Morgunblaðið - 17.07.2003, Blaðsíða 25

UMRÆÐAN
MORGUNBLAÐIÐ FIMMTUDAGUR 17. JÚLÍ 2003 25
Skógarhlíð 18, sími 595 1000. www.heimsferdir.is
Heimsferðir kynna
nú ferðir sínar til
Kanaríeyja næsta
vetur og mestu
verðlækkun sem um
getur til Kanaríeyja
frá því flug hófust þangað. Í fyrra lækkuðu Heimsferðir
verð til Kanarí um 7 – 12 %, og nú lækkum við verðið
um allt að 30% til viðbótar. Þeir sem bóka strax njóta
nú forgangs að bestu gististöðunum og lægsta verðinu, því
þeir sem bóka fyrir 8. ágúst, tryggja sér 10.000 kr. afslátt
á manninn.*
Lægsta
verðið til
Kanarí
í vetur
og bestu gististaðirnir
hjá Heimsferðum.
* M.v. að bókað og staðfest sé fyrir 8. ágúst 2003
eða meðan afsláttarsæti eru laus.
** M.v. lægsta verð 9. janúar í fyrra og 6. janúar 2004.
Aukaferð 2. nóvember
30 dagar
22. október - uppselt
Taktu enga áhættu á Kanaríferðinni þinni
Hjá Heimsferðum færðu:
Vinsælustu gististaðirnir
Fyrstu flugin uppseld
• Lægsta verðið
• Mestu þjónustuna
• Bestu gististaðina
• 11 ára reynslu
Las Faluas
Verð frá kr. 79.950
M.v. 2 í íbúð, flug, gisting, skattar, 2. nóv.
Bókaðu á www.heimsferdir.is
Landsliðið í fararstjórn
Hjá Heimsferðum nýtur þú þjónustu fararstjóra með
áralanga reynslu og þekkingu á Kanaríeyjum.
1918 farþegar bókaðir til Kanarí í vetur. Við þökkum
ótrúlegar móttökur og lækkum verðið enn meira.
Tryggðu þér bestu kjörin meðan enn er laust.
Enn lægri verð
6.janúar - vikuferð kr. 33.862
M.v. hjón með 2 börn, Green Oasis/Beach Flor ,
vikuferð, 6.janúar, með 10.þúsund kr. afslætti og
netafslætti.
6.janúar - vikuferð kr. 44.650
M.v. 2 í húsi Green Oasis, vikuferð, 6.janúar,
með 10.þúsund kr. afslætti og netafslætti.
6.janúar - 2 vikur kr. 52.250
M.v. 2 í húsi Green Oasis, vikuferð, 6.janúar,
með 10.þúsund kr. afslætti og netafslætti.
27.janúar - 2 vikur kr. 57.250
M.v. 2 í húsi Green Oasis, vikuferð, 6.janúar,
með 10.þúsund kr. afslætti og netafslætti.
**
Í VIÐTALI sem birtist í Morgunblaðinu 29. júní sl.
lýsti borgarstjórinn í Reykjavík þeirri skoðun sinni,
sem ekki kom á óvart, að halda ætti samkeppni um
skipulag Vatnsmýrarsvæðisins. Eins og
Morgunblaðið greinir frá 2. júlí tók
borgarstjórinn einnig afstöðu til fram-
tíðar innanlandsflugsins, en þar segir:
,,Hann lýsti einnig þeirri skoðun sinni
að hann teldi að innanlandsflugið
myndi flytjast til Keflavíkur.“ Eins og
þekkt er hafa staðið deilur um framtíð
Reykjavíkurflugvallar, sem var endurbyggður með
sérstöku leyfi borgaryfirvalda, eftir að Alþingi hafði
samþykkt fjárveitingar til endurbyggingar vallarins í
Vatnsmýrinni. Það hefur komið mjög skýrt fram bæði
af hálfu flugrekenda og Samtaka ferðaþjónustunnar
að innanlandsflugið eigi mikið undir því að Reykjavík-
urflugvöllur þjóni fluginu áfram. Og með endurbygg-
ingu Reykjavíkurflugvallar var mótuð skýr stefna
gagnvart innanlandsfluginu af hálfu flugmála-
yfirvalda.
Morgunblaðið leitaði eftir afstöðu minni til þessara
orða borgarstjóra, að innanlandsflugið myndi flytjast
til Keflavíkur. Með sama hætti og blaðamaður Morg-
unblaðsins, og raunar leiðarahöfundur Morgunblaðs-
ins gerir einnig, skil ég orð borgarstjórans þannig að
hann telji að reka megi innanlandsflugið auðveldlega
frá Keflavík. Í leiðara Morgunblaðsins 1. júlí er vitnað
til orða borgarstjórans þar sem hann segir m.a. ,,Ég
held að bæði landsbyggðin og ferðaþjónustan muni
hagnast á því að boðið verði upp á innanlandsflug
beint frá Keflavík.“ Af þessum orðum borgarstjórans
verður afstaða hans til innanlandsflugs frá Reykjavík-
urflugvelli vart misskilin. Það vekur því furðu þegar
