Morgunblaðið - 18.07.2003, Blaðsíða 8

8 B FÖSTUDAGUR 18. JÚLÍ 2003 MORGUNBLAÐIÐ
AUÐLESIÐEFNI
TALIÐ er að rúmlega sex
þúsund manns hafi notið
sólarinnar á yl-ströndinni í
Nauthólsvík í fyrradag og er
það met.
Á góðum sólardegi eru
venjulega um 2.000 til 2.500
manns á yl-ströndinni í
Nauthólsvík. Sólin lék við
landsmenn á miðvikudag.
Hitinn í Reykjavík var um 19
gráður. Er það heitasti dagur
sumarsins í höfuðborginni
fram til þessa. Spáð er góðu
veðri áfram hér á landi í dag
og á morgun.
Aldrei
fleiri á yl-
ströndinni
Morgunblaðið/Ómar
Talið er að meira en 6.000 manns hafi verið í steikjandi hita í Nauthólsvík í fyrradag.
Netfang: auefni@mbl.is
SPENNAN vegna
kjarnorku-áætlana
ríkis-stjórnar Norður-Kóreu
hefur farið vaxandi að
undanförnu. En talið er að
Norður-Kóreumenn ráði nú
þegar yfir 1–2
kjarnorku-sprengjum. Þá hafa
Norður-Kóreumenn sagst
hafa látið endurvinna
eldsneytis-stangir og eigi því
nú plúton í sex sprengjur til
viðbótar.
Kínverjar eru helstu
bandamenn
Norður-Kóreumanna. Margt
bendir þó til að þeir séu að
missa þolinmæðina með
þessum nágrönnum sínum.
Þeir telja þó að
Norður-Kóreu-stjórn muni
fallast á fjöl-þjóðlegar
viðræður að lokum. Hingað til
hefur stjórnin krafist beinna
viðræðna við
Bandaríkja-menn.
Hermenn Norður- og
Suður-Kóreu skiptust á
skotum við vopnahlés-línuna
á Kóreu-skaga á fimmtudag.
Stóð skothríðin yfir í mínútu.
Eru Norður-Kóreu-menn
sagðir hafa hafið skothríðina.
Talið er hugsanlegt að skotið
hafi verið fyrir einhver mistök.
Ekki er talið að atburðurinn
auki á spennuna.
Í Bandaríkjunum hefur verið
rætt um að auka þrýstinginn á
stjórn Norður-Kóreu með
ýmsu móti. Hefur meðal
annars verið rætt um að taka
við fjölda norður-kóreskra
flóttamanna.
Vaxandi
spenna út
af Norður-
Kóreu
BYRJAÐ er að skrá
keppendur í söngvara-keppni
sem haldin verður á Stöð 2 í
vetur. Keppnin heitir
Stjörnu-leit. Hafa svipaðar
keppnir verið haldnar í
sjónvarpi víða um heim við
miklar vinsældir.
Þeir sem skrá sig í
keppnina geta mætt í
áheyrnar-prufur sem haldnar
verða bæði á Akureyri og í
Reykjavík. Þar fá þeir að
syngja lag að eigin vali.
Dómnefndin er skipuð
tónlistar-mönnunum Þorvaldi
Þorvaldssyni, Bubba
Morthens og Siggu
Beinteins. Velur hún 80
bestu söngvarana úr hópnum
og fá þeir að keppa áfram.
Verða söng-atriði þeirra sýnd í
sjónvarpinu.
Af þessum 80 komast 32
áfram í fyrstu umferð og
síðan 9 í þriðju umferð. Þeir
sem þá standa eftir fá að
syngja í nokkrum þáttum þar
sem sjónvarps-áhorfendur
velja hverjir falla úr keppni. Á
endanum stendur einn
sigurvegari eftir og fær hann
meðal annars að búa til sinn
eigin tónlistar-disk.
Dómararnir í Stjörnuleit:
Þorvaldur, Bubbi og Sigga.
Leita að
söngstjörnu
SUNDMEISTARA-MÓT Íslands utan-húss fór
fram í Hveragerði um síðustu helgi.
Hápunktur mótsins var er Kristín Rós
Hákonardóttir bætti eigið heimsmet í sínum
flokki, sem er 50 metra baksund fatlaðra.
Hún synti á 42,44 sekúndum, sem er
tæplega einni sekúndu betri tími en
heimsmet hennar í greininni.
Þá vakti athygli sigur Eðvarðs Þórs
Eðvarðssonar í 50 metra baksundi. En
Eðvarð Þór, sem er 36 ára, er þjálfari
sund-manna í Reykjanesbæ. Hann var á árum
áður besti sund-maður þjóðarinnar. Tólf ár eru
liðin síðan Eðvarð Þór vann síðast til
gull-verðlauna. Að þessu sinni stóðst hann
ekki freistinguna og skráði sig til leiks í
greininni. Hann gerði sér líka lítið fyrir og
skaut yngri sund-mönnum ref fyrir rass með
sigri sínum.
Sund-menn úr Reykjanesbæ voru
sigur-sælir á mótinu. En alls unnu þeir til 23
gullverðlauna. Sundfélag Hafnarfjarðar kom
næst með 6 gull og fjórum sinnum áttu
Óðins-menn sigurvegara á mótinu.
Heimsmet Kristínar
Rósar hápunkturinn
Morgunblaðið/Sigurður Jökull
Kristín Rós Hákonardóttir, Sundfélagi
fatlaðra, setti heimsmet í Hveragerði.
HEILDARAFLI íslenskra skipa
var 180.788 tonn í nýliðnum
júní-mánuði. Það er rúmlega
29 þúsund tonnum meiri afli
en í júní-mánuði 2002. En þá
veiddust 151.356 tonn.
Botnfisk-afli var 41.362
tonn samanborið við 37.888
tonn í júní-mánuði 2002. Er
það tæplega 3.500 þúsund
tonna aukning á milli ára.
Þorsk-afli var rúm 12 þúsund
tonn og nemur samdráttur
þorsk-aflans 2 þúsund
tonnum. Ýsu-afli jókst um
rúm 200 tonn á milli ára.
Karfa-afli dróst saman um
rúm 100 tonn. En aflinn af
úthafskarfa jókst um 5.800
tonn.
Af flatfiski bárust 3.866
tonn á land. Í júní-mánuði
2002 var aflinn hins vegar
3.398 tonn og því jókst
flatfisk-aflinn um tæp 500
tonn á milli ára. Sem fyrr var
mest veitt af grálúðu eða tæp
2.700 tonn. Af skarkola
veiddust 450 tonn og tæp
300 tonn af sandkola.
Af síld veiddust 50.600
tonn, en í júní-mánuði 2002
var síldveiðin rúm 82 þúsund
tonn. Samdrátturinn nemur
því tæpum 32 þúsund
tonnum. Kolmunna-afli var
55 þúsund tonn. Nemur
aukningun um 39 þúsund
tonnum milli ára. Skel- og
krabbadýra-afli var tæp 5
þúsund tonn, sem er nær
sami afli og í fyrra.
Rækju-aflinn nam tæpum
2.900 tonnum og af kúfiski
veiddust tæp 1.400 tonn.
Á fyrri helmingi ársins
2003 nemur heildarafli
íslenskra skipa alls 1.130
þúsund tonnum. Er það 277
þúsund tonnum minni afli
miðað við sama tímabil
ársins 2002.
Meiri afli íslenskra
skipa en í fyrra
Morgunblaðið/Kristján Kristjánsson
Íslensk skip öfluðu vel í
nýliðnum mánuði og betur en
á sama tíma í fyrra.