Morgunblaðið - 17.07.2003, Blaðsíða 1

17. júlí 2003
Byggðakvóti og línuívilnun, sægreifi
sem selur fisk, slæm staða á úthafs-
karfa og mikill samdráttur í mjölinu.
Landiðogmiðin
Sérblað um sjávarútveg
úrverinu
AÐEINS eitt íslenskt skip er að rækjuveið-
um á Flæmingjagrunni um þessar mundir.
Veiðarnar ganga vel en einn galli er á gjöf
Njarðar, verðið er í lágmarki á mörkuðum.
Annað skip sem stundaði veiðarnar er bundið
við bryggju og mun ekki hefja veiðarnar að
nýju fyrr en úr rætist með verðið.
„Þær hafa bara gengið vel. Það hefur ekki
oft verið betra nema hvað verðið er lágt,“ segir
Pétur Stefánsson, útgerðarmaður frystitogar-
ans Péturs Jónssonar RE 69, um gang veið-
anna. Rækjukvóti íslenskra fiskiskipa á Flæm-
ingjagrunni í ár er 13.500 tonn. 1.860 tonnum
hefur verið landað úr Pétri Jónssyni það sem
af er vertíðinni, að sögn Péturs, sem er hand-
hafi um 30% kvótans, rúmlega 3.800 tonn.
Færeyingar, Norðmenn og skip frá Eystra-
saltslöndunum eru að veiðum þarna að auki.
Talsvert er um að skip séu skráð í Eystrasalts-
löndunum en í eigu annarra en þarlendra, t.d.
Íslendinga. Þið berið ykkur bara vel.
„Við berum okkur bara vel, já, já. Það er þá
hægt að bæta sér upp verðið með því að fiska
bara meira,“ segir Pétur sem vonar að verðið
sé komið í botn þó að engin teikn séu um að það
hækki á næstunni.
Sunna SI 67, frystitogari í eigu Þormóðs
ramma-Sæbergs, var á veiðum á Flæmingja-
grunni fram til miðs júní en þá var veiðunum
hætt vegna lágs verðs, að sögn Ólafs Marteins-
sonar, framkvæmdastjóra Þormóðs ramma-
Sæbergs. Ekki stendur til að hefja veiðarnar á
ný fyrr en úr rætist með verðið.
Veiðar ganga vel á Flæmingjagrunni
Morgunblaðið/Snorri Snorrason
Pétur Jónsson RE 69 er eina íslenska skipið
á rækjuveiðum á Flæmingjagrunni.
SKIPVERJAR á Birtu VE landa
afla sínum í Eyjum og ísa hann á
bryggjunni. Það sem af er ári hefur
tæpum 120.000 tonnum verið land-
að í Eyjum, mest loðnu. Á sama
tíma í fyrra hafði verið landað
140.000 tonnum í Eyjum og liggur
munurinn nær allur í meiri loðnu-
löndun þá.
Morgunblaðið/Sigurgeir
Landað í Vestmannaeyjum
AFLI grásleppubáta hefur verið með ágæt-
um á vertíðinni sem fer senn að ljúka, gert er
ráð fyrir 16% aukningu afla og að aflaverð-
mætið aukist um 34% frá síðasta ári.
Grásleppuvertíðinni er ekki að fullu lokið
því enn eru menn að í Breiðafirði, frá Stykk-
ishólmi, Reykhólum og víðar. Áætlað er að
veiðin endi í 12.000 tunnum á móti 10.300
tunnum í fyrra, sem er 16% aukning frá fyrra
ári. Aflaverðmæti upp úr sjó mun losa 900
milljónir króna, sem er 34% aukning.
Að sögn Arnar Pálssonar, framkvæmda-
stjóra Landssambands smábátasjómanna, má
gera ráð fyrir að arður grásleppukarlanna
verði meiri vegna þess að netatjón var með
allra minnsta móti á vertíðinni. Veiðin var best
á vestanverðum Skjálfanda og í Eyjafirði og
einnig veiddist ágætlega hjá bátum sem gerðu
út frá Arnarstapa á Snæfellsnesi. Á norðaust-
urhorninu var veiðin í meðallagi.
„Vertíðin hófst 20. mars með góðu verði, við
gáfum út viðmiðunarverð sem var í kringum
70.000 krónur og framleiðendur lýstu yfir að
þeim litist ekki illa á það. Þess vegna kom það
mönnum mjög á óvart að 28. apríl tilkynntu
nokkrir framleiðendur að verðið skyldi lækka í
60.000 krónur og báru fyrir sig mikla veiði í
öðrum löndum og lækkað verð. Við komumst
nú að því að það var ekki rétt og síðan hefur
verð farið upp aftur og nú er verið að selja
tunnuna á upp undir 80.000 krónur.“
Ekki útlit fyrir offramboð
Búist er við að heildarveiðin í heiminum í ár
verði um 32.000 tunnur, segir Örn. Gert er ráð
fyrir að Nýfundnalendingar veiði um 3.500
tunnur, sem er þriðja árið í röð sem veiði
bregst hjá þeim. Þeir hafa veitt um 12.000
tunnur árlega en árið 2001 fór veiðin í 6.500
tunnur og 1.200 tunnur árið 2002. Norðmenn
ættu að veiða í um 6.500 tunnur. Grænlend-
ingar hafa verið í sókn undanfarin ár og ráð-
gerðu að veiða í um 10.000 tunnur í ár en veið-
in þar varð um 8.000 tunnur og í Danmörku
var veitt í um 1.800 tunnur. Örn vill meina að
útlitið fyrir vertíðina 2004 sé mjög gott. „Veiði
upp á 32.000 tunnur í ár ætti að metta mark-
aðina en ekki skapa offramboð sem sést best á
hve verð hefur hækkað í lok vertíðarinnar
núna.“
– Eru þá allir sáttir?
