Morgunblaðið - 28.07.2003, Page 1

2003
MÁNUDAGUR 28. JÚLÍ BLAÐ B
B L A Ð A L L R A L A N D S M A N N A
DORTMUND HEFUR ÁHUGA Á JÓHANNESI KARLI GUÐJÓNSSYNI / B3
BRYNJAR Björn Gunnarsson, landsliðsmaður í
knattspyrnu, sagði í gær að hann hefði ekki enn
sest niður með forráðamönnum enska 1. deild-
arliðsins Nottingham Forest til þess að ræða
samningsgerð en Brynjar hefur æft með liðinu
undanfarna daga. „Ég fer á æfingu á morgun (í
dag) og það verður síðasta æfingin hjá mér á
þessum reynslutíma. Forráðamenn liðsins munu
síðan gefa sér tíma í síðar í vikunni um hvert
framhaldið verður og ég hef því ekki hugmynd
um hvort mér verður boðinn samningur,“ sagði
Brynjar Björn. „Það er óvissuástand sem bíður
mín og ef ekkert verður úr þessu með Forest
verð ég að gera aðrar áætlanir. Það er ekkert
planað í vikunni um heimsóknir í önnur lið þar
sem ég ætla að klára þetta verkefni með Forest
og sjá til hvað verður,“ bætti Brynjar Björn við.
Óvissuástand
hjá Brynjari
Jean-Patrick Nazon frá Frakk-landi vann síðustu sérleiðina
en sérleiðirnar voru alls 20. Arm-
strong, sem er 31 árs gamall og
keppir fyrir US Postal-liðið, sagði
við fjölmiðla að hann myndi mæta
til leiks að ári til þess að verja tit-
ilinn. „Ég er þreyttur en ánægður
og þessi keppni er sú erfiðasta
sem ég hef tekið þátt á mínum
ferli. En ég mun örugglega mæta
til leiks á næsta ári til þess að
bæta við sjötta titlinum í safnið,“
sagði Armstrong.
Ýmis önnur verðlaun voru af-
hent í gær að loknum síðasta
keppnisdeginum. Frakkinn Rich-
ard Virenque var kosinn „konung-
ur fjallanna“. Besti ungi keppend-
inn kom frá Rússlandi, Denis
Menchov. Alexandre Vinokourov
frá Kasakstan var sagður vera
ákafasti keppandinn en CSC-liðið
frá Danmörku var besta liðið að
þessu sinni.
Armstrong bætti því við að hann
vildi leggja áherslu á það hann
væri fyrsti sigurvegarinn á þessu
móti sem hafi barist við krabba-
mein. „Í raun skiptir engu máli
hve oft ég hef unnið á þessu móti.
Það sem mestu skiptir er að ég hef
sigrast á krabbameinsæxlum sem
voru á heila, í lungum og í eista.
Vonandi verður árangurinn hvatn-
ing fyrir þá sem glíma við sama
sjúkdóm og lagði mig næstum að
velli,“ sagði Armstrong.
Lance Armstrong kom í mark á
83 klukkustundum, 41 mínútu og
12 sekúndum. Annar varð Jan Ull-
rich frá Þýskalandi, 1,01 mínútu á
eftir Armstrong.
Þriðji varð Alexander Vinokurov
frá Kasakstan, 4,14 mínútum á eft-
ir Armstrong.
Armstrong að hlið Indurain
LANCE Armstrong skráði nafn sitt í sögubækurnar í gær þegar
hann tryggði sér sigur í Frakklandshjólreiðakeppninni, Tour de
France, fimmta árið í röð. Aðeins Spánverjinn Miguel Indurain getur
státað sig af álíka árangri en hann vann í keppninni fimm ár í röð,
fyrst árið 1991 og síðast árið 1995. Þeir Jacques Anquetil, Eddy
Merckx og Bernard Hinault hafa allir unnið fimm sinnum í þessari
keppni en þeir náðu ekki að vinna fimm ár í röð líkt og Armstrong og
Indurain.
KNATTSPYRNULIÐ
Skagamanna varð fyrir
miklu áfalli um helgina
þegar ljóst var að Grétar
Rafn Steinsson, miðvall-
arleikmaður liðsins, er
með slitið krossband í hné
og rifinn liðþófa. Hann
mun því ekki leika meira
með liðinu á þessari leik-
tíð. Grétar, sem er 21 árs
gamall, meiddist í sig-
urleik gegn Þrótti á
fimmtudag.
„Nú taka við sex til átta
mánuðir af endurhæfingu.
Ég er staðráðinn í að koma
tvíefldur til baka. Ég hef
aðgang að mjög hæfum
lækni og svo er séð vel um
mig hér á Akranesi. Þann-
ig að ég hef engar áhyggj-
ur af þessu og lít á þessi
meiðsli aðeins sem enn eitt
fjallið til að klífa,“ sagði
Grétar Rafn Steinsson, í
samtali við Morgunblaðið
en hann vonast til þess að
fara í aðgerð á hnénu eftir
eina til tvær vikur.
Ólafur Þórðarson, þjálf-
ari Skagmanna og ung-
mennalandsliðs Íslands,
sagði að vissulega væru
meiðsli Grétars gífurlegt
áfall fyrir bæði fyrir ÍA og
ungmennalandsliðið en
„maður kemur í manns
stað“ eins og Ólafur orðaði
það í samtali við Morgun-
blaðið.
Grétar
Rafn er
með slitið
kross-
band
KYLFINGARNIR Birgir Leifur
Hafþórsson, GKG, og Ragnhildur
Sigurðardóttir, GR, létu ljós sitt
skína í Vestmannaeyjum á Íslands-
mótinu í höggleik þar sem þau
fögnuðu Íslandsmeistaratitli í sín-
um flokki. Birgir Leifur vann Ís-
landsmótið í Eyjum árið 1996 í
fyrsta sinn og bætti öðrum titli sín-
um í safnið á sama stað sjö árum
síðar. Ragnhildur hefur tvívegis áð-
ur unnið á Íslandsmóti en hún setti
glæsilegt vallarmet á þriðja keppn-
isdegi mótsins.
Morgunblaðið/Sigfús Gunnar Guðmundsson
Efst á palli
í Eyjum