Morgunblaðið - 18.07.2003, Blaðsíða 5

stoltir af tónlistarsafninu okkar hér
á myndbandaleigunni. Þar er að
finna tónleikamyndbönd, dans og
söngvamyndir, gullaldar-rokkara,
Bítlana og heilmikið af gömlum jazz-
og blúshundum. Og við skiljum ekk-
ert útundan því við erum líka með sí-
gildar óperur eins og Töfraflautuna
og Carmen svo eitthvað sé nefnt.“
Nördahornið góða
Myndbandaleiga þeirra Leós og
Gunnars er nokkuð víðfeðm og efnið
skipulega flokkað. Heill veggur er
lagður undir Hong Kong-myndir þar
sem sparkíþróttin er í hávegum
höfð. Annar veggur er undirlagður
af japönskum fantasíuteiknimynd-
um sem fráleitt eru barnamyndir því
þær eru sumar hverjar bannaðar
fyrir yngri en 18 ára. Í nördahorninu
svokallaða má sjá kunnuglegar
þáttaraðir úr sjónvarpinu en myndir
sem gerast úti í himingeimnum taka
þó mest pláss. Þar má finna um 400
spólur með Star Trek þáttum fyrir
utan bíómyndirnar. Þættirnir um
Babylon 5 eru á sama sviði en þær
ku vera með heimspekilegu ívafi.
Gullmolar leynast innanum og þeir
Leó og Gunnar draga fram úr pússi
sínu elstu science fiction-mynd sem
þeir eiga: Metropolis sem er frá
1926. Hún er þó eins og hver annar
unglingur við hlið Legends of the
Ring, sem er heimildarmynd um
hnefaleika en á henni eru upptökur
frá þar síðustu öld, eða árinu 1893
þar sem James J. Corbett berst
gegn Tommy Burns. Aðrir sem þar
koma við sögu allt til 1951 eru m.a
Joe Louis og Rocky Marciano.
„Þessi mynd er í hópi svokallaðra
íþróttamynda hjá okkur sem er ein
þeirra greina kvikmynda sem við
höfum dottið í.“
Einhverju sinni duttu þeir félagar
í svartar myndir, sem er ákveðinn
kafli í kvikmyndasögunni, þegar
svartir fóru að gera kvikmyndir með
svörtum, fyrir svarta. „Í mörgum
þessara mynda eru Fred William-
son, Jim Brown og hin magnaða eð-
algella Pam Grier sem var lengi van-
metin leikkona. Við höfum dottið í
ótal aðrar greinar og má þar nefna
stríðsmyndir, hetju- og hasarmyndir
og vestra.“
Öllum myndum einstakra leik-
stjóra hafa þeir viðað að sér og eru
sumir þeirra ekki af verri endanum
eins og Fellini, Hitchcock og Kurus-
awa. Einstakir leikarar fá einnig sitt
pláss; Peter Sellers tekur nokkra
hillusentimetra sem og Schwarze-
negger og Clint Eastwood og allar
myndir sem gerðar hafa verið eftir
sögum Stephen King.
„Fyrir þá sem sækjast eftir ljúf-
sárri fortíðarþrá erum við með
gamlar sjónvarpsþáttaraðir eins og
Húsbændur og hjú, Gæfa og gjörvi-
leiki, Rætur og Onedin-skipafélag-
ið,“ segja kóngarnir í Laugarásví-
deói sem eru síður en svo fastir í
gamla tímanum því þeir fylgjast vel
með öllum nýjungum og óhætt að
fullyrða að hjá þeim sé að finna eitt
stærsta DVD-myndbandasafn á Ís-
landi, sem skartar hvorki meira né
minna en 3.787 titlum.
