Morgunblaðið - 20.07.2003, Blaðsíða 11

MORGUNBLAÐIÐ SUNNUDAGUR 20. JÚLÍ 2003 B 11
ferðalög
vel um. Allir þrifu eftir sig þannig að
sómi var að.
Búð var á svæðinu þar sem m.a. var
hægt að kaupa nýbökuð rúnnstykki
klukkan sjö á morgnana og fá sér
dagblöðin, tveir veitingastaðir eru
þarna, minigolf, tennisvöllur, tveir
leikvellir og svo ströndin til að fara á
þegar veðrið er gott.
Hægt var að ganga fallega leið
meðfram ströndinni inn í miðbæ Var-
berg eða taka þangað lítinn vagn.
Yfir sumartímann er dagskrá á
boðstólum, krakkar geta farið í pöss-
un, fólk farið með leiðsögn um næsta
nágrenni og tekið þátt í söngvakeppn-
um og fleiri uppákomum á kvöldin.
Margir kunna að meta morgunleik-
fimina því fyrsta morguninn þegar
klukkan sló níu vissum við ekki hvað-
an á okkur stóð veðrið. Þá hljómaði
hressileg tónlist um allt svæðið og
fólk þusti úr hjólhýsum og húsbílum
til að fara í hópleikfimi á túni skammt
frá. Þátttakendur voru eflaust um
hundrað talsins og mikil stemmning.
Ugluvæl og hundar
Þegar við höfðum dvalið í nokkra
daga í Apelviken lá leiðin til Dan-
merkur. Þar völdum við tjaldsvæði á
Skáni alveg niðri við sjóinn sem heitir
Dronningmølle. Þetta var ekki síðra
tjaldsvæði og aðstaðan eins og áður til
fyrirmyndar. Börnum var boðið upp á
sérstakt salerni sem var í þeirra hæð
og vaskarnir líka og baðkarið sem
ungbörn voru þvegin í var afar spenn-
andi í augum heimasætunnar okkar,
eldrauður bíll sem maður sat og sáp-
aði sig í.
Leiksvæðin voru spennandi og
ströndin eins og best verður á kosið.
Það var indæl tilfinning að vakna í
dagrenningu við ugluvæl úr skógin-
um á tjaldsvæðinu og drífa sig út í búð
til að ná í bakkelsi og dönsku blöðin á
meðan litla heimasætan okkar gat ró-
leg spásserað um svæðið á táslunum
og unglingurinn sofið áfram. Þarna
opnaði hverfisbúðin klukkan sjö á
morgnana.
Niðurstaðan er í raun að frí sem
þetta sé afskaplega skemmtilegt fyrir
fjölskyldufólk ef það er vel útbúið.
Ef stendur til að ferðast um Evr-
ópu er húsbíll líka alveg frábær far-
arskjóti.
Ef ætlunin er að ferðast ekki mikið
heldur vera á sama stað myndi ég
næst leigja mér sumarhús og bíl.
Ástæðan er sú að það er dálítið
þröngt í húsbíl ef t.d. rignir og allir
vilja vera inni og það er dálítið óþægi-
legt að vera ekki með bíl til að skjót-
ast á í stuttar ferðir. Yfir hásumarið
er ódýrara að leigja mjög rúmgóðan
fjölskyldubíl og lúxus sumarbústað í
Danmörku en að leigja húsbíl, auka-
búnað og aðstöðu fyrir hann í viku.
Þessi mynd gæti verið tekin á Spáni en er af sandströndinni í Dronningmølle í
Danmörku. Það var frábært að synda í sjónum.
Stundvíslega klukkan níu um morguninn hljómaði tónlist um allt tjaldsvæðið í
Apelviken í Svíþjóð. Fólk þusti úr hjólhýsum og húsbílum í átt að túni á svæð-
inu. Rölt var í humátt á eftir og fest á filmu þegar morgunhresst fólkið fór í leik-
fimitíma.
Morgunblaðið/GRG
Húsbíllinn okkar. Engin garðhúsgögn
eða sumarblóm við þennan „sum-
arbústað" sem stakk óneitanlega í
stúf við vel útbúna nágrannana. Við
fjárfestum í þessum stólgörmum af
því þeir voru í KR-litunum og not-
uðum svo plastkassa sem borð.
Svein og Johanna Anderson koma frá Noregi og þegar við hittum þau í Svíþjóð
ætluðu þau að gera stuttan stans því leiðin lá til Króatíu. Þau hafa ferðast víða á
húsbílnum en kunna vel við sig í Króatíu þar sem ódýrt er að lifa segja þau. Hund-
urinn fer með þeim í fríið og svo fékk hún Inga Þóra að vera með á myndinni.
Það sem ferðalangarnir hefðu
þurft að hafa meðferðis til að
mæta ekki auka útgjöldum:
Útiborð og stólar
Grill
sængurfatnaður
handklæði
barnabílstóll
gudbjorg@mbl.is
um þaulvant tjaldbúðarfólk
Með AVIS kemst þú lengra
Veist þú að Avis = Leiga á bílum? Erum í 173 löndum og á 5000 stöðum í heiminum.
Kynntu þér tilboð Avis á bílaleigubílum um allan heim.
Pantaðu AVIS bílinn áður en þú leggur af stað – Það borgar sig
Hringdu í Avis sími 5914000
Knarrarvogur 2 – 104 Reykjavík – www.avis.is
Munið tilboð til korthafa Visa