Morgunblaðið - 22.07.2003, Qupperneq 1

STOFNAÐ 1913 196. TBL. 91. ÁRG. ÞRIÐJUDAGUR 22. JÚLÍ 2003 PRENTSMIÐJA ÁRVAKURS HF. mbl.is
Jafnt flæði
umferðar
Mislæg gatnamót með hring-
torgi á Reykjanesbraut | 16
Gömul lög fá nýtt líf í
nýjum búningi | Fólk 45
Hollt að spila
undir álagi
Gítarleikari vinnur til verðlauna
í alþjóðlegri keppni | Listir 22
Brúnaljósin og
Brúðarskórnir
ÁSTÞÓR Skúlason fór um helgina aftur heim til
sín á Melanes á Rauðasandi eftir fimm mánaða
endurhæfingu á Grensásdeild í Reykjavík. Hann
lamaðist fyrir neðan mitti þegar bíll hans fór
fram af háum fjallvegi í Bjarngötudal í febrúar
sl. Það varð honum til lífs að lenda á stórum
steinhnullungi svo höfuðið vísaði niður og blóðið
frá innvortis meiðslum rann upp úr honum.
Í samtali við Morgunblaðið segist Ástþór ætla
að reyna allt til að geta haldið áfram búskap. Það
séu forréttindi að geta lifað af því. Þó enginn ger-
ist bóndi til að verða ríkur þá séu þeir ríkir af svo
mörgu öðru en fjármagni.
Hann þarf að yfirstíga margar hindranir í
þessari viðleitni sinni; fjármagna breytingar á hí-
býlum og útihúsum, komast reglulega til læknis
og viðhalda líkamlegum styrk og síðast en ekki
síst halda viljanum og lífsþróttinum gangandi.
„Þar sem ég fór ekki í vetur þá vil ég meina að
mér sé eitthvað ætlað og ég eigi ýmsu ólokið,“
segir Ástþór og minnir á að hlutunum verði ekki
breytt úr því sem komið er. Það verði að gera það
besta úr því sem eftir er.
Í návist við stórbrotna náttúru og iðandi dýra-
líf fær hann líka lífsþróttinn. Á Rauðasandi ætlar
hann að vera þótt fjölskyldan verði að bregða
búi. Komi til þess verður hann að horfa á aðra
möguleika til tekjuöflunar. Hann getur hugsað
sér að auka við menntun sína með hjálp tölv-
unnar, stunda smíðar í járn og tré eða nýta sér
vaxandi ferðamannastraum. Að auki hefur hann
ánægju af því að teikna og mála.
„Ég hef margt að lifa fyrir þó ég sé lamaður.
Það þarf enginn að gefa upp alla von þó hann
lamist,“ segir Ástþór Skúlason.
Morgunblaðið/Björgvin
Ástþór Skúlason kominn
heim á Rauðasand
„Hef margt
að lifa fyrir“

Aðlögun/24
BRESKI dómarinn sem stjórnar rannsókn-
inni á dauða vopnasérfræðingsins dr. Davids
Kellys lýsti því yfir í gær að hann legði áherslu
á að hraða rannsókninni. Dómaranum, Hutton
lávarði, hefur verið falið að rannsaka sjálfsvíg
Kellys, sem sagður er hafa verið aðalheimild-
armaður breska ríkisútvarpsins, BBC, fyrir
umdeildri frétt þess efnis að bresk stjórnvöld
hefðu ýkt gögn um vopnaeign Íraka í þeim til-
gangi að réttlæta herförina til Íraks.
„Það er ætlun mín að hraða rannsókninni og
skila skýrslu um hana eins fljótt og auðið er.
Það er ennfremur ætlun mín að rannsóknin
verði að mestu gerð fyrir opnum tjöldum,“
sagði Hutton, en nefndi ekki hvenær rann-
sóknin myndi hefjast. Hann tók einnig fram,
að stjórnvöld hefðu farið fram á að rannsóknin
yrði gerð „án tafar“, og heitið fullri samvinnu.
Hutton sagðist sjálfur myndu ráða því
hversu víðtæk rannsóknin yrði, en þess hefur
verið krafist að hún nái einnig til meðferðar
stjórnvalda á leyniþjónustuupplýsingum í að-
draganda stríðsins. Þannig sagði Oliver Let-
win, þingmaður Íhaldsflokksins, að rannsókn
Huttons ætti að ná til þess, hvort stjórnvöld
hefðu ýkt ógnina er stafaði af vopnaeign
Íraka.
Tony Blair, forsætisráðherra Bretlands,
sagði í gær að hann myndi sjálfur veita upp-
lýsingar vegna rannsóknarinnar. Búist er við
að bæði embættismenn stjórnarinnar og
fulltrúar BBC verði yfirheyrðir. Rannsóknin
muni beinast að tveim lykilatriðum, þ.e., hvers
vegna nafn dr. Kellys var nefnt opinberlega og
hvað hann sagði er hann talaði við fréttamenn
BBC um vopnaeign Íraka.
Lík Kellys fannst skammt frá heimili hans í
síðustu viku, þrem dögum eftir að hann svar-
aði spurningum þingnefndar um fund sinn
með fréttamanni BBC. Hafa stjórnmálamenn
sakað BBC um að hafa farið rangt með þær
upplýsingar sem Kelly gaf á þeim fundi.
Rannsókn á dauða Davids
Kellys verður hraðað
London. AFP.

