Morgunblaðið - 24.07.2003, Blaðsíða 16
HÖFUÐBORGARSVÆÐIÐ
16 FIMMTUDAGUR 24. JÚLÍ 2003 MORGUNBLAÐIÐ
ÞRJÁR stúlkur úr fimleikadeild
Gróttu eru þessa dagana að und-
irbúa sig fyrir þátttöku á erlendum
mótum í sumar. Sif Pálsdóttir, sem
er Íslandsmeistari í áhaldafim-
leikum, mun taka þátt í heimsmeist-
aramótinu sem haldið verður í
Anaheim í Kaliforníu í ágúst en þær
Hera Jóhannesdóttir og Harpa Snæ-
dís Hauksdóttir eru á leið til Parísar
þar sem Ólympíuleikar æskunnar
verða haldnir í lok mánaðarins.
Hlakka til að spreyta sig
Stelpurnar hafa æft stíft að und-
anförnu og segjast hlakka til þess að
fá að spreyta sig. „Í vetur æfðum við
fimm til sex sinnum í viku, þrjá tíma
í senn en í sumar jukust æfingarnar
um helming. Við æfum núna tvisvar
á dag og fáum einn dag í frí,“ segir
Sif. Það eru þó engin þreytumerki
að sjá á þeim, enda eru þær hreystin
uppmáluð og segjast alltaf hafa jafn
gaman af þessu. „Þetta er mjög
skemmtilegt. Auðvitað tekur þetta
tíma en maður fær svo mikið út úr
þessu í staðinn,“ segir Hera. Hún
lætur ekki nægja að æfa fimleika
sex daga vikunnar heldur spilar hún
einnig á fiðlu. Hún segir að það
gangi vel að samhæfa þetta, til þess
þurfi bara skipulag.
Stelpurnar hafa allar æft fimleika
í mörg ár. Þær segja að einbeitingin
sé lykillinn að góðum árangri. „Svo
er mikilvægt að passa svefninn og
mataræðið og það skiptir líka máli
að vera jákvæður og brosa,“ segir
Harpa.
Stuðningur frá Seltjarnarnesbæ
Fimleikadeild Gróttu hefur náð
miklum árangri að undanförnu. Í
vetur varð félagið meðal annars bik-
armeistari í áhaldafimleikum í
fyrsta skipti. Sif varð auk þess Ís-
landsmeistari fjórða árið í röð,
Harpa varð þar í 2. sæti og Hera í 6.
sæti. Auk þess hlutu Sif og Harpa
meistaratitla á unglingamóti og
eldri flokkamóti í vor. Guðrún B.
Vilhjálmsdóttir, stjórnarmaður í
fimleikadeildinni og móðir Hörpu,
þakkar þennan góða árangur meðal
annars stuðningi bæjarfélagsins.
„Seltjarnarnesbær hefur í gegn-
um árin stutt vel við bakið á íþrótta-
félaginu. Það er ekki nóg að skapa
góða aðstöðu heldur þarf að styðja
félögin fjárhagslega þannig að
stjórnarfólk hafi svigrúm til þess að
sinna uppbyggilegu starfi. Við telj-
um okkur hafa fengið það. Eins
skiptir máli að skólinn hér hefur
verið einsetinn og íþróttastarf hefur
byrjað strax eftir skóla. Þetta gerir
foreldrum og iðkendum kleift að
sameina skóla og íþróttir,“ segir
Guðrún.
Hún nefnir einnig að þjálfarar fé-
lagsins séu allir fyrsta flokks og gott
starf fari fram í félaginu.
Fimleikar hafa verið í mikilli sókn
að undanförnu og eru nú í 5. sæti yf-
ir þátttakendafjölda í íþróttagrein-
um. Guðrún segir að fimleikar eigi
að geta hentað öllum krökkum.
„Það skiptir mestu máli hvað hver
og einn vill leggja á sig þótt hæfi-
leikar einstaklingsins skipti auðvit-
að líka máli. Það þarf aga og skipu-
lag til þess að ná góðum árangri og
þegar fram í sækir er þolinmæði
nauðsynleg því það getur tekið lang-
an tíma að ná framförum. Það er
líka mikilvægt að þessir krakkar fái
hvatningu heiman frá. Það fer mikill
tími í æfingar hjá þeim og oft þarf
fjölskyldan að aðlaga sig að því,“
segir hún.
Hópfimleikar vaxandi
Hún segir að hópfimleikar hafi
farið mjög vaxandi hér á landi en
þar er lögð áhersla á gólfæfingar,
trambólín og dans. „Stúlkurnar
keppa í hópi og samhæfing skiptir
miklu máli. Æfingar eru ekki eins
miklar og í áhaldafimleikum og því
hentar þetta fleirum. Auk þess er
þetta íþrótt sem fólk getur stundað
nánast alla ævi.“ Að sögn Guðrúnar
eru 14 stúlkur frá Gróttu nú staddar
í Portúgal þar sem þær taka þátt í
stórri hópfimleika sýningarhátíð
sem nefnist Gymnastrata. Íslenskir
þátttakendur á hátíðinni eru hátt í
tvö hundruð.
Guðrún segir fimleika ekki síður
vera fyrir stráka þótt stelpur séu
enn í meirihluta. „Við höfum verið
með yngri stráka hér, frá 6 og upp í
10 ára, en höfum ekki enn lagt út í
það að vera með afrekshópa fyrir
drengi. Við finnum þó fyrir heil-
miklum áhuga hjá strákum. Fim-
leikar eru auk þess góð undirstaða
fyrir aðrar íþróttir. Þeir geta meðal
annars verið fyrirbyggjandi fyrir
fótboltastráka, sem verða oft stirðir,
enda mikið um teygjur í fimleik-
unum. Við höfum meira að segja
verið með sérstaka fótboltahópa
hér,“ segir Guðrún.
Fimleikastúlkurnar sýndu listir sínar í fjörunni við Gróttu en áður fyrr
voru fimleikar oft stundaðir í fjörum.
Morgunblaðið/Árni Torfason
Harpa Snædís Hauksdóttir gerir æfingar á slánni.
Harpa, Sif og Hera hafa allar æft fimleika í mörg ár.
Einbeiting skiptir mestu máli
Seltjarnarnes
Fimleikastúlkur æfa fyrir stórmót í Kaliforníu og París