Morgunblaðið - 25.07.2003, Blaðsíða 4
DAGLEGT LÍF
4 B FÖSTUDAGUR 25. JÚLÍ 2003 MORGUNBLAÐIÐ
B-Complex
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
Öflugur og
öruggur
FRÁ
EÐLISLÆG gleði og æskufjör gerir
það að verkum að þær sjást sjaldan
ganga. Þær hlaupa við fót, fullar af
fjöri og lífskrafti, helst berfættar og
með rok í hárinu. Frænkurnar Mar-
grét Björg Hallgrímsdóttir og Linda
Rós Ragnarsdóttir taka á móti okk-
ur í túnjaðrinum á Miðhúsum í Bisk-
upstungum sem er heimili Mar-
grétar eða Möggu eins og hún er
oftast kölluð. Þær eru með hundinn
Spak í bandi en
hann hafði gerst
óspakur, neitað að
hlýða og strokið að
heiman á sjálfan
þjóðhátíðardaginn.
„Hann vill að við
séum alltaf að
klappa honum en
hann heldur að
pabbi hennar
Möggu sé djöfull-
inn,“ segir Linda
Rós og Magga út-
skýrir nánar:
„Hann hitti pabba í
fyrsta skipti þegar
hann var að slátra
kvígu.“
Jú, víst er dauð-
inn eðlilegur part-
ur af lífinu í sveit-
inni og börnin
æðrulaus. „Pabbi
þurfti að drepa
hrútinn minn hann Salómon svarta
því hann stangaði afa í magann. En
hann var voðalega góður á bragðið,“
segir Magga og minnist hangikjöts á
jólum.
Kunna að taka á móti gestum
Á Miðhúsum er tvíbýlt, Sighvatur
Arnórsson afi Möggu er sá sem held-
ur skepnurnar og býr í gamla bæn-
um. Þar hefur hann sér til halds og
trausts þýsku vinnukonuna Katrinu
Wuhrow sem sér um að elda matinn,
mjólka kýrnar og stinga út úr hest-
húsi og fjárhúsi. Sextán ára afa-
strákur og nafni, Sighvatur Örn, býr
einnig á gamla bænum yfir sumarið
og hjálpar til við heyskap og önnur
sveitastörf. Hann er búsettur á Sel-
fossi en segist engan áhuga hafa á að
vera þar á sumrin í unglingavinnu.
Geirþrúður Sighvatsdóttir og Hall-
grímur Guðfinnsson búa í nýja bæn-
um, ásamt börnum sínum Möggu og
Ægi. Geirþrúður er lyfjafræðingur
og er í fullu starfi
sem forstöðumaður
útibús Árnesapóteks
í Laugarási. Hall-
grímur er vélstjóri
og var úti á sjó vest-
ur á fjörðum ásamt
syni sínum Ægi þeg-
ar okkur bar að
garði.
En þær frænkur
Magga og Linda Rós
eru fullfærar um að
taka á móti gestum
þó ævi þeirra spanni
ekki nema áratug.
Þær eru kotrosknar
og það kjaftar á
þeim hver tuska.
Þær bjóða okkur inn
í bæ, leggja glös og
diska á borð og
flagga stoltar salati
sem þær bjuggu til
sjálfar eftir eigin
uppskrift: Þeyttur rjómi, súkkulaði-
bitar, kál og gulrætur. Hlaupa milli
mjólkursopa að píanói og spila lag-
stúf. „Og veistu bara hvað, hún
Surtla sem ég gaf henni Lindu, hún
strauk upp á fjall,“ segir Magga og
Linda Rós bætir við að strokukindin
Surtla verði sko skömmuð í haust.
Syngja fyrsta sópran í kór
Hestarnir sem við heimsækjum í
haganum eru greinilega vanir fé-
lagsskap stelpnanna. „Minn æðsti
draumur er að eignast hest,“ segir
Linda Rós með tilfinningaþunga.
„Og hann á helst að vera skjóttur
eða snæhvítur.“ Þegar Linda Rós
dvelur á Miðhúsum hjá frænku sinni
finnst henni skemmtilegast að kom-
ast á hestbak, en sjálf býr hún í
Laugarási í sömu sveit þar sem for-
eldrar hennar eru rósabændur og
stundum kemur Magga til hennar og
hjálpar til við rósirnar.
Þurrkurinn er brakandi og hey-
skapur í fullum gangi á túni sem við
hlaupum yfir til að komast niður að
Andalæk að kæla hundinn í hitanum.
Stelpurnar rífa sig úr skóm og sokk-
um og sulla sælar í svalanum.
Þeim frænkum er margt til lista
lagt, Magga æfir fimleika en Linda
Rós badminton og þær eru í Barna-
og kammerkór Biksupstungna.
Syngja báðar fyrsta sópran, hvað
annað!
Svo hlaupa þær fyrirvaralaust að
gömlum haug sem er þakinn arfa,
fleygja sér þar niður, hrópa „nammi,
nammi“ og rífa í sig safaríkan arfa.
Skammt frá læðist kötturinn og
músaveiðiklóin Trínitatus Túliníus.
Einmitt svona eru þeir þessir sætu
og löngu sumardagar.
Sjóðheitur
dagur í
sveitinni
Sumarið í sveitinni er sælutími. Gróður, dýr
og menn í sínu besta formi. Kristín Heiða
Kristinsdóttir og Jim Smart skottuðust með
tveimur sveitastelpum um tún og læki og
fóru í fjósið á einum heitasta degi sumarsins.
HOPPAÐ YFIR MÚGA: Í vélvæddum heyskapnum finnur ungviðið ýmsa möguleika til að sprella. Sveitastelpur kenna bor
ilmandi garða úr slegnu grasi.
KÚAREKSTUR: Mjaltatími framundan og Magga komin í fjósagallann. Frænkurnar hjálpa Sighvati afa við að reka kýr og ká
SAMVINNA: Magga réttir Lindu Rós frænku sinni hjálparhönd við að komast upp á heyrúllu. Í heyskapnum hlaðast rúllurn
GÆGST ÚT UM GÆTTINA:
„Hæ hrússi“, kallar Linda Rós
á hlaupum þegar hún kemur
auga á hrút í dyragætt forsælu
hesthússins.
khk@mbl.is