Morgunblaðið - 21.07.2003, Blaðsíða 5

ÍÞRÓTTIR
MORGUNBLAÐIÐ MÁNUDAGUR 21. JÚLÍ 2003 B 5

STJÓRN Knattspyrnufélags ÍA
hefur ákveðið að gera ekki samning
við Aleksandar Linta. Stjórn ÍA og
þjálfari liðsins, Ólafur Þórðarson,
töldu að Linta væri ekki leik-
maðurinn sem Akranes þyrfti á að
halda.

ÍA hefur ákveðið að semja við
Kristian Gade Jørgensen út yfir-
standandi keppnistímabil. Jørgen-
sen er danskur sóknarmaður en
Akranesi veitir ekki af öflugum
sóknarmanni þar sem liðið hefur
skorað fæst mörk í Landsbanka-
deild karla í knattspyrnu, aðeins 11
mörk í 10 leikjum.

DENNIS Bergkamp, sóknarmað-
ur Arsenal, skrifaði í gær undir
nýjan eins árs samning við Arsenal.
Arsene Wenger, knattspyrnustjóri
liðsins, sagði að hann væri mjög
ánægður með að Bergkamp yrði
áfram hjá félaginu. „Bergkamp er
mjög hæfileikaríkur knattspyrnu-
maður með mikla reynslu. Hann
mun verða mjög mikilvægur fyrir
Arsenal á næsta tímabili,“ sagði
Wenger.

MATTEO Sereni hefur gengið til
liðs við Lazio frá Ipswich en hann
lék sem lánsmaður með Brescia á
síðasta tímabili. Sereni er 28 ára
gamall og gerði tveggja ára samn-
ing við Lazio.

HARRY Kewell, miðjumaður Liv-
erpool, meiddist lítillega í æfinga-
leik Liverpool og Crewe um
helgina sem endaði með 1:1 jafn-
tefli. Kewell meiddist á ökkla og
verður að taka sér frí frá æfingum í
tíu daga.

SPÆNSKIR fjölmiðlar sögðu frá
því um helgina að Arsenal myndi
gera tilboð í Santiago Canizares,
markvörð Valencia, á næstu dög-
um. Canizares er landsliðsmark-
vörður Spánar og virkilega öflugur
markvörður, en hann hefur sagt að
hann hafi áhuga á að leika á Eng-
landi í framtíðinni.

DAN Petrescu, fyrrum leikmaður
Chelsea, hefur tekið við þjálfun hjá
Sportul Studentesc sem leikur í 2.
deildinni í Rúmeníu. Petrescu er 36
ára gamall og gerði þriggja ára
samning við liðið.

SÓKNARMAÐURINN Ivan Zam-
orano frá Chile hefur lagt skóna á
hilluna. Zamorano hefur átt mjög
farsælan feril og gerði garðinn
frægan með Real Madrid og Inter
Milan. Hann stóð sig einnig mjög
vel með landsliðinu og skoraði 34
landsliðsmörk.

LANDON Donavan skoraði fjög-
ur mörk í 5:0 sigri Bandaríkjanna á
Kúbu á Copa del Oro mótinu í
knattspyrnu um helgina. Brasilía
sigraði Kólumbíu 2:0 á sama móti
og liðið mun mæta Bandaríkjunum
í undanúrslitum.

TREVOR Sinclair mun leika með
Manchester City á næstu leiktíð í
ensku úrvalsdeildinni í knattspyrnu
en hann samdi til fjögurra ára við
liðið. Manchester City þarf að
borga West Ham um 300 milljónir
íslenskra króna fyrir Sinclair sem
er enskur landsliðsmaður.

STAFFAN Johannsson, landsliðs-
þjálfari í golfi, mun fylgjast með
bestu kylfingum landsins etja kappi
á Íslandsmótinu í höggleik sem
hefst í Vestmannaeyjum á fimmtu-
daginn.

ÞJÁLFARINN hefur verið á ferð-
inni að undanförnu með landslið
karla, kvenna, pilta og stúlkna sem
tóku þátt í Evrópumótunum og nú
ætlar hann að skoða þá sem til
greina koma sem fulltrúar Íslands á
Evrópumeistaramót einstaklinga
og Norurlandameistaramótið sem
fram fara í september.