Breskir fjölmiðlar/14
Verður „að mestu
fyrir opnum tjöldum“
GÍFURLEG sprengikúlnahríð
dundi á Monróvíu, höfuðborg
Afríkuríkisins Líberíu, í gær og
varð rúmlega níutíu manns að
bana. Standa bardagar á milli
uppreisnarmanna og stjórnar-
hersins. Lentu kúlur á tveim
bandarískum sendiráðsbústöð-
um og í íbúðahverfum.
Grátandi fólk raðaði blóðug-
um og limlestum líkum fyrir ut-
an bandaríska sendiráðið og
krafðist svara við því hvers
vegna Bandaríkjastjórn hefði
ekki þegar sent herlið til að
binda enda á átökin sem staðið
hafa í landinu í rúman áratug.
Líbería var stofnuð af banda-
rískum þrælum sem hlotið höfðu
frelsi.
Rúmlega 360 manns særðust í
átökunum í gær, sem virðast
hafa verið þau hörðustu á einum
degi í þrem tilraunum uppreisn-
armanna á undanförnum tveim
mánuðum til að taka höfuðborg-
ina á sitt vald. Bandarískar her-
þyrlur lentu með landgönguliða
við sendiráðið til að vernda það
og flytja á brott nokkra erlenda
ríkisborgara.
Tilkynnt var í Washington að
4.500 sjó- og landgönguliðar til
viðbótar hefðu fengið fyrirskip-
anir um að koma sér fyrir í ná-
grenni Líberíu og vera reiðu-
búnir að halda inn í landið.
Leituðu skjóls í
bandaríska sendiráðinu
Líkin sem dregin voru að
bandaríska sendiráðinu voru af
óbreyttum borgurum sem leitað
höfðu skjóls í bandarískum
sendiráðsbústað sem varð fyrir
sprengikúlum.
Moses Smith, 32 ára Líberíu-
maður, sagði að þörf væri á
fleiri bandarískum hermönnum
en þeim sem væru að gæta
bandarískra eigna í borginni.
„Við þurfum á að halda her-
mönnum sem geta gefið okkur
tilfinningu fyrir því að friður sé
raunverulega innan seilingar,“
sagði Smith.
AP
Líkin sem safnað var saman fyrir framan bandaríska sendiráðið.
Rúmlega 90
féllu í Líberíu
Monróvíu. AP.
ROBERTSON lávarður, sem lætur af
störfum sem framkvæmdastjóri
NATO í lok ársins, kemur til Íslands í
kveðjuheimsókn á mánudag í næstu
viku.
Ekki liggur enn fyrir endanleg dag-
skrá heimsóknar Robertsons þar sem
í gær lá ekki ljóst fyrir hversu lengi
hann myndi dvelja á Íslandi. Líklegt
er að hann komi að morgni mánudags-
ins og haldi aftur af landi brott síðdeg-
is sama dag.
Þó liggur fyrir að Robertson mun
eiga viðræður við Davíð Oddsson for-
sætisráðherra og Halldór Ásgrímsson
utanríkisráð-
herra.
Á þeim fund-
um er gert ráð
fyrir að hann
ræði stöðu
bandalagsins
og hvernig
hann sjái fram-
tíð þess fyrir
sér. Sam-
kvæmt heim-
ildum Morgunblaðsins má búast við
að sú staða sem nú er uppi í varn-
armálum Íslands verði einnig rædd á
fundum ráðherra með Robertson lá-
varði.
Í frétt í bandaríska blaðinu The
Washington Post í gær kemur fram að
í höfuðstöðvum NATO í Brussel fylgj-
ast menn grannt með gangi viðræðna
Íslendinga og Bandaríkjanna um
framtíð varnarliðsins. Er haft eftir
heimildarmanni hjá NATO að Robert-
son hafi hringt til Washington eftir að
Bandaríkjamenn tilkynntu íslenskum
stjórnvöldum skömmu fyrir kosning-
ar að til stæði að flytja herþotur varn-
arliðsins frá Keflavík strax í júní. „Í
guðanna bænum, þetta er ekki rétti
tíminn til að gera svona lagað,“ er haft
eftir Robertson í símtalinu. Í kjölfarið
hafi verið ákveðið að fresta því að
kalla þoturnar heim frá Íslandi.
Robertson tilkynnti í ársbyrjun að
hann myndi láta af störfum í desem-
ber á þessu ári. Hann tók við starfi
framkvæmdastjóra Atlantshafs-
bandalagsins árið 1999 af Javier Sol-
ana en þar áður hafði hann gegnt
embætti varnarmálaráðherra Bret-
lands.
Ekki hefur enn verið tekin ákvörð-
un um hver verður eftirmaður Ro-
bertsons.
Framkvæmdastjóri NATO í kveðjuheimsókn til Íslands í næstu viku
George Robertson
Rætt um stöðu varnarmála Utanríkisráðherrar Evr-
ópusambandsins (ESB)
kváðust í gær hafa „síaukn-
ar áhyggjur“ af kjarnorku-
áætlun Írana og vöruðu
stjórnvöld í Teheran við því
að tengsl sambandsins og
Írans yrðu endurskoðuð ef
írönsk stjórnvöld veittu
kjarnorkueftirlitsstofnun
Sameinuðu þjóðanna (IA-
EA) ekki fyllstu samvinnu.
Í yfirlýsingu ráðherranna
er þess krafist að Íranar
leyfi eftirlit með kjarnorku-
vinnslustöðvum í landinu.
ESB aðvar-
ar Írana
Brussel. AFP.