Súrar myndir
Svokallaðar B- og C-myndir eiga
sinn rekka meðal myndbanda á Dal-
brautinni og þar í flokki eru m.a
margar fyrstu myndir frægra leik-
ara. „Góðir leikarar hafa ekki allir
byrjað vel og margar þessara mynda
eru skelfilega vondar eins og fyrsta
mynd hjartaknúsarans George
Clooney, Return of the Killer Tom-
atos sem er afburðavond. Fyrsta
mynd Steve McQueen, The Blob frá
1958, þykir hafa til að bera meira
skemmtanagildi en gæði og er löngu
orðin sígild í B-mynda flokknum.
Bad Taste er fyrsta mynd hins
skemmtilega klikkaða leikstjóra
Peter Jackson en hún er ein merki-
legasta B-mynd allra tíma. Hún
kostaði næstum því ekkert í fram-
leiðslu, leikarar voru vinir og vanda-
menn og hún var tekin á mjög
löngum tíma eða þegar Peter og fé-
lagar áttu fyrir filmubút. Sennilega
hefur enginn leikstjóri nokkurn tíma
gert jafnmikið af skemmtilegu efni
fyrir jafnlítið fé. Við eigum allar
myndir sem hann hefur gert og þar
á meðal eru hrikalega súrar splatt-
er-myndir sem eru mjög fyndnar.
En hann hefur í seinni tíð slegið í
gegn sem leikstjóri myndanna um
Hringadróttinssögu eins og allir
vita. Við eigum líka allflestar myndir
John Waters, en hann hefur gert
margar rosalega ruglaðar myndir
eins og Pink Flamingos og Ha-
irspray.“
Af nógu er að taka í flokki ofur-
vondra mynda og að sjálfsögðu eru
þar á meðal allar myndir versta leik-
stjóra allra tíma, sjálfs Ed Wood.
Skammt undan eru gömlu, létt
erótísku og frekar vondu rúm-
stokksmyndirnar sem sumir taka á
leigu til að rifja upp dönskuna. Og
ekki má gleyma ítalska leikstjóran-
um og furðufuglinum Tinto Brass
sem hefur gert nokkrar erótískar
myndir sem allar eiga það sameig-
inlegt að vera ótrúlega fyndnar.
Viðskiptavinirnir
koma í kaffispjall
Jaðarmyndirnar sem þeir félagar
bjóða upp á passa ágætlega inn í
landslagið því myndbandaleigan
stendur eiginlega á jaðri Langholts
og Laugarness. Þeim Leó og Gunn-
ari þykir vænt um hverfið sitt og
bjóða því upp á eitthvað fyrir alla.
„Að sjálfsögðu erum við líka með
„venjulegar“ myndir bæði fyrir full-
orðna og börn, því við viljum sinna
okkar hverfi. Íbúarnir eldast með
okkur og við höfum fylgst með börn-
unum vaxa úr grasi. Hingað koma
ráðsettir foreldrar sem við munum
eftir frá því þeir rétt náðu með nefið
upp fyrir afgreiðsluborðið.“
Þeir segja viðskiptavini sína sam-
anstanda af hverfisbúum og föstum
kúnnum sem eru dreifðir allt til
Keflavíkur og Akraness. „Margir
þeirra sem hafa verið viðskiptavinir
okkar í áraraðir eru orðnir góðir vin-
ir okkar og koma inn í eldhús og fá
sér kaffi og ræða málin áður en
verslað er.“
Að lokum er ekki úr vegi að spyrja
um eina starfsmann myndbandaleig-
unnar sem stendur fyrir innan af-
greiðsluborðið og spilar á lúftgítar.
Er hann þessa heims? „Já þetta er
snillingurinn Hörður Steinar Tóm-
asson sem spilar ekki síður vel á
áþreifanlegan gítar en hann er gang-
andi alfræðiorðabók um kvikmyndir.
Hann slær okkur út enda er hann
yngri og ferskari. Hann veit allt um
leikstjóra, leikara og jafnvel leik-
myndateiknara og fjölskyldur þeirra
langt aftur í ættir. Við pikkuðum
hann úr nördahópnum til að fá hann
í vinnu hérna hjá okkur,“ segja
kóngarnir á jaðrinum að lokum.
