Morgunblaðið - 19.07.2003, Blaðsíða 17

MORGUNBLAÐIÐ LAUGARDAGUR 19. JÚLÍ 2003 17
ljúka málum með sátt til að spara
kostnað og vinnu fyrir báða aðila.
Ekki verður hjá því komist að gagn-
rýna það að starfsmenn
Samkeppnisstofnunar hafi undir
höndum öll viðskiptagögn félaganna
og geti grúskað í þeim að vild. Jafn-
framt geta þeir grúskað í persónu-
legum gögnum starfsmanna án
nokkurs aðhalds og svo lengi sem
þeir vilja. Ætli það hljóti ekki fleirum
en mér að finnast eitthvað bogið við
þetta.“
– Því er einnig haldið fram að olíu-
félögin hafi samið um markaðsskipt-
ingu og haft verðsamráð í sölu á elds-
neyti á Reykjavíkurflugvelli og
Keflavíkurflugvelli. Er þetta rétt
lýsing?
„Sú lýsing er í veigamiklum atrið-
um röng, og ályktanir, sem af þeirri
lýsingu eru dregnar. Hins vegar er
starfsemi á flugvöllunum dæmi um
náið og eðlilegt samstarf, en þar reka
félögin sameiginlega eldsneytis-
afgreiðslu fyrir flug með hliðstæðum
hætti og gert er nánast alls staðar í
heiminum. Í öllum nálægum löndum
reka stór olíufélög sameiginlega
flugafgreiðslu þó að salan fari fram á
vegum hvers fyrir sig,“ segir Einar.
Því er einnig haldið fram í skýrsl-
unni að félögin hafi haft samráð
vegna útboðs Flugleiða og skipt
framlegð af viðskiptunum á milli sín
með þeim hætti, að Olíufélagið
greiddi tiltekinn hluta af hverjum
seldum lítra til Eldsneytisafgreiðsl-
unnar á Keflavíkurflugvelli og þess-
um fjármunum síðan verið skipt
jafnt á milli félaganna. Einar segir
að dregin sé röng ályktun um þetta í
skýrslunni. „Ég kannast alls ekki við
að farið hafi fram nein skipti á fram-
legð af sölu til Flugleiða. Hins vegar
reka félögin sameiginlega flugaf-
greiðslustöð á Keflavíkurflugvelli og
í einu tilfelli er ljóst að félögin tóku
sameiginlega ákvörðun um að hækka
afgreiðslugjald á Flugleiðum vegna
þess að það var talið vera undir
kostnaðarverði,“
– Tekið er dæmi í skýrslunni þar
sem segir að fulltrúar Olís og Skelj-
ungs hafi verið sammála um að eftir
sameiningu afgreiðslustöðva væri
hægt að innheimta mun hærra gjald
af Flugleiðum en ef félagið færi í út-
boð.
Þessu vísar Einar á bug sem frá-
leitri ályktun. „Sannleikurinn er sá
að Flugleiðir buðu árlega út hluta af
sinni eldsneytisþörf. Flugleiðir eru
stærsti eldsneytisnotandi á landinu
og álgagning var mjög lítil og vel
þekkt. Eftir áralöng útboð var sá
andi frekar ríkjandi í okkar félagi
hvort við ættum yfirleitt að vera að
eyða tíma í að bjóða í eldsneytis-
þarfir Flugleiða, það væri ekkert út
úr því að hafa.“
Ekki sýnt að meint samráð hafi
skapað félögunum okurhagnað
– Verði félögin fundin sek um að
hafa gerst brotleg við samkeppnis-
lög, áttu þá von á þungum viður-
lögum og er einnig hugsanlegt að
skaðabótaskylda skapist gagnvart
viðskiptavinum?
„Það hefur þegar komið fram að
við hjá Olíuverslun Íslands höfum
nánast ekkert tjáð okkur um þetta
mál að öðru leyti en því að við teljum
ljóst að við verðum fyrir ávirðingum í
þessu máli og sektum,“ segir Einar.
Að sögn hans líta forsvarsmenn fé-
lagsins svo á að umræður um ofur-
sektir vegna brota á samkeppnis-
reglum með vísan til hámarksrefsi-
heimildar sé algerlega slitin úr sam-
hengi við þær réttarvenjur sem
þekkjast í nágrannalöndunum. Ný-
leg dæmi frá Norðurlöndunum stað-
festi þessa skoðun. „Það er grund-
vallaratriði í öllu þessu máli að þrátt
fyrir að finna megi á okkur ávirð-
ingar um samstarf á ýmsum sviðum
verður ekki með neinum hætti sýnt
fram á að meint samráð hafi skapað
félögunum okurhagnað. Félögin hafa
þvert á móti verið í þeirri stöðu á
markaði að vera talin annars flokks
fjárfestingarkostur vegna lélegrar
arðsemi. Fullyrða má að þau kjör
sem í boði voru í einstökum tilvikum
voru algerlega í takt við þau við-
skiptakjör sem boðin voru í öðrum
tilvikum, sem sambærileg eru að um-
fangi,“ segir Einar að lokum.
omfr@mbl.is
FRÉTTIR
ÞAÐ var glatt á hjalla hjá
yngstu krökkunum á Patreks-
firði á föstudag. Alla vikuna
höfðu þau sótt leikjanámskeið
undir stjórn Brynjars Þórs
Þorsteinssonar íþróttakenn-
ara og skemmtu sér greini-
lega vel saman. Verkefni
dagsins voru fjölbreyttar fót-
boltaæfingar og á eftir var
dregin fram fallhlíf í öllum
regnbogans litum. Ekki leidd-
ist þeim að stökkva inn í
hana miðja á meðan Brynjar
og félagar hristu hana upp
og niður. Guðmundur Hall-
dórsson, fimm ára, tók þátt í
fótboltaæfingunum en sagðist
samt vera bestur í körfubolta.
Hann var samt brattur með
boltann þegar blaðamann
Morgunblaðsins bar að garði
og gaf þá skýringu að hann
væri alltaf „góður til að byrja
með“.
Í dag á síðan að vera helj-
arinnar grillveisla eftir að all-
ir hafa komið saman og
skemmt sér í sundi í lok vel
heppnaðrar viku. Morgunblaðið/Björgvin Guðmundsson
Frískir krakkar
á Patreksfirði