Morgunblaðið - 19.07.2003, Blaðsíða 6

FRÉTTIR
6 LAUGARDAGUR 19. JÚLÍ 2003 MORGUNBLAÐIÐ
• Baðinnréttingar
• Eldhúsinnréttingar
• Fataskápar
• Innihurðir
I n n r é t t i n g a r
Borgartúni 28 • Sími 562 5000 • www.bjorninn.is
MJÖG góð veiði hefur verið víða um
land síðustu daga, t.d. þrátt fyrir hita
og sólfar. T.d. má nefna Rangárnar
báðar, Sogið, árnar í Vopnafirði og
Þistilfirði og á Suðvestur- og Vest-
urlandi, en á síðastnefndu slóðunum
er þó vatn með minnsta móti og veiði
væri væntanlega meiri ef skilyrði
væru betri. Það kroppast líka upp úr
ám á Norðurlandi, en þar sem og í
Dölunum kemur vatnsleysið hvað
verst við menn um þessar mundir.
Fín veiði hefur verið í Rangánum
síðustu daga og stígandi í veiðinni.
Hafa verið 40 til 50 laxa dagar, t.d. í
Eystri-Rangá og vaxandi aflabrögð í
Ytri-Rangá og menn hafa séð stórar
göngur neðarlega á svæðinu, t.d. í
Djúpósi. Talsvert er af tveggja ára
fiski í Rangánum í sumar, t.d. veidd-
ist í vikulokin rúmlega 19 punda
hængur á rauða Frances í Djúpósi.
Reynir Friðriksson veiddi laxinn
sem var nýgenginn 98 cm hængur.
Þá veiddist 16 punda Maríulax í Ytri-
Rangá í vikunni.
Góð holl í Þistilfirði
Hópur útlendinga veiddi 30 laxa í
Svalbarðsá á sex dögum og fjórir
Bandaríkjamenn fengu 20 laxa í
Hafralónsá á tveimur dögum, en
þessi holl komu í kjölfarið á flóðrign-
ingu og vatnavöxtum á þessum slóð-
um um miðja síðustu viku. Þegar
sjatnaði í ánum tók laxinn vel. Þetta
var meira og minna stórfiskur, upp í
tæp 20 pund í Hafralónsá og 16 pund
í Svalbarðsá. Í Svalbarðsá veiddust
allir laxarnir á smáar gárutúpur.
Heyrst hefur ennfremur að Hölkná
og Sandá hafi gefið vel á Þistilfjarð-
armælikvarða. Alls eru komnir 63
laxar úr Svalbarðsá og milli 40 og 50
í Hafralónsá. Stefnir í gott sumar á
þessum slóðum.
Sogið lifnar rækilega
Hópur sem var í Soginu, Bíldsfelli
einn dag og svo Ásgarði þann næsta,
veiddi 9 laxa og jafnmargar bleikjur.
Laxarnir voru allir grálúsugir smá-
laxar, utan einn sem var 18 punda 97
cm hængur sem tók rauða Frances
túpu í Bátalóni. Bleikjurnar voru frá
3 og upp í 7 pund. Þessi fína veiði var
tekin þrátt fyrir að hitamælar stæðu
í 26 gráðum. Rauð Frances gaf flesta
laxana, en svartur Mobuto með kúlu-
haus var aðalbleikjuflugan. Um 40
laxar eru nú komnir af svæðum
SVFR í Soginu, flestir, eða 24 úr Ás-
garði.
Síðasta vika gaf 130 laxa í Grímsá
og Norðurárhollin taka um og yfir
100 laxa nú um stundir og þykir það
gott miðað við að skilyrði eru erfið og
hafa verið nær allan veiðitímann.
Þverá/Kjarrá gefa einnig vel og ný-
verið voru komnir nærri 600 laxar úr
ánum.
Hollin fá 10 til 20 laxa í Hítará og
lax að ganga, mest vænn smálax. Þá
er kominn á annan tug laxa úr Fá-
skrúð og fyrstu laxarnir hafa verið
dregnir úr Krossá. Vatnsleysi herjar
þó illa á Breiðafjarðarár og stendur
meiri veiði fyrir þrifum.
Þá er Hrútafjarðará farin að gefa,
kominn á annan tug laxa á land,
flestir stórir, og bleikjuveiði neðst í
ánni lífleg í bland.
