Morgunblaðið - 19.07.2003, Blaðsíða 18
VIÐSKIPTI/ATHAFNALÍF
18 LAUGARDAGUR 19. JÚLÍ 2003 MORGUNBLAÐIÐ
ÚR VERINU
SÍF hf. hefur gengið frá samningum
um kaup á breska fyrirtækinu
Lyons Seafoods Ltd. fyrir 14 millj-
ónir punda, eða tæplega 1,8 millj-
arða íslenskra króna. „Kaupin eru
mikilvægur liður í stefnu SÍF-sam-
stæðunnar um sterka markaðsstöðu
á sviði fullunninna sjávarafurða á
kjarnamörkuðum félagsins, öflugt
aðgengi að smásöludreifingu, upp-
byggingu vörumerkja og markvissa
vöruþróun. Samkvæmt kaupsamn-
ingi tekur SÍF nú þegar yfir rekst-
ur Lyons Seafoods,“ segir meðal
annars í frétt um kaupin.
Sérhæfing í fullunnum
skelfiskafurðum
Lyons Seafoods Ltd. var stofnað
árið 1958 og hefur einkum sérhæft
sig í fullunnum skelfiskafurðum en
rækjuafurðir eru stór þáttur í vöru-
framboði fyrirtækisins. Fyrirtækið
hefur á undanförnum árum fjárfest
markvisst í vöruþróun og fram-
leiðslutækjum til framleiðslu á
kældum afurðum, brauðuðum skel-
fiskafurðum til hitunar og tilbúnum
skelfiskréttum. Auk þess hefur fyr-
irtækið lagt áherslu á fullvinnslu
annarra afurða.
Lyons er stærsta vörumerkið í
kældum sjávarafurðum á breskum
markaði og hefur einnig sterka
markaðsstöðu hvað varðar frystar
skelfiskafurðir. Lyons Seafoods er
leiðandi fyrirtæki á sviði kældra
skelfisksafurða, með um 40% mark-
aðshlutdeild. Neysla á kældum skel-
fiskafurðum í Bretlandi hefur á
undanförnum árum vaxið um 8 til
12% á ári. Lyons Seafoods hefur
góða reynslu af samstarfi við ís-
lensk sjávarútvegsfyrirtæki sem
eru mikilvægir birgjar þess á kald-
sjávarrækju. Þá á félagið í nánu
samstarfi við framleiðendur á heit-
sjávarrækju bæði í Asíu og Suður-
Ameríku og rekur fyrirtækið sér-
stakar innkaupaskrifstofur með öfl-
ugu gæðaeftirliti á Indlandi og í
Pakistan.
Ársvelta Lyons Seafoods er áætl-
uð um 61 milljón punda eða um 7,6
milljarðar íslenskra króna og smá-
söludreifing vegur um 50% af veltu
fyrirtækisins. Þá eru um 35% af
heildarsölu fyrirtækisins undir
vörumerkinu Lyons. Flestar
stærstu verslunar- og veitingahúsa-
keðjur Bretlands eru meðal við-
skiptavina Lyons Seafoods. Hagn-
aður Lyons Seafoods hefur vaxið
markvisst undanfarin ár og nam
rekstrarhagnaður (EBITDA) á síð-
asta rekstrarári félagsins um 2,8
milljónum punda (um 350 milljónum
íslenskra króna). Lögð er rík
áhersla á að rekstur Lyons Sea-
foods raskist ekki við kaupin, en all-
ir lykilstjórnendur Lyons Seafoods
styðja kaup SÍF hf. á félaginu og
framkvæmdastjórn þess verður
óbreytt. Heildarvelta SÍF-samstæð-
unnar á breska markaðnum eftir
kaup á Lyons Seafoods er um 110
milljónir punda eða um 14 milljarð-
ar íslenskra króna.
