Morgunblaðið - 23.07.2003, Blaðsíða 4

4 B MIÐVIKUDAGUR 23. JÚLÍ 2003 MORGUNBLAÐIÐ
bílar
SUMIR töldu að dagar skutbílsins
væru senn taldir þegar fram á sjón-
arsviðið komu stórir hlaðbakar og
fjölnotabílar. Ennþá er samt mikill
markaður fyrir þessa bíla, sérstak-
lega meðal fjölskyldufólks sem þarf
mikið farangursrými til að stinga
inn barnavagninum og öðru tilheyr-
andi. Þetta skynja líka framleiðend-
urnir sem allflestir bjóða upp á
hefðbundnar skutbílsgerðir af fólks-
bílum sínum.
Honda setti á markað nýlega ger-
breyttan Accord sem er bíll í flokki
stórra millistærðarbíla. Skemmst er
að minnast að bíllinn hefur slegið í
gegn enda vel smíðaður og vand-
aður bíll með nýjustu tækni í vél-
búnaði og verðið er ólíkt hagstæð-
ara en oft hefur verið reyndin hjá
Honda. Nú er kominn á markað
Accord-skutbíll sem við prófuðum á
dögunum með 2,0 lítra vél og sjálf-
skiptingu í Comfort-útgáfu.
10 cm meira hjólhaf
Oft á tíðum hafa skutbílsgerðirn-
ar ekki þótt sérstaklega fallegar út-
lits. Yfirleitt fara framleiðendur þá
leið að hanna fyrst stall- eða hlað-
baksgerðirnar og síðan skutbílinn
út frá þeim. Honda fer hins vegar
allt aðra leið og hefur þróað alveg
nýjan Accord í skutbílsútgáfunni.
Hann er auðvitað lengri en stallbak-
urinn en auk þess með talsvert
meira hjólhafi sem bæði eykur inn-
anrýmið og bætir enn frekar akst-
urseiginleikana. Accord Tourer,
eins og skutbílsgerðin heitir, er, að
mati þess sem þetta skrifar, í hópi
laglegustu skutbíla á markaðnum.
Þar slæst hann í hóp með bílum
eins og Audi Avant og Alfa Romeo
Sportwagon. Það sem setur mestan
svip á bílinn eru fleygmyndaðar
hliðarrúðurnar sem gefa bílnum æði
sportlegt yfirbragð. Að framan er
hann með sterkan svip eins og stall-
bakurinn og eins og stöðugt fleiri
bílar í þessum flokki, eru stefnuljós
á neðanverðum hliðarspeglunum,
sem miðar jafnt að auknu öryggi og
er skemmtilegt stílbragð. Sama má
segja um vindkljúfinn ofan við aft-
urrúðuna.
Það er allt traustvekjandi við
þennan bíl. Hurðarhúnar eru sterk-
legir og úr málmi og hurðir falla að
stöfum með dempuðu hljóði. Com-
fort-útgáfan kemur á 15 tommu
stálfelgum en undir reynsluaksturs-
bílinn var búið að setja 15 tommu
álfelgur. Bíllinn er líka boðinn í
Sport-útfærslu og er þá á 16 tommu
álfelgum og að auki með skriðstilli
og leður á slitflötum í sætum.
Skriðstillir og spólvörn var líka
eiginlega það eina sem hægt var að
sakna úr bílnum því hann er að
öðru leyti vel búinn. Innbyggð
hljómtæki með geislaspilara og
stjórnrofum í stýrinu er staðalbún-
aður sem og sjálfvirk og tvívirk
miðstöð með loftkælingu. Þá er úti-
hitamælir í bílnum en þó engin
aksturstölva – sem oft nýtist þeim
ágætlega sem vilja fylgjast með
eyðslunni.
