Morgunblaðið - 19.07.2003, Blaðsíða 27
LISTIR
MORGUNBLAÐIÐ LAUGARDAGUR 19. JÚLÍ 2003 27
HEILSA
ÞRIÐJA geðorðið fjallar um það að halda áfram að læra
svo lengi sem við lifum. Fjórða geðorðið er um mikil-
vægasta lærdóminn; það að læra af mistökunum. Það er
mikilvægt að átta sig á því að enginn hefur lofað því að líf-
ið verði auðvelt og alltaf sanngjarnt. Með því að gera ráð
fyrir mótlæti er hægt að vinna sér inn smá forskot og láta
það ekki koma sér á óvart þegar mótlæti eða erfiðleikar
gera vart við sig. Eins er það með mistökin. Allir gera ein-
hvern tímann mistök, það er eins gott að sætta sig við það
strax. Enginn er fullkominn og það sem betra er: enginn
getur ætlast til þess af okkur að við séum fullkomin.
Rannsóknir hafa sýnt fram á að þeir sem eru óham-
ingjusamir þurfa ekki að hafa lent í fleiri áföllum eða gert
fleiri mistök en þeir sem eru hamingjusamir. Munurinn á
þeim sem ná að verða hamingjusamir og þeim sem ekki
ná því er meðal annars hugarfarið og það hvernig þeir
takast á við vandamál, erfiðleika og mistök. Þeir sem líta
á erfiðleika sem eitthvað sem þeir geta sigrast á og að
hægt sé að læra eitthvað af mistökum ná frekar að vinna úr þeim á jákvæðan
hátt. Þeir sem líta á erfiðleika sem ógn og dæma sig harðlega þegar þeir gera
mistök leyfa mistökunum að draga sig niður. Ef við bregðumst við mistökum
með sjálfsvorkunn, neikvæðni og með því að líta á okkur sem fórnarlamb
óblíðra örlaga þá höfum við tapað.
Verum tilbúin til að horfast í augu við það að við gerum mistök – hugsum já-
kvætt og reynum að finna hvað við getum lært af mistökum okkar. Ef okkur
tekst það þá erum við á góðri leið og náum að gera gott úr mistökunum í stað
þess að láta þau draga úr okkur kraftinn.
Dóra Guðrún Guðmundsdóttir,
verkefnisstjóri Geðræktar.
Frá Landlæknisembættinu
Heilsan í brennidepli
4. geðorð: Lærðu
af mistökum þínum
Allir gera ein-
hvern tímann
mistök, það er
eins gott að
sætta sig við
það strax.
SKÁLHOLTSKÓR heldur tónleika í
Skálholtsdómkirkju í kvöld kl.
20.30, en það er Skálholtsstaður
sem býður til tónleikanna í tilefni af
afmælishátíð bæði kirkjunnar og
kórsins. „Kirkjan var vígð fyrir
fjörutíu árum, eða árið 1963. Skál-
holtskór er jafngamall kirkjunni, en
það var dr. Róbert Abraham Ottós-
son sem stofnaði þennan frábæra
kór á sínum tíma og stjórnaði hon-
um í ein tíu ár. Hann ól söngfólkið
hér afar vel upp og því er þetta mik-
ill gæðakór,“ segir Hilmar Örn
Agnarsson sem stjórnað hefur Skál-
holtskór í rúm tíu ár. Að sögn Hilm-
ars eru tæplega 40 manns í kórnum
og koma meðlimirnir víða að. „Sem
dæmi má nefna að sumir kórfélagar
keyra allt upp undir fimmtíu kíló-
metra til þess eins að komast á æf-
ingu einu sinni til tvisvar í viku.
Stærstur hluti hópsins hefur starfað
með kórnum um áraraðir og einn
tenór hefur sungið með frá stofnun.
Svífandi rómantík
Hilmar segir að efnisskrá tón-
leikanna í kvöld sé samansett af
uppáhaldslögum kórsins í gegnum
tíðina. „Við völdum eftirlætis lögin
okkar sem okkur þykir vænst um.
Þeirra á meðal má nefna Hallelúja-
kórinn úr Messíasi eftir Händel, Jes-
ús sonur Maríu er besti bróðir minn
eftir Hjálmar H. Ragnarsson, Agnus
Dei eftir Bizet sem er ofsalega
magnað verk og Hear my prayer
eftir Mendelsohn sem er tvímæla-
laust stærsta verkið á efnisskránni.
Okkur langaði til að flytja Ave ver-
um corpus eftir Fauré og leituðum
lengi árangurslaust að nótum og á
endanum brugðum við á það ráð að
fá tónlistarmanninn Skarphéðin
Hjartarson til að skrifa verkið út
fyrir okkur. Hann er með fullkomið
tóneyra og því dugði honum að
hlusta á upptöku af verkinu nokkr-
um sinnum. Það er svo sannarlega
mikið á sig leggjandi til þess að geta
flutt þetta fallega verk. Að auki
munum við flytja Laudate dominum
eftir Mozart þar sem Sigrún Hjálm-
týsdóttir syngur einsöng og Þorkell
Jóelsson spilar á horn, “ segir Hilm-
ar.
Þess má geta að Vigdís og Salóme
Þorkelsdætur og Jóhann Stefánsson
spila á trompet á tónleikunum og
Kári Þormar leikur með á orgel.