Mikilvægt skref í stefnumótun
SÍF-samstæðunnar
„Stefna SÍF-samstæðunnar er að
skapa félaginu sterka markaðsað-
stöðu á sviði fullunninna sjávaraf-
urða á kjarnamörkuðum félagsins
sem eru Bandaríkin, Bretland,
Frakkland og Spánn. Kaupin á
Lyons Seafoods eru gerð í kjölfar ít-
arlegrar greiningar á breska mark-
aðnum og skoðunar á tækifærum
þar undanfarin tvö ár. Fyrir rekur
SÍF-samstæðan eins og kunnugt er,
öflug fyrirtæki í fullvinnslu sjávar-
afurða í Frakklandi og Bandaríkj-
unum sem og vaxandi fyrirtæki á
Spáni. Stefna SÍF er að nýta þau
tækifæri sem felast í samstarfi og
samlegð fullvinnslufyrirtækjanna til
að skapa félaginu forskot á kjarna-
mörkuðunum,“ segir í fréttinni.
SÍF Group kaupir
Lyons Seafoods Ltd.
Morgunblaðið/Sverrir
Gunnar Örn Kristjánsson, forstjóri SÍF, kynnir kaupin á Lyons Seafoods. Fremst á myndinni hægra megin eru
Örn Viðar Skúlason, aðstoðarforstjóri SÍF, Friðrik Pálsson stjórnarformaður og Jón Þór Gunnarsson, fram-
kvæmdastjóri söluskrifstofu SÍF í Bretlandi, sem einnig stóðu að kynningunni í húsakynnum SÍF.
Eitt stærsta fyr-
irtæki Bretlands
í kældum
sjávarafurðum
„ÞESSI kaup gefa SÍF-samstæð-
unni mikil tækifæri. Þau opna al-
gjörlega dyrnar að brezka mark-
aðnum fyrir fyrirtæki okkar í
Frakklandi, en þar erum við með
nýjar og mjög afkastamiklar verk-
smiðjur. Einhverja fullkomnustu
verksmiðju fyrir reykingu á laxi í
Evrópu og einhverja fullkomnustu
brauðunarverksmiðju sem til er í
dag,“ segir Gunnar Örn Kristj-
ánsson, forstjóri SÍF.
„Lyons Seafoods er fyrirtæki
sem er sérhæft í skelfiski og skel-
fiskurinn er sú tegund sjávarafurða
sem hefur aukizt hvað mest í sölu
undanfarinn áratug. Rækja er til
dæmis sú fisktegund sem er mest
borðuð í Bandaríkjunum. Þá er
rækjukokkteill söluhæsti tilbúni
rétturinn í Bretlandi. Þetta er fyr-
irtæki, sem er í örum vexti og hefur
verið rekið mjög vel. Fyrirtækið
hefur fjárfest mikið í nýrri fram-
leiðslutækni og vöruþróun. Það er
því mjög vel statt á því sviði.
Við fáum nú aðgang að smásölu-
dreifingunni og stóreldhúsamark-
aðnum í Bretlandi fyrir afurðir
þessara verksmiðja og annarra í
okkar eigu í Frakklandi. Með þessu
verður til ný vídd fyrir okkur á
Bretlandsmarkaði. Síðan styrkir
þetta verulega stöðu okkar í kald-
sjávarrækju hér heima. Þetta
styrkir okkur líka í innkaupum því
við erum þarna að kaupa þekkingu
og aðgang að innkaupum á heit-
sjávarrækju og mjög mikilvæg við-
skiptasambönd, sem munu nýtast
okkur afar vel til framtíðar, ekki
bara á Bretlandi, heldur einnig í
Frakklandi og Bandaríkjunum.
Við höfum skilgreint fjóra
kjarnamarkaði í stefnumótun okk-
ar. Það eru Bandaríkin, Bretland,
Frakkland og Spánn. Kaupin á
Lyons Seafoods fylla mjög vel inn í
þá mynd og þau skapa verulega
möguleika á gagnkvæmri samvinnu
milli þessara markaða og grunnein-
ingarinnar hér heima.