Á þriðja tug laxa er kominn úr
Breiðdalsá og er veiði að glæðast,
t.d. veiddust sex laxar sl. þriðjudag.
Smálaxar sýna sig nú, en fyrstu lax-
arnir voru allir stórir, m.a. 18 og 19
punda fiskar. Sjóbleikjuveiðin hefur
verið afburðagóð og fiskar vænir,
margir 3–4 pund í bland við smærri.
Reynir Friðriksson með rúmlega 19 punda hæng, 98 cm úr Djúpósi.
Veiði er víða góð
ERU
ÞEIR AÐ
FÁ’ANN?
stjórans benti á fyrir héraðsdómi
að maðurinn hefði átt að fá að bæta
ráð sitt, og hljóta áminningu, áður
en til uppsagnar kæmi. Sömuleiðis
hefðu aðstæður verið sérstakar á
vinnustað, flutningur safnsins stað-
ið yfir og til dæmis aukinn kostn-
aður við nýtt geymsluhúsnæði sett
áætlanir úr skorðum. Stefnandi
kveður ákvarðanir hafa verið tekn-
ar af þjóðminjaverði, þjóðminjaráði
og bygginganefnd safnsins á tíma-
bilinu frá því að stefnandi hafi tek-
ið til starfa og þar til flutningar
safnsins hafi verið afstaðnir, sem
reynst hafi safninu afar kostnaðar-
samir.
Stefndi, íslenska ríkið, mótmælti
þessu, og benti á að það væri skýrt
að gerð fjárhagsáætlana fyrir safn-
ið hefði verið á hendi fjármálastjór-
ans, og hefði í áætlun ársins 1999
skeikað umtalsverðu. Þótt þjóð-
minjavörður hafi borið ábyrgð á
fjárreiðum Þjóðminjasafnsins, hafi
hann hlotið að leggja traust sitt á
stefnanda sem verið hafi fjármála-
stjóri safnsins.
Vandræði í leit að nýju starfi
Þá krafði fjármálastjórinn fyrr-
verandi ríkið um miskabætur, m.a.
HÉRAÐSDÓMUR Reykjavíkur
hefur dæmt íslenska ríkið til þess
að greiða fyrrverandi fjármála-
stjóra Þjóðminjasafnsins 2,7 millj-
ónir í miskabætur fyrir skyndilega
uppsögn hans úr starfi í ársbyrjun
árið 2000. Hervör Þorvaldsdóttir
héraðsdómari kvað upp dóminn.
Málsatvik eru þau að maðurinn var
ráðinn fjármálastjóri safnsins frá 1.
október 1998, og gilti samningur út
febrúar 2001. Rúmu ári áður en
samningstíma lauk sendi þjóð-
minjavörður manninum bréf, þar
sem honum var sagt upp störfum
og var ástæða uppsagnarinnar sögð
vera sú að fjármálastjórn Þjóð-
minjasafnsins hefði ekki verið við-
unandi og útgjöld safnsins hefðu
ekki staðist áætlanagerð.
Í kjölfar þessa leitaði maðurinn
og stéttarfélag hans, BHM, álits
menntamálaráðherra, og síðar fjár-
málaráðherra, á lögmæti uppsagn-
arinnar. Sömuleiðis var krafist
frekari rökstuðnings af hálfu þjóð-
minjavarðar. Í lok mars árið 2000
úrskurðaði fjármálaráðherra að
uppsögnin hefði verið ólögmæt, og
leitaði maðurinn að lokum til dóm-
stóla til að fá bót mála sinna.
Lögmaður fyrrverandi fjármála-
á þeirri forsendu að starfslokin hjá
Þjóðminjasafninu hefðu valdið sér
erfiðleikum við að fá nýtt starf, en
tilraunir til þess hefðu gengið illa.
Eftir að launagreiðslum frá ríkinu
lauk hafði hann ekki notið neinna
tekna, en síðar eða um haustið 2000
hafði hann sinnt tímabundnum
verkefnum fyrir annað fyrirtæki.
Héraðsdómur féllst á það með
manninum að það hvernig að upp-
sögn hans var staðið hefði verið til
þess fallið að skaða stöðu hans við
leit að nýju starfi og að ríkið yrði
að bera bótaábyrgð á tjóni, sem af
því hefði hlotist. Var ríkið ekki talið
hafa sérstakar málsbætur, er gætu
leitt til lækkunar á bótafjárhæð.
