Morgunblaðið - 21.07.2003, Blaðsíða 8

FRÉTTIR
8 MÁNUDAGUR 21. JÚLÍ 2003 MORGUNBLAÐIÐ
Ný þjónusta fyrir Íslendinga í Danmörku
Ráðgjöf vegna
búferlaflutninga
SIGRÚN G. Þormarhagfræðingur býð-ur upp á nýja þjón-
ustu við Íslendinga sem
hyggjast flytjast búferlum
til Danmerkur. Hún hefur
verið búsett í Danmörku
yfir 20 ár og hyggst veita
Íslendingum ráðgjöf í
þeim fjölmörgu málum
sem upp koma þegar flutt
er í nýtt land.
– Hvernig fékkstu þessa
hugmynd?
„Hugmyndin kom fram
mjög nýlega, fyrir algjöra
tilviljun. Þetta byrjaði allt
á því að kunningjakona
mín var að flytja til Dan-
merkur frá Íslandi fyrir
nokkrum árum. Hún
hringdi í mig og spurði
hvort ég gæti hjálpað
henni með húsnæði og slíkt. Hún
var að flytja með dóttur sína og
var ekki alveg sama hvar hún
byggi. Ég bjargaði henni um hús-
næði og fleira. Ég hafði samband
við skólastjórann í skólanum þar
sem dóttir hennar átti að fara í og
gekk frá hlutum þar svo hún fengi
dönskukennslu. Svo hjálpaði ég
þeim með bankamál og skráði
þær í landið og fleira og fleira. Svo
vantaði hana bíl svo við björguð-
um því. Þegar hún kom var bara
allt tilbúið, bíllinn í innkeyrslunni
og allt til. Svo gerðist ekki meira í
eitt ár, en þá hringdi maður í mig
frá Hornafirði sem var að flytja
hingað og hann hafði frétt af mér í
gegnum sameiginlega kunningja.
Hann vantaði hjálp við að finna
sér húsnæði og var orðinn æði
stressaður þar sem hann var að
flytja með alla fjölskylduna. Hann
bauð mér pening fyrir aðstoðina
og þá kviknaði sú hugmynd að ég
gæti haft atvinnu af því að hjálpa
fólki að koma sér fyrir. Góður vin-
ur minn er formaður Íslendinga-
félagsins og fólk er alltaf að
spyrja hann um hitt og þetta, svo
hann fór að vísa þeim á mig. Mað-
urinn minn gerði svo heimasíðu
fyrir mig sem fór upp í nóvember
og þá byrjaði þetta fyrir alvöru.“
– Er mikil eftirspurn eftir
þessari tegund ráðgjafar?
„Það er alveg rosaleg eftir-
spurn eftir henni og hún eykst
með hverjum degi. Ég hugsa allt-
af að nú hljóti þetta að fara að
stoppa, en þetta stoppar ekki, eft-
irspurnin er stöðug. Eftir að fólk
er komið hingað hefur það líka
áfram þörf fyrir alls konar aðstoð
frá einhverjum sem þekkir kerfið
út og inn.“
– Geta sendiráð eða dönsk
stjórnvöld ekki veitt þessa þjón-
ustu?
„Nei, það er ekki á þeirra
könnu. Það veitir enginn neina
svona þjónustu, þannig að fólk er
eiginlega eitt á báti ef það er ekki
sjálft þeim mun klárara á þessu.
Íslendingar eru líka upp til hópa
gífurlega lélegir í dönsku. Mikið
af þeirri þjónustu sem ég veiti
fólki er hálfgerð góðgerðarstarf-
semi, en ég er samt að
gera tilraun til að lifa á
þessu.“
– Geturðu nefnt
dæmi um hluti sem Ís-
lendingar þurfa ráð-
gjöf með?