Þessi kaup auka líka vöru-
framboð okkar. SÍF hefur fyrst og
fremst verið í hefðbundnum fiski-
tegundum úr Norður-Atlantshafi
og verið mjög sterkt þar. Þarna
fáum við inn fyrirtæki sem er mjög
sterkt í heitsjávarrækju, með yfir-
burðastöðu á brezka markaðnum,“
segir Gunnar Örn.
Velta SÍF verður 70 milljarðar
Kaupin á Lyons Seafoods eru að
hluta til fjármögnuð með sölu
ferskfiskdeildar og lagerhúsnæðis
SÍF í Frakklandi og hlut SÍF í
namibíska fyrirtækinu Seaflower.
Þessar sölur skiluðu félaginu 700
milljónum króna. Auk þess voru
kaupin fjármögnuð með aðstoð
Kaupþings Búnaðarbanka. Eftir
kaupin er áætluð ársvelta SÍF sam-
stæðunnar um 70 milljarðar króna.
Lyons Seafoods framleiðir árlega
um 11.000 tonn af afurðum. Fram-
leiðslugeta er 15.500 tonn og starfs-
menn um 260. Framleiðsla kældra
afurða á viku nemur um einni millj-
ón pakkninga og frystra afurða um
150 tonnum. Vöruþróun er stöðug
og 10 nýjar vörur eru 6% sölunnar.
Opnar dyrnar fyrir SÍF
inn á brezka markaðinn
Morgunblaðið/Hjörtur Gíslason
Laxinn unninn í reykingarverk-
smiðju SÍF í Frakklandi.
FARÞEGUM Icelandair, dóttur-
félags Flugleiða, til og frá Íslandi
fækkaði um 8,2% í júni miðað við
sama mánuð á síðasta ári, að því er
fram kemur í fréttatilkynningu frá
félaginu. Sætaframboð Icelandair í
júní var 1,2% minna en í sama mán-
uði 2002 og sætanýting versnaði um
5,6 prósentustig.
Í Hálffimm-fréttum greiningar-
deildar Kaupþings Búnaðarbanka er
lýst vonbrigðum með tölur félagsins
og þær sagðar nokkuð undir vænt-
ingum.
„Sú staðreynd að farþegum Ice-
landair sem ferðast til og frá landinu
skuli fækka svo mikið milli ára er at-
hyglisverð í ljósi þess að farþegum
um Leifsstöð fjölgaði um tæp 6% á
sama tímabili. Það er því alveg ljóst
að aukin samkeppni frá Iceland Ex-
press er farin að segja verulega til
sín á síðustu mánuðum,“ segir í Hálf-
fimm-fréttum.
Þar segir einnig að mikil fækkun
farþega sem og verri sætanýting
bendi til að afkoma Flugleiða á fyrri
helmingi ársins verði verri en deildin
hafi spáð fyrir um, en spáin hljóðaði
upp á 100 milljóna króna tap.
9% fækkun í heildina
Í heild voru farþegar Icelandair
9% færri í júní en í sama mánuði á
síðasta ári. Fækkunin nemur 10,3%
á Norður-Atlantshafsmarkaðnum.
Í fréttatilkynningu frá félaginu
segir að á fyrstu sex mánuðum árs-
ins hafi farþegum fækkað um 10,7%
sem fyrst og fremst er rakið til tæp-
lega 25% fækkunar Norður-Atlants-
hafsfarþega. Farþegum til og frá Ís-
landi fækkaði um 0,8% fyrstu sex
mánuði ársins. Sætanýting fyrstu
sex mánuði ársins versnaði því um
5,9 prósentustig.
Í tilkynningunni segir að eitt af
markmiðum félagsins sé að auka það
hlutfall farþega sem ferðast með fé-
laginu á leiðum til og frá Íslandi.
Fyrstu sex mánuði ársins var það
hlutfall 65% samkvæmt tilkynning-
unni en var um 59% á sama tímabili
2002.
Aukning í innanlandsflugi
Farþegum Flugfélags Íslands
fjölgaði um 3,7% í júní og hefur fjölg-
að um 5,5 % það sem af er ári. Far-
þegar Flugfélags Íslands fyrstu sex
mánuði ársins voru rúmlega 130 þús-
und, en voru tæp 124 þúsund á sama
tímabili í fyrra. Sætanýting félagsins
á fyrstu sex mánuðum ársins hefur
sömuleiðis batnað.