ALLIR sterkustu kylfingar lands-
ins verða með í Eyjum, nema hvað
Herborg Arnarsdóttir úr GR ætlar
ekki að keppa. Hún eignaðist frum-
burð sinn fyrr í sumar og hefur því
ekki getað sinnt íþróttinni eins og
hún hefði viljað.
FÓLK
Fyrstu mínúturnar börðust liðinhart um tökin á miðjunni, KA-
menn ætluðu sér að ráða hrað-
anum og hafa und-
irtökin en þar sem
Víkingar voru mun
ákveðnari náðu þeir
undirtökunum. Það
skilaði þeim færum, að vísu ekki
mjög hættulegum en í fyrri hálf-
leik fengu heimamenn níu færi og
þrjár hornspyrnur en KA þrjú og
enga hornspyrnu. Það bar samt oft
á óþolinmæði í sóknarlotum Vík-
inga þegar þeir uppskáru ekkert
fyrir frammistöðuna og það nýttu
gestirnir sér til að komast inn í
leikinn þótt þeir næðu honum aldr-
ei á sitt vald. Víkingar urðu afar
ósáttir við annan aðstoðardómar-
ann þegar Stefán Örn Arnarson
var felldur við vítateigslínuna að
því kominn að sleppa í gegnum
vörn KA því eftir að dómarinn
hafði ráðfært sig við aðstoðardóm-
arann fékk KA-maðurinn Þorvald-
ur Sveinn Guðbjörnsson að líta
gula spjaldið – Víkingar vildu rautt
hið minnsta.
Strax eftir hlé reyndu gestirnir
aftur að hemja Víkinga en tókst
ekki, reyndar var lengi vel aftur
barátta á miðjunni en heimamenn
voru nógu gráðugir í sigur til að
berjast af krafti fyrir honum svo
að gestirnir þurftu að bíða langt
fram í hálfleikinn eftir sínu fyrsta
færi. Það örlaði síðan aftur á óþol-
inmæðinni hjá Víkingum og það
vantaði klókindi í sóknarleikinn því
Ronnie Hartvig og Slobodan Mil-
isic, varnarjaxlar KA, lásu sókn-
artilburði þeirra vel. Þó að KA-
mönnum gengi illa að skapa sér
góð færi lá hættan þó alltaf í loft-
inu því Hreinn Hringsson og
Steinar Tenden þurfa ekki mikið
til að skora enda máttu varnar-
menn Víkinga aldrei gleyma skyld-
um sínum. Á 80. mínútu, ekki langt
frá staðnum þar sem Þorvaldur
Sveinn slapp með gula spjaldið fyr-
ir hlé, kom síðan annar dómur,
sem hægt er að kalla strangan eða
vafasaman. Þá var Þorri Ólafsson,
fyrirliði Víkinga, að ná boltanum
og Hreinn fast við bakið á honum
þegar boltinn hrökk í hönd Þorra
svo úr varð vítaspyrna. Enn urðu
Víkingar æfir og sögðu greinilega
hafa verið ýtt við Þorra en eftir að
dómarinn hafði ráðfært sig við að-
stoðardómarann benti hann á víta-
punktinn. Pálmi tók vítið og skor-
aði af öryggi, Víkingar reyndu
síðan hvað þeir gátu að jafna áður
en yfir lauk en tókst ekki. Víkingar
geta verið ánægðir með flest í leik
sinna manna. Vörnin var traust og
Þorri, Sölvi Geir Ottesen og Stein-
þór Gíslason stóðu rækilega fyrir
sínu og tóku flestalla skallabolta. Á
miðjunni reyndi talsvert á Hauk
Úlfarsson, sem tókst oft vel upp en
varð stundum að gefa eftir.
Hjá KA voru Milisic og Hartvig
í aðalhlutverkum og skiluðu sínu
mjög vel. Reynslan kom sér ræki-
lega til góða hjá þeim og þótt þeim
tækist ekki að taka alla bolta sem
komu fyrir tókst þeim að lesa vel í
sóknarleik Víkinga og varna þeim
vegar á réttum tíma á réttum stöð-
um. Dean Martin var einnig dug-
legur og barðist fyrir hverjum
bolta. Sem fyrr segir voru Hreinn
og Steinar Tenden alltaf í við-
bragðsstöðu en höfðu ekki heppn-
ina með sér.
Víkingar fengu
færin en KA markið
ÞAÐ þarf ekki alltaf að gera vel til þess að vinna, sögðu spekingar að