Ákvað héraðsdómur að dæma
manninum bætur vegna hinnar
ólögmætu uppsagnar og miskabæt-
ur í einu lagi, samtals 2,7 milljónir
auk dráttarvaxta. Héraðsdómur
miðar bæturnar við það að mað-
urinn hafi starfað hjá Þjóðminja-
safninu allan samningstímann, en
dregnar voru frá launagreiðslur
sem maðurinn hlaut hjá öðru fyrir-
tæki sem hann réð sig tímabundið
til. Þá var ríkið dæmt til að greiða
manninum 500 þúsund krónur í
málskostnað.
Mál fyrrverandi fjármálastjóra Þjóðminjasafns
Ríkið greiði 2,7
milljónir í bætur
HANS Christian Dahl, skákmaður
frá Grænlandi, er staddur á Íslandi
en hann hlaut að launum ferð til Ís-
lands fyrir bestan árangur Græn-
lendinga á skákmóti Hróksins í
Qaqortoq.
Í gær tók hann við viðurkenn-
ingu frá Máli og menningu og hlaut
að gjöf skákbækur og taflborð.
Hans Christian fer til baka til
Grænlands í dag en hann er búinn
að vera hér á landi í nokkra daga
ásamt unnustu sinni, Katrine
Bendtsen.
Hann segist mjög ánægður með
dvölina hér á landi og vonast til
þess að skákáhugi á Grænlandi eigi
eftir að aukast í kjölfar mótsins.
„Ég lærði að tefla þegar ég var sex
ára en byrjaði fyrir alvöru þegar ég
var 15. Það var mjög gott fyrir mig
að tefla við skákmeistara frá öðrum
löndum og nú vona ég að ég eigi
eftir að geta lært enn meira af þess-
um bókum sem ég fékk í verðlaun,“
segir Hans Christian.
Byrjaði að tefla fyrir alvöru 15 ára
Morgunblaðið/Ómar
Arndís Sigurgeirsdóttir hjá Máli og menningu afhendir Hans Christian
Dahl gjafir. Hrafn Jökulsson, forseti Hróksins, fylgist með.
BÚRHVAL rak á land fyrstu
daga júlímánaðar í landi bæjarins
Núpskötlu á norðvesturhorni Mel-
rakkasléttu, rétt austan við
Rauðanúp. Haraldur Sigurðsson,
bóndi á bænum, fann hvalinn
þann 6. júlí, og virtist hann þá
nýlega rekinn á land. „Þetta er
fullvaxinn búrhvalstarfur, tæpir
sextán metrar að lengd,“ sagði
Haraldur í samtali við Morgun-
blaðið. Fýll og mávur sækja nú í
hvalinn, en sagði Haraldur hann
enn heillegan og ekki farinn að
rotna mikið. Taldi hann líkur á
að hræið ræki út á ný.
Hvalreki á Melrakkasléttu
Ljósmynd/Kári Kristjánsson
Í GÆRMORGUN varð vatnslaust
í vinnubúðunum á Teigsbjargi í
Fljótsdal þar sem ítalska verk-
takafyrirtækið Impregilo og und-
irverktakar þess reisa nú vinnu-
búðir fyrir um eitt hundrað
manns.
Heimildir Morgunblaðsins
herma að nokkur óánægja sé með-
al manna í búðunum vegna aðbún-
aðar, en um millibilsástand er að
ræða meðan uppsetningu búðanna
verður lokið. Heilbrigðiseftirlit
Austurlands var kallað til að taka
út aðstæður í kjölfar vatnsleys-
isins, en búið er að koma því máli
til betri vegar.
Þröngt mun vera um mannskap-
inn á Teigsbjargi þar sem að ein-
hverju leyti er búið að tvöfalda í
herbergjum sem fyrir eru fremur
lítil, en heilbrigðisyfirvöld hafa
gefið undanþágu þar um í tiltekinn
tíma. Hópur rúmenskra verka-
manna vinnur nú að uppsetningu
búðanna og fer gott orð af dugnaði
þeirra.
Vatnslaust í
vinnubúðum
á Teigsbjargi