hann skrifar sérstaka grein í Morgunblaðið til þess að
draga í land og gera viðbrögð mín tortryggileg og
spyr: ,,Hvað gengur samgönguráðherra til?“ Borg-
arstjórinn segir að hann hafi verið að lýsa framtíð-
arsýn sinni í almennum orðum og reynir síðan að
skjóta sér á bak við skoðanir leiðarahöfundar Morg-
unblaðsins sem vill sjáanlega leggja niður innanlands-
flugið frá Reykjavíkurflugvelli. Afstaða blaðsins er
raunar byggð á miklum misskilningi sem væri efni í
sérstaka grein.
Ég vil vekja athygli borgarstjórans í Reykjavík á því
að það er hlutverk samgönguyfirvalda að móta stefn-
una um uppbyggingu samgöngumannvirkja. Það verð-
ur ekki gert nema í góðu samstarfi við sveitarstjórnir
og skipulagsyfirvöld. Með því að leggja fram Sam-
gönguáætlun og fá hana samþykkta á Alþingi hefur
samgönguráðherra markað skýra stefnu sem felur
m.a. í sér að miðstöð innanlandsflugs verði á Reykja-
víkurflugvelli. Ég vil af því tilefni minna á að umhverf-
isráðherra skipaði nefnd í kjölfar þess að aðalskipulag
fyrir borgina var samþykkt. Þeirri nefnd var falið það
hlutverk að gera tillögur um landnotkun í Vatnsmýr-
inni. Í þeirri nefnd, sem er að störfum, eru fulltrúar
umhverfisráðherra, borgaryfirvalda og samgöngu-
ráðherra. Það er von mín að samkomulag geti tekist
um það mikilvæga verkefni að tryggja hagsmuni inn-
anlandsflugsins og þeirra fjölmörgu, sem hafa atvinnu
af ferðaþjónustu og flugsamgöngum. Jafnframt þarf
að leggja áherslu á öryggisþætti flugsins og að dregið
verði úr kennsluflugi á Reykjavíkurflugvelli svo og
ferjuflugi til þess að takmarka sem mest þá umferð
sem getur með góðu móti nýtt aðra flugvelli.
Að lokum vil ég segja borgarstjóranum að mér
gengur ekkert annað til með svörum mínum við spurn-
ingum Morgunblaðsins, sem hann vitnar til, en að
bregðast hart við og hvetja hann til þess að að kynna
sér afstöðu þeirra sem best þekkja til um hina fjöl-
þættu starfsemi á Reykjavíkurflugvelli. Með því er um-
ræðan ekki færð á óeðlilega ,,persónulegt plan“.
Borgarstjóra svarað
Eftir Sturlu Böðvarsson
Höfundur er samgönguráðherra.
Á 20. ÖLD einkenndist bú-
setuþróun af flutningi fólks úr
sveit í þéttbýli og síðar úr minna
þéttbýli í stærra. Við upphaf 21.
aldar hefur höf-
uðborgarsvæðið
skapað sér sérstöðu
í nútímalegum lífs-
háttum sem felst
m.a. í góðu aðgengi
að menntunarmögu-
leikum, „óþrjótandi“
afþreyingarmöguleikum og síðast
en ekki síst fjölbreyttum atvinnu-
möguleikum.
Það sem án efa vegur þungt þeg-
ar fólk velur sér búsetu er m.a. það
hvernig almennri velferðar- og
grunnþjónustu er háttað í sveitar-
félaginu, húsnæðismálum, sam-
göngumálum, verslun og þjónustu,
menningu og afþreyingu. Það sem
þyngst vegur eru þó án efa at-
vinnutækifæri, fjölbreytni atvinnu-
lífsins og launakjör fólks í því sam-
félagi sem það velur sér búsetu í.
Búsetuþróun hefur breyst mikið
undanfarna áratugi og Húnavatns-
sýsla hefur ekki farið varhluta af
neikvæðri íbúaþróun og aldurs-
skipting íbúa ber þess merki að
landsbyggðin hefur lítið aðdrátt-
arafl fyrir ungt fólk. Meiri fjöl-
breytileika vantar í atvinnulífið.
Frumkvæði Blönduósinga
Ljóst er að Blönduósbær mun
aldrei keppa við lífshætti borg-
arsamfélagsins. En sveitarfélagið
hefur sérstöðu og styrkleika sem
mikilvægt er að draga fram og
nýta til að bregðast við neikvæðri
búsetuþróun. Forsenda þess að
byggð nái að dafna er öflugt og
fjölbreytt atvinnulíf. Því ákvað
bæjarstjórn Blönduósbæjar að ein-
beita sér að þeim málaflokki sem
hvað heitast brennur á íbúunum og
móta stefnu í atvinnumálum sveit-
arfélagsins til næstu 10 ára. Fram-
