Morgunblaðið - 22.07.2003, Blaðsíða 13

ERLENT
MORGUNBLAÐIÐ ÞRIÐJUDAGUR 22. JÚLÍ 2003 13
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Á FIMMTUDAGINNALLTAF Á MIÐVIKUDÖGUM
TRÚVERÐUGLEIKI George W.
Bush Bandaríkjaforseta sem og
bandarísku þjóðarinnar er í hættu
reynist leyniþjónustuupplýsingar
sem notaðar voru til að rökstyðja
Íraksstríðið ekki réttar. Þetta sögðu
öldungardeildarþingmennirnir Jay
Rockefeller, sem er demókrati, og
repúblikaninn Chuck Hagel í viðtali
við sjónvarpsstöðina CNN á sunnu-
dag. Báðir eiga þeir sæti í nefnd á
vegum öldungardeildarinnar sem í
samstarfi við bandarísku leyniþjón-
ustuna (CIA) og alríkislögregluna
(FBI) rannsakar nú þau gögn sem
rökstuðningurinn byggist á.
„Almenningur þarf að geta verið
fullviss um að þau gögn sem leyni-
þjónustan lét forsetanum í té... (og)
notuð voru til að rökstyðja þá
ákvörðun að fara inn í Írak séu trú-
verðug,“ sagði Hagel. „Auk þess er
jafn mikilvægt að heimsbyggðin
geti treyst orðum okkar.“ Hann
sagði jafnframt að rannsókn nefnd-
arinnar miðaði vel áfram.
Tilgangur rannsóknarinnar er
fyrst og fremst að komast að því
hvernig stóð á því að rangar upplýs-
ingar um meinta tilraun Íraka til að
kaupa úran af Afríkuríkinu Níger,
sem bandaríska leyniþjónustan seg-
ir að hafi upphaflega komið úr
rangri breskri skýrslu, slæddust inn
í stefnuræðu Bush í janúar sl.
„Það eru margar rannsóknir í
gangi og spurningin er hver tilgang-
ur þeirra er,“ sagði Rockefeller í
viðtali á Fox-sjónvarpsstöðinni í
fyrradag. „Tilgangur þeirra er að
komast að því hvort við höfum vís-
vitandi verið blekkt, það er hvort
einhver hefur skotið þessu inn.“
Rockefeller sagði enn fremur að
forsetinn gæti gert út um þessa
óvissu með því að greina frá því
hvort einhverjar upplýsingar hefðu
verið ýktar til að réttlæta stríð í
Írak. „Þetta snýst bara um hvort
þetta var rétt eða rangt,“ sagði
hann.
Segja trúverðugleika
Bush geta verið í hættu
Washington. AP.
NÍU manns týndu lífi í gær í einu
mesta umferðarslysi, sem orðið hef-
ur í Danmörku. Voru hinir látnu,
sjö vistmenn og tveir starfsmenn
elliheimilis skammt frá Silkeborg, á
ferð í litlum fólksflutningabíl er
þeir mættu vöruflutningabíl með
aftanívagni. Virðist sem hann hafi
slegist til á veginum og utan í fólks-
flutningabílinn, sem varð alelda á
samri stundu. Átti slysið sér stað í
Fjends skammt frá Viborg. Lö-
reglustjórinn þar í borg sagði í
gær, að líkin væru svo illa farin af
eldinum að ekki hefði verið unnt að
bera kennsl á þau og yrði hugs-
anlega að grípa til DNA-rann-
sóknar á þeim. Á myndinni eru
björgunarmenn að störfum á slys-
stað. Nordfoto
Níu manns
týndu lífi
í árekstri
SEX rússneskir hermenn féllu í skot-
bardaga við skæruliða tétsenskra að-
skilnaðarsinna í fjöllunum í suður-
hluta Tétsníu í gær. Þá greindu
talsmenn rússneska hersins einnig
frá því í gær, að tekizt hefði að af-
stýra sprengjutilræði í Grosní, höf-
uðborg sjálfsstjórnarlýðveldisins,
sem hefði getað kostað fjölda manns
lífið.
Hermennirnir sex féllu er um 30
skæruliðar gerðu aðfaranótt gær-
dagsins áhlaup á herflokk sem var á
eftirlitsferð nærri bænum Dyshne-
Vedeno í fjalllendi Suðaustur-Tétsn-
íu. Sex aðrir hermenn særðust í skot-
bardaganum, að sögn talsmanns
hersins.
Þá greindi talsmaðurinn, Ilja
Shabalkin, frá því að liðsmenn örygg-
issveita hefðu á sunnudag afrekað að
koma í veg fyrir sprengjutilræði við
stjórnsýslubyggingar þar í borg.
Sagði hann lögreglumenn hafa fundið
um 120 kg af öflugu sprengiefni í bíl
sem lagt hafði verið fyrir utan einn
innganginn að byggingunum. „Þessi
heimatilbúna sprengja var þannig úr
garði gerð að sjálfsmorðs-
tilræðismann hefði þurft til að
sprengja hana,“ sagði Shabalkin.
Á síðustu mánuðum hafa tvisvar
sinnum áður verið sprengdar
sprengjur við stjórnsýslubygging-
arnar, þar sem ráðuneyti hinnar
Moskvuhollu stjórnar Tétsníu eru
m.a. til húsa. Í þeim tilræðum fórust
alls 90 manns, a.m.k. sjálfsmorðs-
sprengjumenn þar á meðal. Skæru-
liðar aðskilnaðarsinna hafa drepið
alls um 200 manns í tilræðum í Tétsn-
íu og Moskvu frá því í desember.
Sex féllu í bar-
daga í Tétsníu
Moskvu. AFP.
IDI Amin, fyrrverandi forseti
Úganda, liggur nú helsjúkur á
sjúkrahúsi í Jeddah í Sádí-Arab-
íu. Fulltrúar sjúkrahússins
sögðu Amin, sem talinn er
standa á áttræðu, meðvitundar-
lausan og að heilsu hans hrakaði
jafnt og þétt.
Amin var lagður inn á sjúkra-
hús á föstudag vegna hás blóð-
þrýstings og hefur hann verið
meðvitundarlaus síðan. Hann
var forseti Úganda á árunum
1971 til 1979 og var fyrst vel
fagnað. Einræðistilburðir tóku
hins vegar að einkenna embætt-
isfærslu hans og er nú talið að
meira en tvö hundruð þúsund
Úgandamenn hafi verið pyntaðir
og drepnir á meðan hann var
forseti.
Ýmis mann-
réttindasam-
tök telja þó að
allt að hálf
milljón manna
hafi verið
myrt af út-
sendurum
Amins á með-
an hann réð
ríkjum í Úg-
anda. Var lík-
um fólks varpað í ána Níl þegar
ljóst varð að menn höfðu ekki
við að grafa fórnarlömb ofsókn-
aræðis Amins nægilega hratt í
jörðu.
Amin var hrakinn í útlegð
1979 og flúði þá fyrst til Líbýu
og síðan Íraks áður en honum
var veitt hæli í Sádí-Arabíu.
Idi Amin helsjúkur
Jeddah. AP.
Idi Amin