur að vinna eftir,“ segir Bergur
Felixson, framkvæmdastjóri Leik-
skóla Reykjavíkur.
Hann telur að á þessum tíma hafi
verið á milli 25 og 30 leikskólar í borg-
inni, en nú séu 78 leikskólar á vegum
Reykjavíkurborgar. Bergur lýsir því
að umfang starfseminnar hafi aukist
gífurlega á þessum árum. Plássin séu
margfalt fleiri, auk þess sem allir vilji
fá heilsdagspláss. „Við reynum að
bjóða upp á það sem fólk óskar eftir.
Bæði er búið að lækka aldur og auka
þjónustustigið gífurlega. Þetta fylgist
svo að, maður getur ekki sagt hvort
kemur á undan eggið eða hænan. Það
hefur orðið svo mikil viðhorfsbreyting
á þessum árum meðal almennings,“
segir hann og nefnir til að mynda
aukna atvinnu- og námsþátttöku
kvenna. Hann leggur áherslu á að
Leikskólar Reykjavíkur hafi þurft að
taka þátt í þessari þróun og standast,
svo foreldrarnir treysti þeim fyrir
börnunum allan daginn
meðan þeir eru við
vinnu. Þá þurfi að vera
bæði gæði og traust til
staðar.
Flest börn í Reykja-
vík í kringum 1995
Að sögn Bergs eru
tæplega 6.000 börn í
Leikskólum Reykjavík-
ur. „Ætli það verði ekki
um 5.900 börn þar í
haust. Yngstu börnin
sem hafa fengið pláss
eru fædd árið 2002 og
eru rúmlega ársgömul,
en það er undantekn-
ingin. Við miðum við að
öll börn fædd 2001 og
eldri komist inn í leikskóla í haust,“
bendir hann á.
Bergur segir það misjafnt eftir
hverfum hvenær börn fái pláss á leik-
skóla, borgin sé orðin það stór að það
sé ekki sama framboð í öllum hverf-
um. Hann segir að erfitt sé að spá fyr-
ir um fjölgun og því standi sum hverfi
betur en önnur. Það séu eldri hverfin
og nefnir hann sem dæmi að börn fái
fyrr pláss í Vesturbænum en í mörg-
um yngri hverfunum.
„Börnum fjölgar ekki í Reykjavík
núna og það er ákveðið tímanna tákn.
Þetta hefur að vísu gerst aðeins hæg-
ar en í öðrum sambærilegum lönd-
um,“ segir Bergur og telur að flest
hafi börnin orðið í
Reykjavík í kringum
1995. „Þá fjölgaði þeim
alltaf en nú fækkar
þeim hægt. Nú dreifist
þetta meira, börnin
flytja í nýju hverfin og
þá fækkar á hinum stöð-
unum.“
Gæði leikskólastarfs
hafa aukist samfara
uppbyggingu
Þegar hann er spurð-
ur um þá uppbyggingu
sem nú á sér stað svarar
hann að verið sé að
byggja leikskóla í Stað-
arhverfi í Grafarvogi,
sem vígður verði í
haust. Þá verði önnur deild opnuð á
eldri leikskóla í Grafarvogi. Einnig sé
verið að byggja leikskóla í Stakkahlíð,
er komi í stað leikskólans Sólbakka,
sem leggja þurfi niður vegna færslu
Miklubrautar. „Hann verður aðeins
stærri og því fáum við nokkur pláss
þar. Síðan erum við að fara að byggja
leikskóla á Kjalarnesi sem verður
vígður snemma á næsta ári. Það er
ennþá heilmikil uppbygging í gangi,“
bætir hann við.
Hann segir að nýlega hafi tekið til
starfa leikskóli í Grafarholti, en þegar
sé búið að fylla fimm deilda leikskóla
þar og í haust verði þar rúmlega 100
heilsdagspláss. „Margir foreldrar
með börn eru að flytja í Grafarholtið
þessa dagana.“
Bergur leggur áherslu á að gæðin á
leikskólastarfinu hafi aukist samfara
þessari uppbyggingu. Þau séu á háu
stigi, enda séu miklar kröfur gerðar.
Hann segir að um 1.900 starfsmenn
starfi á Leikskólum Reykjavíkur í
tæplega 1.400 heilsdagsstörfum.
Að sögn Bergs er ætlunin að halda
upp á 25 ára afmælið með því að bjóða
öllum börnunum í Húsdýragarðinn
síðar í sumar, þar sem verða
skemmtiatriði og boðið verður til
veislu. Auk þess var fréttabréfið, sem
gefið er út reglulega, gert að veglegu
afmælisriti og verður því dreift til
allra foreldra og víðar.
Morgunblaðið/Árni Torfason
Miðað er við að öll börn fædd 2001 og eldri fái pláss á Leikskólum Reykja-
víkur í haust. Tæplega 6.000 börn eru í leikskólum í borginni.
Bergur Felixson, framkvæmdastjóri Leikskóla Reykjavíkur
Umfang starfseminn-
ar hefur aukist
gífurlega á 25 árum
Reykjavík
Bergur Felixson, fram-
kvæmdastjóri Leikskóla
Reykjavíkur.