„Já, en auðvitað voru karlarnir ósáttir við
hvernig verðið lækkaði á miðri vertíðinni og
menn eru enn að reyna að ná rétti sínum hjá
framleiðendum sem lækkuðu verðið aftur í
tímann. Ég vona að þeir bregðist nú þannig
við að þeir greiði mönnum sjötíu þúsund króna
verð til og með 28. apríl af því að markaðs-
verðið var sannanlega 70.000 krónur alveg til
þess tíma.“
Örn segir að Landssambandið muni aðstoða
menn við að ná fram rétti sínum í því máli,
þetta hafi verið rætt í stjórn sambandsins sem
samþykkti eftirfarandi ályktun:
„Stjórn Landssambands smábátaeigenda
átelur harðlega framkomu framleiðenda á grá-
sleppuvertíðinni um að dreifa ósönnum full-
yrðingum um verð og veiði annarra þjóða til
að réttlæta verðlækkun á miðri vertíð.“
Góðri grásleppuvertíð að ljúka
Útlitið gott fyrir næstu vertíð
Morgunblaðið/Áki Guðmundsson
Góðri grásleppuvertíð er við það að ljúka og
horfur góðar fyrir næstu vertíð.
FISKISTOFA svipti 19 báta
veiðileyfi í júnímánuði. Bátarnir
voru allir sviptir leyfinu vegna afla
umfram heimildir. Eftirtaldir bátar
voru sviptir leyfinu: Haukur EA,
Þorri VE, Gústi í Papey SF, Stokks-
ey ÁR, Gjafar VE, Sigurbjörg SH,
Sæberg BA, Leifur Halldórsson
ÁR, Gæfa SH, Jón Gunnlaugs GK,
Eydís ÁR, Gullfaxi II GK, Elín GK,
Aldan ÍS, Clinton GK, Guðný Anna
ÍS, Monika GK, Stapavík AK og
Jakob Valgeir ÍS.
19 sviptir
KANADÍSKA sjávarútvegsfyr-
irtækið Clearwater Seafood hefur
gert samkomulag um kaup á 10%
hlut í dótturfyrirtæki sínu í Argent-
ínu, Glaciar Pequera. Með þessum
kaupum eykur Cle-
arwater hlut sinn í arg-
entínska fyrirtækinu
úr 70 í 80%.
Glaciar stundar veið-
ar og vinnslu á hörpu-
diski í Argentínu og á tvö af fjórum
leyfum til slíkra veiða. Félagið gerir
út tvö veiðiskip sem vinna aflann
um borð og frysta hörpuskelina þar.
Mest af afla skipanna er selt beint til
kaupenda í Evrópu.
Þessi kaup kosta Clearwater um
10,4 milljónir Kanadadollara, um
582 milljónir íslenzkra króna. Greitt
verður með hlutum í Clearwater
Seafood Income Fund.
„Þessi viðskipti eiga sér stað á
þeim tíma sem fiskveiðar við Arg-
entínu halda áfram að
sýna stöðug batamerki
og góða stöðu fiski-
stofna. Þau gefa okkur
tækifæri til að treysta
enn frekar samband
okkar við hina argentínsku starfs-
bræður okkar og koma báðum að-
ilum til góða,“ segir Colin MacDon-
ald, einn framkvæmdastjóra
Clearwater.
Clearwater er afar umsvifamikið
og ræður yfir mestum kvóta í skel-
fiski við Kanada.
Clearwater eykur
umsvifin í Argentínu
SPÆNSK stjórnvöld hvetja nú þegna sína
til að auka fiskát. Ráðuneyti landbúnaðar og
sjávarútvegs stendur nú að baki herferð til
að auka fiskneyzlu og er varið til hennar ríf-
lega 300 milljónum króna. Einkum er lögð
áherzla á hollustu fiskáts.
Sett hefur verið upp heimasíða á Netinu,
sérstök neytendasímalína og gefinn út bæklingur með upplýsingum um
soðninguna. Meginþema herferðarinnar er fiskur er hollur og fiskát
kemur sér einnig vel fyrir sjávarútveginn, verzlanir og veitingahús.
Þá er því beint til sjávarútvegsins að nauðsynlegt sé að tryggja vöxt
og viðang fiskistofna, svo kynslóðir framtíðarinnar geti notið sömu
fjölbreytni í neyzlu sjávarafurða og nú er. Neytendum verður á hinn
bóginn gerð grein fyrir hættunni á því að veiða og nýta smáfisk, en
það geti stefnt fiskistofnunum í voða. Þeim er sýnt hvernig hæfilega
stór fiskur er og sagt hvenær ársins er bezt að borða hverja tegund.
Spánverjar borða árlega um 40 kíló af fiski hvert mannsbarn að með-
altali. Það er tvöfalt meira en meðaltals neyzla innan EB og reyndar
eru Spánverjar taldir þriðja mesta fiskneyzluþjóð í veröldinni.
Hvattir til fiskáts