Sætin eru stinn og styðja vel við
líkamann og milli framsætanna er
geymsluhólf með færslu sem nýtist
vel sem armhvíla. Þrengra er í aft-
ursætum og virðist sem gengið hafi
verið á rýmið þar með hinu mikla
farangursrými. Eins og í öðrum
skutbílum er einfalt að fella fram
aftursætisbökin og breyta þá far-
angursrýminu úr 576 lítrum í 921
lítra. Accord Tourer er því í hópi
þeirra skutbíla sem hafa mest far-
angursrými í lítrum talið en jafn-
framt er lögunin á því slík að auð-
velt er að hlaða bílinn með stórum
og plássfrekum hlutum.
Með frískari 2ja lítra vélum
Accord er aðeins fáanlegur með
tvenns konar fjögurra strokka
bensínvélum. Sú minni er 2ja lítra
en sú stærri 2,4 lítrar. Bíllinn var
prófaður með minni vélinni sem
skilar að hámarki 155 hestöflum.
Við hana er tengd fimm þrepa sjálf-
skipting með handskiptivali. Þetta
er með frískari 2ja lítra vélum og
vandséð hvað venjulegur bílkaup-
andi hefur við aflmeiri vélina, 190
hestafla, að gera.
Accord Tourer státar af rómuð-
um aksturseiginleikum Honda.
Hann er nákvæmur og fremur létt-
ur í stýri og hefur mikið veggrip.
Hann sýnir líka sportlega takta
þegar honum er fleygt í beygjur á
þokkalegum hraða því hann leggur
sig lítið og undirstýrir ekki að ráði.
Þetta er því prýðisakstursbíll um
leið og hann þjónar þörfum sumra
fyrir mikla flutningsgetu.
Accord Tourer hefur flest það að
bjóða sem menn leita eftir í skutbíl
og margt umfram það. Þetta er
sportlegur bíll, vel einangraður með
skemmtilega vél og frábæra akst-
urseiginleika. Og þá hefur ekki ver-
ið minnst á einn stærsta kostinn
sem er verðið. Í Comfort-útgáfunni
kostar bíllinn 2.340.000 kr. og
2.440.000 kr. með sjálfskiptingu.
Þetta verður að teljast afar hag-
stætt verð fyrir svo stóran og vand-
aðan bíl og ef menn vilja aðeins
meiri búnað fá þeir sér Sport-út-
færslu á 2.640.000 kr. Honda vill
bera sig saman við þýsku gæðabíl-
ana, Audi og BMW en auðvitað
væri nær að benda á VW Passat,
Ford Mondeo og Renault Laguna.
Skemmst er frá því að segja að Acc-
ord er á lægra verði en keppinaut-
arnir og auk þess með aflmeiri vél.
Accord er með betri akstursbílum í sínum flokki.
Vel heppnaður Accord-skutbíll
Farangursrýmið er eitt hið mesta í þessum flokki bíla.
Morgunblaðið/Guðjón Guðmundsson
Accord Tourer er langur og með fleygmyndaðar hliðarrúður.
Nútímalegur og snotur að innan. gugu@mbl.is
Vél: Fjórir strokkar,
1.998 rúmsentimetrar,
tveir yfirliggjandi knast-
ásar, i-VTEC.
Afl: 155 hestöfl við
6.000 snúninga
á mínútu.
Tog: 190 Nm við 4.500
snúninga á mínútu.
Gírar: 5 þrepa sjálfskipt-
ing.
Hámarkshraði: 205 km/
klst.
Hröðun: 9,9 sekúndur úr
kyrrstöðu í 100 km.
Lengd: 4.750 mm.
Breidd: 1.760 mm.
Hæð: 1.470 mm.
Eigin þyngd: 1.475 kg.
Farangursrými: 576/
921 lítrar.
Hemlar: Diskar, kældir að
framan, ABS og EBD.
Eyðsla: 11 lítrar í blönd-
uðum akstri.
Verð: 2.440.000 kr.
Umboð: Bernhard ehf.
Honda Accord Tourer
Comfort 2,0
REYNSLUAKSTUR
Honda Accord Tourer
Guðjón Guðmundsson