norðan eftir leik Víkings og KA í Víkinni í gærkvöldi, þegar liðin tókust
á í 8 liða úrslitum karla. Orð að sönnu, því 1. deildarlið Víkinga var
mun meira með boltann, fékk fleiri færi og hornspyrnur en Pálmi
Pálmason skoraði sigurmark efstu-deildarliðs KA úr vítaspyrnu tíu
mínútum fyrir leikslok. Dómurinn var sannarlega umdeildur.
Stefán
Stefánsson
skrifar
Morgunblaðið/Sverrir
Slobodan Milisic var fastur fyrir í vörn KA. Hér reynir Daníel Hjaltason að komast framhjá honum.
„Mér fannst við betra liðið,“ sagði
Sigurður Jónsson, þjálfari Vík-
inga, eftir leikinn. „Við höfum
spilað vel í deildinni og ætluðum
að stöðva þessa hættulegu menn
hjá þeim en einbeita okkur síðan
að okkar spili, vera ekki að breyta
of miklu í okkar skipulagi. Mér
fannst það ganga eftir, við vorum
mjög þéttir svo KA-menn fengu
ekki mikið af færum. Það voru
síðan nokkrar vafasamar ákvarð-
anir teknar hjá yfirvöldum en ég
get ekkert sagt um það og það var
áfall að þeir skyldu fá gefins
mark.“ Víkingar eru í öðru sæti
deildarinnar þegar átta umferðir
eru eftir. „Það er grautfúlt að
vera ekki áfram í bikarnum. Við
settum markið á að standa í KA-
mönnum og reyna að vera meðal
þriggja úrvalsdeildarliða í úrslit-
um. Nú er þetta bikarævintýri bú-
ið og við fáum smáhvíld en höld-
um síðan okkar dampi. Það er
mikil barátta framundan í deild-
inni en við einbeitum okkur að
einum leik í einu því deildin er
jöfn og við verðum að hugsa um
okkur sjálfa. Við sjáum svo hvert
það skilar okkur.“
Ætluðum að róa leikinn
„Við lögðum upp með að byrja
af fullum krafti, hleypa Víkingum
ekki inn í leikinn og reyna að róa
leikinn niður en þeir voru seigir
við að rífa leikinn upp,“ sagði
Pálmi Pálmason, sem skoraði eina
mark leiksins. „Það gekk samt
sæmilega að halda leiknum niðri
en illa að ná upp spili og undirtök-
unum. Þeir voru mjög harðir,
spiluðu vel og það var mikil bar-
átta í þeim svo að við erum nokk-
uð sáttir við úrslitin.“ KA hefur
unnið tvo síðustu leiki sína í deild-
inni en Pálmi hélt sér á jörðinni.
„Sem betur fer höfum við komið
okkur ofar í deildinni en ég veit
ekki hvort það er uppsveifla hjá
okkur, það gengur vel eins og er.“
Vorum betra liðið
ELLERT Jón Björns-
son, sem hefur leikið
með Skagamönnum,
ákvað um helgina að
skipta um lið og er
genginn til liðs við
Val. „Ég geri þetta
allt í góðu gagnvart
ÍA, það var tekið vel
í þetta þegar ég
ræddi við for-
ráðamenn félagsins. Mér finnst ég ekki
hafa fengið nægilega mörg tækifæri
með Skaganum og ákvað því að skipta
um félag til að fá að spila meira,“ sagði
Ellert Jón í samtali við Morgunblaðið.
Ástæðan fyrir því að Valur varð fyr-
ir valinu hjá Ellerti Jóni er að hann
þekkir til hjá félaginu. „Ég þekki Þor-
lák þjálfara vel, hann þjálfaði mig í
öðrum flokki og þá urðum við meist-
arar, ég var valinn besti leikmaður
flokksins þannig að ég hef góða
reynslu af honum. Svo þekki ég auðvit-
að Óla Þór í markinu og Hálfdán,“
sagði Ellert Jón.
Hann sagðist vonast til að klæðast
Valsbúningnum strax á fimmtudaginn
þegar Valur fer til Eyja. Um fram-
haldið sagðist Ellert Jón ekki vita. „Ég
verð hjá Val í sumar og svo sé ég til,“
sagði hann.
Ellert Jón í
raðir Vals