 Örlítið sýnishorn af úrvalinu, allt
frá Sid og Nancy og Last Tango in
Paris til gömlu góðu Casablanca og
Á hverfanda hveli.
khk@mbl.is
Morgunblaðið/Jim Smart
Eini starfsmaður myndbandaleigunnar, Hörður, í sveiflu með lúftgítarinn góða.
 The Blob. Hin súra fyrsta
mynd Steve McQueen.
irfram gefnum hug-
um blind á fegurðina,“
er sjálfmenntuð
kona og hefur tekið að
i fyrir veislur og búa til
ð venja okkur af
við gefum illgresi, því
kur á svo margan hátt,
ydd. Sem betur fer hef-
ira til villtrar íslenskrar
ið í sambandi við
elkomnir fíflar eru til
salat, bæði fyrir augað
Hundasúrur og
ka mjög góðar bæði sem
krydd og meðlæti.“ Ásdís segir margar
þeirra jurta sem við horfum á með van-
þóknun úti í náttúrunni vera frábærar til
skreytinga. „Þær öðlast nýtt líf þegar
þær hafa verið settar í vasa eða nýttar
sem diskamottur. Njólinn er til dæmis
stór og tignarlegur og blöðin hans eru
oft með fallegum ryðrauðum blettum.
Eins er rabarbari ekki aðeins góður til
matargerðar heldur er hann líka mjög
skemmtilegt borðskraut og blöðin af hon-
um eru sérstaklega formfögur.
Og ef við horfum í kringum okkur þá
er úrval hvers konar berja mikið, bæði á
trjám og runnum, og þau þurfa ekkert
endilega að vera æt þótt þau séu nýtt á
veisluborð,“ segir Ásdís. Hún ber inn í
hús kerfil sem er hataður af mörgum en
henni finnst lakkríslyktin af þeirri jurt
færa náttúruna inn á heimilið. „Nýslegið
gras gefur líka dásamlegan ilm og því
má dreifa milli diska eða hvar sem er.
Þegar við skoðum erlend blöð þá sjáum
við sólblóm og rósir á borðum, sem kosta
sitt hér á landi. En við eigum ekkert að
vera að horfa öfundaraugum til útlanda
og það er algjör óþarfi að vera alltaf að
apa eftir hinum úti í heimi. Við eigum að
nota það sem við höfum og fagna því.
Búa til okkar eigið íslenska samhengi.
Hlaupa út í garð og klippa næturfjólur til
að setja í vasa, setja baldursbrá á und-
irskálar og fylla húsin af gulum sól-
eyjum.
Við þurfum líka að kunna að sleppa
fram af okkur beislinu og verða dálítið
villt og frjálsleg þegar kemur að matar-
boðum. Villtar og dálítið groddalegar
skreytingar geta verið liður í því. Við
eigum að leyfa ímyndunaraflinu að ráða
og ekki útiloka neitt fyrirfram. Að slaka
á er grundvallaratriði í góðu matarboði
og fáir fúlsa við því að narta í borð-
skrautið að lokinni máltíð eða á meðan á
borðhaldi stendur,“ segir náttúrustúlkan
að lokum.
Fyrir augað og ástríðuna má bjóða
upp á litríka saft og skreyta með
rifsberjum og hundasúrum.
agðlaukarnir taka kipp þegar augað rekst á
staklega girnilegt marmelaði gert úr rab-
ara og engifer frá versluninni Te og Kaffi.
Montinn rabarbari í stað blóma í vasa. Hann
má einnig nýta sem blævæng þegar sumar-
hitinn verður kæfandi.
Ummm! Formfögur hind-
ber baða sig í rjóma ofan
á Nigelluköku.
khk@mbl.is
DAGLEGT LÍF
MORGUNBLAÐIÐ FÖSTUDAGUR 18. JÚLÍ 2003 B 5
Acidophilus
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
Fyrir meltingu
og maga.
Ertu á leið í fríið?
FRÁ