Sungið á listahátíð í Slóveníu
Snemma í ágúst leggur Skálholts-
kór síðan land undir fót og heldur
til Slóveníu til að taka þátt í stórri
listahátíð þar. Spurður um tildrög
ferðarinnar segir Hilmar að kona
hans, sem starfi sem leiðsögumað-
ur, hafi í ferð til Slóveníu fyrir
þremur árum kynnst einum skipu-
leggjanda listahátíðarinnar. „Okk-
ur var boðið að koma út og síðast-
liðin tvö ár höfum við svo verið að
skipuleggja ferðina. Utanlands-
ferðir eins og þessi eru ofsalega
þýðingarmikill þáttur í kórstarfinu,
því það er alltaf mikilvægt að hafa
eitthvað til þess að stefna að. Auk
þess þroska svona ferðir hópinn af-
ar mikið. Við munum syngja þrenna
tónleika í Slóveníu og byggjum þá
að miklum hluta til á dagskránni
sem flutt verður í kvöld, en líklega
verður íslenska efnið þó aðeins fyr-
irferðarmeira þarna úti,“ segir
Hilmar.
Á morgun, sunnudag, mun kórinn
syngja við hátíðarmessu í Skálholts-
dómkirkju kl. 14. „Við messuna
munum við syngja tónlist sem flutt
var við vígslu kirkjunnar 1963 og
samin var og útsett af Róberti.
Hann var mikill frumkvöðull í því að
endurvekja íslenska söngarfinn og
úsetti t.d. Gefðu að móðurmálið mitt
sem fimmundarsöng. Hann á marg-
ar flottar útsetningar sem kórar vítt
og breitt um landið syngja án þess
að gera sér grein fyrir að þær eru
ættaðar héðan,“ segir Hilmar að
lokum.
Skálholtskórinn 40 ára
Skálholtskór ásamt Sigrúnu Hjálmtýsdóttur sópran og Kára Þormari org-
anista (yst til hægri) og Þorkeli Jóelssyni trompetleikara og Hilmari Erni
Agnarssyni stjórnanda kórsins (yst til vinstri).
Menningarmiðstöð Skaftfell,
Seyðisfirði Aðalheiður S. Eysteins-
dóttir opnar sýningu. Hún er liður í
verkinu „40 sýningar á 40 dögum“.
Þrastarlundur í Grímsnesi Nú
stendur yfir sýning á vatns-
litamyndum Andrésar Sigmunds-
son.
Í DAG
Sjá einnig Staður og stund á mbl.is
REYNIR Jónas-
son leikur á orgel
Reykholtskirkju
laugardag 19. júlí
kl. 20.30 Reynir
leikur verk eftir
Jóns Ásgeirsson,
J. Pachelbel og
J.S. Bach. Reynir
var organisti
Neskirkju frá
1973–2002. Reynir Jónasson hefur
komið víða við í íslensku tónlistarlífi,
en hann vinnur nú að gerð hljóm-
disks, Kveðjutónleikum, sem geyma
verk þau er hann lék á samnefndum
tónleikum í Neskirkju við starfslok
þar. Þar er m.a. að finna verk eftir
Jón Ásgeirsson sem hann samdi sér-
staklega fyrir nýtt orgel Neskirkju
sem vígt var árið 1999. Þetta verk
leikur Reynir á laugardagskvöldið í
Reykholtskirkju.
Tónleikarnir eru til styrktar Org-
el- og söngmálasjóði Bjarna Bjarna-
sonar.
Orgeltónleikar í Reykholti
Reynir Jónasson
SUMIR karlmenn á miðjum aldri
kvarta undan hitaköstum, depurð og
skorti á kynhvöt, sem svipar til þeirra
einkenna sem konur í tíðahvörfum
þurfa að þola og eru til komin vegna
hormónabreytinga í líkamanum.
Bandarískir vísindamenn fullyrða
að kvarti karlmenn undan þess háttar
einkennum sé jafnvel orsaka að leita í
leti eða óheilbrigðum lífsvenjum svo
sem þyngdaraukningu, reykingum og
ofdrykkju.
Rannsóknin var gerð á um 1700
karlmönnum og greint var frá henni
nýlega á fréttavef BBC.
Prófessor John McKinley við New
Englands-rannsóknarsetrið í Water-
town í Massachussets í Bandaríkjun-
um, sem er í forsvari rannsóknarinn-
ar, er þeirrar skoðunar að
breytingaskeið karla sé aðeins goð-
sögn og henni sé viðhaldið þar sem
markaðurinn hagnist á því. „Lyfjafyr-
irtæki vinna meðal annars að fram-
leiðslu hormónalyfja fyrir karla sem
hefur verið komið í skilning um að
þeir þurfi á aukaskammti af hormón-
um að halda. Karlhormónið testoster-
ón minnkar smám saman með aldr-
inum, um 1% á ári að meðaltali en
ekkert bendir til þess að sú þróun hafi
í för með sér sjúkdómseinkenni, segir
dr. McKinley. Ýmsir hafa mótmælt
skoðunum dr. McKinleys og félaga,
meðal þeirra er dr. Malcolm Carruth-
ers sem rekur læknastofu þar sem
karlmönnum er boðin testósteron-
meðferð.
„Áróður sem þessi fæst ekki staðist
því þar með er verið að hafna karl-
mönnum sem þurfa nauðsynlega á
testósteron-meðferð að halda.“
Breytingaskeið
karla er goðsögn
Morgunblaðið/Ómar
Bandarískir rannsakendur segja að breytingaskeið karla sé aðeins mýta og
að henni sé viðhaldið þar sem markaðurinn hagnist á því.
AUGLÝSINGADEILD
netfang: augl@mbl.is eða sími 569 1111