Morgunblaðið - 25.07.2003, Blaðsíða 7
krakkar enda húfur mjög mikið.
Fyrir fjórum árum fórum við svo
út í fullorðinshúfur, það var alveg
ný lína og úr öðrum efnum. Þá
byrjuðum við með þæfða ull sem við
notum einmitt mikið í flíkurnar.“
Húfurnar, ásamt tilheyrandi vett-
lingum og treflum, eru framleiddar á
vinnustofunni við Laugaveginn og
hingað til hafa systurnar prjónað
þær sjálfar. „Svo erum við með
prjónakonur á okkar snærum sem
prjóna heima hjá sér. Handavinnan
er einnig unnin í heimahúsum, við
erum með góðar konur sem sækja til
okkar húfurnar, hekla og sauma í
þær anga og perlur, og skila þeim
svo á fyrirfram ákveðnum tíma til
baka. Þetta er mjög heimilislegt
og kemur öllum vel, þær ráða hvað
þær vinna mikið og við vitum alltaf
hvað von er á mörgum húfum til
baka í hverri viku.“
Og umfang framleiðslunnar er
orðið töluvert. Hönnu telst til að um
10 þúsund húfur hafi verið fram-
leiddar árlega að undanförnu. „Þetta
hefur farið stigvaxandi
og er komið upp í þetta
núna. Þá erum við að
tala um söluna bæði í
okkar búð og ferða-
mannaverslunum. Við
seljum mikið til útlendinga og
stefnum einmitt á útflutning á næst-
unni.“
Úflutningurinn hefur verið í und-
irbúningi um hríð. Hanna hefur, síð-
an húfuævintýrið hófst, stundað nám
í alþjóðamarkaðsfræði við Tæknihá-
skólann, auk þess að sitja tveggja
ára námskeið Iðntæknistofnunar
sem kallaðist Brautargengi. „Ég
ákvað að mennta mig í markaðshlið-
inni því það er ekki nóg að kunna að
framleiða vöru. Það þarf að hafa
þekkingu til þess að koma henni á
framfæri og það er dýrt að kaupa
slíka þekkingu,“ segir
Hanna. Alþjóðamarkaðs-
fræðin tók þrjú ár og á
meðan sá Elín Jónína að
mestu um rekstur búðar-
innar. „Hönnuninni sinn-
um við svo í algjöru samstarfi, það
gengur mjög vel því við erum sam-
hentar og um leið góðar vinkonur.“
Nú eru þær systur að svipast um
eftir hentugri verksmiðju erlendis til
framleiðslu vegna fyrirhugaðs
útflutnings, en þær telja mikilvægt
að lækka framleiðslukostnaðinn til
þess að útrásin megi verða að veru-
leika. Og fyrirheitna landið er Nor-
egur.
„Ástæðan er sú að Norðmenn eru
mjög líkir Íslendingum, hafa svip-
aða menningu og áhugamál, svo sem
útivist, og þar er kalt eins og hér.
Við höfum líka fundið fyrir hrifn-
ingu hjá norskum viðskiptavinum
sem hafa mikið keypt hjá okkur í
búðinni í gegnum árin. Þannig að við
ætlum að byrja þar,“ segir Hanna
og bætir við að viðskiptaáætlun sé í
farvegi og markaðssetning um það
bil að hefjast.
Húfur sem hlæja hafa sýnt fram-
leiðslu sína á sölumessum í Kaup-
mannahöfn og Köln, en um liðna
helgi tóku þær „í fyrsta sinn þátt í
alvöru tískusýningu“, eins og Hanna
kemst að orði. Var það undir berum
himni á Þingvöllum í Íslensku tísku-
vikunni (Iceland Fashion Week) þar
sem hin nýja fatalína systranna var
frumsýnd ásamt verkum hönnuða
frá tíu löndum. „Þetta var mjög flott
tískusýning og gaman að taka þátt í
henni. Við fengum þarna mikla at-
hygli, bæði frá ljósmyndurum,
áhorfendum og erlendu hönnuðun-
um. Það þótti sérstakt að vera með
„sexí“ föt úr ull – flegnar peysur og
stutta kjóla – en ímynd íslensks ull-
arfatnaðar hefur kannski ekki alltaf
verið beinlínis þannig.“
Hanna lýsir hönnun þeirra systra
nánar með þeim orðum að hug-
myndirnar séu gjarnan sóttar í æv-
intýraheima. „Við höfum báðar
gaman af ævintýrum, gömlum þjóð-
sögum og álfa- og tröllaveröldinni.
