Morgunblaðið - 28.07.2003, Blaðsíða 2

ÍÞRÓTTIR
2 B MÁNUDAGUR 28. JÚLÍ 2003 MORGUNBLAÐIÐ
EYJÓLFUR Sverrisson skoraði eitt
marka Herthu Berlín í kveðjuleik hans
og Michaels Preetz gegn tyrkneska lið-
inu Galatarasay í Berlín í dag en leikn-
um lauk með sigri heimamanna, 4:1.
Eyjólfur skoraði þriðja mark Herthu
eftir undirbúning Preetz en rúmlega
20 þúsund áhorfendur voru á leiknum.
Eyjólfur hefur enn ekki gert upp
hug sinn hvað varðar knattspyrnuiðk-
un sína á Íslandi en hann hefur verið
orðaður við Fylki, Grindavík og KR.
Landsliðsþjálfararnir Ásgeir Sig-
urvinsson og Logi Ólafsson hafa rætt
margoft við Eyjólf á undanförnum vik-
um og lýst yfir áhuga á því að hann
leiki með íslenska liðinu gegn Fær-
eyjum og tvívegis gegn Þjóðverjum í
haust en Eyjólfur hefur enn ekki svar-
að því kalli.
Eyjólfur skoraði
í kveðjuleiknum
Eyjólfur Sverrisson
ÉG missti taktinn og þá sérstaklega
við flatirnar,“ sagði Sigurpáll Geir
Sveinsson, fráfarandi Íslandsmeist-
ari, svekktur í lok fjórða dags Ís-
landsmótsins. „Ég var að missa
högg með þrípútti og þess háttar og
var að missa boltann ýmist til hægri
eða vinstri og þegar Birgir Leifur
gaf eftir var algjör synd að ná ekki
að setja meiri pressu á hann og það
hefði verið gaman að hafa þetta
jafnt á lokaholunum.“ Sigurpáll
sagði að vissulega hafi opnast tæki-
færi fyrir hann á lokadeginum en
hann hafi ekki náð að nýta sér þau.
„Ég fékk tækifærin í dag en náði
ekki að nýta þau, það var kominn
full mikill munur hérna eftir fyrri
níu holurnar, sex högg, en svo kem-
ur hann inn á fjörutíu höggum
seinni níu og ég hefði þurft að vera
einn til tvo undir á seinni en ég var
ekki að slá nærri því eða pútta til
þess að ná slíku skori.“ Sigurpáll
var grimmur á flötunum og nánast
undantekningarlaust fór hann tals-
vert framyfir holuna ef hann hitti
ekki. „Ég púttaði grimmt og ákveð-
ið en yfirleitt púttaði ég of ákveðið,
boltinn náði ekki að leka í brotið og
þá fara þær ekki í. Kannski voru
mistök hjá mér að vera svona
ákveðinn í púttunum, kannski átti
ég bara að halda mínu striki þar en
ég ákvað að sækja svolítið grimmt
en það gekk bara engan veginn.“
Hann sagði þó að þegar öllu væri á
botninn hvolft gæti hann unað sinni
stöðu í öðru sæti nokkuð vel. Ég get
verið sæmilega sáttur við niður-
stöðuna þótt það hafi verið gremju-
legt að vita að maður átti séns á síð-
asta degi en náði ekki að nýta það,
það er nokkuð sem maður vill forð-
ast.“
„Missti taktinn“
Sigurpáll Geir Sveinsson
Það var helst vallarstjórinn semvar að hrella kylfinga enda
höfðu brautirnar verið þrengdar og
röffið var þungt og
auðvelt að týna bolt-
um. Þetta gerði það
að verkum að spilið
gekk hægar og ekki
óalgengt að menn væru að skila sér í
hús á rúmum fimm klukkustundum.
Þátttaka í mótinu olli vonbrigðum
en aðeins 98 kylfingar skráðu sig til
leiks í karlaflokki en í fyrra komust
færri að en vildu en hámarksþátt-
taka er 150 keppendur. Í kvenna-
flokki voru aðeins átján keppendur.
Mótshald gekk vel fyrir sig og fengu
forsvarsmenn Golfklúbbs Vest-
mannaeyja góðar kveðjur frá forseta
GSÍ, Júlíusi Rafnssyni, í mótslok.
Eftir tvo daga hafði Birgir Leifur
þriggja högga forystu á Magnús
Lárusson, stórefnilegan kylfing úr
GKJ. Sigurpáll Geir Sveinsson, Ís-
landsmeistari í fyrra kom þar
skammt á eftir og fóru þeir þrír út á
þriðja degi. Magnús náði ekki að
fylgja eftir góðri spilamennsku
fyrstu tvo dagana og slæm byrjun á
þriðja degi kom honum um koll en
hann datt niður í fjórða sætið þrátt
fyrir góðan endasprett á hringnum,
tveir fuglar á tveimur síðustu hol-
unum og fimm yfir par í heildina.
Birgir Leifur aftur á móti byrjaði
gríðarlega vel og var kominn þrjá
undir par eftir fjórar holur og sam-
tals ellefu undir. Sigurpáll spilaði
fyrri níu á einu yfir pari og því var
munurinn á milli hans og Birgis sjö
högg þegar komið var á seinni níu
holur vallarins. Birgir Leifur tapaði
þá tveimur höggum á fyrstu þremur
holunum og alls fjórum höggum og
því munurinn þegar lagt var af stað í
síðasta hringinn aðeins þrjú högg og
allt gat gerst. Frábær byrjun Birgis
á lokahringnum lagði grunninn að
glæsilegum sigri en eftir fjórar hol-
ur var hann búinn að auka forskot
sitt í fimm högg og þegar síðasti
hringurinn var hálfnaður voru sex
högg á milli hans og Sigurpáls.
