Morgunblaðið - 25.07.2003, Blaðsíða 2

DAGLEGT LÍF
2 B FÖSTUDAGUR 25. JÚLÍ 2003 MORGUNBLAÐIÐ
G
UÐBJÖRG Huldís
Kristinsdóttir lærði til
verka í förðun hér á
landi fyrir sex árum.
Síðan hefur sitthvað
drifið á hennar daga, nú er hún komin
heim með förðunarmeistarapróf upp
á vasann frá London College of Fash-
ion og talsverða starfsreynslu úr
heimi tísku og kvikmynda. Nú síðast
starfaði hún við þjálfun starfsfólks
hjá snyrtivörufyrirtækinu Molton
Brown þar sem ráðgjöf fléttaðist inn í
förðunina. Hún virðist hafa fundið sig
vel í kennslunni, því hún er nú tekin
til starfa hjá Förðunarskóla Make Up
For Ever og er þar svonefndur leið-
andi.
„Að vera leiðandi felur í sér að sjá
um förðunarnámið, hanna námskeið-
in og vera aðalkennari,“ útskýrir
Guðbjörg Huldís, en auk hennar
sinnir eigandi skólans, Björg Snjólfs-
dóttir, fastri kennslu. Þá njóta þær
liðsinnis ýmissa gestakennara og
hefst næsta námskeiðslota í septem-
ber.
Allir hafa eitthvað fram að færa
En var ekkert erfitt að ákveða að
flytja heim, eftir að hafa verið í hring-
iðu tískunnar í Lundúnum, allt frá
myndatöku með knattspyrnukappan-
um Rio Ferdinand til stunda með
Kate Moss baksviðs á tískusýningu?
„Nei, veistu, ég vann í London í tvö
ár og það var frábær reynsla en um
leið mikið puð. Ég var orðin alveg til í
að skipta um stað. Og ég ákvað að
þegar ég kæmi heim skyldi ég gera
eitthvað sjálf og hafa það skemmti-
legt,“ svarar Guðbjörg að bragði.
Að hennar sögn er förðunarnám
hér á landi í ágætum farvegi, en samt
hafi sér þótt eitthvað vanta þegar hún
var á skólabekknum. „Það sem oft vill
gleymast er hugmyndafræðin á bak
við vinnuna. Förðun snýst ekki bara
um að farða, lita andlit, heldur verður
maður að hafa einhverja sýn. Þetta á
ekki síst við í tískuförðuninni. Ég lít
þannig á að förðunarnám eigi að
kenna nemendum skapandi hugsun
og búa til heilsteypt útlit sem miðlar
hugmyndinni.“
Þetta og fleira hyggst hún leggja
áherslu á við mótun námskeiðanna,
en þar er m.a. farið yfir náttúrulega
förðun, kvöldförðun, útlit fyrir tísku-
sýningar, grunnatriði í hárgreiðslu,
sögu fatatísku á 20.öld o.fl. „Svo læt
ég þær gera „forsíðu“ í anda tímarits-
ins Vogue, en þá eiga þær að stílísera
tískumyndatöku og sjá sjálfar um föt
og hárgreiðslu. Í slíkum tökum er
mikilvægt að huga að smáatriðum því
allt sem sést innan rammans er hluti
af verkinu.“ Guðbjörg leggur áherslu
á að nemendur sýni þar ákveðinn
frumleika og reyni ekki endilega að
höfða til smekks kennarans. „Það
hafa nefnilega allir eitthvað fram að
færa og ég hef að leiðarljósi að rækta
það sem hver og einn gerir best – að
hlúa að einstaklingnum.“
Í lokin taka nemendur tvö próf og
skila að auki vinnubókum. Þá þurfa
þeir að skila ákveðnu hugmynda-
spjaldi með hverju verkefni. „Þetta
er svona spjald sem sýnir myndrænt
hvað þú ert að hugsa og hvað þú ætl-
ar að gera,“ segir Guðbjörg og kveð-
ur svipa til klippimynda í listnámi þar
sem litir, áhrif, fyrirmyndir, dæmi og
efnisáferð eru kynnt til sögunnar.