tíðarsýn Blönduósbæjar til ársins
2013 er unnin, bæjaryfirvöldum og
íbúum sveitarfélagsins með aðstoð
ráðgjafa frá KPMG. Markmiðin
eru skýr og einföld. Á bakvið hvert
þessara meginmarkmiða er fjöldi
undirmarkmiða og aðgerðaráætlun
sem ætlunin er að fylgja stíft eftir
svo endanlegum markmiðum verði
náð árið 2013. Eitt af þessum
markmiðum er að Blönduósbær
leiði í náinni framtíð rannsóknir,
eftirlit og frumkvöðlastarf í mat-
vælaiðnaði á Íslandi.
Dreifð stjórnsýsla matvæla
Á undanförnum árum hefur orð-
ið ör tækniþróun við framleiðslu
matvæla og kröfur neytenda til
gæða matvæla hafa stóraukist.
Fyrirkomulag stjórnsýslu mat-
vælamála á Íslandi er hins vegar
ábótavant. Matvælaeftirlit fellur
bæði undir ríki og sveitarfélög og
eru það þrjú ráðuneyti sem bera
ábyrgð á matvælaeftirliti á vegum
ríkisvaldsins; landbúnaðarráðu-
neyti, umhverfisráðuneyti og sjáv-
arútvegsráðuneyti. Fjölmargar
stofnanir falla undir þessi ráðu-
neyti s.s. Hollustuvernd, Fiskistofa
og embætti yfirdýralæknis en alls
eru það fjórtán nefndir og stofn-
anir sem annast málaflokkinn.
Í greinargerð ráðgjafanefndar
um framtíðarskipan opinbers mat-
vælaeftirlits
frá 2001 er m.a. lagt til að mat-
vælaeftirlit verði sett undir eina
stofnun og eitt ráðuneyti.
Matvælabærinn Blönduós
Frá síðari hluta 19. aldar hefur
Blönduós haft forystu með stjórn-
sýslu, verslun og þjónustu í Húna-
vatnssýslu. Atvinnulíf á Blönduósi
hefur byggst á frumvinnslugrein-
unum; að þjóna stóru og öflugu
landbúnaðarhéraði. Á síðari árum
komu fiskveiðar og -vinnsla til sög-
unnar. Ekki þarf að fara mörgum
orðum um það að róttækar breyt-
ingar hafa orðið á landbúnaði og
sjávarútvegi hin síðari ár, störfum
fækkar linnulaust og landbúnaður
hefur dregist mikið saman í hér-
aðinu. Það er því afar mikilvægt að
efla og styrkja umhverfi þeirra fyr-
irtækja sem hér starfa og gera
sveitarfélagið að fýsilegum kosti
t.a.m. til frekari uppbyggingar
hinna fjölmörgu fyrirtækja sem
þar starfa í matvælaiðnaði.
Á Blönduósi eru skilyrði til að
leiða rannsóknir og eftirlit á sviði
matvælaiðnaðar eins og best verð-
ur á kosið. Sveitarfélagið hefur nú
þegar með umfangsmiklum úrbót-
um í fráveitumálum skapað sér
sérstöðu meðal byggðarlaga af
sömu stærðargráðu. Blönduós er
jafnframt vel í sveit sett með að
vera landfræðilega „miðja“ vegu
milli höfuðborgarsvæðisins og
stærsta þéttbýliskjarnans á Norð-
urlandi. Með tilkomu brúargerðar
á Blöndu sem lauk 1897 komst
Blönduós í þjóðbraut og hefur ver-
ið það alla tíð síðan. Umræður um
tilfærslu þjóðvegar skjóta upp koll-
inum í fjölmiðlum og eiga sér enga
stoð í raunveruleikanum og er
hvergi að finna í vegaáætlunum.
Samvinna við stjórnvöld
Ekki síst hlýtur nálægðin við
þau fjölmörgu matvælafyrirtæki á
Blönduósi og nálægð við landbún-
aðinn, hin gjöfulu fiskimið og hinar
fjölmörgu lax- og silungsveiðiár að
vera kostur. Landrými er nægt, öll
grunnþjónusta er til fyrirmyndar í
sveitarfélaginu og fjölþætt aðstaða
er til að njóta menningar og af-
þreyingar. Þeir sem vita hvert þeir
vilja stefna eiga frekar von á ár-
angri en þeir sem sitja og bíða eft-
ir aðgerðum. Blönduósingar hafa
unnið sína heimavinnu og vita að
hverju þeir vilja stefna í uppbygg-
ingu sveitarfélagsins. Því er afar
brýnt að íslensk stjórnvöld vinni
með heimamönnum ef árangur á að
nást í að bæta atvinnulíf svæðisins.
Öflug atvinnu-
stefna á
Blönduósi
Eftir Jónu Fanneyju Friðriksdóttur
Höfundur er bæjarstjóri á Blönduósi.
Laugavegi 63 • sími 5512040
Bergfléttuhringur
Vönduðu silkiblómin
fást í

    



 


 


      


 !