Í júní fluttu Flugleiðir frakt 2.086
tonn sem er 2,9 % minna en í júní í
fyrra og fyrstu sex mánuði ársins
eru flutningar félagisins 13.549 tonn,
sem er 4,3% minna en á sama tíma-
bili í fyrra, að því er fram kemur í til-
kynningu Flugleiða.
Farþegum
Icelandair fækk-
ar milli ára
SALA og framlegð hjá bresku
barna- og meðgöngufataversluninni
Mothercare hefur aukist á fyrsta
fjórðungi yfirstandandi rekstrarárs
frá sama tímabili ársins á undan.
Þetta þykir benda til þess að þriggja
ára björgunaráætlun fyrirtækisins
sé farin að skila tilætluðum árangri
undir stjórn hins nýja forstjóra, Ben
Gordon.
Á fyrstu 15 vikum fjárhagsársins,
til 11. júlí, jókst salan um 3,4% á milli
ára, þegar mið er tekið af þeim versl-
unum sem voru starfandi á báðum
tímabilum. Á heildina litið nam sölu-
aukningin 1,9% á vikunum 15 og
endurspeglar það þá 1,5% minnkun
sem orðið hefur á verslunarplássi
fyrirtækisins í kjölfar þess að fækk-
að hefur verið um átta verslanir.
Þá hefur framlegðin aukist um 5%
frá fyrra ári en fyrirtækið hefur var-
að við því að framlegðaraukningin
fyrir fjórðunginn í heild kunni að
lækka niður í 4% vegna áhrifa frá
sumarútsölum.
Verð hlutabréfa í Mothercare var
161,5 pens í lok dags í gær og var
markaðsvirði félagsins þá 106 millj-
ónir punda, samkvæmt upplýsingum
frá Kauphöllinni í London, eða ríf-
lega 13 milljarðar króna. Hvert pró-
sent í eignarhlut er þá að markaðs-
virði rúmar 130 milljónir króna.
Baugur keypti í fyrra um 3,5%
hlut í Mothercare en seldi af þeim
hlut í síðastliðnum mánuði og á nú
innan við 3%. Fyrirtækið er ekki á
lista yfir þau félög sem Baugur hefur
sagst vilja taka þátt í að móta. Aftur
á móti er það á lista yfir fjárfestingar
Baugs í félögum sem Baugur segir
hafa gott sjóðstreymi, traustan efna-
hag eða hvort tveggja.
Mothercare að
rétta úr kútnum
SAMKVÆMT nýrri smásöluvísitölu
Samtaka verslunar og þjónustu,
SVÞ, hafa neytendur varið 4,1%
meira til dagvörukaupa á föstu
verðlagi í júní á þessu ári en í sama
mánuði í fyrra, þó svo að verð á
matvælum hafi lækkað almennt,
samkvæmt neysluverðsvísitölu
Hagstofunnar.
Í tilkynningu frá SVÞ segir að
smásöluvísitala áfengis hafi hins
vegar lækkað um 2% þegar borin
eru saman tímabilin júní á þessu ári
og í fyrra.
Mælingar á smásöluvísitölu lyfja-
verslana hófust í september í fyrra
og því er sambærilegur saman-
burður ekki til á því sviði en vísital-
an hefur hækkað um 4,9% frá sept-
ember til júní.
„Hækkun smásöluvísitölu dag-
vöru um 4,1% milli ára er athyglis-
verð eins og áður segir þegar tekið
er mið af því að á sama tímabili
lækkaði verð matvæla, samkvæmt
neysluverðsvísitölu Hagstofunnar,
um 2,7%. Athyglisvert verður að sjá
hvort þessi auknu útgjöld til matar-
kaupa halda áfram það sem eftir er
ársins,“ segir í tilkynningu SVÞ.
Dagvörukaup aukast
um 4,1% á milli ára
Morgunblaðið/Kristinn