„Fólk þarf ráðgjöf með fast-
eignakaup, dönsku húsnæðislánin
geta oft reynst snúin. Ég kaupi
líka fyrirtæki fyrir fólk sem er að
koma sér inn í atvinnulífið. Svo
hjálpa ég fólki að skrá sig inn í
landið og komast inn í kerfið. Þeg-
ar fólk er komið með kennitölu
þarf það að fá bankareikning, sem
getur reynst meiriháttar mál.
Fólk þarf að sækja um barna-
heimili og skóla fyrir börnin og
sjálft sig og fara í viðtöl í skól-
anum, þá kem ég oft með og er
fólki innan handar.
Ég flyt einnig reglulega fyrir-
lestra á vegum stúdentafélagsins í
Árósum þar sem við tökum fyrir
ýmis vandamál sem koma upp
þegar flutt er til Danmerkur.“
– Hvað kostar þessi þjónusta?
„Það fer allt eftir því hvað fólk
notar af henni, ég reyni að vera
sanngjörn. Ég sendi fólki verð-
lista yfir þjónustuna sem er í boði
þegar það hefur samband.
Ég er líka með pakka sem ég
kalla upplýsingaþjónustu. Í hon-
um felst að í þrjá mánuði getur
fólk haft samband við mig í síma
og tölvupósti og spurt mig hvers
sem er fyrir fasta upphæð. Þessi
áskrift kostar 2.300 kr. íslenskar
fyrir þrjá mánuði og fólk getur
framlengt hana ef það vill. Margir
sem ég aðstoða byrja á þessum
pakka og kaupa síðan af mér
meiri þjónustu þegar hennar er
þörf.“
– Hvað er það helsta sem Ís-
lendingur þarf að hafa í huga þeg-
ar hann flytur til Danmerkur?
„Það er mjög misjafnt eftir því
hvort fólk er námsmenn eða hvort
það er að vinna. Ef fólk er að fara
að vinna er algjört grundvallarat-
riði að tala dönsku. Fólk spyr líka
mjög mikið hvort það sé „betra“
að lifa hér í Danmörku en á Ís-
landi, þ.e.a.s. fjárhagslega. Svo er
ekki, vegna þess að
heildarkostnaður lífs-
gæða er ósköp svipaður
þegar allt er tekið með,
sumt er dýrara og ann-
að ódýrara. Sumt þykir
fólki ósköp dýrt hér, en annað er
ókeypis, eins og læknisþjónusta.
Á móti kemur að skattarnir eru
háir. Það er þó alveg klárt að það
er gott að vera íslenskur náms-
maður hér í Danmörku vegna
þess að þeir fá alls konar styrki,
til dæmis háar húsnæðisbætur og
niðurgreiðslu leikskólagjalda.“
Frekari upplýsingar má finna
á: www.sigrunthormar.dk.
Sigrún G. Þormar
 Sigrún G. Þormar fæddist 10.
nóvember 1959 í Reykjavík. Hún
nam hagfræði við Háskólann í
Árósum og hefur haft fasta bú-
setu í Árósum frá 1985.
Sigrún hefur, síðan 1990, rekið
fyrirtæki með eiginmanni sínum,
Gunnari Alberti Rögnvaldssyni
hagfræðingi sem einnig útskrif-
aðist frá Háskólanum í Árósum.
Einnig hefur Sigrún starfað frá
2001 til 2003 sem ráðgjafi hjá
Tækniskólanum í Árósum.
Sigrún og Gunnar Albert eiga
saman tvö börn, þau Valdísi, 21
árs og Gunnar Frey, 16 ára.
Gott að vera
íslenskur
námsmaður
SANNARLEGA hermir spegillinn að gott sé að vera
hvutti þegar sumarið leikur við hvurn sinn fingur. Út-
sýnið er fagurt og ánægjulegt að geta skoðað sig í
speglinum á fleygiferð um landið. Hundurinn naut sól-
arinnar og blíðunnar með því að stinga haus út um
glugga og fanga vindinn.
Morgunblaðið/Sverrir
Spegill, spegill herm þú mér