Einn kjóllinn okkar er til dæmis
eins og brúðarkjóll snjódrottning-
ar… við eigum auðvelt með að detta
inn í þannig drauma,“ segir Hanna
brosandi og viðurkennir að hún hafi
enn gaman af því að horfa á barna-
teiknimyndir. „Ég held að það sé
„barnið í okkur“ sem kemur fram í
húfunum og þess vegna höfði þær til
svo margra, bæði krakka og fullorð-
inna.
En fyrst og fremst er þetta mikil
vinna hjá okkur, skemmtileg vinna,
og það er svaka mikið að gerast.“
Morgunblaðið/Jim Smart
Handverkið
unnið í
heimahúsum
sith@mbl.is
menntunar í Írak. „Ég hlusta oft á
BBC á þessum tíma, fyrst fréttir,
svo fréttaskýringar. Þá tek ég aðal-
fréttatíma Ríkisútvarpsins klukkan
sex, stilli svo á Bylgjuna hálfsjö og
er oftast kominn tímanlega heim í
sjöfréttirnar á Ríkissjónvarpinu,“
sagði Markús Örn. „Ég er yfirleitt
einn á þessum göngum í félagsskap
útvarpsins. Annars slekk ég líka oft
og nota tímann til þess að hugsa
með sjálfum mér um ýmisleg mál-
efni.“
Eftir stígnum kom þá aðvífandi
ung stúlka á línuskautum, Dagmar
Una Ólafsdóttir, nemi. „Ég er að
hlusta á tónlist sem ég sótti á Netið
og setti í MP3-spilarann minn.
Þetta er blanda af því nýjasta, til
dæmis Jennifer Lopez, Beyonce
Knowles og Kylie Minogue.“ Í ljós
kom að MP3-spilarann hafði Dag-
mar Una fengið sér fáeinum dögum
fyrr, um leið og línuskautana.
Henni þótti nauðsynlegt að eignast
hvort tveggja í einu, upp á stemmn-
inguna í skautaferðum. „Reyndar
er þetta bara í annað skiptið sem ég
fer á skautana. Kærastinn minn fór
með mér í gær og kenndi mér
grundvallaratriðin. Svo var ég send
ein af stað í dag,“ sagði Dagmar
Una brött og virtist standa sig vel.
„Ég er búin að detta einu sinni. Það
þyrftu að vera til rasspúðar við
þetta,“ sagði hún hlæjandi. Þegar
aftur var vikið að græjunum, sagði
hún spilarann einstaklega léttan
og þægilegan og geyma þrjátíu lög
í einu.
Og syngurðu með?
„Jaá, ég raula svona með það sem
ég kann,“ svaraði hún um hæl.
Markús Örn Antonsson: Getur endursagt fréttaskýringar
BBC af ótrúlegri nákvæmni.
Helgi Skúli Kjartansson: Varar sig á því að forheimsk-
ast á hlaupum.
MORGUNBLAÐIÐ FÖSTUDAGUR 25. JÚLÍ 2003 B 7
Acidophilus
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
Fyrir meltingu
og maga.
Ertu á leið í fríið?
FRÁ
Tilboð á Eau Vitamine 50 ml ilmi kr. 1.960.
Sumarsmellur Biotherm
Ef þú kaupir tvær vörur frá
Biotherm,
getur þú valið þér eina
af þessum
fallegu sumartöskum
Vertu
jákvæð!
EAU VITAMINE
orkugefandi og endurnærandi ilmur fyrir
sál og líkama
r f i r r i il r f rir
l lí
Hittumst á www.biotherm.com
Útsölustaðir: Snyrtivöruverslunin Glæsibæ, Hygea Kringlunni, Hygea Laugavegi, Lyf og heilsa Kringlunni,
Lyf og heilsa Austurveri, Lyf og heilsa Mjódd, Andorra Hafnarfirði, Bylgjan Kópavogi, Hygea Smáralind,
Fína Mosfellsbæ, Bjarg Akranesi, Konur & menn Ísafirði, Lyf og heilsa Selfossi.
Laugavegi 63, sími 551 4422
Sumar-
kápur
og
jakkar
50%
afsláttur
Soyjamjólk
með höfrum
Alvöru heilsudrykkur
Heilsubúðin Njálsgötu - Lyfjaval
Vöruval Vestmannaeyja
Samvinna systra: Hanna Stefánsdóttir og Elín Jónína Ólafsdóttir reka Húfur sem hlæja.
DAGLEGT LÍF