Heitir þetta „mood-board“ á fagmál-
inu, eða stemmningskort.
„Svo læra þær líkamsmálun, en
þar leggjum við áherslu á tískuhliðina
fremur en leikhúsið. Líkamsmálun er
stundum notuð í tískumyndatökum,
nýleg dæmi eru auglýsingar frá John
Galliano.“
Líkamsmálun er tímafrek og getur
verið flókin. Að mála heilan líkama
tekur að sögn Guðbjargar um átta
klukkustundir. „Þetta er kannski
ekki mjög praktískt,“ segir hún og
hlær, „en þetta kennir ákveðna tækni
og nemendurnir fá tilfinningu fyrir
litunum og gerð þeirra, hvernig þeir
festast. Við erum líka með rosalega
góðan kennara í líkamsmálningunni,
margfaldan Íslandsmeistara.“
Lært að túlka tískutímarit
Sem fyrr segir er hugsunin að baki
ekki síður mikilvæg en sjálft hand-
verkið. Til þess að þjálfa augað og
auka skilning á myndmiðlun, kennir
Guðbjörg nemendum sínum „að lesa
tískutímarit“.
„Það er mikill fjársjóður í heilu ár-
göngunum af blöðum eins og Vogue.
Sumum finnst það leiðinlegt blað, því
lesefnið sé af skornum skammti, en
þá gleyma þeir að myndefnið geymir
svo margt. Það er lærdómsríkt fyrir
þá sem starfa í tískuheimi að lesa og
túlka myndirnar, íhuga markhópinn,
sérstöðu blaðsins og fleira. Öll þessi
atriði þurfa þeir sjálfir að hafa á
hreinu þegar kemur að því að stilla
upp fyrir myndatöku, ákvarða lýs-
ingu, andrúmsloft og sjónarhorn.“
Auk þessarar kunnáttu þarf góður
förðunarfræðingur að rekast vel í
hópi og búa yfir aðlögunarhæfni.
„Vera fljótur að skynja hvað er í
gangi og geta unnið í teymi. Hraði
skiptir líka máli,“ segir Guðbjörg
Huldís. Hún kveðst styðjast við sama
einkunnakerfi og í London College of
Fashion, þar sem gefin er einkunn
fyrir einstaka liði. „Og þröskuldurinn
er hár, ég útskrifa ekki einstakling
nema hann sé tilbúinn.“
En hvaða vinnu geta svo förðunar-
fræðingar búist við að fá?
„Vinnan er alveg undir þeim sjálf-
um komin. Sumir fá vinnu í leikhúsi,
hjá snyrtivörufyrirtækjum, fjölmiðl-
um, sem sjálfstæðir stílistar og svo
framvegis. Ég reyni að brýna fyrir
stelpunum að þær þurfa að laga sig
að þeim störfum sem heilla þær.
Hvað þarf ég að þróa hjá mér til þess
að komast að í þessum geira eða hin-
um? Því þurfa þær að svara, og um
leið læra þær að gera sér grein fyrir
sínum hæfileikum og takmörkunum.“
Talið berst að smæð landsins, sem
halda mætti að takmarkaði atvinnu-
möguleika. Guðbjörg Huldís er samt
bjartsýn.
„Á Íslandi er ofsalega mikil gróska
á mörgum sviðum. Við erum fljót að
tileinka okkur tískustrauma, opin
fyrir hvers kyns nýjungum og spenn-
andi hlutir eru að gerast, til dæmis í
tónlist. Þá er heilmikið um að fólk
komi hingað frá útlöndum til þess að
taka myndir fyrir auglýsingar og
tímarit. Einn möguleikinn er einfald-
lega að koma sér í vinnu hjá þeim.“
Ung kona, nýkomin heim frá námi og
vinnu á sviði förðunar í Lund-
únum, hefur ákveðið að ein-
beita sér að kennslu hér á
landi. Hún segir Sigurbjörgu
Þrastardóttur frá hugmynda-
fræðinni, puðinu og rann-
sóknum sínum á dauðanum.
