Morgunblaðið - 28.07.2003, Blaðsíða 7
FRÉTTIR
MORGUNBLAÐIÐ MÁNUDAGUR 28. JÚLÍ 2003 7
ÞAÐ er ekki rétta lausnin að tví-
breikka Reykjanesbrautina og
frekar ætti að leggja peningana í
að bæta umferðaröryggi með
ódýrari leiðum víðar í nágrenni
höfuðborgarinnar, að mati læknis
á bráðamóttöku Landspítala – há-
skólasjúkrahúsi í Fossvogi.
Kristín Sigurðardóttir, slysa- og
bráðalæknir á Landspítala Foss-
vogi, segir að þar sem peningar
séu takmarkaðir sé nauðsynlegt að
nýta þá sem best, og þá sé ekki
endilega besti kosturinn að tví-
breikka Reykjanesbrautina alla
leið til Keflavíkur.
Hún segir að þess í stað hefði
átt að skoða betur möguleikann á
því að leggja svokallaða 2+1 vegi
með aðskildum akstursstefnum.
Miðað við kostnað Svía við slíka
vegi má áætla að kostnaður við
slíka vegi yrði um þriðjungur af
kostnaði við tvíbreikkun Reykja-
nesbrautarinnar. Því hefði mátt
nota þá upphæð sem eyrnamerkt
er þeirri framkvæmd til að leggja
2+1 vegi frá Hafnarfirði til Kefla-
víkur og frá Reykjavík til Hval-
fjarðar annars vegar og Selfoss
hins vegar.
„Það ætti að byrja á þessu á öll-
um stöðunum, ég trúi því að það
mundi fækka slysum mikið,“ segir
Kristín. „Fyrir þessa peninga
mætti koma í veg fyrir mun fleiri
slys heldur en við erum að gera.“
Hinir svonefndu 2+1 vegir eru
með eina akrein í hvora átt og er
þriðja akreinin á milli hinna þar
sem skiptast á kaflar fyrir hvora
átt þar sem hægt er að taka fram-
úr. Í Svíþjóð og Noregi eru 2+1
vegirnir kaflaskiptir þannig að það
skiptast á um 1,3 til 1,5 km kaflar
þar sem er ein akrein og ekki
hægt að komast framúr og jafn-
langir kaflar með tveimur akrein-
um þar sem hægt er að taka fram-
úr.
„Svíar og Norðmenn eru mjög
ánægðir og telja að þetta hafi
fækkað alvarlegum slysum geysi-
mikið,“ segir Rögnvaldur Jónsson,
sem er í Rannsóknarráði umferð-
armála og er fyrrum formaður
ráðsins.
Svíar hafa mikla reynslu af 2+1
vegum og hafa þegar lagt um 800
km af vegum með þessu fyrir-
komulagi, segir Rögnvaldur. Norð-
menn eru einnig farnir að nota
svipað fyrirkomulag. Báðir eru
með þetta á leiðum með jafnmikla
eða meiri umferð en er á helstu
vegum í nágrenni Reykjavíkur.
Ekkert vandamál tengt umferðar-
teppum hefur komið upp á þessum
vegum í nágrannalöndunum.
Helmingur banaslysa
vegna framúraksturs
„Tæplega helmingurinn af bana-
slysunum sem urðu í umferðinni í
fyrra var framanáakstur og það
mun verða til staðar þar til akst-
ursstefnur eru aðskildar,“ segir
Kristín. Tvöföldun Reykjanes-
brautarinnar mun vissulega draga
úr slysum vegna framúraksturs,
segir hún, en óttast að aukinn
hraði á brautinni þýði alvarlegri
slys. „Vissulega væri þægilegt að
vera með veginn tvöfaldan, en mér
finnst það í raun ekki rétta lausn-
in. Það eru víða götur erlendis þar
sem er ekki meiri umferð en hjá
okkur og þeir komast ágætlega af
án þess að hafa tvíbreitt.“
Rögnvaldur, sem situr í Rann-
sóknarnefnd umferðarslysa, segir
að nefndin hafi komist að raun um
að um 70% banaslysa í umferðinni
verða í 50 km radíus út frá höf-
uðborginni. Með því að aðskilja
akstursstefnu á þessum vegum
gætum við þannig komið í veg fyr-
ir allt að 70% af banalsysum í um-
ferðinni, segir Rögnvaldur.
Jónas Snæbjörnsson, umdæmis-
stjóri Vegagerðarinnar á Reykja-
nesi, segir að þegar ákvörðun um
að tvíbreikka Reykjanesbrautina
var tekin hafi ekki verið komin
jafnmikil reynsla á 2+1 vegi með
aðskildum akstursstefnum og nú
er raunin: „Ég tel hugsanlegt að ef
menn væru að taka ákvörðun um
þetta í dag myndu þeir velja 2+1.
Það er orðið of seint núna, í öllu
falli fyrir þann kafla sem nú er
verið að leggja, og ég á ekki von á
því að þessu verði breytt á seinni
helmingnum á brautinni.“ Frekar
kemur til greina að mati Jónasar
að leggja 2+1 vegi til Selfoss eða
upp í Hvalfjörð.
Þeir sem lifa af gleymast
Kristín segir að stundum vilji
gleymast að fyrir hvern einn sem
deyr í slysum almennt megi áætla
að tíu séu slasaðir, og þrír af þeim
séu varanlega skaddaðir á einn eða
annan hátt það sem eftir er ævinn-
ar. „Miðað við það að það eru um
20 til 30 manns á ári sem láta lífið
í umferðarslysum þá eru 60 til 90
sem sitja eftir með varanleg ör-
kuml. Þessi hópur gleymist oft.“
Kristín segir allt of mikið um
agaleysi og óþolinmæði í íslenskri
umferðarmenningu. Miðað við
kostnað við tvíbreikkun Reykja-
nesbrautarinnar, sem er um 125
milljónir á hvern kílómetra, er
mjög ódýrt að halda uppi öflugri
löggæslu við brautina. Hún segir
að gróft áætlað mundi það kosta
lögregluna um 50 milljónir á ári að
vera alltaf með einn bíl með tveim-
ur lögreglumönnum við eftirlit á
brautinni. „Miðað við tæknina sem
er til mætti lækka þá upphæð
verulega með til dæmis mynda-
vélum og gíra umferðarhraðan nið-
ur. Ef sektargreiðslurnar rynnu til
lögreglunnar myndu þær væntan-
lega duga til að halda uppi kostn-
aði við aukna löggæslu.“
Læknir á bráðadeild telur að peningum sem fara í breikkun
Reykjanesbrautar sé betur varið í öryggismál annars staðar
Hægt að auka öryggi mun
víðar með sama tilkostnaði
Morgunblaðið/Ómar