Mestu munaði þar um Birgir Leifur
fékk fugl á áttundu sem alla jafna er
ein auðveldasta hola vallarins en
Sigurpáll fékk skolla. Hann fékk svo
gullið tækifæri til að saxa á forskot
Birgis Leifs á tíundu og elleftu holu
en náði ekki að nýta sér það og virt-
ist það fara saman það sem eftir lifði
leiks að ef Birgir Leifur var að
klúðra þá gerði Sigurpáll slíkt hið
sama. Birgir Leifur var með örugga
forystu til enda en þegar á leið
hringinn magnaðist baráttan um
annað sætið en Örn Ævar Hjartar-
son sótti hart að Sigurpáli og munaði
aðeins einu höggi á þeim frá tólftu til
átjándu en Örn Ævar náði ekki að
jafna Sigurpál og endaði því í þriðja
sæti. Er þetta í annað skiptið sem
Birgir Leifur Hafþórsson verður Ís-
landsmeistari en síðast var það 1996
einmitt í Vestmannaeyjum.
Birgir ætlar að reyna sig
á bandarísku mótaröðinni
Birgir Leifur Hafþórsson hefur
látið það vera að taka þátt í Íslands-
móti síðan hann sigraði síðast í Vest-
mannaeyjum árið 1996, nú mætti
hann til leiks á ný og það var ekki að
sökum að spyrja, öruggur sigurveg-
ari, eftir glæsilegt og mjög stöðuga
spilamennsku alla fjóra dagana sigr-
aði Birgir Leifur Hafþórsson með
fimm högga forystu eftir að hafa
gefið lítillega eftir á lokaholunum.
Birgir Leifur var eini kylfingurinn á
Íslandsmótinu sem sigraði á skori
undir pari vallarins. Hann sagðist
himinlifandi með titilinn og að loka-
hringurinn hafi verið nokkuð þægi-
legur hjá sér. „Ég byrjaði mjög vel
og náði sex högga forystu eftir fyrri
níu, þá var þetta orðið nokkuð þægi-
legt. Svo fór reyndar aðeins að halla
undan fæti en við vorum báðir að
klúðra, ég og Siggi Palli (Sigurpáll
Geir Sveinsson), þannig að munur-
inn hélst. Þetta var svo orðið nokkuð
þægilegt í restina og ég var orðinn
heldur afslappaður í lokin og má
kannski segja að aðeins hafi vantað
upp á einbeitinguna á lokaholunum.“
Birgir segist kunna vel við sig á vell-
inum í Eyjum, enda sýni árangurinn
það. „Ég kann mjög vel við mig í
Vestmannaeyjum, enda hálfur Eyja-
maður og fæ alltaf hlýjar móttökur
þegar ég kem hingað. Ég á mikið af
ættingjum hérna og það hjálpar
til, það er gaman að finna hlýja
strauma.“ Aðspurður um fram-
haldið sagði Birgir Leifur að allt
væri óráðið með það en staðfesti
að hann væri að hugsa um að
reyna fyrir sér á bandarísku móta-
röðinni. „Mig hefur lengi langað að
prófa og hef verið að hugsa um
þetta alvarlega, ég held að golfið
mitt henti vel í bandarísku móta-
röðinni en það verður bara að
koma í ljós, maður veit alla vega
ekkert fyrr en maður prófar,“
sagði nýkrýndur Íslandsmeistari í
golfi, Birgir Leifur Hafþórsson.
Birgir Leifur Hafþórsson og Ragnhildur Sigurðardóttir fögnuðu titlinum á ný eftir langa bið
Morgunblaðið/Sigfús G. Guðmundsson
Birgir Leifur Hafþórsson, GKG, var í efsta sæti eftir 18 holur
og leit aldrei um öxl sér eftir það.
MÖNNUM ber saman um það að frábærar aðstæður, erfiður völlur
og ótrúlega gott veður hafi einkennt mjög vel heppnað Íslandsmót í
höggleik sem haldið var í Vestmannaeyjum. Það leit ekkert of vel út
með veðrið framan af vikunni en veðrið spilar stóran þátt á golfvell-
inum í Eyjum og því ekkert óeðlilegt við það að menn hefðu áhyggj-
ur. Þær reyndust svo ástæðulausar, enda blíðskaparveður alla fjóra
keppnisdagana og Birgir Leifur Hafþórsson úr GKG og Ragnhildur
Sigurðardóttir GR stóðu sig best í baráttunni við völlinn og hvítu
kúluna. Birgir fagnaði sigri á ný eftir sjö ára bið og Ragnhildur Sig-
urðardóttir eftir fimm ára hlé, en bæði unnu þau Íslandsmeist-
aratitla síðast í Vestmannaeyjum, Birgir árið 1996 og Ragnhildur
árið 1998.
Sigursveinn
Þórðarson
skrifar
Meistararnir
kunna vel
við sig í Eyjum
HALLGRÍMUR Júlíusson,
faðir Júlíusar Hallgrímssonar
kylfings úr Eyjum ákvað á
sjöundu braut að leysa kylfu-
svein sonar síns af og dreif sig
í vesti þar að lútandi til að allt
væri nú löglegt. Júlíus var þá
löngu lagður af stað og Hall-
grímur flýtti sér á eftir honum
með settið. Ottó Sigurðsson
kylfingur úr GKG horfði
skrýtnum svip á eftir Hall-
grími þar sem hann stóð og
beið eftir að fá að slá en kall-
aði svo á hann og benti honum
á að hann væri með settið sitt
en ekki Júlíusar. Vakti þetta
kátínu viðstaddra og kannski
sérstaklega í ljósi þess að poki
Ottós er svartur á lit en poki
Júlíusar hvítur.
Hallgrímur
„stal“ sett-
inu af Ottó