Morgunblaðið - 23.07.2003, Blaðsíða 12

12 B MIÐVIKUDAGUR 23. JÚLÍ 2003 MORGUNBLAÐIÐ
bílar
Rall í Skagafirði
ÞRIÐJA umferð Íslandsmótsins í ralli verður
haldin í Skagafirði um helgina. Það er Bifreiða-
klúbbur Skagfjarðar sem heldur þessa keppni í
samvinnu við Shell Sport á Sauðárkróki, en
keppni hefst á hefðbundinn máta með öryggis-
skoðun keppnisbíla hjá Frumherja á Sauðárkróki
kl. 18:00 á föstudaginn. Ekið verður um Mæli-
fellsdal og um Nafir. Sérleiðin um Mælifellsdal er
25 km löng sem ekin verður fjórum sinnum
(tvisvar í hvora átt), en leiðin um Nafir er stutt,
einungis um tveir kílómetrar.
Veginum um Mælifellsdal verður þannig lokað
fyrir allri annarri umferð frá kl 9:50 til 14:40 á
laugardaginn kemur en áætlað er að fyrsti bíll
verði ræstur inn á fyrstu sérleið kl. 10:30. Sam-
tals eru eknir 195 km, þar af 102 km á sérleiðum.
Tímaáætlun er sem hér segir:
Ræsing frá Shell Sport 9:30.
Mælifellsdalur I 10:30.
Mælifellsdalur II 11:35.
Mælifellsdalur III 12:35.
Mælifellsdalur IV 13:35.
Nafir 16:00.
Endamark við Búnaðarbankann 17:00.
Verðlaunaafhending í Ólafshúsi 20:30.
Eftirfarandi áhafnir eru skráðar til keppni:
Rásnr. Ökumaður: Aðstoðarökumaður: Bif-
reið:
1. Rúnar Jónsson, Baldur Jónsson, Subaru
Legacy 2000 Turbo 4x4.
2. Sigurður B Guðmundsson, Ísak Guðjónsson,
MG Metro 6R4 3000 4x4.
3. Guðmundur Guðmundsson, Jón Bergsson,
Subaru Impresa.
4. Sighvatur Sigurðsson, Úlfar Eysteinsson,
Jeep Cherokee 4000 4x4.
5. Daníel Sigurðarson, Sunneva Lind Ólafs-
dóttir, Honda Civic V-Tec 1600.
6. Hlöðver Baldursson, Halldór Gunnar Jóns-
son, Toyota Corolla 1600.
7. Aðalsteinn Þröstur Jónsson, Kristófer Arn-
ar Einarsson, Toyota Hilux 2400 Turbo 4x4.
8. Hilmar B. Þráinsson, Fylkir A. Jónsson,
Toyota Corolla 1600.
9. Elvar S. Jónsson, Margrét Haraldsdóttir,
Honda Civic V-Tec 1600.
10. Jóhann Haraldsson, Hilmar Erlingsson, Trab-
ant 601.
Rallkeppnir í Skagafirði hafa ætíð haft ákveð-
inn ljóma yfir sér og má búast við hörkukeppni
þar á skemmtilegum leiðum. Menn sakna þó ef-
laust leiðarinnar um Þverárfjall en nýr vegur hef-
ur verið lagður þar, almennum vegfarendum til
góðs en rallunnendum til ama.
ÞAÐ er ekki á hverjum degi sem íslenskir
torfæruhjólamenn fá tækifæri á því að
sækja motocross-skóla með heimsþekktum
þjálfara. Martin Dygd var einn fremsti
motocross-ökumaður Svíþjóðar á árum áður
en hefur síðasta áratuginn einbeitt sér alfar-
ið að þjálfun. Í fyrra hélt hann tvö námskeið
á Íslandi og um síðustu helgi mætti hann á
klakann í annað sinn á þessu ári til að kenna
undirstöðuatriði motocross sem og sérhæfða
akstursleikni fyrir keppni.
Í fjórða skipti á Íslandi
Martin Dygd lætur vel af Íslandsferðum
sínum og hefur gaman af því að koma til
landsins. Námskeiðið um helgina var það
fjórða í röðinni og Martin er staðráðinn í að
koma aftur að ári. Margir nemar hans hafa
mætt á öll námskeiðin og Martin segist sjá
miklar framfarir hjá Íslendingunum milli
ára, enda blómstrar torfæruhjólasportið
sem aldrei fyrr.
Lyftistöng fyrir Ólafsfjörð
Martin kenndi grunnatriði motocross;
rétta stöðu á hjólinu, rétta tækni við beygj-
ur, hvernig á að svífa yfir stökkpalla og
fleira. Þátttakendur voru sammála um að
þessi grundvallaratriði væru atriði sem allir
þyrftu að æfa, sama hversu langt þeir eru
komnir í sportinu. Sportið er enn ungt á Ís-
landi og við eigum enn langt í land í heims-
meistarana. Kennslan fór fram í Ólafsfirði,
en heimamenn hafa með miklum myndar-
skap lagt glæsilega motocross-braut fyrir
utan bæinn. Brautin þykir mjög skemmtileg
og flykkjast ökumenn frá öllum landshorn-
um til Ólafsfjarðar til að keyra brautina.
Það er því óhætt að segja að brautin sé
lyftistöng fyrir bæjarlífið á Ólafsfirði enda
njóta íþróttaiðkendur sem og atvinnulíf
Ólafsfjarðar góðs af henni.
Motocross-skóli Martins Dygd
Ljósmynd/Jói Bærings
Finnur Aðalbjörnsson, eða Finni bóndi eins og hann heitir norðan heiða, í krappri beygju á námskeiðinu.
Martin Dygd við motocross-kennslu í Ólafsfirði.
Martin Dygd er heimsþekktur moto-
cross-þjálfari. Bjarni Bærings skellti
sér á skólabekk og tók þátt í fjórða
námskeiðinu sem haldið er hér á landi.
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Á FIMMTUDAGINNALLTAF Á MIÐVIKUDÖGUM