Uppdráttur að förðun í anda 3. ára-
tugarins og polaroid-myndir í stíl.
Guð-
björg
Huldís
safnar
hug-
myndum í
skissubækur
sem fylgja
henni hvert
sem er.
Morgunblaðið/Sverrir
„Ég ákvað að gera eitthvað sjálf og hafa það skemmtilegt,“ segir Guðbjörg
Huldís Kristinsdóttir um heimkomuna.
Skilaboð
skína úr andlitum
TENGLAR
.....................................................
www.makeupforever.is
Kringlunni, sími 588 1680.
Seltjarnanesi, sími 5611680.
iðunn
tískuverslun
ÚTSALA
ÚTSALA
ENN MEIRI VERÐLÆKKUN
50% AFSLÁTTUR
AF ÖLLUM VÖRUM
LOKAVERKEFNI Guð-bjargar Huldísar fráLondon College of Fash-
ion snerist um ásýnd dauðans og
hvernig við tökumst á við þær
eða reynum að eyða þeim. Fyrir
verkefnið fékk hún hæstu ein-
kunn, sem einungis var veitt
fimm nemendum af eitt hundrað
manna hópi.
„Ég hef alltaf verið óútskýr-
anlega heilluð af því sem tengist
dauðanum, næstum að það nálg-
ist þráhyggju,“ segir Guðbjörg
og getur ekki að sér gert að
brosa. „Þegar ég hafði ákveðið
þetta þema fór ég strax að lesa
mér til um lífeðlisfræði rotnunar,
greftrunarsiði og þess háttar.
Þetta var tveggja mánaða undir-
búningur og eiginlega má segja
að ég hafi lifað og hrærst í dauð-
anum á meðan. Útgangsspurn-
ingarnar voru tvær: Hvað gerist
þegar við deyjum? og Hvernig
reynir nútíminn að vinna gegn
dauðanum? Það er meðal annars
gert með frystingu en víða um
heim, sér í lagi í Bandaríkjunum,
er til fólk sem lætur frysta lík-
ama sinn eftir sinn dag – jafnvel
aðeins höfuðið.
Ég var svo heppin að fara til
New York á undirbúningstím-
anum og komst á bókasöfn þar
sem ég gat sinnt heimildavinnu.
Ég gerði líka tilraunir, frysti til
dæmis sviðakjamma og læsti
Barbie-dúkkur inni í klaka og
tók af þessu myndir. Það var
kannski til þess að létta and-
rúmsloftið, gera þetta svolítið
fyndið.
Svo fann ég ljósmyndara í
Bandaríkjunum sem tekur mynd-
ir af dánu fólki. Mér fannst það
fallegt því fólk er annars alltaf
að reyna að fela dauðann, loka
hann inni á stofnunum og
gleyma honum.“
Verkefnið sjálft er sett upp
eins og tölublað í hinni virtu
tískuritröð Visionare í New
York, og felst m.a. í myndaseríu.
Annars vegar af stúlku sem ligg-
ur við opna gröf og engu er lík-
ara en rotnun sé hafin. Hins veg-
ar eru myndir af sömu stúlku í
frystiklefa, en Guðbjörg útfærði
að sjálfsögðu förðun, hár, flíkur
og annað – tók jafnvel gröfina
sjálf ásamt Spessa ljósmyndara.
„Inn í förðunina blanda ég svo
fegrandi förðun, eða„beauty
make-up“, þannig að þetta er
ekki bara óhugnaður.“
Í þremur myndabókum er hug-
myndafræðin og heimildavinnan
rakin. „Svo þarf maður að verja
verkefnið frammi fyrir dóm-
nefnd. Og því meira sem maður
þarf að útskýra, því lægri ein-
kunn gefa þeir – því verkið á að
skýra sig sjálft. Þetta snýst jú
um að koma hugsun sinni mynd-
rænt til skila,“ segir Guðbjörg,
sem fékk fullt hús stiga fyrir
sína orðfáu vörn.
Fegurð í gröf og frysti
Með förðun má búa til náfölt and-
lit. Tækni og ástæðum er lýst í
handskrifuðum texta.